澤記快餐飯店 (已結業)

星期六行完山，路經柴灣，search下Openrice有乜好嘢，原來澤記快餐飯店冇negative comment。 即時由地鐵站沿吉勝道揾，拐個彎在工業大厦的背后地下，左右隔離都有廢料回收舖，对面是小公園，路旁泊滿車，環境都幾shit.坐低時已過早餐時間11pm，唯有叫沙嗲牛肉麵特餐$42，都係俾多$4啫，但跟沙津多士，早餐則有奄列多士。沙嗲牛麵有特多牛肉大約6,7片，塊塊 3x2 吋，都算巨形抵食，加上淋滑可口，算唔錯，麵底煮到啱啱好，軟硬適中冇投訴，麵湯都夠熱，碗麵放有4條青菜芯👍超nice, 好少餐廳會放菜入麵，比九龍城聯發好，但平過聯發一大節。講完好嘢，當然他亦有不足之處，牛肉本身落得略多soda粉，有些過濃， 令到失去牛味只有沙嗲酱的甜味，食完個麵同牛肉都要飲番兩杯茶，no kidding 😐。伴碟沙律都算多，但是極為偏甜，食完條脷都痕痕地，好味但過甜😶，都剩咗成半係隻碟。雖然奶茶味偏濃，但勝在夠fresh and hot, 喝落都舒服，起嗎有茶味奶量啱啱好。因為澤記經營模式是街邊大排檔，週圍環境實在欠佳又嘈又污槽，但是他的食物出品係唔錯的，只是調味略為口味重一點。如果話要

上次食唔到，再黎！！！呢度係柴灣街邊嘅熟食中心！係車來車往嘅環境👀唔怕啦…風味黎嘅！實不相瞞！我係為咗沙嗲牛肉麵同埋火腿奄列而來😛而呢度亦都有另一樣名物-魚聊包，呢樣下次先試👀早餐$38沙嗲牛肉麵真係有啲驚喜！呢個汁帶些少花生味，而又不失沙嗲味道！牛肉食落新鮮爽口！麵碌得彈牙喎👀最估唔到有兩條菜搭埋係麵上面😂火腿奄列、方包呢個好接近細個係石籬冬菇亭食到個隻味道！總算比我搵到相近嘅味道！熱檸茶正正常常，算係唔錯！！食到個靚早，開始美好嘅一日。

傳說中的柴灣名物終於可以一試佢嘅真身，早餐時段想試佢係龍定係蟲，一定試沙爹牛肉麵加埋熱奶茶。呢個就係最佳配搭︰沙爹牛麵+牛油方包+奄列+熱奶茶沙爹牛肉麵︰麵質彈牙，沙爹醬夠香，食到花生香味，牛肉質素OK，真係唔錯奄列就真係薄得可憐，都係咁二有幾條火腿絲啦，牛油方包就無要求，係少D牛油咁啦，正常茶餐廳水準，收貨啦奶茶香滑濃非常好飲夠正宗整體唔錯，係環境比較有風味，不過最緊要D野食好味。下次再黎會試下佢D包。

超巨型炸魚柳🐟上星期日去柴灣打算順路去食 但星期日唔開🤭今日食到啦😉🌈巨型魚柳包 跟熱飲 $32Wow炸魚柳仲大過長過個包🤣名不虛傳 真係巨型！呢個巨型魚柳包係好用心 麵包有烘過 包面十少脆 暖暖的 而新鮮即炸魚柳 炸皮薄 咬落外脆內軟 而且冇雪藏味 加上大大塊 性價比十分高👍🏻 不過我建議兩個人一齊去食😜咁樣仲可以試埋其他早餐之餘 食落可能冇咁heavy😗事關大大份好飽 魚柳包有蕃茄生菜青瓜同醬 我覺得太多醬 食食下發現個包俾醬淹沒左 好肥膩 如果食一半/少醬就prefect!🌈火腿奄列 +$10其實食魚柳包已經好飽㗎啦 不過我又想試吓呢度既奄列🤪Errrrr我冇想像中好味 凍左呀 可能等炸魚柳等耐左 正正常常既奄列 ———————————————整體評分👅好味🧡🧡🧡🧡抵食💜💜💜💜💜再戰率💛💛💛💛

