澳門茶餐廳 (已結業)

今午1点45分到達這店，見有三張卡座空着，隨意坐下，誰知幾位侍應竟要我們坐一邊，即時拒絕，繼續点菜，最後有位樣貌娟好，操流利普通話的女職員說：不好意思，等一下如果多人要坐一邊的。原來小弟外型跟富裕自由行同胞類近，真令我感到自豪。午飯時段，徐了部份裝修，提供的食物不見得有澳門風味。只好要e餐：澳門海南雞配雞汁椰香飯、c餐：招牌咖喱豬排要意大利粉。e：隻雞分明屬於上渴浸熱白斬，那裏是海南同胞？還說來自中國澳門特別行政區？老頂笨忍吹絲安？謊謬！不過有兩點值得讚許，一是雞肉頗嫩，二為飯粒分明，亦椰汁雞油香兼備。c：招牌咖喱豬扒，若果它能擔起招牌二字，勞煩各位提供些電鑽電鋸士巴拿等工具給我，辦一個免費代拆招牌服務。咖喱味淡汁俙多油，豬排有一半是乾身，連她也吃剩二份一，埋完單步出門外，真好，惡夢發完了，天光了.........

dinner seta)茄汁豬扒雞扒跟飯 仲難食過"大x活"c)焗豬扒飯 普普通通野飲ok..為左電視先入去食而且服務態度極差

聽說澳門茶餐廳的特餐好好吃, 尤以自家煲的鮮茄牛腩湯餐肉粒通粉最為出色某天下午一個人很餓的在銅鑼灣的 Jaffe road 碰巧見到澳門茶餐廳二話不說就入了坐得低當然是叫特餐當然是點鮮茄牛腩湯餐肉粒蜆殼粉, 今次配上了kaya多士和熱奶茶鮮茄牛腩湯餐肉粒蜆殼粉果然係好好味, 飲完唔口渴, 應該係冇乜味精…略嫌細兜左少少…炒滑蛋…唔滑…很碎…唔得…kaya多士…多士脆…但kaya醬唔得香奶茶…一般特餐份量較少…其實正常人係唔會飽(因為我只係剛剛好…) 是吾真係由澳門黎, 正宗澳門風味...?不得而知

在銅鑼灣逛了半天，終於來到晚飯時候。路過澳門茶餐廳，就此決定，在這裡吃一餐吧。餐廳是普通茶餐廳格局，除了一些澳門風的裝飾畫和以公雞為logo之外，沒什麼特別。不過餐牌上的食物，則不乏澳門街的有名食品，無論是葡撻、豬扒包、葡國雞還是馬介休咸魚、沙甸魚，這裡都一應俱全。點了三味餸。分別是「澳門燒烤拼盤」、「招牌咖喱牛腩（跟豬仔包）」和「馬介休炒西蘭花」。1）招牌咖喱牛腩：牛腩同薯仔都幾多，咖喱味合格，牛腩夠腍，不過偏瘦了點，不夠肥瘦合度。豬仔包水準不錯，包夠脆身，點咖喱汁吃，頗為惹味。2）馬介休炒西蘭花：西蘭花味道過淡，馬介休葡國鹹魚則味道偏鹹，把西蘭花和馬介休夾在一起吃應是最好的折衷辦法，可使味道中和些。3）澳門燒烤拼盤：或許是燒烤需時吧，這道菜是最後上的，賣相不俗，份量也足，有牛仔骨、全骨雞翼、豬柳、牛仔肉、開邊的司華力腸、粟米等。至於味道方面，整體上都不錯。埋單$180左右，算不上經濟，因為始終只是一間以澳門街食品為賣點的茶餐廳，並非什麼賣情調、格調、氣氛、服務的貴氣名店，所以只算是間過得去的茶餐廳而已。

年三十晚, 冷雨為行花市前做點準備銅鑼灣河駱克道茶記三角頂立 香港大排檔; 翠華 ;太興; 金鹿 …數之不盡 今年無得去馬交玩, 只好去澳門”茶餐廳” 走一趟 又估唔到年三十晚都仲有特價餐於是點了倆個下午茶餐 $35 蕃茄牛通先上 : 蕃茄湯底夠濃, 還有小量蕃茄, 豬肉料, 雖然無乜配料, 但味道剛好, 小女子由其偏愛酸酸甜甜的食物, 所以是加分之作 炒蛋拼多士 : 多士微暖還脆口, 炒蛋出奇地滑溜而且充滿雞蛋香, 只恨份量小一口已 KO由於倆人意猶未盡再叫多個豬扒飽 等左約15分鐘 , 豬仔飽脆哦哦, 豬扒件頭比豬仔飽大, 有半件扒外露 豬 扒也是剛煎起, 入晒味而且熱辣辣, 豬扒邊帶點肥肉, 而且肉質也有咬口, 果然係澳門茶記特產也keep 得好 番兜之作

