火山燒 (已結業)

服務一流。員工有禮貌，態度非常良好！五個人剛剛坐落枱，有啲迫夾餸來到都冇定擺，人但經理一送來即時安排轉到大枱好有務質素。食物夠新鮮，尤其個人蔘雞湯底好好食！不過唯一美中不足，個抽油煙機不時有油的落嚟不過整體真係唔錯，員工有心，會再嚟！

開頭仲有啲期待，生蠔冇鮮味，牛仔骨同雞落左太多鬆肉粉 ，出嘢食有啲慢，食完兩個半鐘好似冇嘢落過肚咁😭打電話去訂位講明生日有送野（佢哋講到明四人以上送一份，夠八個人有兩份）我個張枱有兩個同月份生日，我有11個人應該有兩份但只送我一份，講個唔算數，做唔到優惠就唔好隨便講😤呢間野的放題就是你不論叫多小件，加多次單都是十五分鐘來6件，我人就11個，我跟服務人員說會不會太慢，我爐上都已經沒食物燒，服務員只跟我說我只可以幫你再落單，但最後又十五分鐘再6件，說好的放題我都冇咩感覺，成餐飯就不停落單不停吹單，如果用10為滿分黎平分呢間野，佢當之無愧係負10😡😡

今日同行12人，本來係為左慶祝生日，一大班人開開心心去食餐飯，點知換來既係一肚氣。早幾個月已經計劃飯局，精挑細選去火山燒食，早早就book左位。首先，座位迫，枱細，抽氣扇矮。一張枱放左餐具和火爐後己經無咩位放食物，加上個抽氣扇太矮，望吾到坐對面既人。雖然佢個抽氣扇矮，但抽煙並吾岀眾！油煙好大，衣服都吸滿氣味。其次，落單每樣食品限定最多6件。我們由於人數太多，每次6件實在吾夠，所以我地問服務員如何可以一次order 多d，但回覆係最多可以幫你落10件。然後我們跟足要求落10件，但每次都只有6件。然後我個就不定寫紙。例如要20塊牛，明明一張紙寫20就可以，但變了要填4張紙，實在浪費！我們有嘗試一次交4張一樣的order 紙，但都只係當我地order 一次，俾左6塊我地，所以我地3個爐，經常有兩個都係無食物燒。希望佢地可以改善下。實在係浪費時間及紙張。另外，熟食款式太少。刻食的食物除左前菜同刺生，其他全部一律要客人自己熟或者燒熟。此外，火爐火力不平均。火爐的火一邊大一邊細，以一串串的串物為例，經常都係上端未熟，下端燒焦哂。再者，食物質素差。磯燒講求食物新鮮，但燒生蠔肉細，沒鮮味，有砂。牛仔骨

買左火山焼coupon (168+10%) , 其實都唔算太平但就好搵笨, 食5:00-7:00, 食物種類算多，但係我地好似無咩食過落肚，因為不論燒爐同火鍋爐都係唔夠熱（其實係等你冇時間燒咁多），最後以為換個gas可以好D都係差唔多，整整下已經無咗一個鐘...6:15已經同你講last order 最後落單，我地就叫多D啦！不過個火慢到好似烤多士咁! 點會食得晒呀！我地只好多放烏東麵落火鍋爐等佢快熟d，小朋友先有飽肚感😔😔服務都好一般，由我打去問可唔可以即日買coupon即日用佢話可以，但到現場個負責人又話唔得喎勁串，後來又有個服務員又話佢有聽我電話講過話可以用，真係唔多開胃. 食物質素真係好麻麻，牛肉無牛肉味，粟米無甜味，雞肶菇有d梅...仲有好多麻麻既食物，總之好失望，唔知係咪我地用coupon 所以食物質素就係咁...我地已經盡量燒但係個爐有問題，係咪可以比多少少時間食埋d野，最後佢都係堅持7:00一定要還檯，服務員仲企係你前邊等你起身勁收理啲碟，根本就無咩人等，我地食淨好多野，好浪費又肚餓😭😭我臨走仲要手揸住包朱古力雪糕凍冰冰含住過口離開 ，我覺得點解要食到咁趕頭趕命😭😭好慘

個名叫火山燒 上網睇埋介紹 以為係有個爐自己燒啦點知點完野食 上黎嘅全部都係燒好左問佢點解冇爐比我地 佢就話我地冇訂位 所以廚房燒比我地 入黎嘅時候唔講清楚都算啦佢燒嘅全部野食都係凍架 食凍嘅串燒都真係第一次 仲要係冇味真係唔知自己食緊咩 叫刺身 份量又比唔夠 質素仲差過超級市場我地只係上左4片三文魚 再點佢就同我講沽清最過份嘅係 隔離新入果張枱就有架喎咁佢沽清嘅定義係咩呢串燒又凍又難食 刺身又冇得食我想問我比770蚊兩位係食咩第一次食咁差嘅放題 完全係呃錢嘅感覺比錢我都喎唔會去食第二次除左垃圾都搵唔到第二個詞形容

