潮食地 (已結業)

呢日喺荔枝角開會，開完會之後肚仔餓，要搵嘢食，一個人有啲悶😅，記得有一個頗耐冇見嘅朋友喺呢頭返工，於是試吓搵佢有冇時間簡單食一餐😆，佢竟然又OK喎，咁就約咗佢去呢度食餐簡單晚飯兼傾吓計😆有一系列嘅「大排檔風味小炒」，我叫咗 $88 嘅「五香椒鹽豬扒🐷」，朋友就叫咗 $78 嘅「冬菜蒸或香煎原條馬友（要咗蒸）」，包「熱飲、白飯一碗及是日例湯」，我加 $12 轉 凍特飲「雪糕紅豆冰」，朋友就叫咗「熱檸水🍋」😋「五香椒鹽豬扒🐷」大大碟有好多件，分量充足，抵食，椒鹽煮法非常香口😋。「冬菜蒸原條馬友」肉質軟熟幾鮮甜，加埋冬菜落去一齊蒸，係幾好嘅配搭😋。例湯係「西洋菜湯」😊

講起九龍西，大家通常都會諗起深水埗，深水埗除咗有大型商場、雜價攤，仲有唔少地道美食。但喺佢隔離嘅荔枝角就好似成日俾人忽視，其實荔枝角都有唔少好嘢食，今次我哋就去咗一間潮食地，潮食地嘅選擇非常多，花多眼亂之下，我哋就叫咗啲小炒，味道唔錯！例湯茶餐廳嘅「例水」有中湯同西湯，今日中湯係菜乾湯，勁足料，味道濃郁，絕無味精；西湯係磨菇湯，每啖都有磨菇粒粒，又夠creamy！冰鎮咕嚕肉冰鎮咕嚕肉係潮食地嘅推介菜式，將熱辣辣嘅咕嚕肉放喺裝滿冰塊嘅容器上，令咕嚕肉迅速降溫，外冷內熱，而且外脆內軟，形成強烈對比。伴菜仲有菠蘿伴碟，酸酸甜甜，即刻令我想食多碗飯！金沙黃金四季豆一上枱就已經聞到濃香嘅鹹蛋黃味，勁邪惡啊！每條四季豆都被鹹蛋黃包住，非常香濃，每條四季豆都鹹香十足，炒得乾身，即刻又令我想食多碗飯！雪糕紅豆冰去港式茶餐廳又點可以錯過雪糕紅豆冰呢！一啖雪糕一啖紅豆，再配上香滑嘅椰汁，簡直透心涼！

朋友帶我黎chill下🥰🥰估唔到哩唔餐廳又真係又chill又多野食啵😘😘美國安格斯牛小排配日式飯素加流心蛋♥️ 牛小排是牛前胸肋骨部位肉，果然食落肉質鮮美滑嫩，而且油花分布好均勻😚燒一燒就食得啦，鮮嫩多汁，好有牛味，牛小排既大理石花紋好靚呀，估唔到喺呢間餐廳都食到咁高質嘅牛小排喔♥️美味的芝士焗豬扒飯，有濃郁的番茄醬汁，酥香的豬扒，還必須配上金黃的蛋炒飯，炒底是靈魂所在，仲有大量cheese😻😻飲品點嗌左柯華田正正😍😍

放工過了荔枝角做facial，做完facial都8點鐘，自己一個人百無聊賴周圍行，一個人又唔想坐低咁孤單食飯，所以就決定買外賣返屋企慢慢歎。這間潮食地有多款晚餐供應，無論炒粉麵飯、咖喱、焗飯、小菜都一應俱全，價錢都是$5-60起，還包飲品。瑞士汁炒牛河牛河即叫即炒，新鮮熱辣，河粉炒至每條都上色，十分均勻，而且河粉不會碎濕濕，十分乾爽有鑊氣，味道都不錯，咸甜度適中，牛肉有肉味，而且份量都很足，非常夠飽。

今日落荔枝角見客，剛剛好lunch time 就去揾好西食。 經過呢間“Chill Cafe”就比佢既門面所吸引，因為用了奪目的橙色作為招牌，還有佢既中文名“潮食地”都改得好啱我哋呢啲年青人！入到舖頭，佢裏面裝修得好新潮，以橙白藍綠為主，好 colorful 打咭都幾正！😁😁😁至於食物，我哋叫左2個餐……“ 鮮橙蜜汁燒豬肉眼扒”和客家炆豬肉，加左1個西1個中湯，兩杯飲品!鮮橙蜜汁豬肉眼扒飯： 攞埋嚟爭啲畀佢嚇死，兩塊大大塊嘅豬肉眼扒，比我隻手仲要大， 豬肉眼扒很淋身，有高級餐廳的品質，但茶記價錢，性價比高👍👍👍客家炆豬肉： 豬肉炆得很淋，很入味，有淡淡的南乳味！ 就是個芡汁比較杰了點，其它都不錯！😋😋😋另外，打開餐牌還有很多很吸引的小食和特飲，下次一定要來品嚐一下😁😍😘二人共吃了139元，平民價，高質素！

