潮豐潮洲牛肉店

營業中

休息中

店前琳瑯滿目、色彩繽紛的魚飯、炒蜆、韮菜豬紅、田螺、大豆芽豆卜，還有吊掛在一起的滷鵝、紅腸、墨魚等，打冷小菜款式多樣，無不叫人選擇困難。可惜畫面只停留在兒時的潮式打冷店，隨著年月消逝，現今打冷店似乎大大收窄了打冷小菜的款式，備有七、八款已算是了不起！也許打冷小菜製作費時，利錢又不高，租金高企、空間被局限等，相信都是種種令打冷文化被打壓的原因！每次經過，「潮豐」的熱鬧場面總教老公和我產生光顧的衝動，除一家正店外，「潮豐」在對面還增了一個小舖位，繁忙時間小舖位總有客人在裡頭，客人再多時或是大伙兒，正店轉彎處行人路上擺放的幾張大檯，一定坐無虛席！當晚我們帶著好奇來到「潮豐」，走到正舖後，被指示到對面的小舖，坐下來便研究餐牌是指定動作！不管新舊菜式，例牌的心水打冷小菜必定會選上，例如鹹菜門鱔！鹹菜不會浸得太淡口，餘下的鹹度配飯或潮洲粥一定不錯！至於門鱔，不會有難於接受的魚腥，尤其我倆也是愛魚之人，魚肉亦沒有霉感，感覺還好吧！第二道是春菜煲，亦是預製、後翻熱的經典潮州菜。春菜軟腍適中、非常入味，份量不少，只是春菜的菜香很淡，大概未屆最佳的時令吧！最失敗是我，在餐牌發現一道狗肚烙，便好性要來一試！

行完街，朋友推介 呢間 街坊 打冷店，因為呢度d小菜 ，有鑊氣又抵食。仲要坐喺出面摺抬摺櫈食，真係好有細時大排檔既feel. 椒鹽九肚魚，好味，好乾身唔油，滷水拼盤，份量都幾多，啱唒喜歡啤啤佢既朋友。

那晚到跟家人到元朗逛年宵市場後，肚子餓了，心想吃甚麼好? 突然好想吃久違了的蠔餅，到元朗附近找找，踫上了這間潮式大排擋，見多客光顧，應該不俗吧。看看餐牌，其實唔算平，但價格合理，三個潮菜，其實份量十足，大大碟的大排檔量，特別是蠔餅，例牌的份量也不少，絕對夠三個人吃。先談蠔餅，係食到有加薯粉和鴨蛋的，表面香脆，食到中心會有蛋香的煙韌口感，加了鴨蛋更有蛋香，蠔仔雖然唔係珍珠蠔，但蠔夠多，令蠔餅每口都滲著蠔味香和鮮，其實不用蘸魚露，也十分好吃，我和老公叫了大喜力，啤啤佢，啤酒也不貴!再談鹵水雜拼，不是我吃過最好，叫合格，我覺得鹵水味大咸，香味不足，特別是生腸又咸又苦，其他墨魚，生腸，豬腸則尚可，但根正宗的潮式鹵水尚有點距離。至於韮菜炒咸肉，是潮式的農家小炒，咸魚咸香惹味，韮菜好嫩，食落帶甜，佐潮洲粥，一流也

打冷唔一定貴嘅😎👩🏻餓妹子媽好想食鹵水打冷，話成日去元朗經過呢間都見到好多人排隊就想試下。今日就一於陪下佢啦！😚·打冷必點：🦢金牌鹵鵝 ~$90 🤩鹵水汁香濃，色澤靚，熬得入味！鵝件份量亦多，加埋豆腐墊底吸晒d精華，正！抵食！👍🏻好味！點埋蒜泥醋，升級享受！😎Marinated goose 🦢is the must-order dish when you go to a Chaozhou restaurant. With the toufu underneath absorbing all the essence, Gogogo and try!🙆🏻‍♀️·🐷大豆芽豬紅 ~$55👩🏻餓妹子特登轉咗大豆芽，爽口d！豬紅係重點！🤤一咬即流汁！好入味！點忍！👀重點係碟🌶️辣椒油！夠辣！點豬紅一流！Pig blood curd which name might sound unacceptable😅, but it is really tasty and juicy! 😋With the soybean buds at the bottom absorbing all the essence ag

