澳門金隆雲南米綫 (已結業)

今日同好姊妹食晚餐， 選擇了米線。佢話有間咖喱薯仔出名，所以黎試一試。都幾多人食哦，差不多坐滿，可能是星期六關係。老闆娘服務態度麻麻地，都幾灰氣，不過就無落錯單，算啦！咖哩薯仔配滷水豆腐清湯米線：咖哩薯仔好腍，都幾入味，不過份量少一點，只有3-4塊；滷水豆腐麻麻地，無乜滷水味；我喜歡米線腍，容易食，份量都幾飽

失望到極致既雲南米線😖今日晏就過銅鑼灣 突然想食米線就入左一間叫金隆 雲貴川食13.00最繁忙既時間 係銅鑼灣中心地帶都有位，都知中左一半伏不過四圍都無位就無再揾下一間入到去睇個餐牌都叫幾多選擇 甘我就叫左個豬扒紅薯粉中麻辣$38黎到既時候見到豬扒都有六七舊 賣相好似幾得甘我呢個米線紅薯粉控當然即刻試下個湯需知道個湯完全係成碗麵既精華一飲，完全唔辣 入面亦都無雲南米線既香味純粹係一碗咸既湯紅薯粉😅😅😅唯一可以一讚既係個紅薯粉既軟硬度做得唔錯，唔會太軟太硬再試下個豬扒，酸酸地 應該係用得太多蒜蓉Yip 就好似燒烤食個d蒜蓉味豬扒咁朋友亦都俾左舊滷水豆腐我食完全唔合格，十級難食🤢🤢🤢🤢🤢🤢個味就好似D臘味舖個陣up味咁 食落都好想嘔🙄🙄🙄仲叫左個Zero $8 總括黎講 中意食雲南米線既人 唔建議你黎食但係當普通粉麵舖一試係Ok ge 但滷水豆腐就真係唔好食啦 中哂伏

星期六下午喺銅鑼灣食嘢，四處人山人海，難得見到呢間米線店冇乜人，一於入去醫肚。(根據經驗所得，冇乜人幫襯嘅多數都係伏，但行得太攰，唔理啦。)🙈 結果真係伏左……😢坐低睇個餐牌，好大本但其實大部份係餐(限左某種配料)，米線加自選配料選擇不多，最後揀左酸辣米線($28)+雞翼($10)，配凍奶茶(+$8)。先上凍奶茶，正正常常。再上米線，當堂得啖笑，一碟雞翼有大、中、細碼？有衝動想問其實正常係一碟幾隻呢？咁嘅配搭都拎得出黎俾人食，個廚房都得架啦。賣相唔好都算，雞翼得個鹹字。酸辣米線味道一般，米線好稔，最後難食到放棄，埋單頭也不回走人。冇誠意的經營，冇下次。

同隊友練完波係打風既凌晨，係銅鑼灣肚打曬鼓，入左渣甸街覓食😌我隊友一見到雲南米線就揀左呢間，我之前都食過，湯濃味重，配料豐富，好多選擇。連湯底都可以揀「淨酸」、「酸辣」、「麻辣」、「清湯」我揀左個新奇配料，咖哩薯仔，味道唔錯，但如果啲薯仔淋啲，我會高興好多😂宵夜黎講夠曬份量，好滿足👍🏼

同事話這間吾錯就今日專登過黎食下先，下午一點鐘黎到吾多人太好了，見到餐牌吾少選擇，最後我今次叫左豬扒酸辣紅薯粉要多杯凍檸檬茶，等左一陣野食就黎到啦。豬扒凍的已失望，味道完全係乾身又冇味，豬肉味吾知去左邊，湯底叫左小辣，吾好講辣度，係直情係淡。紅薯粉味道同口感都保持到。之後檸檬茶都黎到啦，茶味偏淡而且太甜了。只會黎一次，吾會再黎啦，而且待應服務好麻麻，叫佢比杯水係叫左3次都等等，食完結帳都未見到杯水。

自從畀朋友介紹係度食米線之後 本身都冇乜好感 但自從食刀削麵之後 就完全對呢間鋪頭改觀 金隆米線 出曬名辣 所以就算我有幾食得辣 我都係小辣算 刀削麵麵質彈牙 加埋酸菜 花生 芽菜 等等嘅配料 加埋特製嘅醬汁 非常惹味 而且配菜份量好多 相比起譚仔大方 飲品質素唔差 唔識講 總之味道方面比其他餐廳更好 例如一杯紅豆冰 佢可以做到濃奶味 紅豆唔會太甜

男朋友以為佢執左，原來之前係因為裝修所以無開。裝修左餐廳非常乾淨，舒服好坐。略嫌佢冷氣唔夠，有啲焗促。同男朋友各自嗌左招牌撈米線，佢嗌左凍奶茶。哩度凍奶茶比一般嘅濃味，非常特別，好值得一試！重點來了，我嗌左魚蛋獅子狗撈米線，2款餸都好彈牙，尤其是魚蛋，係炸左外面，好香口好好味。米線本身有炸醬，少許辣香，配上酸菜，有酸辣嘅味道，味道一試難忘。男朋友就叫左豬耳肥牛撈米線，米線撈埋肥牛，味道一流，特別香口。加上米線煮得剛剛好，好煙韌，值得再去食！唯獨覺得價錢可以平啲，一人一碗2餸米線各自都係$45，覺得米線份量可以多啲就好了！