趁住放假約咗個friend嚟到荔枝角呢邊行街同埋食dinner,我哋揀咗地鐵站附近呢間茶餐廳,見到佢最近推出一人和牛肉石燒，感覺幾特別，就想嚟試吓～一人鐵板石燒一個餐只需要$130幾，就有石燒爐連埋新鮮嘅牛肉薄片，仲有溏心蛋同埋一碗飯～我哋可以自己燒牛肉薄片，和牛薄片好新鮮，雪花紋狀❄️燒住有好多肉汁彈出嚟，食落覺得好Juicy~溏心蛋切開一半有流心嘅效果，食落凍凍地，幾鍾意佢嘅流心蛋黃，和牛燒完配飯食，仲有佢嘅特製醬汁，好正！餐廳職員幾有禮貌～

呢日放工之後同屋企人去左荔枝角呢間茶餐廳食dinner，呢間茶餐廳既環境都幾好，光猛又乾淨。打開餐牌，見到呢度都有幾多選擇，晚市有好多唔同款既港式小炒，感覺好吸引。我地見到呢度新推出左一人前石燒，估唔到喺茶餐廳都有燒肉食，我地一人點左一份。呢個一人前餐入面有好靚既牛小排，望落去油脂分佈分明。石板夠哂熱，可以即燒即食，好正，不過燒既時候要小心啲，唔好掂到塊石。牛肉放上石板燒，勁香，食落去肉味濃。配埋加左飯素既飯同埋溏心蛋，正。

「禾是窮鬼whita 醉愛買抵野」🛖 潮食地 chill cafe📍荔枝角長沙灣道788號羅氏商業廣場地下B號舖💰 ～$80 @1位性價比:🐘🐘🐘🐘/5(窮鬼表示冇諗過茶餐廳竟然有得打卡！😍)行完D2 place 之後係附近揾野食🤤見到呢間餐廳好靚又可以打卡💗，最搞笑係原來係食茶餐廳嘅嘢食🤣即刻好想去試下~1. 雜扒飯（🐄🐖🐓）+例湯+凍奶茶無諗過雜扒飯有牛🐄！通常都係豬🐖雞🐓加腸仔~好surprise✨啲扒都係大過隻手掌🖐🏻！仲有煙肉，食肉獸一定滿足🥰2. 焗咖喱牛肋骨飯+凍好立克個頭上面有好多芝士🧀！仲可以拉到絲😍咖喱汁都好夠，撈到成個飯🎈牛肋條好多，食唔晒🫣佢個價錢同一般茶餐廳差唔多，又可以打卡~🥰經過可以一試！#荔枝角 #荔枝角美食 #潮食地 #性價比之選

鄰近 荔枝角 地鐵站, 長沙灣道 有一間...Chill Cafe 潮食地, 我們 行到累了,在這裏吃晚餐, 內裏的設計色彩繽紛, 地方闊落 舒適, 中式西式晚餐任君選擇, 我們order了兩款中式小炒菜, 價錢經濟實惠, 大大碟而且非常有鑊氣. 值得推薦畀大家。沙拉豬扒....HK$88 （ 包括白飯， 中湯或西湯 ，飲品）豬扒外脆內鬆軟， 每一塊包裹著沙拉汁 ，酸酸甜甜的， 而且 新鮮有咬口 ， 大大碟非常抵吃， 中式湯是...金銀菜豬肺湯. 足夠火喉的老火湯 ，清甜 好味, 而且熱騰騰的, 非常暖胃窩心.豉汁苦瓜炒牛肉.....HK$88 （ 包括白飯，中湯或西湯和飲品）苦瓜金香美味， 牛肉 新鮮 嫩滑 有咬口， 芡汁 惹味醒胃， 碟頭大大的，足夠 飽肚， 而且非常之有鑊氣， 經濟實惠又抵食。吃完還來了兩杯飲品....凍熱檸檬茶各一

