潮苑餐廳 (已結業)

我幾乎隔日都幫襯佢買早餐外賣通粉初頭都ok，點知越來越爛好似糊仔無牙都食到強調初時吾係咁，我買完外賣基本上係超快食，因為響附近轉食米粉啦，都吾錯點知呢2次都俾d咁既野我！！！米粉變米粉碎！熟客仔你都俾d咁既野我！無生熟！初時都係幾好嫁，點解最近2次係俾米粉碎？！筷子都夾吾到！你下次應該俾隻羹我用！

平日下午5點幾，去開香港仔，諗住求其搵間茶餐廳食下午茶，叫左一個常餐及乾炒牛河，常餐「羅宋湯餐肉蜆殼粉+奄列及多士」，無咩羅宋湯味，個奄列係成餐下午茶最食得落嘅，個多士好硬到個乾炒牛河，牛肉係我食過最難食嘅一間，個牛河賣相唔差，但係好難食。講返服務態度，啱啱落完單無耐，初頭想改嘢，等阿姐經過就同佢講左句：「唔該姐姐」都未講其他嘢，阿姐望都唔望，一句好唔客氣咁話：「等陣啦，落左單呀」我都未講咩事，可能我想加嘢呢… 一直等，等到阿姐同其他伙記傾閒計都唔理我雖然我知茶餐廳係咁上下，但都望下客人係咪有嘢要啦，下午茶時間又唔係忙，得三枱客，寧願傾計都唔顧下其他客人...

店名：潮苑餐廳地址：香港仔東勝道地下好味指數：7.2／10價錢：$26沙嗲牛肉麵配腸仔煎蛋厚多士凍咖啡（凍飲+3）沙嗲牛肉濃而惹味，牛肉嫩滑，麵爽滑。本想把麵改成米粉，店員卻說要加$2。厚多士鬆脆。咖啡一般。不只是蜆殼粉退步，連凍咖啡也是。以前我來這裡吃早餐的目的是為了喝咖啡，這裡的咖啡奶味比較濃，而且咖啡味香。但今天喝完後有點失望，可能是沖茶師傅換了的關係，那種味道不再回復。店名：潮苑餐廳地址：香港仔東勝道地下好味指數：7／10價錢：$25蕃茄濃湯排骨蜆殼粉配火腿炒蛋厚多士凍咖啡（凍飲+3）記得以前的蕃茄濃湯排骨蜆殼粉湯底十分濃郁，現在卻退步了，但仍鮮甜，只是沒有這麼濃味。蜆殼粉質感可以，排骨較“鞋“厚多士鬆脆。咖啡一般。不只是蜆殼粉退步，連凍咖啡也是。以前我來這裡吃早餐的目的是為了喝咖啡，這裡的咖啡奶味比較濃，而且咖啡味香。但今天喝完後有點失望，可能是沖茶師傅換了的關係，那種味道不再回復。

今日趕時間過蒲台島,早開茶餐廳香港仔唔多,呢間有蕃茄通粉,當然要去食,蕃茄薯仔湯應該是原煲煮成,但不太夠味,排骨夠諗,好大碗跟餐多士夠厚,蛋都煎得幾香,但腸仔改成芝華力腸就麻麻,友人的奶醬都ok唔錯大2個餐加埋50元正,十分低食

