澳門咖喱王清湯腩 (已結業)

這家餐廳並沒有結業，只是懷疑被人惡搞而已。除了在openrice，這家店在其他平台也「被消失」，但老闆似乎對此毫不在意。問過老闆，佐敦和近觀塘的那家同名餐廳是由同一家族不同成員經營，為了令大家條數分清楚啲，不過我自己留意到的是食物質素的分別，哪間才是咖哩王，一試便知。順帶一提，這裏沒有升級牛腩的選擇，沒有一大堆亂七八糟的菜牌，蕃茄湯飯之類，價格也親民得多。除了咖哩之外，便是茶餐廳式的碟頭飯，店內只有幾張小枱和開放式廚房。小店其貌不揚，謙卑地坐落在車房林立的內街之中，只有少數附近居民才會留意到其存在。喜歡咖喱的朋友請務必到此一遊，保證不會失望。

收工去到呢度買晚餐，見食評圖片咖哩不錯，去到門面殘舊，店內也舊，牆上貼滿黃色餐牌，箱頭筆跡塗改多次，已很矇了！菜式好多，店內坐滿客人，大多都是男士，店員與客人熱絡談天，氣氛好熱鬧（男人的浪漫）我點好餐在店等外賣！店員好快包好比我！咖哩牛腩牛筋飯（$46+$10）普通發泡膠飯盒，有隔開飯及餸（幾好）唔會比啲飯索晒汁，加了錢加牛筋，咖哩汁濃香惹味，仲有微辣，撈飯好味，白飯雖然偏硬，撈咗汁剛好！牛腩有筋膜，肉質鬆軟，索晒汁，好味（其中一件較硬食唔到）牛筋粗身稔口彈牙，薯仔入味鬆化，仲有兩塊咖哩葉！好好味，如果咖哩汁比多啲就更好熱檸茶（跟飯加$3）茶底濃，經一程車仲熱，可惜帶有微澀！店員姨姨豪爽，我第一次幫襯，問嘅問題多，佢都爽快回答，喜歡呢種大開大埋的人！咖哩汁無得輸！

尼排成日都落雨，於是無出街食lunch。選擇留系office叫外賣。今日叫左尼間。主要我地都係食咖喱、麻辣、牛有關既野食。朝早11點打去落單pre order定，一陣lunch先送嚟，待應例牌都會答我地盡量系指定時間到。不過通常到最後都好準時。👍🏻👍🏻食物方面，因為今日想食比較無咁濃味，我叫左招牌清湯腩飯。分上係唔錯呀！招牌同唔招牌既分別係...新鮮腩定雪腩。食落係有dd唔同既，但唔係係人都食得出分別。而個湯都好好味。咖啡薯仔雞扒飯咖哩辣唔辣可以自己選擇。分別有勁、大、中、小、普通。同事雞食辣，叫個大辣，好惹味😍。除此之前，其實佢仲有[是日精選］既。都仲有一d唔係咖哩既選擇。

原先因放假與家人一行三人到上址試食，地理環境，店舖裝修及衞生已作心中計算！但最差是店員愛理又理，不作推介，下單完事！食物試嘗清湯牛腩及咖哩汁配薄餅。咖喱調味如草根層次，不作突顯，清湯牛腩味淡，牛腩身不夠淰，不入味！薄餅可以接受，有温感，但分數不高。整體而言，不會再到上址了。浪費了三數小時。

今曰去牛頭角，搵地方食午餐，上 openrice 搵地方食lunch , 見到呢間澳門咖哩清湯腩走入去試吓，問伙記$33 同 $42 嘅清湯牛腩有乜分別，佢話$42係用新鮮牛腩，所以叫＄42嘅腩河，加一個咖哩腩配陽春麵。牛腩一攞到嚟，已經唔多對路，睇見D肉紋，點解咁切嘅！先飲一啖湯，十分淸，牛肉味淡，有少少白蘿蔔嘅味，標謗無味精，但湯一點都唔夠味，河粉一般，牛腩大片，但順紋切，已經唔妥，一人口，好似煲湯渣咁稔，已經煲到冇哂味，靚牛腩一定要不黏牙，呢件牛腩黏牙到暈，要𡁻好內先吞得落肚！邊度有人咁切牛腩!個咖哩牛腩，牛腩又係咁，咖哩汁唔香又唔好味，大家樂個喱腩飯好食好多!倆個字＂失敗＂

食物不太差，但令我不會再來的是一杯凍檸茶。茶來的時候已經很驚訝，杯中只有薄薄的兩片檸檬，無論怎樣“督”, 杯茶都沒有檸檬味，我們叫來侍應，告訴他一點檸檬味都沒有，請他更換或加多兩片檸檬，他拿走杯茶，轉頭拿回來，說問了不能換也不能加檸檬。我們只好笑了一聲，食完就走人。雖說是行大眾化路線，做飲食的都應過到自己過到人吧!

