火土燒肉

Bookmark 左呢開燒肉係個list 到一段時間，今晚終於有機會去食啦。餐廳以camping裝修風格，連坐的櫈同用的杯，甚至乎紙巾袋都好似係到camping梗一樣。呢個仲有兩隻醬可以俾你調味，分別係柚子醬同埋燒汁。燒肉拼盤 $398（除咗牛舌外每樣都係有四塊）牛肋肉：肉質鮮嫩有嚼勁，入口juicy牛舌：佢係鹽蔥薄牛舌，鹽蔥味好香，令到個牛舌再昇華牛胸腹：一啲筋都冇，油花豐富，肉味夠濃。伊比利亞豬肋條：呢個係今晚最有驚喜的肉，燒到表面有啲焦脆，入口係爆汁，而且肉汁超香。北海道豚腩片：肥瘦比例剛剛好，燒到少少燶再配埋個柚子汁食真係好夾。夢見鳥雞腿肉：肉質彈牙，食得出係用上新鮮食材。雪花牛小排 $138油花好靚，燒到五成熟，超淋，剛剛好，肉汁係口腔入面爆發，呢個真係唔錯。另外叫左個白飯 $18飯粒粒分明都好夠米香。柚子梅素冷麵 $58佢個醬汁酸酸甜甜，加上夠凍，夏天太熱，食呢個冷麵就好啱。海鹽菠蘿梳打 $38佢的杯邊都沾上咗海鹽，入口咸咸甜甜，加上菠蘿的酸，好清新的口感，又幾夠解渴。可樂 $18呢間燒肉性價比都幾高，個氛圍又真係好似身處於露營地方咁。

K11 向來美食多羅羅，今次黎左呢間3樓嘅燒肉店二人套餐黑醋冰蕃茄沙律原個蕃茄🍅新鮮，酸酸甜甜幾開胃～花切長牛舌👅厚切激長牛舌👅建議切開一小塊黎燒，方便煮熟透，記得放上檸檬🍋汁一起吃，更有提鮮作用！豬肋條（鹽醬）無骨豬肋條，記得要切開一半，否則好難燒熟透～個人認為不用蘸任何醬汁，都可以食到其鮮味！雞爽肉（鹽醬）有少少似豬頸肉嘅口感，食落去真係好爽脆！配上自家製醬汁, 層次感更豐富~雞腿肉（鹽醬）雞脾🍗肉, 食落去好嫩滑, 將雞皮煎成金黃色, 更有焦香脆口感覺~雖然有D邪惡😈但真係好好食!玉子🥚海苔飯米飯🍚採用左珍珠木, 粒粒分明飽滿~ 將紫菜及玉子拌勻一起吃, 口感更加match~柚子梅素冷麵🍜梅味的冷麵, 柚子湯底及檸檬🍋酸酸地, 有些微的解膩作用凍烏龍茶🍵前面食太多肉, 可以飲返杯烏龍茶, 有消滯之餘, 在這個夏天喝一口尤其解渴~海鹽🧂菠蘿🍍梳打🍹杯邊沾滿海鹽🧂內裡放入菠蘿🍍鹹鹹甜甜的感覺, 感覺既新奇又解渴!散叫:牛油🧈粟米🌽粒粟米🌽粒新鮮爽脆, 配上即溶牛油🧈好好食~清酒🍶煮蜆有微微的清酒🍶香味, 配上大大粒的蜆肉一起吃, 鮮味尤其突出!

今日黎到尖沙咀超hit嘅露營風燒肉店「火土燒肉」，坐住露營櫈、圍住炭爐燒和牛，仲有星空燈同帳篷打卡位，氣氛滿分！🔥 行入店似足去咗glamping⛺️！露營枱櫈、偽營火燈，播住輕快歌曲，未燒已經勁chill！今次叫左個二人餐，包左勁多野！🥗 黑醋冰蕃茄沙律開胃首選！冰鎮蕃茄爆汁清甜，黑醋汁酸甜醒神，食完即刻胃口大開🐮 花切長牛舌全場MVP🔥！牛舌切到手指咁厚，炭火燒到微焦脆邊，咬落爽彈爆肉汁，唔洗點汁已經香到癲，必encore！ 🐷 伊比利亞豬肋條 + 濟州三花卷豚爽肉豬肋條同三花卷豚肉油脂甘香，燒到脆皮，咬落去啲油脂爆晒出黎，配飯食一流🐔 蒜香芫茜雞腿肉雞髀肉嫩滑多汁，無得輸，面頭灑上少量芫茜碎，唔會怕太濃味有人唔岩食🍚 玉子海苔飯 + 🍜 柚子梅素冷麵海苔飯：紫菜碎多到瀉！撈流心蛋黃超邪惡，食到最尾撈燒肉汁更絕👏🏻 柚子冷麵：冰涼透心💦 蕎麥麵彈牙，柚子梅汁酸咪咪超解膩，清晒油膩感！

