濃姐石磨腸粉

營業中

休息中

平時每個星期日都要喺呢條街等個女放學，今日終於的起心肝入去試吓佢哋個燒賣，$15有6粒，店員超級有禮貌問我要唔要辣油，又同我豉油已經喺入面㗎喇，因為我見到佢擺咗好多外賣豉油喺枱面，所以我估佢專登同我講呢句嘢，估唔到打開，居然係好似XO醬嘅辣油，拎上車慢慢食，豬肉燒賣真係超級誠意推介！店入面仲有石磨腸粉同埋蒸面，佢個蒸面係蒸公仔麵仲有好多餸揀，有機會下次肚餓過嚟試過蒸公仔麵同石磨腸粉，街坊小店！極力推薦♥️♥️♥️♥️♥️♥️

用wtspp 叫左一份亂九咁拉腸粉加葱花,行到去啱啱好唔使等.亂九咁拉腸粉-最啱我呢啲有選擇困難症嘅人.攞到返屋企,沖完個涼, 起碼20分鐘以上,腸粉仲keep住暖.打開真係咩都有,有蟹柳,粟米,豬肉碎,雞蛋,蝦米仔等等.豉油聞好香,少少甜帶啲鹹香,其實齋點佢嘅豉油已經好好味.腸粉超薄,食落去如果唔點豉油係有米香味.亦都好滑.薄薄嘅腸粉包住大量既配料,再配上佢特配既豉油.成件事好滿足.30蚊一份,我覺得好抵食.

很久之前在大埔林村河畔吃過人生中的第一次皺皮腸粉，當時還要等很久才有得食。現在開始popular了，多處地方有得食，好像太子、深水涉等。今日行經佐敦又記起有人說過濃姐幾好。小店在上海街近官涌，不起眼。尤於吃咗澳牛，只order了一樣腸粉。✨蝦仁腸 $25他的菜牌平實，唔叫鮮蝦，叫蝦仁，要了一盒加葱、麻酱、甜酱。怕拿到返屋企會焗到淋晒，行去附近公園，加埋豉油即該開餐。打開個盒，腸粉仍非常乾身，染上少許豉油，腸粉不是淋而是有靭性，入口浰，沒有傅统腸粉的油浰，非常好味道，蝦仁唔係新鲜蝦，但超爽有蝦味。有人話皺皮腸係由開平、台山……傳入，但我兒時從未吃過，這些都不重要了，重要的是多謝那些將傳統食譜改良，继續發揚光大😃😃😃的小店🙇‍♂️

作為一個廣東開平人，無返開平鄉下已經三年 每次返去都會周圍穩腸粉吃，好彩某一日睇youtube 見到有呢間腸粉，試過之後，真係有家鄉既味道 真心正😍依家仲會不斷介紹比身邊的同鄉😝

今朝早餐唔想食太飽想輕食就揀左呢個特簿牛肉腸粉，佢啲皮好簿好透好滑👍🏻👍🏻同平時食果啲唔同，入面配左啲免治牛肉，有少少咀嚼咁，加埋佢啲豉油，再叫佢加啲蔥係上面，好好味😋

本來不想今日發這樣的帖文，但最近疫情🦠來勢洶洶，很多食肆都相繼⛔️停業，連自己經常光顧的小店也開始休業甚至考慮結業😩，加上月中大機會禁足👣，營商環境變得更困難，希望仍在留守的飲食界朋友可以捱得過這個難關💪🏻其中一間已休業的小店，就是我最喜愛❤️的石磨腸粉店了，真的很想跟大家分享這小店的腸粉有多好吃😋，希望疫情過後小店可以重開大家也可以來品嚐一下啦！蝦仁腸 $25燒肉腸 $25碎牛肉腸 $28豬潤腸 $28豬潤碎牛肉腸 $33奶茶 $5（跟餐價）店家售賣的是石磨皺皮腸粉，由研磨粉漿到蒸腸粉都是一手包辦🖐🏻，款式種類多達廿多重，配搭多份量也多，但心思🥰絕對不會少由於個人對腸粉的餡料也有一定的偏愛😅，所以只列出部份的款式，最愛吃的當然是🐽豬潤碎牛肉腸啦～先說蝦仁腸跟燒肉腸，蝦子🦐大大隻，燒肉更是誇張，不是切成丁狀的燒肉而是像我們在燒味店買回來已斬好的☝🏻一件size啊～ 餡料多，不像外邊吃到的只有腸粉沒有料而我最喜歡😍的豬潤碎牛肉腸，豬潤片雖薄不過件數很多，而且全都切成適合入口的size，不帶腥味口感粉實；碎牛肉🐮是滿滿的免治牛肉口感，有稍為調味過但只有少許🤏🏻鹹味而主角✨腸粉皮做得很薄，是可以

