灣仔茶餐廳 (已結業)

昨晚跟家人到灣仔區逛,行經鋪面企理兼不用等位的灣仔茶餐廳(留意,係晚上七點幾响灣仔呢D旺到唔旺既區,竟然有食嘢地方係唔駛等位,仲有超多位等人坐埋去添!),諗咗一諗,不容有詐就走咗入去。只係想食家常便飯唧,普通茶餐廳應該冇問題既!其他菜唔想講,因為其"好食"程度簡直不欲一提！但一定會同大家介紹下"瑤柱肉鬆蒸水蛋",如果大家真係想食蛋既話,就千萬千萬千萬千萬千萬千萬千萬千萬不要點!!!開頭諗住蒸水蛋送飯,都有少許期望,但食咗兩啖,咦,點解碗白飯變咗黃色既呢?唔係撈埋咗喎,係白色既白飯變咗黃色!!!!點解D水蛋會甩色架!!!梗係要問下個伙計哥哥啦,佢竟然笑笑口唔講過D咩就走咗去!直至埋單都冇人同我解釋吓！唔係講笑喎,見到自己碗飯變成黃色後，就算剩大半碗都冇胃口食落去！如果個哥哥講兩句嘢都好吖!笑笑口咁係咪暗示落咗色素先!收四十幾蚊食水蛋唔緊要,但係真係要貨真價實先得架!

開了一排, 還是第一次幫襯, 加上是早餐, G餐, 沙嗲牛肉麵, 煎蛋火腿, 麵包, 咖啡, 沙嗲牛肉味道幾濃, 可惜都是醃得太過, 麵身不淋, 彈口, 煎蛋還漏黃, 火腿無需評了, 入貨的, 水準合格, 沒有淤黑, 無問題吧, 咖啡可以啦, 不算淡, 但不十分夠熱, 下次可試午餐.

上週三晚途經灣仔時，見到188商場對面的活道，開了一間茶餐廳，其招牌更以「灣仔」作為名號，論灣仔區的各式茶餐廳，想來也有近百之數，也有點興趣想知道，此店能否擔起「地區龍頭」的實力..................茶餐廳售賣小菜已不是甚麼新奇之事，以前三十餘元已可挾餸吃飯，現今百物騰貴，一個小炒也要四十餘元，還要另外加錢來個白飯，越來越不划算。晚市逢食客光臨，也會送上例湯，還算公道，只是這碗青紅蘿蔔煲瘦肉湯，也不免鹹了一點。小菜是兒時喜愛的菠蘿炒牛肉，炒得尚算帶點鑊氣，只是以牛肉來說，也來得有少許韌口，也知道好的食材難求，不用鬆肉粉已是對得住食客；幸好有菠蘿來得酸甜，配上青椒和洋蔥等配菜，整體上也是開胃。人家一個小菜套餐，通常都會搭上一個白飯及例湯，這裡要個「靚仔」，竟然要加六元，雖然體諒現今經營也見艱難，作為茶餐廳，總覺有點「食水深」的感覺。單就以上三樣，已是五十二塊錢的消費額，以同區食肆來說，不免有點貴，既然如此，也花多五元搭多一杯熱奶茶，味道不覺不失，還是有點茶味的。以晚餐來計，食味與價錢甚有斟酌的空間餘地，看來這個「龍頭」名號，實在也難以「實至名歸」，見午餐倒是有幾款合心水的，

10-9-2010星期五如常收工到灣仔「下場」, 又求其入一間茶餐廳諗住簡簡單單食份三文治, 但嚟到呢度坐低想叫腿蛋治烘底, 立即換來伙計一句「所有水吧0既嘢夜晚都無供應」(咁你個 a la carte 餐牌又唔寫明?) 好啦, 咁要個陳皮鴨腿湯飯吧, 點知伙計又話「呢個我哋無做」(咁你放落餐牌度做咩!? ) 遇上「麥兜」一樣的情景, 乜鬼心情都無晒了, 最後求求其其叫了個「鮮茄蛋花牛肉湯飯」($32), 加杯熱華田 (加 $2) 就算.熱華田: 本來無諗住評的, 不過呢度的少甜多奶, 飲落幾香滑, 估唔到又不錯. 「鮮茄蛋花牛肉湯飯」: 主要食蕃茄蛋花湯底, 飲落係簡單直接的「豬肉湯」, 又有少少罐頭蕃茄的味道, 不過都幾鹹; 配料除了蕃茄, 蛋花及牛肉, 仲有雞脾菇, 薑片及冬菇, 牛肉仍帶少少肉味, 不過韌得過分 , 薑片就落得太重手, 味道勁搶 配上硬身飯粒, 味道一般, 整體唔難食的.$34 埋單, 未試奶茶又未試公仔麵 / 三文治, 不過我應該唔會再來了.

雖然話係速報，但其實輸左俾KC九條街。既然KC寫早餐，那我寫個午餐供大家參考下吧。這個位的確是做不長，上一間走中高檔路線既我都未食過，就已經關門大吉。門口侍應在招客，還算勤快，態度也不錯。午餐餐牌星期一至五天天不同，也已經印在餐牌上，應該是不定時更新。之前吃過一次午餐，是星期三的洋蔥鴨胸雞扒飯。感覺只是一般，雞扒同無整過無乜分別，雞皮就好像剛解凍一樣黐住雞扒，也因為完全沒香口感，鴨胸過老，也只是有口感，整個午餐只得飽肚感。之前幫襯朋友叫了一個特餐，朋友左好食，所以今次俾多次機會，叫左個特餐。特餐有鮮茄滑牛通粉，鮮奶炒蛋配厚多士。鮮茄滑牛通粉很夠茄味，雖然同勝香園仲有段距離，但茶餐廳黎說很不錯了。牛肉有點煮過龍，但我還覺得可以接受，可能因為那個茄湯可以「一紅遮三醜」吧。鮮奶炒蛋配厚多士的厚多士一開二再中間查牛油，是潮流嗎？現在很多地方都是厚多士，其實如果唔好食的話，厚多士是自曝其短的。這裡的多士不是全塊都脆，還好牛油大平賣，所以還算可以接受。鮮奶炒蛋也是潮流，這裡也是合格的，但轉角已經有間華星，令人不期然覺得這是在班門弄斧。當然這裡也不是十分差，如果不想排華星但又想食類似的東西，其實是可

六月下旬．晴這個舖位很有趣，自從以前的咖哩店結業，一連幾手都做不長，現在又來了一間，索性打正旗號，做茶餐廳食物。來吃早餐的時候，才只是開業的頭幾天。只門外有店員在落力招徠，坐下來看看餐牌，早餐卻沒有什麼心水，反而對一項「鮮牛肉蛋三文治」幾有興趣，就要了一份，烘底。多士的麵包是薄薄的，顯得鮮牛蛋的餡就特別厚。看夾層，已知是牛肉多，蛋少。而最重要的是，蛋是薄薄的，少得不鬆軟。一口吃下，只覺牛肉是滑口得過份，食趣大減。熱咖啡還不錯，交到功課。這一份鮮牛蛋治烘底，加熱飲要賣二十六元的，也可以要求有好一點的水準。至少，同一份炒蛋，已給一街之隔的華星比下去了。