火山燒 (已結業)

首先，係黎之前已經做哂功課，睇左係刺身，火鍋同燒肉任食。點知去到點左兩次刺身，再比紙個店員(唔知係咪資深店員定店經理)，佢就同我地講: 如果你地再點刺身就要額外收錢，我地表示無奈，說好的任食呢？我地再問佢公司政策係咪只有燒肉同火鍋任食，而刺身有限，佢又話: 唔係，不過貴店刺身用料靚，所以最好就點少啲刺身，點多啲燒既。我: 小你啦 你唔寫明刺身係貴野最好唔好點？(我更係無咁講) 啲野食就ok既但係咁既待遇去唔去食就你自己決定啦

呢間唔可以話難食，不過佢哋嘅海鮮真係麻麻地，特別係蠔，多蒜到不得了，我諗係想遮啲雪味。燒完之後一粒肉都唔見，極度差。👎🏿打邊爐嘅料都係，肥牛直頭劣質，又肥又散。不過啲肉類唔差，我都幾鍾意，特別係牛肉👍🏼豬肉都好所以嚟食呢間嘢有心理準備就係玩串燒好喇，可以叫個爐然後煮菜食。海鮮類就千祈唔好叫。懶人包：海鮮肉類 最佳食法：燒紅個爐，叫多啲肉類，一嚟就燒。另寫單叫埋個人蔘雞湯同埋打邊爐嘅菜，到時候就可以一邊食肉一邊食菜。最後仲有得飲湯

今日早收工，好自然就同朋友去食大餐！今次揀左呢間串燒放題，因為老友都系食得之人，要搵間又抵食又要飽又多款既呢間岩曬要求。系港島吾系打邊爐就串燒，今次揀左串燒，因為我地食早場，個場都算光猛整齊。除左串燒都有燒肉啦刺身啦同迷你鍋，我地每樣都揀左啲黎食，不過都好食都系燒串燒，尤其是牛肉！燒完加多少少香料落去，感覺特別好食。我最中意就系呢個年糕仔第二個我同朋友都大讚既系佢隻燒雞，燒到好香又多肉汁，好少放題食到呢啲質素。其他野食都吾錯，但系菜類我地就少叫，因為兩個都系食肉獸。最後埋單兩位差吾多五百蚊，以任食黎講性價比算高，下次應該會帶埋朋友再試埋佢個任飲碑酒。

成日都食日式放題又嫌無乜新意，今次揀左主打食串燒放題做晩餐。除左食串燒之外，原來仲有刺身同埋鍋物。先講刺身，無諗過差成咁，果片帶子咁薄仲要開邊做兩片 ，仼食既質素都唔係咁掛。三文魚又近腩位，好膩。象拔蚌有雪味，食落口好似未融雪咁！刺身真係好唔掂，食幾片都怕怕。到串燒啦，個爐又細而且火力又唔平均，淨係得頭排位置係真係燒到。款式方面又無乜，唯一比較好少少既係牛肩肉同雞翼。其他肉類脂肪又多又韌，好唔掂！未親身去食之前，見到其他食評都係一串串咁串好d食材既，但果日去到食已經係一粒一粒，一件一件咁，真心無乜邊幾款係串埋比你燒。帶子無串起，魷魚鬚又無串，細細粒續粒續粒咁樣燒法真係無癮唯一串起就得雞軟骨同大葱雞肉燒蠔d 蒜太多，多到有d苦，而且d蠔又唔係好新鮮，燒完都唔係點搵到粒蠔肉係邊以每位278再加一既價錢，其實可以有好多更好既選擇！

呢度系有魚生叫，但系走單情況嚴重！吾食魚生，就燒野啦，可惜個爐小得可憐，仲要有至少五份一吾出火，等成世先燒完，真係燒到火都黎！想叫野飲啦，又有D野無！今時今日咁嘅服務水平，點可能？！呢度永不錄用，吾會再來。