星期日中午, 我地二人嚟到呢間茶餐廳食飯, 我地都係叫常餐, 基本上應好快煮好.....但落完單等左差不多15分鐘, 我地啲食物都未到, 但隔離枱比我地遲落單, 而又係常餐的, 竟然先有...我地就向其中一位淺啡色短頭髮的侍應阿姐問: ［ 我地份常餐等左好耐, 人地遲過我地都有....］點知阿姐的回應: ［ 我跟廚房d單出, 點知Je...］跟住我地就叫佢問下廚房, 因為我地坐近水吧位附近, 我地見佢行埋水吧度, 係咁依望一望入面, 再回應我地:［ 問左啦，你地等下啦.....］當時佢的態度好差, 仲大聲重覆講:[ 你地咪等下囉, 我點知, 我又唔係廚房d人, 我點知點解你d食物會咁遲...]因為佢的大聲程度, 令其他人都望住我地, 我地好似受緊佢氣咁, 我地好嬲...於是我地就忍唔住出聲: [ 你而家咩野態度?]佢仲大大聲:[ 唔係咩野態度, 而係我點知Je...] 然係不停咁be li ba la....我地就問: 佢仲繼續細細聲不停講 我地呢一刻好火滚, 就話:[ 我地嚟俾錢食野, 係咪仲要睇你面色? ]阿姐回答: [ 你地d錢又唔係俾我, 俾我老闆咋....我跟單出, 你問我都

呢間茶餐廳的服務態度真係好唔掂, 出餐時間耐, 明明只係叫個常餐, 都係多士炒蛋加個湯粉, 又幾難煮?? 可以等足廿分鐘, d侍應態度又麻麻, 尤其係染金毛個阿姐, 黑口黑面, 好似欠左佢咁, 沒禮貎, 叫佢檢討下啦!!!

與友人飯聚,要了個晚餐,牛肝菌汁雞扒飯,紅湯頗淡,嚐不出味道;雞扒尚可接受,肉軟有味,汁伴飯也見不錯;奶茶尚算可接受,茶香奶滑;友人要了西多士,他最早先來到先點菜,但到我吃完整頓飯也沒來到,超過半小時也沒完成,最後友人忍無可忍,待我把茶喝完便憤而離開,實在太差了...

唔係愚人節既笑話...D野食都係茶記既野食...焗飯係幾好食...不過今次我要提既係外賣....送外賣個阿伯連一蚊都呃...我呢兩日叫左兩次外賣, 我兩次都有問接電話個女仔幾錢...個阿伯送到上來, 第一次多左兩蚊55蚊阿伯同我講57蚊, 第二次多左一蚊51蚊就變左52蚊...我兩次都要出口同佢講, 接電話果個同我講左幾錢...佢先話聽錯左...第二次D 口氣仲好似講到我話幾錢就幾錢咁...我先頂唔順放POST...洗唔洗考慮下放返張單入個外賣到...我本來預備左5蚊Tips...不過佢咁都呃...我就唔想俾佢喇...

星期日, 細佬同我兩個都唔駛返工, 於是乎一齊落街去食早餐。 朝早十點幾,去潮苑餐廳食早餐竟然唔駛等位, 真係好好彩,仲要坐到卡位。今日棄食平日食的火腿鮑魚絲通粉, 改食番茄薯仔排骨蜆殼粉配熱檸檬水。細佬就叫左特選三拼湯麵餐, 要豬排配午香肉丁蜆殼粉配凍奶茶。今次的番茄薯仔排骨蜆殼粉的蜆殼粉煮得口岩口岩好, 番茄湯底味道未算濃郁, 不過不失。唯一係d排骨少左d, 少返D薯仔,多返D排骨好D囉。熱檸檬水無咩檸檬味。跟餐塊火腿應該係完全無煎過, 多士烘得唔錯。 碗豬排配午香肉丁蜆殼粉, 無咩送OR份量小, 豬扒亦好細塊，加埋我比隻雞蛋.至於杯凍奶茶, 奶太多。

今次第一次試食這店，但只可以給西蘭花抄雞柳：一些好咸一些沒有味的滑蛋叉燒抄蝦仁：又是沒有味的我和老公一邊食一邊話很差例湯都ok，不確有下味精服務員笑容很好，走時都有說再見good冷氣大到見到噴霧的