這天午餐到牛頭角附近的一家店吃，我們本來是想吃泰國菜的，一到達後，店已經滿座，外面還站著6，7個人，所以朋友提議改吃咖哩。這咖哩店我之前也沒有吃過，朋友他們說不錯。我選擇困難症發作下，我最終選了咖哩雞扒飯。咖哩味不錯，雞肉很嫩，如果女生吃量比較少，建議在下單前跟店員說少飯，那麼就可以減低廚餘了。😎😎😎這次我忘記了，來了一大盤，幸好同行有朋友能幫忙吃完。👍👍👍有機會我會再來試試其他的，因為朋友吃的餐，是有一碟雞(可以少辣)，我見到覺得還蠻好吃的樣子~

星期六朝早遲左起身，見到呢間早餐到11:30 好彩仲有早餐食，叫左個雪菜米常餐員工態度都幾好幾快手，雪菜米都有味並非清過清水既清湯但係打開個牛油方包，牛油要放大鏡先搵到，比人客有種hea 同埋縮皮既感覺叫得做牛油方包，expect 有牛油都好正常姐嚮度叫做食個普通早餐，唔好expect 太多比大家作個參考

雖然呢間「澳門咖喱王清湯腩」在公司附近的牛頭角道開了分店，但我還是會走去定富街，隔離左右均有很多車房的老店吃，感覺好似好味D。幾乎每次來這間外表平平無奇的店子，都是吃其咖哩牛腩飯。雖然店名有「澳門」二字，但同當地帶油香的咖哩或緬甸式咖哩不同，此店的出品還是屬港式咖哩的做法。雖然像是茶記出品，但質素卻不俗。最愛他們的咖哩汁夠濃稠（但不太辣），牛肉軟腍，甚下飯也。加多三元配一碗濃濃的蕃茄薯仔湯，便是美好的一餐。聽聞這裏的羊腩也有一手，有機會也要試吓。

食物真材實料，招牌湯腩入口即溶、湯甜蘿蔔夠入味。凍凍地入去第一件事叫碗蕃茄湯暖暖胃，微辣開胃最正！仲可預訂私房菜、水煮魚，別有風味，而且水準一直保持，值得一試。

今日試新嘢同事叫左個口水雞飯發現有一舊雞係生既就同個店員講啦點知佢話係骨位唔會煮咁熟唔係啲肉會好鞋但我地橫睇直睇訓係到睇呢舊雞都唔似會骨位囉！我叫左個牛腩泡飯，個湯好淡味另一個同事叫左排骨蒸飯比個蒸籠體積呃左啲排骨個味都怪怪地而且啲餐並唔算抵凍飲熱飲都要加$3

呢間餐廳除左食咖哩外，都有好多川辣野食！但今次試左個香煎酒糟肉餅飯（$49），雖然個樣同茶記唔大分別（即係樣衰衰咁😂），但佢唔係普通野黎嫁！煎肉餅已經唔多地方有得食，呢個仲要有酒糟。呢個酒味香濃而唔苦，而且煎到少少燶咁，所以都幾香。佢仲有好多洋蔥同加左好多黑椒，辣辣地都幾惹味！後來發現原來個酒糟係自家製，糯米蒸熟再加酒餅發酵，唔怪得之食到淡淡既糯米味啦！食得辣就可以試下啲川菜野，一定都好正！

平時茶記食到悶，所以上open rice睇下有冇其他選擇，發現呢間就去試吓！點知發現新大陸，正野！茄湯少少辣=開胃番茄味濃=足料牛腩=勁林，入味係蘿白得兩小粒=少左D囉！不過勁入味街坊要去試吓！加飲品都係2蚊凍熱同價，識飲一定飲凍野。

喺牛頭角區,茶餐廳式的選擇好多…由於公司搬左黎附近, 要周圍搵份好既早餐…所以,今朝就入黎試試🙂店舖的面積不算大, 但衛生情況OK不會令人反感😊牆身都貼滿餐牌和價錢. 選擇奇多! 而且有D菜式名好特別,孤漏寡聞未聽過 (EG. 將軍配夫人…🤔)令我好想試下佢D晚餐(上面仲寫住私房菜要早一日訂)🙄 好喇, 時間有限…快D揀早餐先👀望望餐牌…平均也要$28-$30. 相對呢區早餐而言不算平! 結果我簡左D餐:雪菜面(加沙爹汁)+腸仔太陽蛋+厚多士. 而老公就吃F3: 鮮茄肥牛面+厚多士. 2口子都飲茶走少甜😝 很快, 我碗面就到了. 小小的沙爹汁加在雪菜的上面, 份量不多所以不能確實吃出味來, 慶幸湯底本身夠味. 雪菜肉絲很多可惜肉絲較硬. 公仔面的質地合格有餘, 唔會太淋, 而且好大碗…我食唔哂…🤓 冇幾耐腸仔太陽蛋+厚多士也到了, 連老公份厚多士都放埋一齊. 厚多士的外表絕對值滿分！ 吃下去的第一口是邊邊, 所以好硬. 但裡面的鬆脆度不錯, 而且牛油不會太多… 剛剛好! 老公是一個對多士無好感的人, 但他對呢件厚多士都好滿意🤗 最後上的是老公碗鮮茄肥牛面。老公話個湯

一個人搵食搵到去牛頭角一帶，目的就在去尋覓一碗讓人回味的咖喱....除了咖喱之外，聽說這兒也有平時在外頭少見的羊腩粉麵。但如今天氣大熱，吃羊腩似乎有點不太合時，那便唯有等多數個月後再來一嚐它的風味吧....今天點的是最普通的咖喱牛腩飯....咖喱汁的份量一點也不吝嗇的猛下。飯反而感覺上有些不夠....此時真有衝動著侍者叫多一碗白飯來撈....咖喱風格是蠻港式的，質感是夠為杰身而味濃郁，辣度是剛好能令人邊食邊冒汗的那一種，讓人有追吃的衝動....牛腩大部份都炆到接近淰爛肉已全入味，用來伴飯吃自是一等一的適合；更好吃的是煑得近即溶，超粉糯又入哂味的薯仔....當吃至有點想開始伸脷之際，此時馬上呷一口冰凍的檸茶吞下去，登時有甚麼辣都會消掉了....就這樣不知不覺之間，一大碟咖喱就瞬間在眼前消失....