近期疫情非常之嚴重，咁啱有啲事出咗嚟佐敦，突然之間又肚餓，咁樣我就買咗份腸粉頂住肚先啦！咁今次叫咗腸粉食啦！呢間舖頭全部都係外賣，但係啲嘢食又好好食！自己包，自己整！一手包辦，真係唔係好多舖頭做到㗎！今次叫咗個叉燒腸，賣相唔係特別靚！但係味道真係一流！我未食過咁好食嘅腸粉！叉燒啲肉都比較濃郁！腸粉皮唔算厚，薄薄地，食落去唔會成嚿粉咁，口感非常之舒服！再配上少少豉油，可以話係完美，仲有好多款腸粉都值得去試！希望下次有機會試吓啦！老闆勁好人！勁親切

手工石磨腸粉 除咗係人手製造仲要價錢平價親民下午茶時段購買 仲要每個平$5不過下午茶時段就唔可以加醬（花生甜醬等）不過佢哋有時豉油配嘅我買依兩盒粟米腸粉$16雞蛋腸粉$16下午茶仲要每樣減$5結果兩大盒都只不過係$2210分推介✨

終於食到濃姐喇一直知道佢嘅評價都唔錯, 好想試, 但係每次都遇唔啱時間, 因為佢五點幾六點就會關門 , 星期日又唔開, 今日遇上準備打颱風, 下午出去買定啲食嘅嘢嘅時候經過呢度, 即刻買咗一盒外賣, 我揀咗#黯然銷魂石磨腸粉, 我以為係叉燒同蛋, 點知係肉碎同蛋, 不過個蛋有少少流心嘅, 腸粉皮夠薄好味 👍 最特別嘅係佢個秘製豉油 , 唔會好甜或好咸, 配襯腸粉米香既皮, 真係可以食唔停口 , 下次都會去試其他種類嘅腸粉 😋

糧尾子有時食午飯唔想食太貴喺佐敦呢區一定會搵到平嘢食今次搵到呢間細細不起眼既外賣腸店原來腸粉係石磨 仲要平靚正大大份如果食原味齋腸只係十幾蚊我自己食腸粉其實有蔥花蝦米就已經滿意今次就試咗個蔥花腸粉呢種腸粉唔係平時果隻圓碌碌豬腸粉而係百摺既食落可能冇咁方便 因為要大啖啲食但係腸粉超級滑溜加埋啲甜醬辣醬麻醬簡直係平民美食🥰同埋真係即叫即整熱辣辣嘅雖然冇堂食 但係拎到返去都未至於凍哂冬天食應該會好開心下次會再試吓其他有餸既腸粉