本身無乜影相，唔打算寫食評食物質素，樣樣都細細粒，細細件，個樣都一般環境一般，油煙焗住散得好慢火鍋同燒烤都係用gas 爐，好快無氣要換，同埋兩個爐個size 都好細，放少少嘢已經滿服務我地坐10樓，無乜漏單，執嘢快，自動自覺同火鍋加水，跟單又好主動問我地係咪嗌咗幾多數量之類哩個價錢，係比（1）噚晚有位（2）座位唔迫唔嘈（3）侍應姐姐嘅服務

朋友買左coupon (168+10%) , 食5:00-7:00, 坐10/F, 食物種類算多，但係我地好似無咩食過落肚，因為不論燒爐同火鍋爐都係唔夠熱，最後要換爐，換完其實係好d但係已經無左一個鐘...淨番一個鐘，我地係將大部分所有野放囇入火鍋爐先叫快熟d，可以有野落肚😔😔服務都好一般，由我打黎訂檯，個女仔d態度都係串串地，到今晚食飯，有個帶眼鏡既服務員，叫佢換爐，態度超差，又黑面，真係唔多開胃食物質素真係好麻麻，牛肉無牛肉味，粟米無甜味，雞肶菇有d梅...仲有好多麻麻既食物，總之好失望，唔知係咪我地用coupon 所以食物質素就係咁...我地有同個服務員講過，個爐有問題，係咪可以比多少少時間食埋d野，最後佢都係堅持7:00一定要還檯，根本就無咩人等，我地食淨好多野，好浪費又肚餓😭😭我臨走仲要手揸住罐未喝完既烏龍茶同𡁻住舊玉子走，我覺得點解要食到咁趕頭趕命😭😭好慘，我地都唔係無比錢架..😭😭都要$185一個人架，所以只此一次！

點解可以咁難食 ？點解可以咁難食 ？？點解可以咁難食 ？？？重要既事要講3次....因為無訂位 黎之前打左電話黎問佢話無爐得廚房燒 當下念坐都好啊 廚師煮應該會好過自己....點知我真係好後悔自己既決定 咁大個女都未食過咁難食野既無味都算 （佢統一七味粉）但佢燒到又乾又硬 咬到真牙都甩都甜蝦都梅既 魚生又唔掂甚至連腸都咁難食呢$300 真心覺得好唔抵好好奇320個好評係點得來我哥係一個咩都放入口既人 但連佢都覺得難食到接受唔到可能自己燒會好d既......最後我地決定埋單去食魚旦粉算

想食左好耐既燒肉放題，終於有機會食啦！今日一行16人為好友慶生因為卜左位，一去到很快便安排入座環境方面唔錯，梳化舒服，每8個人一張大枱，每張枱都有一大個抽氣管，但我覺得有點太大，有點阻礙與朋友談天，燒肉時亦不太方便，重點我們吃完後亦是全身燒肉味，感覺上沒有比其他燒肉店的抽氣強勁。食物方面有驚喜，竟然有刺生提供，而且質素都不錯，很大片又厚厚的三文魚當然還有主角燒肉，肉類供應既種類都算多，味道亦唔錯，配合佢提供既3種燒烤汁燒出來的肉很和味！我們感到驚喜既漢堡排，可以燒到外脆內軟，更有肉汁，還有厚厚的牛舌，真的十分推介！另外還有火鍋提供，但我們落了單沒有來，因為差不多吃飽了才發現沒有來，所以沒有追單了，來這裡吃燒肉才是王道吧！服務方面好滿意，每位店員都很有禮貌，看到他們幾盤幾盤的出餐亦覺得他們很勵害！辛苦了！

三文魚非常新鮮😋食物比一般放題好,我鍾意食呢度嘅牛柳好淋啲肉質好新鮮👍仲有佢個人蔘雞鍋真係好有人蔘味👍呢到食嘢絕對傾到計一啲都唔嘈環境的確唔錯，坐得又寬躺😌佢哋獨立包裝嘅雪糕球都唔錯又唔會太甜尤其是豆腐味😋其實食物質素真係唔似放題，呢個價錢真係好抵食👍另外服務態度真係值得一讚👍👍👍老闆同夥計都好盡心照顧每一位客人下次一定再嚟幫襯😊老闆再給你10個讚👍👍👍👍👍👍👍👍👍👍

食材本身質素不過不失，唔覺得新鮮，食物既種類唔算多，無驚喜。完全無甜品選擇。啤酒要另外比錢買，放題既價錢並唔包括在內。但餐廳氣氛不錯，壁畫很漂亮，服務人員既態度亦都唔錯。總括而言係覺得自己食咗一餐平價既bbq

