火鍋薈 (已結業)

去開深水涉買日本sim咭，又凍凍地，就黎食個暖lub lub的雞煲加打邊爐啦。好抵食，只係$158 任食放題。店舖環境舒服，又可以將私人物品放在椅內，減低衣服吸味的機會。有幾個湯底選擇，花膠醉雞和天麻魚頭鍋都好特別。不過好耐冇食雞煲，就揀左至尊雞煲，裡面有好多調味配料紫洋蔥、八角、花椒、嫩薑，令到雞肉十分入味。一打開鍋蓋，香味撲鼻而來，胃口跟著大開。除了香料外，雞肉份量也不少。此外，店家附上長木筷子夾火鍋料，不怕被燙到，很貼心。除了韓式飲品和酸梅汁這些基本飲品外，還有洛神花茶、黑糖薑茶、菊花綠茶，在類似的餐廳沒見過，可以試下，非常特別！前菜食完雞煲，就準備食正餐啦。火煱料有好多款式，連田雞和花膠都有，真係無奇不有！海蝦特別新鮮，而黑豚肉片也是蠻不錯的！肥牛的脂肪分佈很平均，一D都唔肥。食打邊爐最真正的壓軸就係食雪糕任食，有多種口味可選擇，芝麻、紅豆、朱古力、雲呢拿，mini size，可以試多幾款。黎食火煱最緊要留肚，因為仲有另一個品牌gelato，口味更特別，有益力多、藍莓、豆腐、薑等，坊間少有。試了幾個味道都好濃郁，唔好錯過喔！

約大食鬼食野, 最岩就係放題任食咁岩天氣又轉凍, 見到價錢咁抵openrice comment 又唔錯, 就拍板食呢間湯底有唔同選擇, 除左皮蛋香茜, 蕃茄薯仔, 天麻魚頭, 仲有雞煲, 花膠醉雞😍 所有煲底都係同一價超吸引~好想挑戰下大辣雞煲, 見到d 相好真材實料好正咁😍 不過某人唔點食辣, 所以試左另一鍋雞~花膠醉雞湯底落左紅棗杞子, 仲有成盤花膠同醃好既雞, 份量都唔少, 睇到翻滾既深紅湯底, 未落已經聞到紅棗香😚記得雞唔好煮太耐, 趁佢剛熟就夾來食, 雞肉就夠哂滑, 加埋大大塊花膠, 真係好滋補呀 👸👸汽水選擇唔算多, 但應有既都齊哂😎 除左coca cola, 忌廉, 烏龍茶, 仲有lotte milk soda, 蘋果綠茶仲有新鮮夏枯草同洛神花茶...sauce corner. 順便分享某大食鬼既調配小袐方, 醬油加麻醬同炸過既蒜粒. 真係好惹味, 調左幾個sauce 不過全晚主要都係點呢個😆叫左成枱, 好彩有人包底, 最後都清哂😎每份既份量都多, 如果無好拆得既fd同行, 都係量力而為, 叫幾多食幾多, 唔好眼闊肚窄做大哂鬼😉 佢地接單上菜都幾快, 好少漏單.為左肚量有

星期天的晚上，住深水埗的朋友約我一起打邊爐，今次她帶我來火鍋薈，位置居然和我去年來食韓國料理一模一樣。就連裝修、桌椅，甚至格局幾乎一樣，只是供應的菜式同。深感世事易變，幸好我們多年的友誼不變。這裡食物，以及醬料、飲品等都是任食，任飲，任添，每位只是$158(未計加一)，感覺都幾抵食。這裡的醬料有芝麻醬、豉油、香蒜、葱和辣椒等，可自由配搭，份量都是悉隨專便啊。就連火鍋湯底 (不是滾水) 都可以自由添加啊!罐裝飲品以道地牌較多。今次朋友建議要豬骨湯底，配料除了大大件豬骨之外，還有許多粟米、蕃茄和紅蘿蔔等，用料十足之餘，味道都很鮮甜。食物都幾新鮮，雖然普遍來說不太特別，但都正正常常沒有伏。唐生菜和響鈴，生菜的份量頗多，兩個人食菜已經飽了一半。鮮蝦滑，肉質幾軟滑彈牙。魚肉春卷、帆立貝、炙燒芝心丸。難得的是有黑豚肉片，雖然薄切但肉質都幾軟腍。海帶結，大大條又厚身，煲過後亦都相當爽口。鯪魚球。炙燒芝心丸，煲完之後既是流心，又保留彈牙的質感，而沒有浸到軟爛，值得一讚。雖然食物大致上沒有很大驚喜，但味道尚算不錯。但，最令人驚喜的，就是有兩款杯裝雪糕任食! 比較common的選擇有雀巢雪糕。其中一款是