✅日本牛舌（花切）牛舌係日式烤肉嘅靈魂，而呢度嘅牛舌絕對係頂級之選！師傅刀功了得，切出嚟嘅牛舌薄中帶厚，紋理分明，燒到微微焦香時入口，外脆內嫩，彈牙得嚟又充滿肉汁。簡單蘸少少鹽或者檸檬汁，已經帶出牛舌嘅鮮甜，完全唔需要多餘調味。如果鍾意濃味啲，可以點佢哋特製嘅蒜蓉醬，更加惹味！ ✅豬肋條（鹽醬）豬肋條一向係燒肉必點，而呢度嘅鹽醬版本更加係驚喜！肋條肉質鬆化得嚟帶少少嚼勁，鹽醬唔會過鹹，反而帶出豬肉嘅鮮甜。燒嘅時候要掌握火候，外層微微焦脆，內裡仍然保持juicy，咬落去肉香四溢，配埋啤酒簡直一流！ ✅北海道䐁腩卷（燒肉汁）北海道䐁肉出名油花均勻，呢道䐁腩卷切得薄身，卷住蔥花再蘸上燒肉汁，燒到油脂微微融化，入口即化！燒肉汁甜中帶微鹹，同䐁肉嘅油脂完美結合，食落完全唔膩，反而有種濃郁嘅肉香迴盪口腔，絕對係白飯殺手！ ✅夢王紫菜飯食燒肉點少得一碗靚飯？呢度嘅紫菜飯用咗日本米，粒粒分明又帶黏性，上面鋪滿脆紫菜，再配一隻夢王蛋。夢王蛋蛋黃濃郁到不得了，撈勻飯同紫菜後，蛋香同米香交融，再加埋燒肉一齊食，簡直係完美配搭！ ✅柚子梅素冷麵食完咁多肉，呢道柚子梅素冷麵絕對係清新之選！冷麵彈牙爽口

喺鬧市入面走入帳篷，吹住冷氣食燒肉，呢種體驗真係超爽~呢間露營風主題餐廳，成間鋪頭都係用木做設計元素，空間超闊落，完全冇一般燒肉店嘅焗促感。座位選擇超多，仲有露營專用嘅摺疊桌椅，枱上面擺住迷你露營燈同露營餐具，隔離仲擺滿晒專業露營裝備，氣氛唔錯～​🔥燒肉拼盤​食肉獸必點！牛肋肉、牛胸腹、牛舌、伊比利亞豬肋條、豚五花、雞腿肉一次過有晒～​牛肋肉入口軟嫩多汁，牛味超濃，豚五花油脂分布均勻，烤到微焦一啲都唔膩。牛舌卷住蔥蒜食簡直正到爆～另外私心推介伊比利亞豬肋條，帶少少筋膜嘅口感好豐富，肉味濃郁，彈牙又多汁！🦪牛油燒廣島蠔​3 隻超大隻嘅生蠔放喺蒜蓉牛油入面煮，口感好creamy，蒜香同牛油香完全滲入蠔肉，夠晒新鮮！​🍣醬油帆立貝​三大粒帆立貝用醬油汁煮到剛好，保留住海鮮嘅鮮甜，肉質 Q 彈，好满足～​🍚蟹肉蟹膏鐵鍋飯​私心追加嘅主食，蟹膏嘅香味完全融入飯粒入面，每啖都有蟹肉蟹膏嘅鮮甜又唔會太鹹​🥤海鹽菠蘿梳打​一定要點呢個解膩神器！杯邊嘅海鹽粒真係畫龍點睛，菠蘿味超濃，氣泡感十足，清爽又解膩～​

