潮食地

營業中

休息中

朋友喺附近返工，今日去開呢頭做嘢順便同佢食個飯！見到呢間餐廳好新淨，原來新開張，於是就試下啦！午餐都有幾多選擇，最後我同朋友分別左左西冷牛扒配薯菜同埋肉醬意粉！午餐menu會包括例湯及飲品，今日既中式例湯係霸王花，都幾足料朋友叫果個西冷牛扒配薯菜賣相都唔錯，肉香幾香，質素都okay , 性價比高！另外肉醬意粉都焗得唔錯！好多芝士係上面，醬汁好夠，意粉份量都幾多整體黎講價錢合理，服務幾好！可以返轉頭幫襯！

長沙灣新開左一間新式嘅茶餐廳，見到幾多人食，於是同朋友入咗去試吓。一人一叫咗一個餐，佢叫咗一個豬扒蛋蔥油飯我叫咗一個牛扒加薯菜！首先要讚一讚個豬扒蛋蔥油飯，$62來講幾值得喎，佢哋茶餐廳嘅豬扒蛋蔥油飯幾唔錯！真係勁大塊！！另外仲有啲沙律菜喺側邊，加埋送個蔥油都幾香，加埋飯一齊食好飽。而個牛扒薯菜就覺得正正常常，但稍為覺得牛扒有啲韌。茶餐廳來講裝收幾新潮，啲菜式款式偏向西餐。另外，見到下午茶仲有得食藜麥沙律同埋墨西哥卷，估你唔到而家茶餐廳仲有啲幾健康嘅選擇！！

荔枝角商廈眾多，但要搵間打卡餐廳作為飯堂的話，下下要去D2都唔係辦法😂呢晚上堂之前就搵左呢間新鋪試試，門面光鮮亮麗，是長沙灣道多年少有的餐廳門面。店內裝修同座位細節都要一讚，每個座位無論卡位同單椅都有sofa墊。店員簡單介紹晚飯小菜款式，兩個人share三個餸食個豐富晚餐。套餐小菜每人包碗中式餐湯👏咖喱牛筋坑腩 $88推介:⭐️⭐️⭐️⭐️⭐️暖暖嘅煲仔菜上檯出場，做到色香味推介👏牛筋同牛坑腩兩款放到滿滿的一性價比十分高，加埋茶記原味道的咖哩汁，送飯一流!牛筋膠質彈口吸引，牛坑腩軟熟炆得夠哂林😋客家咸香雞(例) $68推介:⭐️⭐️⭐️⭐️例牌咸香雞大約有半隻滑雞，配搭雞臂做配菜，驚喜雞件下還有雪菜，本身雞有咸香味道稍有咸味，再加埋薑蓉整碟就變得色彩繽紛，同屬幾有誠意嘅一款小菜。金沙黃金四季豆 $68推介:⭐️⭐️⭐️⭐️⭐️值得一叫嘅邪惡脆炸菜款，平時食上海黃金四季豆比較濕潤，而呢款黄金豆有其大排檔酥炸外脆內爽嘅口感，蛋黄脆粉令四季豆條條分明，好味之選。黑牛&西班牙咖啡 $28 & $30推介:⭐️⭐️⭐️⭐️餐廳有多款特飲選擇，難得有黑牛同西班牙咖啡，夠哂特別，大杯解渴，用懷舊喇叭杯裝盛，誠意加分。整體新開業餐廳的食

今日係荔枝角接朋友收工，行過見到呢間潮食地Chill Cafe 晚餐餐牌係有各種唔同嘅炒麵、炒飯，當中都有小菜叫 價錢都好合理我哋睇完個餐牌之後，叫左三樣餸，有兩碗中湯，兩杯嘢飲客家咸香雞呢個雞就正啦！雞肉好嫩滑、咸香味係好重食呢個咸香雞，最啱配埋暖暖嘅白飯一齊食冰鎮咕嚕肉不嬲都好中意食咕嚕肉嘅我，菠蘿🍍係唔少得架啦！最緊要係冰鎮，不但開胃，而且賣相靚！用黎打卡簡直一流 配埋黑牛、雪糕紅豆冰，可以話係冰鎮3重擊茄子炒豆角既然又有肉又有雞，點少得菜呢 茄子炒豆角就係一啲經典嘅家常便飯嘅菜式！食完之後，都有種係屋企食飯嘅温暖 飲埋兩碗湯，呢個世界係太美好啦店舖裝修：顔色鮮明，環境舒服員工服務態度良好，又有笑容大家都可以經開荔枝角，入去潮食地食下！真係潮食小菜集中地

