潮食地

營業中

休息中

睇完戲 路過 見裝潢光猛 食物選擇好似都幾多 價格相宜 所以就試－試叫左個泡菜餃子拼什果沙律 上枱貌似唔錯 可惜餃子餡 泡菜蓉來個架 食唔出泡菜味 只見韓式粉絲 沙律都係紅蘿蔔薯仔為主 無驚喜

📍潮食地 (荔枝角)荔枝角長沙灣道788號羅氏商業廣場地下B號舖🍄蘑菇例湯（附送）好足料，味道好濃郁，飲落唔好會好似飲緊水。起碼有少少口感，例湯做到咁樣真係好難得！ 🦪香煎蠔仔餅$108新鮮熱辣煎起，好多好多仔蠔，每一隻都好大粒，絕對唔係偷工減料。入口唔會成口都油， 好乾身。 🐗芥末沙拉骨$88份量多，大件同埋厚身， 醬汁好均勻，最緊要食落唔會好滯（好多時食2-3件就會停曬手食唔落） 🥬蝦醬炒通菜$68 好清淡，岩曬走開健康路線嘅小編！ 好入味，味道唔會好鹹（起碼食完唔會想即刻飲水）份量大碟！ 🍹加多兩杯特飲華田雪山 +$12朱古力雪山+$12兩杯野都有共通點，好多忌廉係面頭🤤🤤🔔總結： 工廠區附近有呢間咁抵食嘅餐廳，都幾值得介紹俾大家，環境好乾淨，燈光光猛，價錢絕對唔貴！ 地點⭐️⭐️⭐️⭐️ ⭐️味道⭐️⭐️⭐️⭐️⭐️環境⭐️⭐️⭐️⭐️⭐️服務態度⭐️⭐️⭐️⭐️（5星為最高分）

經過荔枝角地鐵站附近，肚餓想食個午餐或者午餐，見到呢間餐廳好闊落，報置都有啲心機，我再睇埋Menu可以揀一啲西式嘅嘢食，就入咗去試一試呢間餐廳乜都有得食，我叫咗個燒味雙拼飯，朋友叫咗個炒飯，再一齊叫咗個西式沙律，西式中式都試晒燒味雙拼飯叫咗叉燒同燒鴨，叉燒一啲都唔肥膩，好香口入味！燒鴨嘅皮都好脆，又吾會肥👍🏻Chill級炒飯炒得好香，啲飯一粒粒，有好多配料，份量十足喺呢度嘅特色炒飯之一！Chill級沙律三重奏有三文魚、鴨胸同埋薯仔，好特別嘅沙律拼盤，沙律同醬料都夾得幾好總結呢間幾啱食，下次會再嚟！

出左荔枝角B1出口，直行過咗馬路少少就到，門口放著好多餐牌介紹，中西咖喱日式燒味…好多選擇，實有一款啱你，午餐時間好多人等位，好受附近工作的朋友歡迎，見到餐廳員工做事麻利，好熟練將客人安排就座，唔會覺得等好耐，落單又快手，一個人嚟同一大班人嚟都安排妥當。南瓜忌廉湯，幾濃滑。餐湯有中湯和西湯。鍾意食辣唔鍾意食咁多肉我選M餐，喇沙是我最愛之一，好大碗，仲有鮮蝦兩大隻蝦，配料有蟹柳、豆卜、帆立貝仔、蝦、蟹柳冬菇絲、蜆肉和帆立貝..好多料😋食辣野梗係要配檬樂+$12

今日跟朋友相約吃個快午餐，她推介工作附近的一間港式茶餐廳，光顧了多次也滿意度高高的地鐵站B1出來才2分鐘便到達，遠遠已看見門外有人在排隊／看餐牌等入內稍等了一會便獲安排位置，餐廳內部大，枱數甚多但完全不擠迫，坐位設計感不錯，完全不像一般的茶餐廳中午有普通餐牌及午巿套餐可選擇，看到印上供應日期，原來還會不停轉餐單，更重要是價錢大眾化最快到達是飲品 : 港式奶茶茶味濃，奶味重，非常喜愛的配搭阿華田朋友說味道不太濃，下次可以糖走試試餐湯亦隨後便到 : 雜菇忌廉湯味道淡一點的，打碎的菇量多青紅蘿蔔瘦肉湯看圖便知非常足料，味道帶甜港式雜扒餐，配黑椒汁，薯菜真的懷念，整碟有牛扒，雞扒，豬扒，腸仔，煙肉，沙律菜 及 1小碗薯菜(紫薯，紅蘿蔔等) 若可以鐵板上更一流。黑椒汁味道不重，沾著吃罷整碟真的要捧腹離開，大滿足酸甜咕嚕肉除了酸甜汁多，咕嚕肉脆，菠蘿多外，其他洋蔥，紅椒青椒配料也多。把整碟白飯也拌勻汁來吃，帶點酸甜開胃得很呢由帶位，落單，上菜，收餐，結賬，都是不同服務員，全都有禮貌及勤快，這點真的真的要表揚一下