Only ordered some light comfort food for lunch - not any specific Portugese food. My friend had the macaroni with ham & abalone and I ordered the macaroni with russian borsch type of soup. Came with butter buns with condensed milk and fried egg. I could only do the comparison to Tsui Wah, bc they have the same stuff. Macau Rest had better Mac w Ham & Abalone for sure, however Tsui Wah has better of the latter (Mac with brosch soup). Although Macau Rest had better/bigger macaroni pasta. O

今日約左朋友仔去謝斐道樓上吧飲酒,原本打算2009年最後的晚餐吃個好的,但係街上人頭湧湧,所以最後agree左去吃便宜的,至少唔駛等位吧!唔知係唔係因為除夕,所以個menu唔同左,常餐冇得揀,最多只可以揀厚多士/豬仔飽,唔知係唔係太多人,變左Quality差左少少,d野好似唔夠熱,最可憐係個咖啡太甜....扣分所以,下次都係等少人D先過黎食

一月二十二日 (星期五)今日和老公仔做gym,本想吃麥當勞換叮噹但我怕熱氣最後決定吃澳門茶餐廳入到餐廳,看到很多食客都點了大煲大煲的我們看看茶牌,原來是啫啫雞煲...好像很美味的....我們都決定點一煲!另外我們亦點了一個類似茶餐的"晚餐"-有茄牛通,豬仔包+炒蛋和飲品一杯茄牛通雖不及勝香園的有濃濃的番茄湯底,但整體感覺還是不錯的尤其是配料十足,幾乎每一口都吃到餸而炒蛋亦不錯,炒得很香滑我至愛的豬仔包很鬆脆,老公仔只咬了一啖未幾,大大煲的啫啫雞煲終於來到服務員先為我們攪拌煲,令到醬汁均衡散佈未吃雞,已先聞到雞的濃香味而且是真材實料,雞肉頗多,絕不是吃雞骨不過我們因沒點飯,吃罷我仍覺得有點不夠,唯有到別處在覓食

其實澳門茶餐廳D野都幾好食。今日同老公黎食叫餸食飯,試試廚部。黃金蝦,屬中蝦size,雖然賣相平庸,但有板有眼,「黃金」炒得”渾秦”平均,更驚喜係,蝦係新鮮蝦,很鮮甜!大鱔煲,一睇就知,同大排當、小炒飯店水準很相若。很惹味,很多蒜頭,份量亦ok。不過亦可能鱔切得其薄,份量感覺足夠。其實整體都幾好架喇,如果個汁,收得再乾D會再好D。食咁濃味既餸,應該食才合,但今晚突然好想食炒飯,就叫左碟澳門炒飯。「澳門」炒飯有生菜絲、一些燻咸肉、魷魚、燒味的燒肉粒!同埋竟然好似有D蝦醬那類咸蝦味。炒得都算乾爽,很對胃口!估唔到o係「澳門」餐廳,食非澳門食物都咁好食!

是日同朋友去完海洋公園Halloween,一齊落銅鑼灣食宵~~~開nanonavi搵下之前去過邊間食野記得呢間都幾經濟,所以就一齊去na一睇個menu, 咦,好似平左啵,二話不說大家一齊order個鮮茄湯通粉餐~再加炒蛋and鮮油豬仔飽我就例牌飲呢度既澳門咖啡今次的鮮油豬仔飽上面仲放多左煉奶,我覺得放左煉奶仲更加好食~~加分!!如果可以畀我再放多少少煉奶會更好,我好鍾意面頭鋪滿煉奶!鮮茄肉粒湯通粉一如既往就係好好食~~~埋單一人$36,絕對超值