三月上旬．好大霧晨咁早來到東勝道，原來附近吃早餐的地方都不多，現在才知中環其實是美食天堂。在平排幾間餐廳中選了這裡，只是因為早餐餐牌上的A餐有個蕃茄湯螺絲粉，比較吸引。先來的茄湯式螺絲粉，味道還算幾有「茄」味，不能苛求是真正的蕃茄薯仔排骨湯 ~ 雖然佢有舊舊薯仔、骨及肉粒。炒蛋不鬆軟，火腿未煎過，凍凍的。獨是那塊厚多士烘得不錯，脆口好吃。熱咖啡一般，埋單21元，在幾間香港仔茶記吃早餐，水準都不及中環的，除了收費以外。

之前睇過li度既食評, 好多都話li度既卡位唔好坐果然.....雖然我又唔覺得真係好唔舒服但卡位有此size實在係寧願坐圓檯好過.....一行2人叫左焗肉醬意粉及茶餐焗肉醬意粉佢拎上檯果時仲係有泡泡出緊即係好熱果d, 亦見到佢真係焗過既但意粉似乎煮/浸得太耐, 條意粉肥嘟嘟既~茶餐加$2轉左法包其實亦即係一般既蒜蓉包, 但真係唔係好抵, 因為比厚多士細塊, 而且亦唔見得特別好食~如果lunch時間早去既話都仲可以搵到位既...但遲去就冇位啦~衛生方面真係要扣分, 因為食食下竟然有隻小小強行左上去椅背度........嚇死我.........

家人去了大家樂試新食物，我不甘又吃連鎖店了，自己一個跑了出來到此檔茶記來個晚膳，此處是街坊格局，但也是越來越潮的，又有卡座，又有電視機，競爭真的越來越大了。先望一望餐牌，有很多食物的類別呢！有炒粉麵飯、碟頭飯、焗飯、燴意粉、沙律，甚至於鐵板餐也有，說真的，又不知道此店子最馳名的是什麼，也隨心而叫吧。今天想吃的是有炒粉麵，見到有涼瓜排骨炒河，夏天悶熱，吃涼瓜真的一流，但又不想吃那麼多紅肉，因為近期已經吃得太多了，見到有斑腩，但是也只有豉椒斑腩炒河，樣樣只有一半的，最後把心一橫，問問店員可否做到一碟涼瓜斑腩炒河呢？幸運的是店員的回答是可以，真的高興，有時想吃的東西吃得到，有得吃已經很開心，另外再加了杯熱奶茶，沒有跟餐價是十一元一杯，不便宜，但也是想喝，也沒有辦法。過了不久，炒河也來了，是非常之熱騰騰的，吃炒炒粉麵，夠熱即炒也立於不敗之地了，而且看起來涼瓜及斑腩也夠多，粉底也夠厚，心想一定夠飽的了，先夾起一條粉一看，啊的一聲，原來忘記了着店員要兜勻粉及餸，真冇記性，但也要吃的，免得叫店員如星爺般兜勻我碟粉就不用吃了。河粉是粗身的用來炒的那一種，口感當然沒有用來放湯的滑，但若那些河粉用來炒的話

早餐17文，唔算貴。有豬柳漢堡、煙肉、炒蛋、厚多士、熱奶茶，聼落好似好多嘢食，但查實份量好少，炒蛋可能只係得半隻蛋，連蓋住塊多士都好勉強。重有，啲嘢食好油。塊多士都係，搽咗好多牛油，但係又唔脆又唔香，好似一早烘定o甘。總之，食到一嘴都係油。同意其他食評所寫，卡位的而且確好窄，坐得唔舒服。

同附個間麵食係同一公司,好老實,真係服左佢d座位設計,就算卡座都係覺得迫,坐到好唔舒服!坐底睇睇有咩食,都未開始睇,個位waiter哥哥即刻問幾次,好似催命符咁!到你仲未up得出,塊面就開始「上色」,黑蚊蚊咁!講到食物,三十幾蚊雞有扒餐交易,算係好街坊,個日叫左個焗鰻魚飯,不過我自己口味唔中意太甜醬汁,飯就ok,認真講,我不如去翠華,貴多佢十零蚊,服務同食物都好得多!最怕俾錢仲要受氣,非必要唔會再幫襯!