先唔評論野食質素，食野時間5點開始到7點半，等左10分鐘先收張單，20分就出左一碟刺身，差唔多6點先出第一碟肉，兩個半鐘就用左一個鐘等。員工得2個人，有其他客人俾單佢佢同人地講入唔切，態度又差。唔理你食物質素有幾好，基本你都要出到野食俾個客？終於等到有野食，某d食品質素真係見到都唔敢食，刺身唔要求靚，但有d未溶哂雪，算。個火鍋胖胖牛，9成肥膏1成肉，我捻呢個係你地胖胖牛既特色？可能係我口味唔夠重唔識欣賞。如果唔係食左個刺身，我一定起身走，我絕不會黎第二次。

呢間真係我食過咁多間最難食最唔抵食既一間 先唔講價錢 佢啲食物質素真係非常不行 我地一行四人 order左幾款刺身 有三文魚 蝦 同帶子 個帶子一放入口係鞋口既 完無果種滑既感覺 再者係佢既肉類 無論牛肉豬肉都好 都係十分之多筯 擺入口好似食緊橡筋咁 價錢係令我覺得最不值既部分 呢啲咁既食物質素竟然收328一位 完全覺得好似比人㩒住黎搶咁 呢間野真係一次過 無下次

其實一直都有留意火山燒，睇圖覺得食材賣相不錯，仲可以用串燒爐自己燒自己食。但總覺得價錢比較貴，所以一直未有機會品嚐。今次終於有幸試試全因團購做緊優惠，我便立即買下優惠並致電book了星期六3位。品嚐後果然沒有令我失望，是一間既有特式又值得一試的燒肉店！樓層9/F和10/F都屬於火山燒，當晚我和朋友被安排在9/F用餐。Lift 門一開便直接是火山燒的鋪頭，樓層不算大，大約有5張6人枱和2張8人枱。怪不得火山燒要有2層一行三人被安排坐8人枱，與其他人搭枱。一就坐便看到枱上已放了燒肉爐（右）和火鍋爐（左）。意味着客人同一時間可以享受2種食法，在2小時內任叫火鍋與燒烤配料！枱上除了放著爐頭外，餐具和用具亦非常齊全，餐具包括筷子、濕紙巾、餐紙、芥末、碟（燒烤用）和碗加匙羹（火鍋用）。用具即燒烤調味料，有3款醬汁、鹽和胡椒。令客人除了享受食物外，更可以享受整作過程燒物+火鍋料（由左至右，上至下介紹）：分別有牛肩肉、牛仔骨、牛舌心、黑毛豬腩片、黑豚豬柳和松葉蟹棒—牛肩肉：油脂分佈頗平均，所以吃下去時亦很腍身，如果食前落少少黑胡椒會更野味—牛舌心：腍身得黎又不會失去應有的爽口，而且不會有牛舌羶味—牛仔

昨晚同fd諗住開開心心食好嘢,點知瀨哂嘢。無爐,熱食上枱唔熱,都算。工作人員一個打哂全層,根本無時間理我哋,附近幾張枱都叫苦連天食物好差,滾水拖熟再燒兩下就上枱,好嬲。個火鍋由頭到尾都無滾過。叫我經理上嚟,點知更火滾。我好人,埋單走人。去老麥食自助餐好過。食完睇返openrice,原來以前真係好多好評,係以前,2017年11月中都幾好。我同事就係果排食完,係咪推介捉我去試。點知11月尾開始,全負評。下次都係記住睇openrice先訂位。每位400幾蚊買教訓。

沒有爐位, 但訂座時未有清楚講明。不能自己燒,要待廚房燒, 當放題食也沒關係。結果, 肉燒到乾哂, 黑哂, 食落苦嘅。菠蘿, 蕃薯, 玉子燒係輕輕烘一下表面, 從內面外的冰冷。翠玉瓜除左唔熱, 咬落去, 仲係生嘅。所以燒物除左辣椒粉, 基本上沒有任何調味。我地坐10樓, 人數不少, 全層只有一個連飯都未食嘅哥哥應接不暇, 服務態度都仲算好好, 好盡力, 我地表達不滿, 亦幫手同廚房反映。但食物質素仍未見改善, 同經理反應, 反問我地有沒有10樓店員哥哥有冇跟進。 人手分配已經唔合理, 唔好再為難自己員工啦, 好嗎？經理話會再同廚房反映, 結果第三次叫嘅蕃薯，玉子燒, 菠蘿係熱咖! 不過係先烚左, 再烘一下表面嘅, 真係創意滿分!整體而言, 10樓哥哥嘅服務真係算唔錯, 以咁唔足夠嘅人手來說。至於食物質素同廚房嘅技術, 朽木不可雕也, 嘗試過就知道, 有啲野真係唔好勉強。btw, 現場煙霧彌漫, 食完個人好臭抱住獵奇心態的話, 可以挑戰。想食西的話, 就算啦，唔好勉強。

