澳門茶餐廳 (已結業)

今日6個人來呢度食lunch，我地都係叫常餐。我食豬排香菇出前一丁：強調用豬骨湯底，都幾好味，算多料，成碗食哂；再食埋個炒蛋菠蘿飽，飲埋杯凍檸賓，飽到想郁。我同事食蕃茄牛腩餐肉通粉，佢地話好開胃好好食，見佢地成碗食哂連湯都飲埋就知真係好好食喎。仲有同事食黑椒牛柳餐，好大碟，配菜都擺得幾靚，佢地都話唔錯喎。整體都好滿意，坐得幾舒服，又有MV睇，值得再來。

成日排長龍,都唔知有乜好!o係度食個tea,有澳門豬扒豬仔包,玉米炒蛋同紅豆冰.所謂澳門豬扒豬仔包真係唔多掂,塊豬扒係完全失敗,超級硬身,勁鹹,只係有小小暖,完全唔熱,咬開D肉黑黑灰灰,成塊柴皮咁,明顯係想落重味精以掩飾唔新鮮豬扒.豬仔包就ok,脆皮,麵包軟身.玉米炒蛋分量甚小,玉米粒加埋唔夠十粒.紅豆冰有古怪,飲左一半先發現,費事換,即刻埋單喊住走.

我黎呢間,永遠只食早餐或通粉餐~~早餐就次次唔同既~~無得講~~lunch的話,次次都食紅湯牛腩粒通粉果個~~首先會配多士,勁好味,或牛油豬仔包,有d硬架!!中意食個蛋白炒蛋,好綿,好味!!我好注意炒蛋既味道架,因為中意食~~之後配個紅湯牛腩餐肉粒通粉,都ok架,幾香咁~~d料亦唔少!!最後配個凍奶茶,隻杯夠哂凍,又大杯,對我黎講就太大杯,不過大杯都係一個吸引之處~~

今日係度食ｔｅａ．．食左半個豬扒包．．個包好脆．．．都幾好食．．仲食左半隻ｂｂ乳鴿．．不過真係好細隻．．都算幾好食．．但油左ｄｄ．．

this is probably the best-looking dish among all the food we ordered tonight. though it looks good the taste is really just average. the chicken they used was fat. and they came in several large pieces, makes it quite hard to eat. the pork buns are COLD... otherwise would taste much better.

放工6點幾，見裡面無乜人，吾似康山日日都排長龍，咪入去試下lo，叫左一向都會要的豬扒包同蝦多士，豬扒包只是一般，d洋蔥好辣，塊豬扒又用好多黑椒"yip"過，味道濃得黎又怪怪地。至於蝦多士，都係麻麻，d芝蔴苦得黎仲無乜香味。比起黎，尖沙咀果間d蝦多士似乎多d蝦膠，亦香口得多。以後要食蝦多士都係去返尖沙咀果間，否則要畀28蚊似乎吾太值!

午市都算平，套餐最平25蚊起，份量又唔算少，當然唔可以話係好好食，起碼勝在選擇多，食落肚都唔算難為自己。

星期日晚由於太悶,卒之叫左傻鹿陪我在銅鑼灣行街,行左一陣,佢話想去吉野家食野,不過我想試下其他店舖,所以來到呢度試下.入到去第一時間已經有位坐,睇左menu一陣,要左咖喱豬扒跟飯,蒜蓉牛油雞翼拼葡式沙律,凍檸茶同凍啡.飲品上後不久,個豬扒就到了,原來係用瓦煲仔上,一上聞到好濃的香味,個汁算杰,d薯仔唔算多,但好入味,而豬扒係切成一條條的,幾易食,個汁好辣,撈飯食好正,可惜太少飯,唔夠喉.之後雞翼上,幾香,但無新景整得咁入味,沙律就太少料,幾乎唔覺眼.至於杯檸茶都幾好飲,普通茶記水準.總結算係物有所值,算高尚茶餐廳,不過比翠華似乎仲要平,若想貪新鮮試新野,呢度係其中一個選擇。

21 July 2004, 8pm(actually I'm not sure is this one the 銅鑼灣新舖)同個女仔friend shopping, 慳時間食茶餐廳, 速戰速決!叫o左兩個菠蘿包餐($28@),都係鵝肝醬餡.........不過食o吾到有鵝肝醬味.但係個菠蘿包本身幾好食, 同埋極度巨型(一個菠蘿包有兩個Big Mac o甘大!) 結果食o吾曬打包拎走.另加洋腸蒜蓉炒西蘭花($38),好食就幾好食,不過o吾知點解咁細碟。

星期六收工都兩點幾，同朋友去左呢食晏，諗住有tea set，點知佢得個特餐，仲要2:30先可以叫，真煩﹗個特餐有三款可揀，但都唔係咁吸引，要成$28，唔抵食，所以快快食完就算囉。

lunch 時同朋友去到, 門口排左幾個位先有得入去, 叫左一個招牌軟骨皇子鴿, 一個咖哩牛尾煲+豬仔包, 同兩杯凍啡, 皇子鴿係幾軟骨, 食落只係一般, 咖哩牛尾煲好吹料而且幾辣下, 可能係中午去d牛尾未夠淋, 豬仔包個皮小小脆, 幾香口~ 凍啡都幾重咖啡味而且幾滑. 整體上不過不失.....

夏日炎炎,當然約人係餐廳等,免得曬出雀斑!!試左杯凍咖啡($16),"正"!當然以茶餐廳的水平,入口香滑,咖啡味濃,的確可以再飲多杯!!<br />