潮軒打冷小菜粉麵

營業中

休息中

晚市小菜打冷，樣樣有，炒粉麵飯粥，多到你吾信，麻辣雞煲，醉雞煲，打邊爐，真正潮式打冷，水吧枱面各種打冷食物，時令海鮮，奄仔蟹，牙帶魚，烏頭，大眼雞，生醃蝦，炒蟹，鵝翼，鵝掌，鵝肝，鵝頭，多不勝數！日日食，每道菜食叫一次，一個月都食吾完，利害

晚餐輕輕叫左個飯再點左啲餸，好好味，豬扒 & 豆腐 都脆卜卜，飯🍚又可以飽肚，琵琶豆腐加埋個汁，豆腐都仲脆卜卜，仲有估唔到個蒜蓉炒菜心都有fresh 既感覺，菜心清新甜甜的喲～～💞有下次😋😋🤤椒鹽豬扒飯琵琶豆腐蒜蓉炒菜心

全香港最好食嘅沙嗲牛麵講返個沙爹牛，牛肉不似一般茶記醃到淋晒冇咬口冇牛味，呢間有牛味之餘有咬口，沙爹牛係乾身，由於水吧係開放式，見到水吧員工將沙爹牛肉先放落扒爐煎香，另一邊煮出前一丁，睇到咁有誠意，我忍唔住大叫一聲加多隻蛋（沙爹牛麵加煎蛋是常識）凍冰冰日子下午茶整碗香港特式好食既沙爹牛麵，一流，價格45蚊跟炒蛋腸加多士熱飲差唔多但味道係遠超45蚊價值一碗好既沙爹牛吾易整，吾洗瓦煲又8,90蚊整色整水都可以好好味，係香港人既口味，推介

鹹魚雞粒炒飯配料有生菜，雞粒，鹹魚，蛋，蔥粒，餸都算多，鹹魚夠香炒飯，飯入口夠煙韌，有咬口，粒粒分明，每粒飯均沒有黏在一起，食落仲夠晒鑊氣之餘又吾油膩，仲有辣椒醬提供❤️

全香港最好食嘅沙嗲牛麵講返個沙爹牛，牛肉不似一般茶記醃到淋晒冇咬口冇牛味，呢間有牛味之餘有咬口，沙爹牛係乾身，由於水吧係開放式，見到水吧員工將沙爹牛肉先放落扒爐煎香，另一邊煮出前一丁，睇到咁有誠意，我忍唔住大叫一聲加多隻蛋（沙爹牛麵加煎蛋是常識）凍冰冰日子下午茶整碗香港特式好食既沙爹牛麵，一流，價格45蚊跟炒蛋腸加多士熱飲差唔多但味道係遠超45蚊價值一碗好既沙爹牛吾易整，吾洗瓦煲又8,90蚊整色整水都可以好好味，係香港人既口味，推介

經過見到午市開返，試咗個慢煮鴨片套餐，老公就試咗個家鄉三寶套餐，鴨片好嫩，唔駛醬汁都夠滷水味。撈麵無梘水味，問咗先知原來係用蝦子麵👍好食！跟咗一個沙茶辣椒油，勁惹味，不過就真係好辣😂 仲有油菜一碟，勁豐富。老公個三寶套餐有韮菜蛋，腩肉，仲有炸魚，一樣係勁抵食之選，個韮菜蛋就淡少少，主要食原味，腩肉勁淋超入味！炸魚仔好香口！午市仲有其他是日之選，見到人地叫海南雞飯套餐同啲籠仔蒸飯麵係大大份，好抵食咁，下次會再試試👍另外，見佢下午茶啲套餐都幾抵食，下次會再返嚟幫襯！

過咗9點last order時間，都無乜得揀架啦！來食潮州小菜打冷，梗係嗌翻個滷水鵝片鵝腸雙拼配啤酒🍻都不錯吃😋再來個薑蔥魚腩煲，正正子😋不過呢個就明顯唔係腩位，至多係薑蔥魚煲！至於金銀蛋白菜仔就都吃得人嘅～個人認為，經過就腳可以吃吓嘅，冇特登過嚟食嘅必要。對衛生環境方面有要求嘅人士，就要考慮一下啦😅實話實說，碗筷真係幾污糟，摸上手油淋淋🥶不過有提供熱茶可以自己洗～📍潮軒打冷小菜粉麵 沙田勵城花園3號地舖

外賣炸大腸。配菜菠蘿極度酸宿。慘不忍睹。打開盒已經聞到浸酸宿味。食壞人。炸大腸冇味,好似橡筋。未見過咁難食嘅菠蘿,外表望落去已經係蒼白色,唔係黃色。都唔知擺咗喺廚房幾耐,定係浸過水。