周圍貢周圍食的我，今日又來到夠曬潮嘅潮食地。一間又光猛又坐得舒適嘅餐廳😊食反個午餐、嘆反杯咖啡☕️—————————-🟡蔥花叉燒炒滑蛋飯：叉燒確實又係幾軟熟，蛋亦都做得好滑溜，一個看似好簡單的叉燒蛋飯，要做得好味和出色就一D都唔簡單😝—————————🔴咖喱雞髀司華力腸飯：成隻大雞髀🍗、皮脆肉嫩，配合埋司華力腸足份量又抵食的配上特製咖喱🍛⋯⋯味道更是惹味⋯⋯😋—————————飲品：咖啡紅豆冰：平日想飲咖啡☕️、但有時又想食紅豆冰，而家又可以一次過滿足到我每日必喝咖啡☕️，又滿足到我想食紅豆冰的滋味😋估唔到杯咖啡比到我一個驚喜又濃郁芳香的昧道👍—————————特飲：茘枝梳打蜜：荔枝味清香撲鼻.加入梳打，涼透的心懭心怡感覺😊————————-食物味道大衆化.男女老幼都合適😊其實開心🥳⋯⋯簡單就在你身邊食..拍…寫已經成為我生活中的一部份鍾意食…鍾意拍…鍾意寫..留下美食回憶🥰—————————

潮食地！唔通係潮州野，錯錯錯係潮流既潮♥️裝修非常之亮麗新潮，粉綠色嘅座椅配搭粉紅色的牆，望見都舒服😌非常貼合潮食地依個名☺️荔枝角工廠區終於多一間坐得舒服嘅餐廳👍🏻👍🏻食晏又多一個選擇。門口寫住試業中睇menu大概係一間新式嘅茶餐廳，特色炒粉麵飯中餐西餐常餐特餐都會有！咖喱牛筋腩飯 $62擺盤比一般茶餐廳稍為精緻，就咁睇以為好小，但原來食得晒都會好飽！咖喱帶小小辣，食得出炒香左嘅配菜，但如果多番啲椰汁會香滑啲🤏🏻。牛腩同牛筋都數量都唔算小，而且有咬口之餘都唔會好un。秘製沙嗲牛肉麵常餐 $54沙嗲牛肉麵雖然係一樣好普通嘅嘢，但係唔一定間間都做得好味。呢度嘅沙嗲有好少好少嘅辣味，沙嗲味好香，唔會整到好甜，味道都好多濃。牛肉方面都好林身同埋唔會有怪味👍🏻。炒蛋都好滑，多士雖然軟熟但都算冇乜特別🤣。跟餐加$10就可以轉得飲㗎啦！咁梗係試吓有咩特別啦，我哋叫咗黑牛同埋白雪公主👸！黑牛大家都知係乜，白雪公主係咩呢🥰原來係好立克加cream 😄😄😄😄!

潮食地今日行開荔枝角買嘢，見到依間餐廳新開張，而且裝修都好有潮流嘅感覺所以就一定要試吓啦蔥油厚切豬扒煎蛋飯首先叫咗佢哋嘅招牌才是也是，佢哋嘅豬扒真係好厚，佔咗成塊碟嘅一大半，配上蔥油嘅香味，這塊豬扒煎上嚟唔會太過火，一個人絕對夠飽，呢個價錢可以食到咁真材實料， 10分難得荔枝角越來越多唔同嘅餐廳，餐廳提供左個性價比高嘅選擇，環境舒適唔錯佢哋人流都幾多，午餐嘅時候都絕對要排隊鍾意試新野嘅朋友一定要提早去

