潮軒打冷小菜粉麵 (已結業)

經過見到午市開返，試咗個慢煮鴨片套餐，老公就試咗個家鄉三寶套餐，鴨片好嫩，唔駛醬汁都夠滷水味。撈麵無梘水味，問咗先知原來係用蝦子麵👍好食！跟咗一個沙茶辣椒油，勁惹味，不過就真係好辣😂 仲有油菜一碟，勁豐富。老公個三寶套餐有韮菜蛋，腩肉，仲有炸魚，一樣係勁抵食之選，個韮菜蛋就淡少少，主要食原味，腩肉勁淋超入味！炸魚仔好香口！午市仲有其他是日之選，見到人地叫海南雞飯套餐同啲籠仔蒸飯麵係大大份，好抵食咁，下次會再試試👍另外，見佢下午茶啲套餐都幾抵食，下次會再返嚟幫襯！