澳門路環茶餐廳 (已結業)

食物係一般快餐店水準,凍檸茶無味...服務態度奇差,未食完問人埋單未,未埋單問人係咪差唔多走, 未走放定張"留座"牌响枱, 埋單就叫人出去埋唔好阻住佢收野...仲要加一服務費..咁既水準居然開到咁耐仲要有唔少客.....服務評分1分都唔值...只可以俾負數

話說同5個朋友仔去食飯, 見佢咁熱情話$36, 咁就去食下啦, 點知.....真係唔入好過入喇~--個個類似老闆娘的女侍應,一入到去就不停介紹二人套餐, 仲話三個二人套餐就好喇, 又咩都有得食, 又cheap.....--之後最尾我地叫左5個小菜啦問題就黎喇~~~1.凍檸茶d味好怪, 似係檸檬同咖啡味2.個宮保雞丁, d雞有雪藏味3.有個唔知咩菇個小菜.... d草菇係酸的4.西蘭花芝士咩斑, 西蘭花係唔熟的仲要我地同個女人講,佢話"一定無可能, 無可能唔熟"仲要唔理我地走左去, 態度好差!!!嘩, 香港係美食天堂黎架, 比呢間食肆咁搞, 仲有人敢黎香港?! 破壞埋香港經濟tim呀!!!!!他們有需要學習待客之道．．．．

某日星期六晚十點左右, 我同個fd要食晚飯, 黎左呢間野, 本來都無唸住入去, 但係個侍應好熱情咁叫我地入去, 咪入去囉, 點知咁就入左間黑店度喇...坐係度, 佢係咁sell 我地要套餐, 又話係招牌菜, 跟本唔俾時間我地商量就拿拿林想去落單..d野黎到, 一個字, 垃圾.. 除左個炒通菜係ok o的之外, 其實都唔好味, 以為每個卡位有個電視可以坐耐d睇電視? 咁你就錯晒喇, 個mon勁唔清, 個mon度一個人有成10個影, 咁既電視唔好放出黎啦, sine氣..

之前食過，服務態度101%差！成日計多你錢，質質駁唔多覺！有次同5個同學一齊，去食晚餐\，因為有個同學始終鐘情呢問野，又係熟客，其他3個又唔知呢間野有幾差，跟大隊唯有去...1.Sell你食菜$50幾一碟狂話抵2.咩燒烤套餐\，勁多油，食死人3.計多你錢！多$30幾！好采有睇單4.見你叫平野，即刻黑面5.凍飯極多冰6.尤其個金髮女人(著便服老侍應)，服務態度101%差我因為上次知佢\又貴又難食，所以自己叫一碟焗飯(about$40)算數，其餘4個同學就慘絕人環喇.......$300=4人，重係唔知食左D乜！我出世到依家，第一次見咁差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差差的餐\廳！！！！

Hi! Well I must say the service was TERRIBLE! The owner was rude and gave no respect to customers' needs. When we tried to change an order, she rudely told us it was impossible.

個老闆娘上次態度已經好差.....話:1杯野$十幾蚊ja wo?咁都唔叫?已經好有暗差ge意思....今日....唔係去左食....不過經過門口,考慮緊果陣,佢又出黎hard sell~佢講完之後我地話:行多陣先決定啦!佢就勁差咁講:"下?$38 1個晚餐ja wor?都唔食?唔係連$38都嫌呀????"

試過幾間不同的葡國餐\廳，雖然本人未去過葡國, 亦唔知點先叫正宗，但係比較起其他幾間如小飛x等\"出名\"葡菜，呢間嘅食物最平均，最無比人揾笨嘅感覺，最普通嘅咖哩雞，燒羊比等，都好好味，但需要等位，如果去到就一定要等果度，千祈唔好見差唔多就過對面果間野，d野食超級唔得，服務差勁，價錢(相對食品質素)完全唔值。

今晚返學，順道到樓下幫襯這間餐廳。剛好這裡的下午茶至到7 點，而選擇的種類相當多，最後選擇了這裡的澳門特餐。選了脆身豬仔包配炒蛋，招牌澳門咖哩牛腩湯意再配涷鴛鴦小甜。特餐份量相當多，豬仔包真是相當脆身，很好味；而炒蛋就實在普通，見其他食物份量多，唯有放棄；咖哩牛腩湯意的咖哩牛腩算是不錯，香味、咖哩及牛腩都不錯，配合意粉食味一流，再用咖哩湯送豬仔包一絕。

前晚同亞暖去食，可能撞正心情好啦! 又覺得d野食同服務都唔係講到咁差!最驚喜係d湯好大碗，食物亦熱辣辣! 不過要加一呢下野係怪d!埋單都幾貴!每檯都有一個小電視，可以轉台較聲音大小，好得意! 是次每人消費約$45元

行到唔知有咩地方好去,咁就是但搵間野食下啦!!入左去睇完唔係好知食咩,見佢個2人餐又唔係咁岩食,咁就食左個什麼海鮮雞扒焗菠菜麵,味道都ok,同埋叫左個西蘭花班片抄帶子粒,一黎到.....嘩....好型丫d帶子粒,超mini,細到你唔信,d班片有4小舊,勁小家,不如改左佢唔好比d帶子粒人啦,又唔好睇又小家...唉...仲有佢d野味道比較咸.