港式地道快餐店買少見少🥲被連鎖快餐店一直搶佔生存空間，難得來到吉勝街熟食市場，仍有這家快餐店堅持提供抵食夾大件的親切茶記味道🤤 🍔巨型魚柳包 | $32 | 8.5/10早已經做好功課再來訪，所以知道這裏的名物就是這份巨型魚柳包🐟不過當看到實物時仍然相當O嘴，因為比相片更大更長，比兩隻手掌更大，比筷子更長✋ 炸魚柳絕不欺場，不是靠炸粉去充撐厚度，入口啖啖肉，外酥內嫩極上癮，即叫即炸，心急的人要小心熱燙小口🔥 包內還有新鮮切片蕃茄、青瓜和生菜，爽口暢快的大口大口吃進肚子裏😍 🐷叉燒炒蛋包 | $32 | 8/10平時在茶餐廳吃叉燒炒蛋飯就多，將它放進面包也是第一次見，味道意想不到的好配合🥖 叉燒炒蛋以類似奄列方式呈現，叉燒是半肥瘦帶有燶邊，入口有咬口和油香😝包身有經過烘烤，帶點脆口。咀嚼有點甜味，相信應該是叉燒的蜜汁。 🍳火腿奄列 | +$10 | 7/10看到別檯的奄列也被吸引得動心，大份有近3隻蛋，包著大量火腿絲，味道不算重味道🥚但蛋漿很滑身有香氣，是茶餐廳的特色好味道🤘

番工時間, 老細今日心情靚話請食下午茶。之前已經試過呢間店出名既巨形魚柳包(魚柳包係即叫即炸, 所以魚柳好香脆)咁今次就梗係試下其他野啦!叫左個雞扒撈丁配凍奶茶 ($42)份量係超級多, 可以2個人分黎食。雞扒有3塊, 撈丁係落左XO醬, 味道好香, 有小小辣(如果怕辣既落單可以同佢講小辣, 走辣既話應該就冇咁惹味)佢仲有D菜放低雞扒下面, 唔怕淨係食太肉冇菜。呢間茶餐廳真係價廉物美, 足料又好食。

每次到柴灣，都必經此茶檔食個魚柳包先安落！全因為呢度既魚柳係超巨型！！！用上原塊阿拉斯加龍脷，size 比一部iPhone Plus 更大，足足有20cm長‼️‼️麵包表面微微烘過，酥脆魚柳即叫即炸，麵包糠吉列外層不會過厚，炸到外層鬆脆入面嫩滑，加上千島醬、生菜及番茄，中和了油膩感🐠🍞巨型雞扒包是另一款招牌～雞扒煎得夠香之餘仲好juicy，同樣惹味！！而且size同魚柳包一樣很大塊！視覺效果非常震撼！澤記的包比正常的用料多很多，但下午茶連飲品都只是$30！非常高CP👍🏻

睇相見到呢度有巨型魚柳包覺得好吸引，所以嚟試下。餐廳距離柴灣地鐵站步行幾分鐘，睇地址寫係熟食中心以為係有冷氣，原來係露天大排檔格局。魚柳包係早餐同下午茶時段供應，當日三點幾嚟到，都等咗一陣先有位。兩個人叫咗一個巨型魚柳包，一個香煎豬扒撈麵，兩杯凍檸茶。巨型魚柳包 跟熱飲 $30 (凍飲加$3)雖然睇相已經有心理準備個魚柳包係好巨型，但一上枱嗰吓都嘩咗一聲即叫即炸嘅巨型魚柳係普通嘅雪藏龍利柳，吉列皮炸得好脆而且感覺唔油膩，魚柳食落肉滑無雪味，夾埋有酸瓜千島醬好好味。香煎豬扒出前一丁撈麵 跟熱飲 $38 (凍飲加$3)撈麵有好多款餸可以揀，本身叫沙嗲牛肉但係賣晒，就叫咗煎豬扒。豬扒係厚切，睇落似係半煎炸，食落好香口無咩鬆肉粉味。撈麵係落咗辣椒油撈而且好香蝦米味，落單時叫咗少辣，唔太食得辣嘅都應該食到。個魚柳包真係好巨型，所以我地兩個人最後食剩咗少少麵包。下次嚟要試下沙嗲牛撈丁，不過可能要等天氣無咁熱先喇。

今日已經係第三次到訪e間大排檔第一次嘅時候係因為係附近工廈拿蛋糕未夠鐘又有d肚餓就是但搵個地方食點知好有驚喜e間餐廳係熟食中心應該算係大排檔無冷氣嘅其實都算係坐路邊e到聽講出名大件夾抵食幾出名嘅就係魚柳包同埋雞排包絕對無誇大成分距真係甘大魚柳係新鮮炸所以黎到熱辣辣好脆口雞排都好滑都係新鮮整所以個包都係脆唯一嘅問題就係距嘅醬比較多建議落單時候可以叫距少醬或者走醬不過呢可以係老餐廳e到嘅夥計都幾有性格架大家明啦最後係奶茶奶茶有茶香都好滑如果係凍飲都唔錯係有少少淡咯如果係早餐或者下午茶時段e兩個包都係包野飲只係$30真係非常抵食不過呢 黎得e D地方就預左要搭檯啦無辦法啦當生活體驗咯