行過想買飯食，見到呢間d 野好似都ok,買左個燒味飯，難食到一個點，d 叉燒勁乾又瘦，咸香雞勁鞋，未食過d 燒味飯係咁難食，black list, 個餐已經唔平，竟然比d 咁既質素燒味客人，我唔求太好味，但都唔好咁離譜丫，成個燒味飯淨係食咸蛋，$60 就係食d 咁既野😡😡

呢間茶餐廳位置好易搵，荔枝角地鐵站一出行幾分鐘就到😁餐廳既位都幾闊落，坐得都算舒服。睇戲前黎呢度先食個晚餐，呢度原來中西式既野食都有，岩曬係揀食方面有唔同要求既朋友仔🤣咁多款實有一款岩你今晚同老公叫左兩個小菜，菠蘿咕嚕肉同黃金四季豆，老闆話黃金四季豆係招牌菜，所以就決定試試佢😋菠蘿咕嚕肉，咬落半肥瘦適中，外脆內軟唔會硬招牌金沙黃金四季豆，係用鹹蛋黃漿加四季頭一齊炸，咬落去先有鹹蛋黃既惹味，之後咬到四季豆就食到豆既甜味，好正😋鐘意鹹蛋黃既唔好錯過😂口感同味道唔錯。晚餐$70-80一個小菜套餐重加埋湯飲品同飯，真係好抵食，所以加左錢試埋一杯紅豆冰，紅豆夠甜同淋，正！附近工廠區番工既人睇黎都可當呢度係飯堂啦🤣

當日因為到明愛醫院複診，經過這間小店順便同朋友一齊醫肚，感覺唔錯食物吸引。鐵板西冷扒可選配女士喜愛的洋蔥汁😄首先肉汁鎖住冇得彈絕對是適合女士及一家大細，假日或情人節都可以一齊享用。西蘭扒選用澳洲特級牛扒，足足有手掌咁大，即使一塊西冷扒，其實兩位女士都絕對夠飽。冇得彈。配上佢哋嘅羅宋湯絕對相得益彰。我自己絕對喜愛佢哋嘅凍檸檬茶絕對係消脂而且唔太甜。我男朋友就係愛豆腐火腩飯，因為夠足料。餐廳位置鄰近地鐵站走過來5到6分鐘。衛生: *****服務: *****環境: *****

今日收早咗又唔想返去煮餐死😵‍💫，就去接老公收工食埋飯先返去😙。佢介紹咗呢間平時有食開lunch覺得幾好食嘅餐廳🍴呢間係中西餐廳，老公話平時成日食佢嘅西式所以今次我地試下佢嘅中式菜，我地本身都好鍾意食大排檔，估唔到呢到都有大檔排嘅菜式🤩因為老公係食肉獸所以我地叫咗兩個肉🥩 椒鹽豬扒同避風塘雞翼，炸完嘅豬扒都仲係好軟滑唔會好乾爭爭，夠哂濃味炸蒜又好香送飯一流，避風塘雞翼好惹味好有鑊氣，真係好似去咗大排檔咁👍🏻👍🏻👍🏻一個小菜🧆包咗一個白飯🍚，飲品🥤同埋例湯🫕份量都好足夠😌天氣凍咗下次會試下佢嘅羊腩煲😋😋😋

今日lunch time 放飯同同事唔知食乜好，見到有間茶餐廳望落去好似幾正就入左去試吓。入面環境都企理乾淨，坐位都闊落唔會坐到好迫。 職員即使喺lunch time 咁忙都唔會催你落單，同埋都好有禮貌，上菜速度又快，好適合啲想食個快飯嘅打工仔。蔥油豬扒蛋飯豬扒煎得好好同醃得好入味, 豬扒好淋無筋, 豬扒食落去都冇雪藏味, 配埋煎蛋嘅蛋黃汁同好香嘅蔥油非常送飯。滑蛋蝦仁飯滑蛋蝦仁飯嘅滑蛋份量好多，隻蛋煮得唔會太熟，食落去好嫩滑，食到中段都唔會變到好鞋口，蝦仁份量都好多，唔會得幾隻，配合埋豉油送飯真係好鬼正。熱奶茶，熱檸水熱奶茶夠香夠滑係水準以上！熱檸水佢哋用靚檸檬，浸耐咗都唔會有澀味，雖然係好基本嘅嘢飲，但係都唔係好多茶餐廳做到呢個水準。