剛剛去完校友會舉辦的夜間海洋公園之旅後，大家已經餓到頭暈眼花了～好在我並不十分肚餓．．可能是整天都不斷有事好幹，就覺得不餓了！由海洋公園乘小巴往ＣＷＢ醫肚，本來提議食拉麵，但差不多已１１時店子早已掛上休息牌子了，於是乎轉而到其他地方揾食我們是分批來的．．入到茶記就已經趕我們上第２層，上到去就安排我們坐卡位，不久～另外２人都來了，５個人分別各有各點自己的～鮮茄牛腩湯蜆殼粉ＶＩＶＩ的，她說蜆殼粉太過淋！炒蛋＋奶醬豬仔就是為了豬仔，ＶＩＶＩ才叫了這個餐，試了一口，好甜呀～包勁脆，正！大蝦撈麵＊２另外２位好友都是點這個，份量少，男士一定不夠吃～蝦絕稱不上大蝦配以蠔油＆生菜＋熱湯，男友人３扒２口已吃完鮮茄焗豬扒飯＆意粉我叫意粉，ＣＨＲＩＳ就叫飯．．飯是白飯底，用一個鐵盒盛著明顯地剛剛焗起，所以到友人吃完整碟撈麵才等到我們吃的份兒豬扒淋身，完全不是像吉列豬扒般脆身，敗筆～茄醬比較少．．不足以撈勻成個意粉！除了豬扒，有少許蘑菇及蕃茄件雖然碟頭不多，但我吃到２／３就放棄了，味道只是一般而已．．凍奶茶走甜少冰開頭送錯杯正常給我，好在第２次就對了，而且做到少冰！ＯＫ架有茶有奶味，只可惜不餓喝不完，飲了半杯

周日朝早流流又要去開工，路經此地就試下澳門茶餐廳﹗裝修都幾有特色，上樓梯時見到好多公雞擺設，十分有趣，樓上一層有向街的卡位，舒適好坐，加分﹗早餐款式幾多，大部份都係$25左右，工友要左個羅宋湯通粉，我就食雪菜麵。羅宋通湯底濃郁，料多夠大份﹔仲連埋一個牛油脆脆包，香脆好食，牛油味香濃，香口過食牛油麵包很多，值得一讚﹗我的餐有埋多士腸仔蛋，地盤佬食也感到相當飽肚，食完真係lunch都慳番，抵﹗值得再來，地方舒適味道又好，好過去其他茶記﹗

今日lunch time閃左出去陪我個同學仔去買gradin裙,因為我地行左太耐所以陣係可以食到quick lunch,如果唔係畀人知我閃左咁耐實畀人鬧ha去左近近地mtr既澳門茶餐廳,貪唔駛諗,order左個鮮茄牛腩湯通,加咖央多士and炒蛋等左好耐先有野食(明明人地趕呀嘛)都係第一次食呢度既咖央多士,覺得個醬幾好食,不過我覺得似honey多過似咖央overall黎講都可以將佢形容為好食炒蛋細左30%可能蛋既成本上漲haha最緊要係呢度個凍咖啡,都仲有好好飲,就算今日喉嚨痛haha(番到公司之後好後悔,因為起晒痰)

放假日日瞓到日上三竿。午餐已經係下午茶時段，晚餐就係宵夜時段，實在慳唔少呀！其實銅鑼灣十點後大把地方半價優惠，但做完YOGA超肚餓，唔想行太遠，就求其入咗呢間澳門茶餐廳啦！ 招牌豬扒包：話明係招牌，梗係對佢好有期望啦！唔知係唔係太夜去的關係，是晚豬扒好乾，個包又唔脆，又唔多夠洋蔥，但又好油喎。有少少失望。 宵夜套餐－炒貴刁 + 飲品一杯：炒貴刁太油啦！食完成碟都係油！味道就不錯，都幾惹味。整體黎講食物質素好普通，去得茶餐廳都預咗食物係油，但呢度真係比其他茶餐廳都要油膩數倍。幾年前都來過呢間澳門茶餐廳，印象也還不錯，不知是否水準下降了呢？

上星期日路經銅鑼灣, 咪自己走:入澳門茶餐廳食個早餐.點知點菜後, 個"藍衫男人" 就"PAT"杯 O野飲落O黎~然後第二個女仔再放 個唔熱O既豬仔包, 我咪同佢講要換囉, 跟住佢又同個"藍衫男人"講話我好要換包喎, 個男人就好似"施捨"俾我咁, 發晒脾氣咁先話換俾我.之後, 我都O 晒咀, 個咁O既"藍衫男人"= 高級O的.無禮貌到爆, 跟住再大力"PAT" 個唔熱唔凍O既通粉落O黎, 食個咁o既早餐都要 HKD28, 仲要慘個"乞飯食" 真係激死我, 以後唔洗止意會再去呀!