终于来打卡K11 Art Mall的火土烧肉啦！这家藏在3楼的日式烧肉店，环境简约舒服（太喜欢这种露营风了好chill），适合朋友小聚～吱吱点单推荐（两人食足够）⬇️✨A5宫崎和牛霜降西冷配夢王蛋💰428和牛油脂分布超美，烤到五分熟裹上流心蛋液，入口即化！蛋香和牛香融合得刚好，必点！店员可以帮忙烤喔～✨ A5宫崎和牛三角腹肉💰168性价比很高的一款，油脂香气浓但不会腻，蘸烧肉汁超提味～✨北海道豚腩片+柚子胡椒💰豚肉烤到微焦，搭配清爽的柚子胡椒，解腻又开胃，朋友说越吃越饿🤣✨ 夢王蛋海苔饭💰32吃完肉来碗这个超满足！海苔碎+流心蛋拌饭，简简单单但很香。✨蒜蓉牛油金菇（🆓打卡送的！）蒜香和牛油超搭，金针菇烤得juicy，记得收藏店铺就能送～💡建议提前订位，晚市蛮火的～人均💰：400📍尖沙咀河内道18号K11 Art Mall 3楼314铺

尖沙咀K11呢間火土燒肉真係估佢唔到！入到去以為跌左去郊外露營，木系桌椅配住串燈同帳篷裝飾，打卡位多到影唔停，連bar枱都係戶外feel，坐低飲返杯梳打真係超chill～二人餐$596夠晒飽！黑醋冰番茄沙律開胃到爆，酸咪咪帶住冰涼勁解膩。花切牛舌烤到邊緣微焦，咬落爽口彈牙，juicy到漏油！鹽醬豬肋條要趁熱食，肉質鬆軟到一扯就散，鹹香夠晒喉。北海道豚腩卷油脂分布勁均勻，烤完外脆內嫩，點埋柚子胡椒簡直絕配！夢見鳥雞腿肉嫩到出汁，夢王蛋海苔飯拌勻後蛋香四溢，最後來碗柚子梅素冷麵，清新夠晒醒胃。埋單先記起仲有杯海鹽菠蘿梳打，酸甜帶點鹹，飲完個口超清爽！呢個價錢有環境有質素，下次一定再黎！

最近和朋友逛完 K11，忽然想吃燒肉就即興來了這間名字超有記憶點的《火土燒肉》。店內設計走日系簡約風格，主要是深色木材與石紋裝潢，搭配微暗燈光，氣氛十足🪵✨ 桌與桌之間有足夠距離，配上半開放式包廂區域，無論是朋友聚會還是情侶約會都很適合！我們點了 二人套餐，分量剛剛好不浪費～前菜是開胃的 黑醋冰番茄沙律，酸甜清爽🥗再來的重頭戲是 花切長牛舌，厚度剛好，烤起來脆口又香！豬肋條 和 北海道豚腩卷 肥瘦相間，炭香十足，每一口都讓人想點白飯配🤣雞肉部分是 夢見鳥雞腿肉（辛辣味噌），肉質嫩滑，帶點微辣，超過癮🔥主食有驚喜，夢見蛋海苔飯 混著流心蛋與紫菜香氣濃郁，是意外的靈魂菜～最後用一碗清爽的 柚子梅素冷麵 收尾，酸香中和整餐油脂，完美✨

呢間以露營為主題嘅燒肉店一路都好想試今日終於有機會食到！⛺️⛺️⛺️入邊所有嘅餐具全部都係露營嘅設備，餐廳嘅裝飾都係，全部都好有心機，亦都好啱打卡，露營迷呢呢度應該會好瘋狂！叫咗一個全牛特選拼盤!分別有牛肋肉，牛里脊肉，牛舌，牛空腹同雪花牛小排~~雖然價錢唔算太平，但係肉質確實係有保證！而且份量都好多，兩個人都夠食！個人最鍾意雪花牛小排，雪花分布平均，肉質鮮嫩，好濃牛味！牛里脊肉肉質柔軟，有入口即溶嘅感覺！月見雞肉棒雞肉同雞軟骨嘅比例恰到好處，月見汁加上蛋黃，味道層次豐富，多咗蛋香迷你甜番薯好鮮甜嘅番薯🍠 食燒肉梗係要配玉子海苔飯啦！最愛溫泉蛋🥚🥚福島縣產白桃果汁酒，甜甜地好易入口！