第一次幫襯這店，感覺滿意。這店的午餐還包括了熱飲一杯，頗為化算。～豉椒排骨炒河賣相不錯，份量亦不少。河粉不會嚡口，炒得不會油腻。豉椒汁惹味，配料如洋蔥、青紅椒和豆豉夠爽口。汁液醬味道適中，不會過鹹。排骨肉不算多，但有咬口。河粉掛上汁料來吃，味道不錯。～枝竹涼瓜火腩飯材料豐富，有枝竹，又有涼瓜，再加埋火腩，真能滿足幾個願望。火腩肥瘦分明，非常入味。枝竹涼瓜掛上惹味汁醬，非常好餸飯，令人不覺地吃掉整個飯。飯後來一杯熱飯，真令人感到滿足。

今天幫架車入完油後,路經這間打冷店,因太久沒有吃仔粥,所以決定外賣了一碗仔粥及韭菜豬紅回家吃.回家後,滿心歡喜地打開碗仔粥,粥的份量還可以.跟住先攪一攪碗粥,再嘗試撈起一些仔,怎知道一大碗粥裡面,只有幾隻很細小的仔,認真非常失望,而且味道又偏咸,完全没有仔粥的香味和感覺,比起我在旺角吃開的那間,實在相差十萬九千丈遠....至於碗韭菜豬紅,那些韭菜就有些老,豬紅味道尚算可以,但每食一啖,都覺得滿口都有些油膩...實在令人太失望了,所以絕對不會再幫襯了!

今日呢，同女朋友離沙田麗豪酒店隔離呢，晚上食宵夜，我哋就叫咗一個潮州蠔餅，跟住就係豬腸定鵝片，再加碗白粥。夜晚十點幾哩度，人山人海，好似去咗旺角咁樣嘅餐餐餐廳。好多人喺度食嘢特別是係潮州佬，潮州妹。我諗住原先叫個雞粥嘅不過我女朋友唔食，所以呢，我就轉食白粥啦。呢度都坐到100人嘅出邊，有幾張枱啊有啲人喺度出邊出出下個良方食下嘢。今日啲鵝腸同埋鵝片唔知佢水準係點樣呢，誒蠔餅就係，最容易知道嗰間潮州鋪頭好唔好食嘎。埋單200幾蚊到啦，都算合理。

河畔舊街坊，成日掛著返黎呢頭開餐。原本想試下日本菜同台灣菜，要等好多張枱。最後黎呢間開左好多年既新潮軒食打冷。花多眼亂，樣樣都想食，所以先叫個滷水鵝肉拼 盤，有好多滷水配料，鵝肉吾鞋又吾會太咸。有墨魚，鵝腸，豬腸，豬頸肉，豬耳，鴨腎，紅腸，滷水蛋，仲有芽菜底。煎蠔餅炸得好香脆乾身。蚊鳳爪，豬手都好林。韭菜豬紅都幾好。潮洲粥同陽洲炒飯就麻麻地。我地叫左兩個白飯好耐未到，當然問下啦，點知個阿姐睇下張單，大大聲咁問我地食左幾多個飯，咁即係話我地呃佢兩個白飯呀😤

食打冷咁耐都未食過咁難食嘅打冷，鹵水鵝片:鵝片放底啲豆腐竟然係酸嘅，相信已經變壞左，證明佢對食物嘅存放好唔注意， 韭菜豬紅:得面頭嗰幾嚿係正常底嗰啲全部散曬，鵝腸拼墨魚: 鹵水汁有顏色但冇味， 方魚肉碎粥 :啱曬鍾意食清清地嘅人 因為真係夠曬清 ，好似水撈粥，一間專門做打冷生意嘅店舖連鹵水汁都做得唔好，幫襯過嘅人 我相信都好難會再幫襯， 唯一值得讚賞就係公眾假期晚飯時段唔需要排隊入座 ,如果對以上問题都對覺得冇問題嘅可以一試

絕對是令人失望的一間餐廳，店內幾乎善用每一個空間擺放餐枱，甚至要背貼背的甚至要背貼背的錯坐。點了一個西炒飯，份量不足之餘，溫度亦不能算熱，點奶茶來來了咖啡。店員喜愛在餐廳內大叫溝通，令人想很快離開。

今晚一於落街食，好耐冇打冷就去尋食吓先呢度除左打冷，還有小菜點，好多款式，而且睇價錢唔算好貴，但得兩個人叫唔到太多，費事做大嘥鬼，只係叫左：鵝片拼盤、潮州煎蠔餅和馬拉盞通菜。當d小菜送來時，賣相吸引而且好大碟份量十足急不及待試吓味道先：鵝片拼盤：都幾多種類，好似有（鵝片、鵝腸、豬頸肉、鹵水蛋、豬大腸、生腸、紅腸、墨魚、鴨腎、豬耳、芽菜和豆po）鹵水都幾好味，入口幾硬，而且好多都煮唔腍潮州煎蠔餅：蠔仔唔夠多，但味道幾好，入口幾脆馬拉盞通菜：唔夠惹味，冇乜馬拉盞味，太多菜梗冇乜菜葉有d硬如用煲仔或沙窩上保持個熱度會更好。今晚呢餐味道一般，只可以講價錢適中份量足，但唔味美