今晚跟同事收工後去左公司附近新開試業中既餐廳《潮食地》食晚餐，餐廳裝修都幾新穎幾chill，安排左我地坐卡位，十分舒服😌！我地點左2個dinner set！ 前菜有爽甜新鮮的田園沙律🥗或中湯；飲品就點左凍檸水&凍檸茶。香煎美國西冷牛扒意粉（配黑椒蘑菇汁）$168: 即叫即煎，所以要等10-15分鐘左右，食落口較有嚼勁，肉味較為濃郁，美味多汁，肉質較有彈性，配意粉一齊食十分夾！烤焗加拿大黑毛豬鞍薯菜配蘋果蓉 $148: 厚切加拿大黑毛豬肉質較鬆化，豬肉味也較香濃。口感油潤甘香，肉嫩多汁，味道遠勝一般普通豬扒！而且配薯菜十分特別，用焗紫薯、蕃薯、南瓜🎃，很軟腍香口食得健康！甜品（香芒杏仁片亞麻籽椰奶）：味道唔太甜，杏仁片很香脆，亞麻籽食起黎口感是QQ滑滑的，讓甜品也可以食得健康又美味！😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

以為荔枝角多工廈，餐廳沒有好選擇？已經有一段時間沒有來荔枝角，今日去羅氏大廈探朋友，發現荔枝角生機勃勃了不少，除了有工廈，還有很多的住宅及商店，感覺很年輕化。.朋友帶我去羅氏大廈地下的潮食地，顧名思義裝修特別很潮流，色彩繽紛設計活潑，裝修有品味，一點也不似在工廈林立的荔枝角呢。.潮食地有西餐/中餐，朋友早兩日前已經預約了私房菜-executive dinner，見到間有獨立空間，可以訂來做私人活動呢。.Executive dinner 豐富，有沙律、湯、主菜、甜品及飲品，價錢在$150-$200左右，性價比高。.餐湯是甘筍薑蜜忌廉湯 - 比一般甘筍湯更鮮甜，可能是加了薑蜜，香而不膩。蜜糖檸檬欖油藜麥沙律 - 賣相十分精緻，媲美高級西餐廳，材料豐富味道有層次。而且份量不吝嗇，令人好期待之後的主菜。.烤焗黑毛豬鞍配配蘋果蓉 - 黑毛豬鞍厚切，新鮮豐有肉汁。烤得剛剛好，香而嫩。加上蘋果果蓉，特別鮮香，與豬肉異常地夾。香煎美國西冷牛扒配紅酒汁 - 有8安士，牛扒好大塊，而且牛肉味香濃，8成熟左右，中間肉質粉嫩，伴上紅酒汁更滋味。而且配菜豐富，份量足，食到好飽飽。.甜品是杏仁片亞麻籽椰奶，香椰奶

位置於荔枝角地鐵站B1 出口，步行2分鐘便到達。交通非常方便。旁邊羅氏商業廣場有停車場、泊車非常方便。門口見到很多車較邊停，但有機會比交通警抄牌，大家要注一下。餐廳還未正式開業，現在是試業期間。今次私房菜老闆的朋友及股東宴請，特到来試一下。(老闆話以後都有私房菜给客戶電話定坐) 聽說話餐廳主廚是香港獅子銀行前大班主廚。退休後因為机機缘考合過來幇手出山打理。今次盛宴有很多驚喜，價格可能是酒店差不多，但時令食材和質數可以和同级星级酒店一樣，話不說太多，看圖片己經大约估到。賣店除了美味食材，今次凸點是酱料都是經過心思設計、當然以後餐廳還會提供酒類飲品 ( 老闆話都係非一般的好酒 ) 大家要留意問問.....特別、特別、特別 要講3次。最後上的甜品真係有點驚喜, 大家下次過嚟食一定要試 : 芒果亞麻籽椰奶.  聽老闆話, 因為太受歡迎, 所以午市，晚市都會提供给客人點食。另外如果大家在附近上班或者工作，老闆話試業期間有九折優惠给大家。