與同事喺荔枝角開完會，去地鐵站途中見到呢間餐廳，都幾大間，啲嘢幾抵食，因為佢嘅晚市套餐價錢，真係等於我哋平時喺中環嘅午餐價錢，大家決定食埋先返屋企😆。同事點咗：🐷蔥油厚切豬扒煎蛋飯，🍋飲熱檸蜜同事要求多蔥油🌱，兩塊大大塊煎得香口嘅豬扒，加埋隻煎蛋，撈飯一流，朋友話食完大滿足。我就點咗：🐟冬菜蒸原條馬友，包餐湯🥣、白飯🍚、飲品☕️餐湯係紅蘿蔔🥕花生煲雞腳湯，我鍾意食魚，出面嘅餐廳一般都係蒸鯇魚，今晚見到有蒸原條馬友，真係唔錯，蒸魚豉油味道甜甜地，配埋嫩滑嘅魚肉，係我鍾意嘅味道，我就飲熱檸水。

前排同朋友經開荔枝角，就決定入呢間餐廳醫肚🤣🤣🤣🤣🤣🤣🤣🤣🤣🤣🤣🤣🤣🤣中式牛柳粒，牛肉食得出係靚野，加埋酸酸甜甜既菠蘿，超開胃😍😍😍😍😍😍😍😍😍😍😍😍😍😍😍😍啫啫雞煲，超級入味又惹味，岩曬送飯🤣🤣🤣🤣🤣🤣🤣🤣🤣🤣🤣🤣中湯清甜，飲得出無落味精🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰🥰

係荔枝角番工既好選擇，終於黎左食哩間啦，同事介紹左好耐既新開餐廳，今日好晏先食野，嗌左兩嗰set lunch，有湯又有飲品，要左紅湯😜係我喜歡既羅宋湯呀。我很喜歡吃咖哩牛筋腩，但烹調時間較長，又要花心機和時間，所以每次去到餐廳食飯都一定會嗌咖哩牛筋腩飯，炆到軟軟旳牛筋和牛腩，配上熱辣辣的白飯，伴著咖喱汁，簡直是人間一大享受♥️嗌左煎封馬友😜 煎魚兩邊煎封至金黃色，可以鎖住魚肉裏的魚汁，做到脆內嫩的效果，食落啖啖魚香😜調味也相當到位😊睇黎下次要試埋晚餐先得啦😜😜

早幾日做完嘢經過荔枝角，買兩份外賣午餐。呢間餐廳set lunch定期轉款，仲包埋熱飲同餐湯。佢哋嘅奶茶茶底好香，好啱我口味。🍽百里香紅酒洋蔥牛柳粒$64牛柳粒軟腍又入味，份量十分多。醬汁香甜，有少量蔬菜，亦有番茄酸味，味道十分開胃，撈飯/撈意粉都好合適。🍽法式寶雲酥焗雞扒$65厚厚嘅雞扒表面有芥末同麵包糠，多咗開胃又唔刺激嘅酸味。雞扒嫩滑又多汁。佢哋嘅薯菜都好有驚喜，係焗過嘅紅蘿蔔🥕、番薯🍠、薯仔🥔。

行完D2place就搵野食醫肚，不時都想食下啲港式食物，但係又驚茶餐廳質素差，今次試咗潮食地感覺唔錯，新式茶餐廳乾淨企理，食物有夠港味！黑椒蜜汁薯仔牛柳醬汁好惹味，蜜汁甜甜地，配上辣辣地嘅黑椒，送飯一流！另外薯仔輕輕炸過，所以外脆內軟！牛柳就一啲都唔韌，牛味亦都好足！咖喱牛筋坑腩牛筋坑腩量份量唔少，都有五至六舊！咖喱亦都好港式，但係唔會過辣，啱啱好，又係送飯一流！另外叫咗一杯紅豆冰，花奶非常之足，啱晒我好奶之人！

午餐時段好多人排隊等外賣同埋堂食，好彩好快就入座。呢度環境夠光猛企理，感覺乾淨👍🏻🐟 香脆吉列魚柳伴烤焗芝士煙肉蘑菇洋蔥配飯 $62塊吉列魚柳仲長過我嘅手掌😂 外層非常香口酥脆，內裡嘅魚肉軟腍鮮嫩。飯嘅份量同樣好多，有好多芝士舖面，做到拉絲效果，加埋煙肉同蘑菇真係幾豐富。🥣 餐湯有中湯或者西湯，我要咗中湯。湯料份量十足，而且飲完之後唔會口渴👍🏻☕️ 熱奶茶我覺得一間茶餐廳/冰室最重要就係做好奶茶，呢度嘅奶茶茶地夠香濃，口感順滑唔會澀，達標👏🏻就算餐廳好忙碌，但職員態度都好好，而且上餐速度快，食完之後超級飽肚💯