概覽：唔係最低價位餐廳，但味道、服務令人滿意。用心製作食物。午餐食評：黑椒蘑茹汁肉眼扒配飯：肉眼扒質感、味道好，有肉汁，全塊扒生熟度均勻，讚！沙律菜有醋調味。中湯：夠熱，料足，好！凍朱：味濃，嗌少甜少冰好飲。飲管是環保貨（見圖），有心！收據：晚餐食評：西湯：味道一般，打茨質感。泰式肉碎生菜包：生菜份量算多，不要期望肉碎有泰式香料風味，肉碎有脂肪香。凍好立克：好立克粉不吝嗇，serve 時粉未完全溶解。嗌少甜少冰好飲。收據：

行行吓街，覺得有少少肚餓，又會攰地，想搵個地方坐低食少少嘢，於是黎呢間餐廳食吓😋😋😋😋😋薯條好大條，脆卜卜，最鍾意食波浪紋嘅薯條，加埋茄汁絕對係最佳拍檔😋😋😋😋

《荔枝角新派潮裝茶記cafe》黎到荔枝角睇完早場 幾肚餓見附近有間裝修賣相都幾潮幾特別嘅茶餐廳 於是就試下😎點知連食物質素都比一般茶記高質，性價比極高 充滿驚喜‼️_________________________🐥潮食地 Chill Cafe 🐥《蔥油厚切豬扒煎蛋飯🐷🍳🍚》同餐牌既相一模一樣‼️豬扒勁大塊！大過手掌✋😱厚得黎唔鞋唔韌！keep到一定既肉汁煎得唔錯蔥油都勁多！但唔會過咸勁香又好食💰$62《板燒極上西冷牛扒配黑椒汁及意粉🥩🍝》個餐黎到嚇親 午餐牛扒都咁大塊‼️又係大過手掌✋🏻仲要好粉嫩 keep到肉汁！意粉都唔會煮到淋晒 啱啱好👍🏻(對其他茶記果啲意粉有陰影🫣)$68真係好勁扺食！性價比完勝花園xx💰$68《雪糕紅豆冰🍨🫘》雪糕就普通雀巢雲呢拿味紅豆份量勝在夠多 啖淡都飲到👍🏻不過偏甜 如果可以嘅話建議少甜💰$12 (跟餐）《白雪公主👸》睇圖都唔知係咩😂飲落先知係好立克勁濃味！啲粉好似唔使錢咁落😂但同樣偏甜 建議少甜again💰$12 (跟餐）_________________________總結：真心又平又高質 性價比勁高 真係上班翻學既飯堂回頭率 :🐥🐥🐥🐥🐣/5

放左工過黎，係荔枝角等緊上堂，有時間慢慢食埋飯先，經過見到呢間潮食地，裡面好似坐得幾舒服。好，坐低睇下有咩好食先。忌廉湯，叫小菜晚飯，會送湯，白飯和熱飲，都幾抵食。雖然係例湯，個忌廉湯都唔錯，夠稠。沙拉豬扒，叫個香口啲嘅餸，食落都開胃啲，豬扒炸得好香脆，掛上沙律醬，夠juicy，仲要有好多件豬扒，啱晒大食嘅朋友。雪糕紅豆冰，好耐有飲過啦，超大杯，仲有海量紅豆，個雲呢拿雪糕好creamy好好味添呀！

荔枝角快餐林立，這間潮食地我幫襯幾次，茶餐不錯，今次和朋友吃小炒，有點意外驚喜小菜套餐形式，跟一碗白飯和可以免加錢熱飲，或加一點錢轉凍飲。 很久沒有吃話梅豬手，見菜牌有姑且試試。想不到分量大，而且豬手軟淋，甜甜酸酸的味道很不錯咕嚕肉一樣份量很足，就是酒樓食味，而且不會很細件，配一點菠蘿，傳統風味點了豆角茄子，原來是油爆的，落鹽比較重手些。套餐的白飯也很好吃，熱辣辣有米香。三個餐每人都只是八十元上下，很實惠