今日去左呢間黑店..大家千萬記住記住唔好去呀!!事源係同個朋友去食飯,但唔係話咁肚餓,於是就叫左一碟干炒牛肉意粉,(menu 寫住係$35),再加一杯凍奶茶,和凍檸檬茶(menu 寫住係$14一杯).跟住個女人係張單到寫(38,18,18), 然後就話"今日野飲加價"..我同個朋友都呆左@.@..咁我地諗...野飲加價遮..野食都加價?!?!仲未完喎, 我地問另一個侍應"咩意粉唔係$35咩..點會變左$38架?" 佢答"你問返個女人la"心諗:如果無問題呀,邊個都答到la!!!到埋單: 明明計到條數係$74,但佢求其篤個數話$85...我朋友都呆左..問佢"點會咁會咁貴??" 佢話"因為要收加一"....大姐,,幾時有寫到收加一呀..係menu到完全無見過!!!!跟住個friend話.."就算加一都唔使$85 la"跟住個女人話"咁$82 la"..毫無悔意!!!呢個女人真係衰到貼地, 係由頭呃到落尾(由寫單到埋單),絕對係一間黑店,大家記住記住千萬唔好去食呀!!!

同男朋友0係旺角行街行到差不多到晚上10點鐘, 路經女人街就唸住搵d從未食過既餐廳試下, 結果入左一間叫做"澳門路環茶餐廳". 一入門口既感覺怪怪, 一間比較陰暗既茶餐廳冇裝修, 但每台都有部細電視, 唸住只係普普通通食餐飯既我就唔理咁多, 開始睇menu...點知...個老闆娘行埋唻介紹佢個二人餐老闆娘: 呢個餐好好賣架, 叫呢個啦, 有炸蟹鉗, 燒烤拼盆, 炒菜, 蝦伊麵同兩杯飲品$128, 我: 我唔想食燒烤野喎, 睇下先啦.老闆娘: 如果你唔想食烤野咁比你轉個小菜啦, 不過個拼盆值五十幾蚊架, 小菜40蚊架咋...我地都未confirm叫果個二人餐佢就自己0係度寫單, 仲問我揀咩菜, 要西蘭花定通菜, 我再話未決定食咩喎, 你一陣先落單啦, 佢就話咁即係要炒飯定伊麵呀? 我見佢非要我食呢個餐不可, 咁我就睇下有咩小菜可以叫啦, 之後見到個煲仔菜既牌我就問佢我: 可唔可以轉呢d$42既煲仔呀? 老闆娘: 得, 不過要加8蚊有冇攪錯呀小菜同煲仔相差果2蚊, 但係竟然要我加8蚊, 我梗係唔制啦, 我都仲未能專心睇餐牌, 佢已經自己入左個二人餐既單就行左去, 過左1分鐘左右再行過唻問我

12/12(二)晚上9點15分在澳門茶餐廳吃萄汁鮑魚片炸鱈魚意粉-吃得萄汁意粉OK,鮑魚汁OK,炸鱈魚和蘭花菜很麻麻(套餐$35)白汁湯-吃得OK,有點咸凍檸水-沒糖味,有水+檬檸=,="(凍飲$2)有加一收~下次我可能不幫襯

今日約左愛立信向旺角度搵食,黎到呢間,見佢都有些特色野食,入到去,裝修都好普通,應該係完全冇裝修,地板係冇舖任何野,兩邊有卡位,分食煙同唔食煙,中間就係四方枱,但我覺得係冇分別羅,通風系統唔夠,間中聞到煙味,每枱都有部超細電視,入到個老闆娘一路叫我地嗌套餐,都唔係好貴姐,但至慘係佢好似當我地唔識字咁,一個個套餐咁講番一次俾我聽,佢講時,又好唔順暢,好心唔好講,佢講完後我地都係叫左散叫美果海鮮帶子粒炒蛋-- 料都幾足,都好大碟,跟飯,有野飲美國葡汁炒牛仔骨-- 個味道都好好,用黎送飯都唔錯,凍檸茶,--略為淡左些少本來d食物都可以讚的,點知向我地埋單時,我地計岩個數係101蚊,點知埋單係109蚊,愛立信話唔好追,不過只此一次,因為呃錢,我都有留意到門口寫住七點後會加一,我心諗又唔係咁大型餐廳,使鬼攪加一咩.仲要計多人錢呀,你地有朋友去食的話,記住計清楚呀

補完習去左呢到醫肚係出面睇左個餐牌，見到有套餐先入黎食點知出事喇可能我矮啦，坐埋去，張檯好高，食得好唔舒服餐牌好污糟，好似水整濕過無數次，感覺好差野食叫左個葡國雞飯，好普通好普通，加埋碟油菜，係通菜點蠔油囉！嗌多杯芒果綠茶，明明要凍飲，但杯野好熱！有個女侍應應該未熟手其他人冇服務，咁樣都要加一，唔係呀嘛？唔平囉仲要，雖然係旺角姐，仲衰過茶餐廳！黑黑沉沉，想營造氣氛但好晡顯失敗了