潮食 (順欣花園) (已結業)

招食喺上水開咗幾年，一直都做得好好，完全係隱細小店，仲可以細舖搬大鋪添，隱藏着高手，為上水帶黎雞蛋仔嘅美食。佢嘅椒鹽蛋雞蛋好有新意，鹹味嘅雞蛋仔真係好少見，抹茶朱古力雞蛋仔都好好食，好足料，但今年好似轉左老闆，雞蛋仔嘅水準好似就下降左，多咗好多飯面等等食物。以前老闆個女每個雞蛋仔都好有心機整，味道簡直一流，外脆內軟，完全冇得挑剔。好耐冇食一排，最近有去食返，啲雞蛋仔水準下降左，味道冇以前咁好，唔知係咪轉左手之後質素下降左呢？

今日嚟到一間外表睇落平平無奇既小食店，一眼望落餐牌，選擇非常之多🤩，單單係雞蛋仔已經有超過二十款嘅選擇。一輪眼花撩亂，最後揀咗朱古力雞蛋仔🍫。職員收到單後即叫即整，跟住大概等左六七分鐘左右就有得拎。唔好以為佢只係一餅普通嘅朱古力味雞蛋仔，原來裏面仲有好多朱古力粒粒，啱啱拎上手嘅時候非常熱辣辣😚，食落去外脆內軟，仲有啲蛋香味，意想不到咁好食！完全好比老母雞蛋仔，食完之後非常滿足💕！下次想試吓佢嘅煎餅系列，支持一下呢一間水準小店。🤘🏻完

今日去了上水順欣花園探朋友，離開後在下面的小食店買了兩個煎餅，價錢十五元，其中一個加了芝士($5)，另一個則加了午餐肉($5)。煎餅本身有雞蛋、薄脆、生菜和醬汁，個底味道已經不錯，再加上芝士或午餐肉，口感和味道層次再豐富了。十多元的小食來說，又平又飽肚，十分推薦。

上水，除了港街藥房，處處水客客外，都有一些民生美味小食店，當中包括今次食的潮食。潮食位置順欣花園，以一個區外人來說，絶不好找，距離上水火車站十多分鐘步程，座落於不起眼的街上，但憑著門口小小的人龍，終於被我找到了。潮食與一般小食店一樣，賣的都是簡單的東西，如印尼撈麵、煎餅、夾餅等，但簡單的食物它卻做出不平凡的味道，潮食的鎮店之寶可算是雞蛋仔，全部都是即叫即做，保證份份都新鮮熱辣，今次點的是焦糖雞蛋仔，它的外皮極脆，蛋味濃郁豐富，焦糖味亦突出，不枉我山長水遠找這間小店。

話說轉左新工，見星期五可以準時收工咁開心，無等到親愛的男友放假就自己黎左潮食。是日目標明確！係朱古力味！去到門口揀揀下，發現有朱古力味朱古力，同夾心朱古力，我就問店員有咩分別啦！但佢就話要去睇圖，但兩幅都係黑色，有啲難睇！最後就揀左會流出黎既夾心朱古力味！收到既時候有啲失望，佢似係雞蛋仔版既夾餅！雞蛋仔同上次一樣，面頭都係好滑，好脆，但佢既做法就係用朱古力漿做好左一面既雞蛋仔就拎起，加上大量既朱古力醬，對摺夾好就入袋！但我覺得咁做就無左雞蛋仔一粒粒既意思！因為上次就係聞到人地既朱古力味，先想再試，但呢一個食既時候因爲朱古力醬好足料，所以試唔到個朱古力底漿有無朱古力味！我諗上次人地嗰個可能係朱古力味朱古力！同埋因爲醬好多，而雞蛋仔袋又係穿既，建議如果食既時候食完先行會好啲/小朋友食既時候真係要小心啲！我食完最後一啖之後唔止成口，連成手都係朱古力醬😂😂😂如果你好鍾意食朱古力醬，我諗你會鍾意呢個！但下次再同男友黎就會試豬柳蛋同朱古力味朱古力！其實原味都想試😂😂😂