🏕️露營風格 x 日式燒肉——我諗就係佢命名為「火土」的原因。最原始的字和畫面表達燒肉的意思。好食過其他連鎖，值得推介下：🐮我地左個牛肉特選拼盤、包左幾種不同的牛肉：雪花牛小排、鹽蔥薄牛舌、A5宮崎牛三角、牛肋肉同牛胸腹。牛的肉質鮮嫩，油花分布均勻，露營🏕️風格都反映係調味上、冇用太多醃料醃製，似你喺露營嘅時候嘅調味～簡約。我就覺得突出牛嘅原味同鮮味。燒完之後再點少少醬汁同海鹽已經好好味。🐖另外，伊比利亞豬肋條都係優秀。豬肋條就用柚子胡椒醃左，唔會覺得太油膩。重點是冇骨嘅，肉質又唔會太韌，食落啖啖肉。記得問佢拎鉸剪✂️ 剪開豬肉條易燒啲！蟹肉蟹膏鐵鍋飯🦀🍚 另外有啲驚嘆嘅係佢真係鐵盤煮出嚟，，所以可以有飯焦嘅！🍹飲品吖咗凍烏龍茶同埋百香果梳打。烏龍茶茶味濃，而百香果梳打甜度同酸度適中，兩杯都可以中和油膩感。其實佢本身另外有個露營風格嘅戶外酒吧、有埋 tent 添，但就因為落雨所以冇開🥲要等下次地址：河內道K11 Musea 314號鋪

今次去咗間露營主題燒店食二人套餐，成餐飯真係幾有驚喜，佢哋完全係用露營食具。啲食材新鮮，配搭有心思，連甜品都正到想Encore！首先上枱係黑醋冰蕃茄沙律，一入口已經覺得涼浸浸，開胃到爆！冰蕃茄酸酸甜甜，加埋黑醋好refreshing，食完胃口即刻打開。跟住係花切長牛舌，係我今餐嘅Top 1！牛舌切得厚薄適中，煎到外脆內嫩，咬落煙韌得嚟唔會韌口，好香牛味，配埋啲蔥鹽一齊食真係冇得輸。**豬肋條（鹽醬味）**鹹香惹味，燒到有少少焦香，啲油脂唔會膩，反而提升咗整體口感，啱晒鍾意重口味嗰啲朋友。北海道豚腩卷就係另一個驚喜，外脆內嫩，豚腩脂香滲晒出嚟，咬開仲有肉汁，好邪惡但真係好正。夢見鳥雞腿肉個名夠晒夢幻，雞腿肉煎得啱啱好，嫩滑又有肉味，皮脆肉嫩，點少少醬汁更加突出。飯就嚟咗個夢王蛋海苔飯，蛋香濃郁，飯粒粒分明，加埋海苔香，雖然係簡單配菜，但好滿足。柚子梅素冷麵又係另一樣加分位，柚子梅味酸酸甜甜，凍麵彈牙清爽，啱晒夏天食，一啲都唔heavy。飲品係福岡草莓可爾必思，甜甜地又有啲乳酸味，幾有特色，打卡都好靚。最後我哋另外加咗個開心果雪山冰，一上枱已經嘩一聲，勁大份又靚，開心果香味濃郁，下面啲刨冰

這次在尖沙咀K11 Art Mall的火土燒肉用餐，真的好像去咗一次輕鬆的室內露營！⛺✨🌿 環境每張木枱都搭配露營摺椅🪑，頭頂掛著暖黃露營燈💡，用鋁製餐具，感覺非常特別，好有野外燒烤既氛圍，令人一入座就放鬆心情。🥩 燒肉推薦🔹 花切長牛舌厚切長條，油花均勻，輕輕燒烤至微焦，入口彈牙多汁，鹹香十足😋🔹 雪花牛小排油脂超豐富，燒到五分熟最啱，入口即化，牛味香濃👍🔹 和牛胸腹 & 牛里脊肉簡單鹽醬調味，肉味非常濃郁，牛里脊肉特別有嚼勁，越食越香🔥🔹 牛肋肉脂香突出，表面燒到微焦脆，一咬就爆汁❤️🍚 玉子海苔飯紫菜鋪滿飯面，中間放隻生蛋黃🥚，再配上燒肉一齊食，香滑又有層次感，減低油膩感，好滿足！🧊 飲品凍烏龍茶清爽解膩🥤，中和炭火熱氣，配燒肉啱哂。✨整個用餐不只是味覺享受，露營風布置和氛圍都令人難忘，下次一定再回來慢慢燒肉～