提早慶祝情人節💕💕老公帶我試食好野～餐廳食物款式有好多⋯⋯🍣🥘🍢有爐端燒、火鍋、刺身，仲要係放題！放題！係放題呀！真係食到好飽飽🤪我個人最喜歡，爐端燒，又有得玩，又有得食，仲要有3款燒汁俾你揀，同埋款款肉燒完都唔會覺得韌好適合：情侶，兩口子，有煮飯仔感覺一大班朋友，因總有一個唔食刺身，就可以食火鍋同爐端燒啦！

原本在網上看到非常多好評才決定去沒想到一去超級失望😞網路上寫著有10多種的海鮮說好的蝦子呢？沒有連生蠔都讓人很失望⋯很多網路照片裡的食材都沒有然後烤肉網只有橫條肉一直掉到烤爐裡有的還一去不復返然後店裡的排煙設備也很差整間屋子都很燻唯一值得稱讚的就是店員的態度非常好👍🏻還有刺身部分也還可以本來滿懷期待的去結果吃沒到什麼😢還有串燒也很誇張串燒跟烤肉網的縫都快差不多一邊烤一邊掉肉沾到烤爐裡完全不敢吃建議店家真的需要換個十字型烤肉網

價錢完全唔值.漏單，上唔齊，無待應少爐：一行七人，得一個燒烤爐，一個勁細火鍋燒勁耐先有得，問左無得加爐火喉難控制 ：大火就燶晒，細火就烘勁耐 入面仲係凍食物無味：食物完全無味似未醃過，搽醬汁燒先有少少味風喉唔吸味：食完個身勁臭嚴重人手不足：待應有禮貌，不過唔夠人手除左有人出菜 ，係完全唔會有人幫你收碟 添鼓油 加湯. 仲要食完有3個朋友肚屙 =.=埋單成300 一位 都咁既質量一定唔會再食！！！！！！！！！！！！！

呢間野食到1肚氣。d野食來得慢。服務員態度差刺生每次只能叫6件,11個人都食唔到一人三件三文魚,上左三次竟然話冇刺身,話佢地唔係做刺身放題食左過1個鐘都只係食左好少野。去到 last order都食唔飽。 last order既食物都上唔齊追先有。星期五330一個人埋單絕冇下次。請都唔q去

一直都好鐘意燒野食,但好少機會可以成日去燒烤場,退而求其次就係呢D 自己燒gei串燒店~其實香港可以自己燒gei真係唔多,呢間可以之餘仲係任食,即刻走去試,其實價錢都偏貴.座位與座位之間其實都幾多空間,所以唔會好逼,人地燒gei味道都唔會影響你~~佢有三款醬汁比你用來燒,不過我多數都係用燒汁~除左醬汁,佢仲有鹽同七味粉~個爐都幾大,所以一次多可以燒幾多食物~~食熱氣野前要打底,所以一開波食左D沙律先~野菜同漁夫沙律gei分別就係一個有海鮮.一個係蔬菜,個人認為野菜正常好多,不過D汁就多左D.唔係好多地方有得叫荀,見到即刻叫~呢度有好多唔同gei肉類選擇,蔬菜都有,仲有番薯~~佢個燒菠蘿都幾薄,方便食,但無o羊汁,翠玉瓜都好生玉子係好食gei.甜甜地,燒焦少少係最好gei時候~~佢仲有得燒法包,不過好麻煩,同埋唔係特別好食,可以skip年糕都幾多選擇,我地覺得流心芝士好食D肉方面佢gei選擇真係好多,不過大部分質素都係普通,唔算特別好食,當中一定要揀,我會選擇和風豚肉腸,同牛肩肉.墨魚嘴都幾正,非常彈牙雞翼本身真係麻麻,但加左D醬汁之後味道提升左唔少!整體黎講我覺得真係唔算好食,只係多選