呢個大雜錦點食都食唔哂😐4個人食，唔知點解，食極都未見底！推介大家約朋友一齊黎挑戰一下🥘材料有生蠔，蟹柳，芝士腸，魚蛋，豬肉丸，牛丸，生菜，粉絲，海蝦，冬菇，雞蛋🥚豬頸肉，肥牛，魷魚🦑牛柏葉，魚皮餃，粟米，通菜等！數到食唔哂🍡🥟🍤

今日跟元朗人聚舊，不禁想起名氣高的打冷，潮豐。由於只有兩個人兩個口，可以點的菜種類不多，但難得週末聚舊，也盡情地來了個打冷放題。先吃碗蠔仔粥，綿綿的粥底配上大大顆蠔仔。例牌的韮菜豬紅。豬紅新鮮爽滑，大顆大顆的。豉椒炒蜆，數量不少，蠻大顆的，炒得夠香口，不會有沙。椒鹽三炒。只有兩個口的我們實在太幸福，能叫嚐到鮮魷，九肚魚和豆腐。每樣都炸得香脆入味，給滿分。再來個炒豆苗。清菜一解油氣，而且油不得，十分適合注重健康的我們。打冷的店很多，元朗的水準一向不差，非常值得大家的支持和欣賞。

今次我哋黎到元朗嘅打冷平時已經想食但太多人等位今次見佢少啲人 所以就試下😋避風塘炒蜆 好好味 但好辣 😫😫😫滷水鵝翼 都多肉 味道一般小炒王 👍🏻👍🏻👍🏻好香口 好有鑊氣 而且佢啲料好足 推介價格都唔貴 可惜得二個人食 如果唔係 可以試多啲野食我會再黎🤗🤗🤗

Weekend dinner 行過想食潮洲菜就隨便入左間，七點時分都滿晒座，兩個人叫左三樣菜,包括鵝片拼豬腩肉(啲肉有啲韌,個人麻麻),避風塘炒鮮魷(炒得好香，好食，係辣左少少)同金銀蛋煮菜苗(幾好食),再配兩支啤酒，好麻甩😂😂

一行五人到元郎潮豐食打冷，門外已經擺放着很多潮洲小食，好香好吸引，我地就點了一碗熱騰騰豬紅韮菜，潮洲拼盤及蠔仔粥，粥裏面有好多配料，好野味，份量都算多，好正宗的潮州菜

晚上在元朗附近找了好久，本想吃大肚腩，但去到發現已經轉了鋪，就轉了目的地前去去潮豐。去到整間餐廳都滿座了，被迫坐在近廁所的那台。挑菜的時間雨愈下愈大，所以要求更換座位。幸運地有一圍客人剛好離去，才不用林雨。餐牌內有好多選擇，但畢竟是以潮州面聞名和起家，所以我們也選了幾款獻卤味。先有韮菜豬紅，味道非常好，熱滕滕的令人食指大動！然後叫了卤水拼盤，也相當不錯，大碟好食。最後叫了一窩蠔仔粥，有蠔又有魷魚，肉碎也不少，十分足料抵食。

元朗一向都有好多打冷鋪，依間可以話夠貼地。除咗食打冷，仲可以打邊爐。食打冷一定要叫炸蠔餅，依間嘅蠔餅夠大件，夠脆，啖啖都有蠔仔，唔會淨係得麵粉，如果唔中意食油膩野就唔好叫~ 仲有一定要叫蠔仔粥，其實唔係真係粥，而係泡飯，調味適中，配埋蠔餅可以解膩，令人引唔住食多幾碗。滷水什拼，好夠滷水味，而且有好多種野食，例如鵝腸墨魚片豬大腸紅腸芽菜等等。韭菜豬紅，味道同平時一樣，不過勝在夠多。啫啫雞煲，夠猛火，好入味。沙拉骨，略厭太多沙拉醬，搞到好膩，不過鑊氣唔錯。