雖然住咗佐敦多年，冇幾耐之前先發現呢間食肆，不過第一次經過嗰陣就嚟閂門，所以立下心腸要專登再嚟買佢啲腸粉返屋企（佢只有外賣冇堂食）。第一次買咗叉燒腸粉，第二三次買咗生菜豬肉腸粉加蛋，咁多次買份量都充足，第三次買甚至比第二次嗰陣份量好似多咗啲，所以食得都好滿足。味道係好好嘅，有米香，腸粉又拉得薄，餡料都算足，亦新鮮。感覺上亦都好健康，唔覺得油膩。但係我發覺個靈魂在於個豉油，食落應該係用乾蔥之類嘅嘢爆過同埋加左啲糖，味道好香，係普通豉油媲美唔到嘅。😋😋😋其實有餡嘅腸粉真係乜嘢其他醬都唔使。淨係用佢嘅豉油已經好好食。近中午來已經有少少排隊嘅情況，所以要買就預咗要等一陣，始終即叫即拉。為咗環保，我見啲熟客都有帶自己嘅食物盒上嚟，等我下次都咁樣做先。仲有一定要留意佢收得比較早，有時會早過寫嘅收工時間，真係好想食晏少少嘅人就要留意吓佢嘅社文平台，或者打個電話佢會穩陣啲。

佐敦呢間石磨腸粉一直都好想試，見佢話石磨米漿，好少地方有，好吸引！之前想買嘅時候佢冇開舖，今日終於有機會試吓！🍴免治牛肉腸粉 $28一盒有三條腸粉，牛肉碎唔算多，分佈唔平均，食唔到牛肉味，腸粉皮好香米味，係好難得有米味！但略厭唔夠滑，一夾就碎曬，皮太薄，豉油有啲怪味，好似煮燶咗，苦苦哋。🍴鮮蝦腸粉 $25蝦仁份量唔多，一條兩三粒，但爽口。🍴生菜豬肉腸粉 $25生菜份量好足，但豬肉就比較少，生菜食落爽口清甜，OK的！推薦指數: 6/10總括而言，非常普通，三個腸粉我會覺得生菜豬肉比較好食，但係咪值得去試？我就覺得冇嘢想食，咁啱想食腸粉就去試吓，佢哋嘅腸粉好重米味，好香，價錢都合理嘅，但略厭唔夠滑同一夾就散，豉油唔好食好苦。

買少見少嘅石磨腸粉，大熱天想搵嘢食，正常都去有冷氣有得坐嘅地方。但見到石磨腸粉，就忍不住想試下，叫咗個生菜豬肉腸+蛋，等左10分鐘到，然後取餐到前面球場坐黎食。滿滿一盒，夾起真係絲質咁，食落又薄又綿又滑😍 真係可以媲美食開嘅鳳鳴同富粥，夠多生菜又有蛋香，雖然豬肉唔係肉碎又唔係肉片，但味道幾好😆自家製既燒賣加辣油，雖然同我想像有啲出入，好似食緊牛肉🥴 但都ok既。一句而言，腸粉口感好好，而且好抵食，支持香港人小店呀！❤️💪🏼

食左好幾次 今次第一次有舊類似膠嘅物體怕怕！比起雞蛋腸 牛肉腸會好食啲！因為牛牛襯個腸粉會比較滑！ 完～完～完～～～～～～～～～～～～～～～～～～～～～～～～～～～～《

老婆聽聞這裡的腸粉唔錯，而且是即叫即拉，據説每日也有相當數量的捧場客，作為腸粉Fans的我當然要試真啲、睇真啲啦。店子非常細，不設堂食是完全能理解。見到好些啜核的名稱如：亂九咁拉腸粉、催淚蛋腸粉、扮晒蟹粉腸、嗅荽腸粉等。無堂食，但又想即時食；對面的運動塲就啱晒啦。叉燒腸呈半透明狀，隱約見到內裡的叉燒及葱花，滑溜中帶煙韌，而且分量非常之多，細食的朋友可能一盒已非常滿足了。對我來說，當然要加添其它選項了，另點了魚蛋、豬肉燒賣及奶茶；魚蛋爽彈但味道偏淡，如配少許辣汁同吃應該會更惹味，燒賣有肉香；但個人還是較喜歡魚肉燒賣多一點。奶茶如預期中一樣，不過不失。#叉燒腸粉 $25#奶茶 $5#白魚蛋(6粒) $15#豬肉燒賣(6粒) $15濃姐石磨腸粉地址: 佐敦上海街62號AVA 62地下5號舖電話: 66842983