就算身為東區之友都未必會知道呢間隱世飯店😌 平日嘅下晝最多附近番工嘅黎食個快抵正嘅碟頭飯🥴 唔洗$40連餐飲，真係打工仔福祉😎👍🏻 不過最出名嘅，莫過於哩個巨型魚柳包，行過望到嘅都忍唔住「哇哇」聲🤤《巨型魚柳包》 $30 5 / 5 🌟🌟🌟🌟🌟唔好問我幾多呎長🤪我淨係知分分鐘長過塊面🤣 魚柳長得黎有番咁上下厚度，唔係得個炸皮，魚柳肉仍然好鮮嫩，好滑溜，無雪藏味！包皮烘過，微焦好脆口，中間夾住千島醬、牛油同沙律菜，呢種港式魚柳包經典得來又好食😋 絕對係呢度嘅招牌包👏🏻《香辣牛腩撈》 $38 4 / 5 😋😋😋😋條條牛腩好粗身，肉質夠淋好入味👍🏻 不過精粹在撈丁嘅秘製XO醬😍 粒粒爽口嘅蝦米仔，又辣又麻，好惹味😍 辣到個嘴都紅埋😋🌶🌶🌶《炸雞髀撈》 $38 4 / 5 🤤🤤🤤🤤係即叫即炸嘅生炸雞髀，等咗大概15分鐘，絕對值得🤤👍🏻 生炸特色係皮薄肉嫩，一切開入邊嘅肉汁就流出嚟🤤 雞髀都算大隻，呢個價錢好抵食🥴👍🏻始終身處工業區，坐就唔會話好舒適，環境衛生亦欠奉，不過就可以品嚐到最地道又性價比高嘅港式風味❣️

今日嚟到澤記食咗個午餐(咖喱豬扒餐肉飯)連凍飲，每客盛惠$40，咖喱汁微辣帶少少甜味，薯仔有兩嚿(夠粉嫰)，豬扒相當大件，炸到金黃色，肉質都算幾鬆軟，飯粒一定OK，如果個咖喱汁可以冇咁甜就會更加好味！

澤記嘅各式碟頭飯真係夠哂大碟，份量真係好多，午餐我叫咗個椒鹽豬扒飯配凍飲，total：$40元，抵食！豬扒用油爆過，非常香口，有好重嘅辣椒同蒜頭香味，豬扒肉質OK，飯粒軟硬適中，掂！另一款就係黑椒腸仔雞扒飯，黑椒汁有少少甜，但頗辣，但味道一流！食到原粒黑椒碎，雞扒煎到金黃香脆，腸仔係用廚師腸，飯粒一直保持水準，唔會有稀爛嘅情況，凍奶茶夠凍茶味夠，澤記真係讚不絕口

午市開番堂食就即刻黎去食呢個巨型魚柳包！之前黎食無食唔哂，今次午餐唔食就過黎。食嘅時間姐姐喺度清潔以為要收舖，好在仲俾叫埋，又驚唔夠飽，所以加8蚊奄列。上碟一刻真無好震撼。份魚柳大到。。。唔單至魚柳，個奄列都舖滿左成個碟。首先當然試左杯茶走先啦。聞落茶香唔算強，不過飲完一啖之後仍然有茶味在口入面！奄列同出面茶記差不多，無特別！重頭戲：魚柳包：對我黎講沒有雪味嘅魚柳已經好好，配埋個千島醬汁幾好。佢仲有生菜同蕃茄喺入面添！

🐾 澤記快餐飯店 (柴灣) 🐾-澤記雞扒包$28✔️巨型魚柳包$28✔️-澤記雞扒包:真係超級大份$28超抵食，舊雞扒完全唔會話炸到好乾身，食嗰陣雞扒啲油係咁咇出嚟，好爽，不過食到好呢hea-巨型魚柳包: 塊魚柳超大塊，入邊有沙律醬同生菜，所以唔會好dry，同埋係好好食囉😍😍😍———————————————(非專業,完全跟據個人口味☺)食物:8/10環境:5/10服務:6/10人均消費:30———————————————▪店舖名稱: 澤記快餐飯店 (柴灣)▪店舖地址:🔸 柴灣吉勝街10號熟食市場-----------------------

位於柴灣熟食中心，比鄰不少工廠大廈，距離地鐵站也只有數分鐘的路程，澤記最聞名的便是其大件又抵食的巨型魚柳包。這天在中午時份來到，叫了是日快餐「菜遠斑腩飯」。快餐也秉承着澤記的特色，大件、抵食；魚柳大大件啖啖肉，新鮮即炸，即使淋上醬汁也能想到香脆的口感。旁邊亦有不少菇及菜，以現今的物價來說$37性價比非常高，並沒有因為價錢而犧牲了味道。茶走亦非常出色，龍龍的茶香中心滲透陣陣奶香。店員姐姐也很有人情味。