已第三次食過呢間小炒店小炒店通常環境都係一般係炒嘅分量多與否 好唔好味個人覺得呢間比起元朗廣場底下幾間較為抵食 分量較多亦容易搵位今次叫左三碟美食必叫蠔餅！分量多之餘 亦脆皮可口蠔餅(小)$55剛上枱時熱辣辣十分脆口份量大大件抵食性價比十足蛋漿鬆軟入口鬆化蠔仔粒粒大大粒極度推介！！豉椒炒蜆$70這道小菜黎大排檔必試夠鑊氣味道亦濃芡汁唔會一patpat送飯一流蜆數量比一般大排擋多推介！滷水鵝件拼鵝腸 $100剛上枱時滷水汁係底熱辣辣鵝件入味美中不足係肉質比較實鵝腸煙煙韌韌入味啖啖大件滷水豆腐托底食得濃味既朋友可點白醋/辣醬有另外既感覺

📢秋風起🍂深宵街頭打冷➖➖➖➖➖➖➖➖➖➖➖➖➖➖➖➖➖➖男小編同同學打完羽毛球比賽，夜媽媽返到元朗唔知食乜好😆行過見到有得打冷就坐低左😍#珍珠蠔仔粥 ($75)😋好味指數：(7.5/10)蠔仔粥超大碗，大約可以分到8碗，同朋友仔share就最過癮😍飲落去粥水唔算太稀，而且都幾鮮甜🤓👍🏼重點係碗粥有超多蠔仔係裡面，而且又唔會話好細粒🤤#煎潮州蠔餅 ($55)😋好味指數：(6/10)蠔餅既份量都好大，食落去又唔會話好多粉😳不過蠔仔既份量就吾算多，而且炸得唔算脆😫#滷水什拼 ($88)😋好味指數：(7/10)滷水什拼份量超多，分別有紅腸、腎、大腸、生腸、豬耳等等😝而且啲滷水味都幾濃😍另外啲什拼都十分之入味😆重點係點埋辣椒油一齊食就更加好食🤓💕

潮豐本身就食潮州打冷野既~但係因為呢個邊爐併盤真係太抵,所以基本黎親潮豐都係打邊爐!呢日叫左個雙併湯底,爭扎左好耐叫細併定大併好...細$308, 大$358姐姐都話只係爭50, 所以基本上都係叫大既客人多D~不過之前有經驗3-4個人都食唔晒個細, 最後都係叫左個細唔知係份量少左定係胃口好左呢,今日竟然食得晒個細! 仲另外加左其他餸呢!!(另外叫左脆鯇, 雞子, 同埋....唔記得左XD)飲左幾次啤酒~ 埋單6百幾~ 4個人食除番都係160左右~依家去任食都要咁上下價錢...講番個細併, 有蝦,有菇, 雜丸, 栗米, 粉絲, 菜, 尤魚, 鵝腸, 仲有睇落超級假既蟹柳....味道整體都唔錯啦~~推介莞茜皮蛋湯底, 因為D皮蛋好好味!!

每次行經元朗掃街，行到最後B仔涼粉必經之路一定都會經過潮豐打冷，都已經有幾次想試試，無奈掃街後實在食唔落😂今次就專程跟朋友到此一嘗，幸好當日並非假日，不算太多人，聽說星期六日要等半個鐘以上～一黎就叫左一堆打冷必選～蠔仔粥、炸蠔餅、鹵水鵝片、韭菜豬紅、椒鹽鮮魷如果你又唔想食飯，又唔想白粥咁清淡，一鍋粥幾個人分都係唔錯選擇～潮豐既蠔仔粥，清甜、係非食蠔季節，仍算新鮮，最重要係無沙，口感不錯。炸蠔餅雖偏鹹，唔建議直接食，但係廚師落足料，見唔見到粒粒蠔仔，而唔係用麵粉係度欺騙顧客，絕對值得一👍！爽口豬紅！新鮮鵝片，鹵水味濃，佳～重口味！但係配粥一流～