澤記快餐飯店 (已結業)

其實住左係柴灣二十幾年，一直都未黎試過哩間飯店。爸爸每次叫去食早餐都被我拒絕左（真係起唔到身呀😂）今日因爲早起身送車，返到屋企都係朝早8點幾，所以就約爸爸媽媽去食下睇相都睇得出，塊魚柳熱辣辣炸出黎，長過隻叉！塊包都蓋唔住！並且塊魚柳完全唔會被炸到好干，簡直剛剛好呀！同媽媽開心share一人一半，食完都已經飽左一大半仲有哩個雞扒餐，哇塊雞扒腌得好好味，配上個汁真係無得頂！雖然好多肉但係食下番茄同菜又可以中和番，正最緊要係咁足料同好味，佢既價錢同出面都差唔多甚至更平！真係好值得一試呀👍🏻

很愛去一些熟食中心，大排檔，茶記找食。 柴灣給我的感覺就是一個好遠，我十年都唔會去一次的小社區。最近因工作關係而常到柴灣，知道當區有不少熟食中心跟街坊茶餐廳，一於在午餐時發掘一下，苦中作樂一番...柴灣有咩食?三大必到店舖 1) 料足價錢抵！ $26元20cm足料juicy魚柳包@澤記快餐飯店 除了有3吋厚的雪糕格仔餅，柴灣吉勝街更有似手臂般長的魚柳包！ 魚柳包$26: 即叫即炸，等約十分鐘左上，姨姨就把香氣逼人的巨型魚柳包奉桌。 炸魚柳用上熱狗長包夾著，但內裹魚柳長得誇長，四邊也有幾cm的魚柳露岀。 切開來看，包烘得微微脆身，內還包留軟熟，入包有大量大量千島沙拉醬，厚蕃茄跟生菜。 甫放入口，是包的香脆，大量千島沙拉醬的甜奶脂香，魚柳炸漿一點也不厚，魚柳入口脆脆皀，但入面的魚柳腴潤軟熟。整個包吃下很豐富，juicy，味道平實而令人回味，若然有機會到柴灣的孩子要試試了！Wow factor: 8.5/10澤記快餐飯店柴灣吉勝街10號熟食市場

終於食到啦! 手臂咁大條既炸魚包!!之前係柴灣GROUP度見到好多人介紹呢間好貼地既茶記, 就係佢既炸魚包~~由於星期日唔開既, 所以一直未找到時間去......找了個星期六的下午去吃~ 點完等了好一會才來到.嘩嘩嘩!!! 一黎到我地三個人都非常驚喜~~ 真係好好好好好大條魚柳!!!!同手臂一樣長, 仲要非常熱, 剛剛才炸起出來~~好少炸漿, 咬下去啖啖肉!!! 配埋千島汁、蕃茄、少少生菜, 呢個魚柳包正到呢!!最後, 我想講, 我一個人係食唔晒XDXD(註: 環境係街邊架咋)

柴灣罕見良心快餐食店，事頭婆人情味濃，早餐份量可算謂大件夾抵食，政府熟食中心平租，回饋食客，濃香沙嗲牛肉麵同雪菜肉絲米都相當入味，而主角魚柳飽，可算係重量級同埋味道配搭得啱啱好，即叫即炸，保證新鮮製作，但咖啡及奶茶就只屬一般，比較淡口，以食物出品味道，價格可算是同區之冠，注意快餐店只係開一至六，星期日及公眾假期休息。

有日收到朋友whatsapp！佢一試呢間就即刻send張相黎！收到呢張相都嚇親！有冇咁誇張呀？即刻問間野係邊！搵日dayoff即刻黎試食！黎到唔駛等位，坐低即嗌呢個咁巨型咁誇張既魚柳包！熱辣辣脆卜卜雖然唔太有魚味但至少唔會有雪藏味！仲要只係＄25蚊，咁大份，好抵食呀！！！

一心去食車仔麵 ，喺入口嗰到間餐廳剛攞左個好大嘅魚柳包，個樣好吸引好靚仔，勁想食。但又想試下個車仔麵。最後梗係兩個都有食喇。叫左個包包坐喺車仔麵檔到食，甘當然要有幫襯車仔麵喇。講下個魚柳包，就係超級大，一個魚柳包有半條手臂甘長，包係正常size。塊魚柳就大個包一倍或以上。咬落外面個包好有牛油的香味，中間的魚柳外面脆，入面d魚肉白雪雪，仲好嫩滑。另外加左千島醬汁，有d中式加西式味道的感覺。埋單盛惠25蚊，唔使講其他喇掛！

