灣仔士多

營業中

休息中

蒲苔島位於香港最南端, 今日同朋友就出發去呢個島 ～ 好早就出發 因為船期班次 所以一定係要跟船期走船一落船行一段好小既路 就會見到呢間灣仔士多主要座位都係戶外 而佢地主打既野食 我諗都係呢個紫菜餐蛋公仔麵 應該係最熱賣嘅 餐蛋其實都冇乜特別我諗最主要都係個紫菜佢係村民曬出黎既 當你行上山嘅時候就會見到好多紫菜吊住係到曬佢哋另外仲有單獨紫菜賣 包得都唔錯 回程嘅時候可以買返幾包畀人做手信 如果覺得肚餓嘅 我覺得行上山前可以試下佢哋呢個餐蛋麵 再坐低望下佢哋嘅海景 令有一番風味

⛰⚓🍜蒲台島行山 九成唔係路 辛苦爬完 錯過了班船餓了 走到碼頭小店 食一碗 紫菜餐蛋麵食客剩低兩個 撘唔到船既我地👫靜靜地吹着海風 簷篷間透出一絲絲暖暖的陽光望住出面輕輕搖晃小船 停泊係閃閃發光的海上餐肉每面都煎得焦香 紫菜無砂 配麵增口感燶邊荷包蛋仍然保留小許未熟黃心公仔麵彈牙 不過腍 不過生適量味精湯蓋過即食麵自身的麵粉味之餘 亦唔會死咸口乾簡單好食 食環境 更食情境#蒲台島 #紫菜餐蛋麵 #出前一丁 #hongkong #food #foodporn #socialenvy #yummy #amazing #instafood #dinner #eating #852#delicious

難得放幾日假期，當然要去郊外走走，今次揀去蒲台島🏝第一次去蒲台島，黎個蒲台島一日遊，感受天涯海角，全部都是超美的風景💜去到蒲台島一定要試吓當地名物「紫菜」🤤喺碼頭附近嘅灣仔士多，叫咗碗紫菜餐蛋出前一丁公仔麵😋 紫菜好新鮮成塊上，煎蛋有少許燶邊，餐肉都煎得好香😚 麵係出前一丁，配埋唔重味精的湯底，加埋海邊的優美景色😍收$45 一碗算係抵食😆臨離開蒲台島，仲買左兩包新鮮紫菜返屋企🤣📍灣仔士多 (蒲苔島)蒲苔島蒲苔公眾碼頭旁

去離島好似一定要望住海景 然後食碗餐蛋麵咁係種純樸嘅風味啊~蒲台島一落船就見到依間士多所以未食早餐嘅我哋就即刻坐低食碗麵餐牌選擇好單一 除咗餐蛋麵 就係蛋花湯 然後就係糖水同飲品所以枱枱都係嗌餐蛋麵紫菜餐蛋麵 $45 我哋都係每人一碗餐蛋麵餐肉半煎炸到好香口荷包蛋都煎到燶邊餐肉同隻蛋都幾好味 幾高質而精粹係個紫菜質地脆脆哋 少少鹹 又香撈埋啲湯食 唔錯唔錯以離島嘅餐蛋麵嚟講 都真係算高質假期入到嚟 吹住海風 再食返碗麵 都係一種寫意

難得搭船嚟到山長水遠嘅蒲台島，一定要試吓呢間灣仔士多嘅紫菜麵。聽聞呢間士多嘅紫菜都係自己喺海入面撈返嚟再曬乾，所以都叫做比較「新鮮」佢呢個紫菜仲可以好多變化，例如有紫菜蛋花湯，又或者好似相片中嘅紫菜餐蛋麵佢個面仲要係出前一丁，試心想，山長水遠嘅蒲台島竟然有出前一丁麵食，真係幾驚喜。餐後感：呢間餐廳喺碼頭隔離，附近好似得一兩間士多，不過奇怪嘅係，佢價錢又唔係真係好貴。仲要佢嘅裝修其實都幾精緻，仲有得坐正喺海邊，放下假出蒲台島行吓有咁嘅享受都幾好。

趁假日去咗"香港最南端"嘅蒲台島由赤柱卜公碼頭出發去往蒲台島大約 30分鐘左右因為有人懶瞓, 所以一落船食嘢先叫咗呢個蒲台島嘅名物  -登登登櫈~紫菜餐蛋出前一丁 ($45)~平日同假日好似唔同價錢係有少少貴, 不過去得呢D地方都預咗丫~~不過用上出前一丁都算係咁, 唔會煮到太淋都係港式味道, 紫菜又出奇地MATCH到個麵真係估唔到~ 士多仔仲有紫菜賣我都買咗返去自己再整~假日真係應該係咁休休閒閒咁樣望住個無敵海景食個靚早餐士多仔企企理理, 嘆完靚早飲返支五花茶再出發真係爽晒

今早趕10點赤柱卜公碼頭往蒲台島船，早餐都未食，10點半左右到達蒲苔島，一落船，更係搵野食啦！見到碼頭旁邊有一間環境企理，有瓦遮頭嘅海景士多， 排除萬難去到， 梗係要試下蒲台島名物 “ 紫菜餐蛋麵"啦， 還點了五花茶，清清熱先開始行程啦！第一次食蒲苔紫菜， 真係零舍唔同， 有別於平時喺街市買嗰啲紫菜 ，真係食到叫做新鮮，有口感，加埋餐蛋，真係估佢唔到個味咁夾, Like, 士多另有紫菜出售，可以返屋企自己整！ 五花茶就一般啦！唔太甜，幾解渴，食野途中聽到有人問老闆點解間餐廳叫"灣仔", 原來餐廳位於蒲苔島灣仔區， 真係長知識！

讚1.爽到不得了，前臨海景，仲要執得好乾淨，成個環境仲要好粉，同大部份鄉村士多好唔同2.綠豆沙煮得幾好，夠凍，化身，海帶都滑溜，跌眼鏡地好味彈1.可能對於洗手間要改善下

今日同豬先生尼到蒲台島，點可以唔試衣度既士多呢，我地揀左衣間係碼頭隔尼既海景士多，唸住食完等埋架船尼岩岩好Lunch之後尼到好多野賣晒，已經冇晒檸檬薏米，唯有飲龍眼水，點知幾驚喜，好清甜，一開始仲驚落好多糖，原全冇過甜既感覺，最後仲買左兩次番屋企跟住叫左個紅豆沙，細細碗，紅豆較硬身，性價比唔算高衣間士多都幾多選擇，除左糖水同衣度好地度既紫菜出前一丁，仲有紫菜蛋花湯，好岩食個tea然後搭船走既大家^_^