上水最多嘅舖頭就係藥房，想食小食有點困難，想食好味的更加難上加難🤦🏽‍♀️成日都想食雞蛋仔，但係試過幾間都係麻麻地，淋過條毛巾😭今日行去北區公園途中，俾我發現左有間小食店，有雞蛋仔賣🤩為食小胖子馬上衝去睇睇先，好似發玩新大陸咁🤣有好多口味可以選，有啲口味真係估你唔到🤓有成20幾款可以簡，有選擇困難既我樣樣都想試下🤤所以簡左4款試下首先要講既係👉🏼 ‘原味清香水果皮雞蛋仔’$18因為叫既時候有點緊張怕唔好食😂同埋我顧住影其他口味雞蛋仔時俾媽咪食得太快影唔切相🤦🏽‍♀️水果皮我食落覺得有點似橙皮🍊有點點酸酸地，好好味👉🏼抹茶朱古力雞蛋仔 $15抹茶味好濃，朱古力粒唔明顯我以爲得好小，原來唔係。每粒雞蛋仔入面都有朱古力粒🤩👉🏼朱古力味朱古力雞蛋仔 $15同樣入面都有朱古力粒，外面好香脆，入面就軟淋淋ɢᴏᴏᴅ ᴀʀ😍😍👉🏼抹茶黑芝麻雞蛋仔 $15有好多芝麻係入面，好似食緊芝麻餅咁😂食呢個口味要飲下水。

接完男友，一齊試過椒鹽雞蛋雞蛋仔之後，我地都意猶未盡，想再試埋其他特色野，所以再特意折返。但可惜因爲都8:00PM，雞蛋仔只有基本款可以揀，所以我地都決定留返下次再試過雞蛋仔。但係一場黎到，我地叫左個薄餅，揀左蛋黃醬，加左手撕雞，芝士同粟米，5分鐘左右就有得拎。薄餅基本$15 再加配料錢之後我地去左隔離公園坐低食。攞上手已經知勁大份，勁重手，咬第一啖就已經勁多醬、有手撕雞同埋溶哂既芝士，每啖都好豐富！手撕雞既份量係多到我地都有啲意外，而且同蛋黃醬同其他配料出奇地夾！因為打開黎太吸引都無影到相，但值得再encore! 唯一係蛋黃漿頭尾都比較多，中間唔太夠！

話說本身男友黎上水一齊食飯，為左隆重其事，特登做research 做左半日，都仲未諗到正餐食咩就見到椒鹽雞蛋雞蛋仔既推介！接男友車之前，特意早啲出門口去排雞蛋仔。去到門口有個妹妹唔知等緊雞蛋仔定夾餅，諗住開口落單既時候，陣陣朱古力雞蛋仔定夾餅既味已經衝左入兩個鼻哥到，仲不禁叫左聲：嘩！真係好香啊！ 但呢份香味無阻我試椒鹽雞蛋雞蛋仔既決心，落完order之後係旁邊等。下一位客人係位媽媽，佢叫左兩份薄餅，我八掛開口問下佢啲薄餅如何，但原來佢係朱古力夾餅既常客，今次都係第一次試薄餅，所以都未可以分享到。轉個頭椒鹽雞蛋雞蛋仔已經到左我手上喇！急不及待試食左第一粒、第二粒、第三粒、第四... ...第一次食咸既雞蛋仔，太衝擊！我行去接男朋友既路試已經「試」左半包！雞蛋仔既表面出其地令身，雖然邊邊既蛋漿同料都比較少，但中間既椒鹽同蛋味都好香！見到男朋友第一時間俾佢咬啖個用佢既龍舌試下係咩口味，估唔到佢一試就試得出，厲害！厲害！我地對椒鹽雞蛋雞蛋仔既評價都係好特別！如果係第一次食，我覺得幾新奇有趣既，但係下次我就想再試勁香既朱古力味或者係特別系列既豬柳蛋雞蛋仔嘞！

早見到Facebook 北區page介紹，上水有特色雞蛋仔，足料創新。搵左一陣，終於發現呢間舖仔。因為即叫即製關係，好多人係鋪頭外等。口味選擇好多，而且好多都係十幾蚊。除了有甜味雞蛋仔，仲有咸味。仲要有一系列綠茶味，啱哂我呢個綠茶控。綠茶朱古力好香，好大陣甘甘地綠茶味，食落甜到剛剛好，仲要有蛋味彈牙，即製熱辣辣，相當好食激贊係價錢好合理！但因即製關係，人多時候，都要等幾耐下。因為咁多人係鋪頭外面等，仲要咁大陣雞蛋仔香味，雖然鋪頭係一角，但一啲都唔難搵。

上水－大家可能會想到有很多藥房，卻不為意這裡潛藏著的隠世美食。今日去吃的是「潮食」，主打雞蛋仔、格仔餅，單是雞蛋仔，味道都有超過二十款選擇，當中比較熱門的有椒鹽蛋和焦糖味，而格仔餅都有四款口味選擇。今次點了焦糖咖啡味雞蛋仔，是星期六、日限定，它的外皮脆口，富雞蛋香味，裡面則有甜甜的焦糖味，咖啡味從焦糖中慢慢滲出來，十分配合。價錢賣二十一元，雖然有點貴，但以食物質素來說，是值得的，畢竟用上了日本麵粉、澳洲牛油製作。