見到有早鳥團購，價錢$168再加一，睇埋食評話好，好開心啦，結果有期望就有失望。用餐時間17：00～19：00，當我一家四口17：00到，同一時間幾枱客一齊到，送食物嘅安排竟然係上哂一枱再到另一枱，我足足等到17：35先至上第一碟生蠔，最慘係個爐細到燒得幾件肉，根本唔夠四個人用，刺身仲放到好似垃圾咁，到了18：30就 last order, 我都唔夠時間燒，仲點再叫呢，到18：55聽見隔離枱叫雪糕，我再問侍應我團購有雪糕嗎，佢先至話有，到我哋食咗一半，佢就叫我哋起身交枱，但我差少少先至食完，最後唯有食唔哂都要走。一餐食唔飽嘅放題，真係難忘。

黎到11月天氣都開始變凍，緊係燒烤既好時侯啦。適逄火山燒日式燒烤餐龐轉營做放題，可以唔洗逐碟計，食得更加開心暢快，食物亦更加大眾化。今日同朋友去完誠品打書釘同扮文青之後，就去試下佢有咩大既轉變。無論是放題還是燒肉任食第一件事當然是點刺身，因為餓著肚子還要等肉燒好，先來點刺身頂頂肚就最合適不過了，刺身選擇都多，我只點了象拔和三文魚，特別要讚了是三文魚刺身，厚切啖啖肉，沒有雪藏味，魚脂分佈很平均。餐廳既裝修空間好大，有卡位同長枱可供選擇，適合情侶去撐枱腳或者一大班親友去聚餐。 食物既種類亦算繁多，有刺身、海產，雞／豬／牛／羊肉、還可以選擇火鍋和各種小食。個人比較中意食雞肝、牛肉和雞肉，只要簡單的加上鹽和黑椒就已經很好吃，玉子燒和香腸也是不錯的選擇。不過燒的時候要小心，爐的火力比較大和不平均，很容易就會燒焦食物。總結火山燒作為和朋友聚腳的地方是個唔錯既選擇。醬汁分三款，有蜜糖、燒汁和辣醬，依個人口味來塗上燒物上，喜歡加多少就多少，滿足晒我這個醬精，另外還有海鹽和黑胡椒，喜歡原味的可以選擇。至於海產，應該有的種類都有，例如墨魚、多春魚、鯛魚、青口、蠔和元貝，雖然種類不多，但係勝在新鮮。

值得Encore 上年來食火山燒D爐嘅火勢未去到最好而且依家嘅火鍋位原本係滾動轆一年後再黎已經換晒所有新爐嘢食亦都快熟好多上次黎D牛都冇咁多選擇今次有牛肩肉、牛小排、牛舌等牛舌好彈好易handle燒完好似出面自己燒咁而宮崎牛肩肉是must encore item高質牛、色澤鮮紅記得唔好燒太耐肉質好嫩滑盬燒最一流大蔥雞肉串又係我至愛外面餐廳食一串都廿幾蚊所以我又叫多幾串了海鮮方面帆立貝串用醬燒就適當不過時間控制好重要好易燒到太乾另外冷麵、五花肉、生蠔、菠蘿都好正生蠔第一round比較細隻第二round大好多不過千萬唔好生食而且可以試下放去火鍋度滾下佢咁就兩種食法火鍋我選左人蔘雞肥牛、丸、菜、烏冬人蔘雞湯唔會好清好淡而無味反而超入味係食肉食到太飽嘅另一選擇約$300任食3小時仲要燒肉加火鍋最啱食肉獸啦！

好友約我食晚飯，佢買咗呢間嘅團購（$168+加一），訂咗位準時去到，在一橦大廈內，乘電梯上到去，店內牆身畫咗好多日本風圖畫，地方唔大，主要係卡位，店員逐個對資料然後入座，佢比咗一個卡位我哋，每枱都有氣罐爐、火鍋爐，同抽風口！只有兩小時，坐低就落單，食物選擇多，根據要嘅份量落單，但第一轉嘅牛肉全部無來，其他來齊，之後就無漏單！秋葵冷麵：呢個我喜歡，八爪魚加蟹籽卜卜脆，蕎麥麵ok，汁清清地唔膩！白薑：酸爽開胃牛肩肉、牛舌心、牛柳、和風牛仔腸：牛嘅水準一般，又細又碎！香草羊肉粒：唔膻但唔香！唔講都唔知食緊羊！一般！雛雞（半隻）：呢個明明係熟食上菜嘅，可惜完全唔熟，再補燒都只可以食到隻雞髀！雞腎：有咬口！多春魚：燒得乾身，魚春卜卜脆！好味燒生蠔：又細又瘦，蒜蓉多過蠔！粟米、粟米荀、茄子、翠肉瓜、鮮冬菇、秋葵、車厘茄、蕃薯仔：圓蔥魚餅：彈牙好味魚肉年榚：幾煙韌玉子燒：燒完味道太甜幾假！一般札幌蝦燒賣唔彈牙！蝦味假！一般！火鍋：北海道鰹魚昆布湯：湯底幾清甜，海帶多！又有啲魚乾！胖胖牛：魚磚：彈牙幾好味蟹柳：太易碎！流心芝士年榚：外彈牙內軟身！好味大根：清甜生菜：新鮮爽脆金菇菜：幾新鮮！芋絲卷：彈牙