年三十晚，一次意外 ...雖然早早已經預約了一間餐廳，但總有意料之外。來到門口才見到落晒閘，我只想快點到明天，因為明天就是雞年，我不再犯太歲了。但事情就是發生了，兩個失意的人在銅鑼灣行行行，由得意行到失意，其實只是想找家餐廳，原來都咁難，年三十，很多餐廳都滿了。終於進了一間餐廳。一家吃米線的餐廳，隨便點了一個米線。望望門口，似是有客要進來，竟然被餐廳拒絕了，原來因該餐廳也在這時候團年，暫停營業三十分鐘。巧合地，幸福地，我們就和餐廳一起團年，一切純熟意外。肥牛酸辣米線酸辣程度頗刺激，有點配合我今日的心情，肥牛和米線，加上看著旁邊整間餐廳的員工團年，是這個年三十的苦中一點甜。

香港有好多不同形式嘅米線，酸辣米線，麻辣米線.....種種類型我都食過晒, 以我食麻辣米線嘅經驗來講，呢間係我食過最難食，最不知所謂嘅一間!!先唔講佢嘅餸，我點嘅係大麻辣，亦都係佢哋有嘅最麻最辣嘅選擇 第一啖一定係試湯底，一試真係想揼咗隻匙佢!! 簡直係不知所謂~!!!個湯底係完全冇味!! 一啲麻一啲辣都冇~!!我問吓姐呢個係咪大麻辣，佢話係，然後佢攞返去幫我加辣，點知佢攞返嚟只不過係多咗一浸油....!!?阿姐再俾咗枱面嘅一兜辣椒油我，同我講如果再唔夠嘅話，你自己可以再加。但係我想講嗰度辣椒油係完全唔辣完全冇味再俾廚房加嘅，亦都只不過係同一兜，阿姐仲話呢度嘅辣油係佢哋蒲頭嘅好嘢呢間店係完全冇心做，亦唔知咩係麻辣就係咁，我就嘥咗個quota!!!!呢間嘢，真的「不知所謂，不知所謂，不知所謂」唔好去呀！

在伊利沙伯體育館欣賞表演後，步行到銅鑼灣找平民美食，隨意的跟友人選擇這間餐廳，由於完全未吃過晚飯，決定要點飯肉醬雞扒飯，雞扒非常有誠意，肉質鮮嫩，帶有少許彈性，肉醬別有風味帶小辣，令雞扒吃起來更惹味十足，有香濃的味道，送飯一流配菜清淡，有少許醬油味，當吃過濃郁的雞扒味道後，總覺得要有清菜的配搭。青瓜口感非常爽脆開胃，豆腐是冷盤，非常滑，而且帶香濃大豆味皮蛋惹味，外層有彈性，內裡有濃郁的蛋味。

與友人於伊館看完音樂會已晚上11時， 便決定一同12 人到銅鑼灣尋食。 這條小街仍有好幾間粉麵餐廳營業， 經過金隆， 友人的米線癮起， 便決定一試。肚餓便想食個飯， 這個肉醬雞排飯的肉醬挺惹味， 少辣，還有伴碟的酸菜， 味道很特別，不像平日外面那些。小食方便點了一個涼伴三寶， 有皮蛋， 豆腐， 醃青瓜， 很醒胃， 夏天食一流。 晚飯的後段， 我們已是最後一批食客， 跟老闆娘寒喧， 她說食物全出自正宗雲南人手， 跟別的連鎖米線店很不同。 有意思

是日寒風吹襲午飯都唔知食咩好，同事話不如食酸辣米缐呀！入到去食物種類繁多，多不勝數！ 又有飯又有麵，任君選擇！真的總有一款岩你一樣似的！ 我還了酥炸豬扒.金菇酸辣湯米缐，豬扒淋身但有少少徧油；不過只有半份少左一點吧！酸辣湯微辣，金菇及米缐份量適中。 凍飲+$8，特飲+$10，識揀都揀$10-阿華田紅豆冰！紅豆冰其多而且淋身，而且整杯都不算太甜。

雜錦牛肉米線內有肥牛，牛展和牛肉銅記一大碗賣45蚊，肉的用料不佳是可以理解肉細塊 肥牛淨係肥 可以接受湯底ok，酸麻尚算惹味最少沒有"化學"感覺米線略為over cooked一咬即斷但沒有絲毫彈性失色加上全店都是自由行和普通話客比較擠和吵怕的話，考慮清楚於我，試一次，足矣

是晚到來點了一個寫明海南無骨雞飯套餐包湯同油菜，點知上到檯海南無骨雞飯是有骨的，雞亦不夠嫰滑有點鞋口，油菜是椰菜只有少許墊在海南雞底下，湯是肉排雪耳但有點咸，喝了數啖放棄了。唯侍應待客態度和禮貌不錯，有食客國內遊客問坐港鐵星光大道怎樣去？侍應會教她們坐到哪個站哪個出口去。

味道-------------------香酥肉米線撈 $35 (有芽菜 炸醬 花生 酸菜)香酥肉香脆可口米線好滑但醬汁有啲咸我本人超級鍾意食花生!!!!! 所以刻意叫佢多花生 但結果都係得好少。。。總括 味道不錯 會再黎嘗試其他配料服務-------------------服務態度唔錯 都會成日講多謝但聽到隔離枱話想要紙巾 然後侍應姐姐話要加2蚊(好似係 咁都得😂