🐷知我好想試露營，但一帶好多物品既時候就搞唔點，🐷又做到野，搵到尖沙咀有得户外露營燒烤，可惜個晚好大雨，唯有室內啦😭下次可以同👦🏻一齊去叫左個牛拼盤，都幾多牛既款式 牛肋肉牛肋肉肉質嫩滑，燒烤後外焦內嫩，配上蘋果味噌，甜甜酸酸，增添咗一份清新。 牛舌牛舌口感特別，燒到啖啖都有煙燻香味，咬落去彈牙，配上少少鹽，真係好味。牛胸腹牛胸腹肥瘦適中，燒出嚟嘅油脂令肉質更香滑，咬落去濃郁，唔會悶。 牛里脊肉牛里脊肉肉質細膩，燒烤後唔會太油膩，味道清新，淨係用鹽調味已經好好味。雪花牛小排雪花牛小排油花分佈均勻，燒到咁香，肉汁充盈，口感滑順 阿波酢橘雞腿肉阿波酢橘雞腿肉有股清香，酸酸甜甜，燒烤後肉質多汁，選了辛辣味噌，有啲微辣。清酒煮蜆清酒煮蜆味道鮮美，帶有酒香，蜆肉滑嫩，十分開胃。

放假去K11行街，順便去呢間bookmark左好耐既露營主題燒肉食lunch，餐廳由門口裝飾、到餐具，全部都采用露營主題，好有特色😍✨二人套餐 (包括前菜沙律、4款肉類、海苔飯、冷麵、兩杯飲品) $298 每位✨黑醋冰蕃茄沙律🍅天氣熱辣辣好適合食呢個前菜，好冰爽，蕃茄鮮甜多汁✨花切長牛舌 🐮✨豬肋條（鹽醬）🐷✨雞爽肉（鹽醬）🍗✨雞腿肉（鹽醬）🍗呢個套餐有齊牛、豬、雞，最中意花切長牛舌，好長同埋好厚，口感軟腍彈牙，帶濃郁油香，分量好多食到好滿足🤪雞爽肉都好正，係雞脖子部位的肉，比普通雞肉更加爽脆，口感彈牙😋✨玉子海苔飯🍚✨柚子梅素冷麵🍜滿滿的海苔加玉子，我地又加左燒肉醬汁，配上燒肉，滿足冷麵配燒肉解膩一流，仲要加左柚子梅，酸酸地好開胃😋✨巨峰提子可爾必思🍇✨福岡草莓可爾必思🍓提子同草莓都清新解膩，福岡草莓仲有一粒粒草莓粒增添口感😜另加✨牛油粟米粒 $38✨味醂魚乾 $48味醂魚乾帶有微微的甜味和淡淡的酒香， 食落煙韌有咬口🥰

火土燒肉牛肋肉套餐深褐色的牛肋肉，表面燒到金黃色澤格紋，油脂透亮，肉縫間溢出肉汁，聞到焦化油脂的濃郁燻香，粉紅色的肉質鬆軟，咀嚼出牛肋獨有香氣，膠質的黏唇感悠長的肉脂甘甜日式玉米湯入口如絲絨滑，圓潤粟米微顆粒感，濃郁中帶清甜，粟米的回甘香味燒豚肉表面金黃色肉面，脂肪透亮，脂層入口化絲 ，瘦肉溢肉汁 ，筋膜膠質黏唇齒 ，豚肉五花，慢燒脂香不膩肉甜吉列炸廣島蠔吉列炸廣島蠔的味道非常獨特，外層酥脆，裡面則保持著蠔的鮮嫩多汁。當你咬下去時，酥脆的口感，海鮮的鮮美與炸物的香脆，讓人一口接一口明太子雞翼明太子雞翼的味道獨美味，雞翼外皮金黃酥脆，內裡鮮嫩多汁，明太子增添了濃郁的風味，帶有微微的辣味和豐富的海鮮鮮味，鹹香的味道與雞肉的鮮美，明太子雞翼既有香氣又有味道