有網友介紹呢間餐廳出名份量巨大，所以今日特登揸車過嚟柴灣試吓佢份巨型早餐。一睇餐牌已經覺得抵食廿幾蚊份早餐係香港真係買少見少。 我今次叫咗份火腿奄列跟餐包同熱檸蜜＄26真心覺得抵食，送到來我面前見到份早餐起碼有四隻蛋，真係超級誇張，材料新鮮好味，最後飽到我要分比朋友食埋佢，一個字，堅！

柴灣地鐵站附近寫字樓、工廠、車房林立，呢區嘅人食嘢，唔需要講環境…最緊要快！大件夾抵食！因此出現唔少快餐店大排檔。今日喺吉勝街熟食市場就搵到呢份成隻碟咁長…巨型炸魚柳！炸魚柳早餐時間已經有得賣，嘩！一上碟真係超巨型，如果朝早未瞓醒真係會嚇親！魚柳當然係即叫即炸，賣相金黃色，一口咬落去「索」一聲超級脆，加埋佢嘅秘製沙律醬，仲有新鮮生菜蕃茄，冇得輸！仲要只係$25，呢個價錢真係唔知去邊度搵！

當大部份工業北上的時候, 香港大部份工廠大廈已經改變用途。但舊日為工人提供廉價餐飲的快餐店，始終都要生存下來。當我走過澤記時，姐姐就非常賣力地推銷早餐。我點了奶油豬跟熱奶茶，才$20，真正平通港九。這奶油豬是勁大只的，夠熱，咬下去還有芝麻的香氣。其實每一個地區的奶茶都會有不同的配方，通常工廠區味道都會較為苦澀，比較提神。總之奶滑茶香。不知道下次有沒有機會來這裏試試男人的浪漫，豆腐火腩飯。

當我諗緊食咩好嘅時候，突然諗諗好耐冇食香港地道早餐，然後叫咗個沙爹牛肉加火腿奄烈公仔面加凍華田，我問個廚房佬，面可唔可以爽啲，即係硬啲，佢一句，當然冇問題，我覺得好正。拎返公司之後，發現好多牛肉，同其他茶記唔同，而凍華田好濃，唔同連鎖店超希。整體嚟講，正！

很久沒有到過柴灣, 曾經在這裡上班, 很多時都會到這間快餐店食午餐, 吸引我經常來的不是什麼佳餚, 而只是一碗鼓油~ 每次叫一碟燒臘飯, 都會叫他們另外跟上一碗鼓油, 他的鼓油曖曖的, 一點點甜的, 但又充滿燒臘味, 淋在熱騰騰的飯時, 那種味美, 真的難以形容, 不用油雞燒鴨, 也能把整碟飯吃下! 事隔多年後再來, 水準仍舊保持, 若各位到訪柴灣, 可嚐嚐這廉價的美食

天氣凍，唔想出街食。叫了一個陳皮鴨腿湯飯！好驚喜，鴨腿好林，又大件，湯味精不重，而且有陣陣既陳皮香，加埋個飯真係好飽！不過朋友的麵好細碗，唔夠食，不過味道也是不錯的。

九月上旬•晴噢！原來這裡全部的食評都是我一手包辦？或者沒有幾多朋友會來這個茶檔？跟出版社開會，晨早到了柴灣。來附近吃了早餐先。已入秋，在路邊茶檔坐坐吃吃東西也不錯。這裡的多士四四正正，烘得脆口。要了奶醬多，塗得不勻而奶及醬也下得多，重口味。熱啡夠熱，味略淡。九點九，出版社還沒有人開門，這才是工作。

七月中旬‧有雨大雨，（照例）沒帶傘，就找個地方坐下喝杯奶茶。為何是喝奶茶而不是平日喝的咖啡？因為這裡的咖啡不行，而成個吉勝街熟食中心下午茶時間還營業的就只有這裡最似樣，就是這樣。奶茶滑而不算十分有茶香，中等水準。也來一件餐蛋治烘底，餐肉煎得兩邊香脆之餘蛋也鬆軟的，不錯的下午茶食品。

三月上旬‧晴約了出版社對字稿，還有點時間，當然要先喝一杯咖啡。吉勝街這麼多大排檔，只有兩間未試過，在OR也是「首發」，這裡是第一間。咖啡幾香，不酸，也濃郁，不錯。熱咖啡已代加糖，這是舊式大排檔的做法。跟起來幾甜，下次來要少甜才行。不要看這裡地方很一般，熱咖啡也要賣11元一杯的！