見呢間有午市既中式任食邊爐  就專程搭黎深水埗支持下 點知極度受氣 比個50幾歲仲染金髮講野有鄉音既嬸嬸欺凌 真係從未見過咁無禮貌既侍應原本岩岩上去食感覺好好 有個黑髮既靚姨姨好友善 又介紹我飲花茶 當時有幾個裝修工人裝緊修 佢地勁有禮貌 唔好意思前唔該謝謝後 直到個50幾歲仲染金髮既呀嬋出現首先一開始佢已經勁唔友善又好詭異 當時成間鋪得3台客 佢坐係我對面隻台望左我勁耐 搞到我好唔自在 之後我點多幾隻蝦同帆立貝比張紙佢 佢又勁大動作用枝筆唔知係我張紙寫乜 之後食食下 果陣食左一個鐘都無 佢就無啦啦走過黎話我個鍋燶哂(仲有好多湯係d薯粉痴底)  熄左我個爐 話我浪費食物要罰錢 又話我做乜叫咁多紅薯粉 勁大力敲我隻火鍋羹 心諗做乜x 我又未食哂 你又點知我會浪費食物 你而家熄左我個爐入面仲有野未熟囉 仲有你話我叫咁多薯粉 我淨係寫左一個 我都唔明點解你見我1個人仲比4人份量既薯粉(勁大兜) 咩居心 同埋有d食物我都係寫1件一粒 係你照比勁多我之後我開返個爐諗住繼續烚熟埋煲入面d食物 佢又即刻走過黎熄多次 又用普通話鬧我 噴哂口水咁真係唔明點解佢要針對我 咁唔識尊重人 食左個半鐘都無你又知

坦白講，百幾蚊嘅放題已經買少見少，仲要有心做嘅更是難得；又要坦白講，俾百幾蚊唔好諗住服務超好，又要食物性價比高（下刪三萬字）...言歸正傳，食物質素算係咁，肥牛、鵝腸、牛丸、响鈴、鳳城水餃同蝦同就算個豉油都幾ok，飲品都唔係cheap嘢，道地系列、洛神花茶同coke cola都有，唔係話求其俾pepsi你飲就算。老闆有心做，親手親為，如果你有日想打邊爐，不妨考慮呢間，因為香港哋遇著有心經營嘅人要多多支持。營業至兩點。

今日去深水埗買電腦，天氣冬都想留係室內暖暖地食飽飽，打邊爐絕對最佳選擇。打邊爐最好就任食，所以選左意間。價錢$158算扺食。食物選擇多，食材新鮮，好快送上，無漏單。竟然有花膠仔、中蝦、田雞，較少有食材，擺盆不錯，慳位，晤洗一碟碟咁不方便。牛肉都算肥瘦適中，肉味濃。仲有九肚，白鱔，都好新鮮，無腥味。鵝腸必叫，肥大有咬牙^_^丸類晤係cheap丸，南瓜蓉丸最特別，甜甜地流心。仲有雪糕任食，飲品任飲，樂天系列飲品，多選擇。仲有自家煲涼茶，不錯的任食打邊爐

星期5晚同朋友出街食飯,咁岩依排凍左,緊係去食打邊爐啦公司係荔枝角,所以食飯都係係附近,最後我地過左2個站,去左深水步落車行一陣就見到依間火鍋會,朋友話聽人講唔錯,唔知真唔真,要試過先知原來係火鍋放題,不過今次真係麻麻地食物個樣都唔錯,豆腐幾滑,金菇肥牛都唔錯不過D貴價野食就麻麻,肥牛唔夠厚,而且好細碟雞肉好老,放入鍋之後仲唔好食招牌蕃茄薯仔鍋,不過唔係好夠味,味道好啖,落得唔夠多蕃茄但個顏色依然做到咁紅,唔知落左D咩調味料呢薯仔好林,唔夠爽口,所以無乜薯味,因為唔係用靚料湯底唔夠味,食材唔夠新鮮,錄出黎自然唔夠味雖然話係放題,但都要保持質素呢

一入去看似清幽，但其實無格局可言。雞煲味道比起其他店舖不同，如果想食北菇炆雞可以考慮入去嘗試，否則還是見意去食其他店舖有質素既雞煲，大有店在。 不過，想入去挑戰一下既人，本人見意需要心臟強壯，能夠擁有超強大既忍耐能力，同埋要求不高之人 。為什麼呢？因為所點既每張單總有缺漏之餘，上菜時間慢，但重點仲係限時兩小時食，上菜煮熟時間已用了一半時間，更莫講甜品味道如何，食唔切！食物未上齊，單據已出，就要催賣單（難道這是減少成本，提高收益的方法？）。這時反映好多食物慢又未上，卻反被先質疑，後反被斥責‘為何不早點講’ ！最後，抱住一肚子氣走之餘，還要睇那‘高層’面色

同老友逛完高登開飯, 例牌上開飯啦睇睇有咩食? 咦 唔係200蚊任食打邊爐喎! 以為好抵, 點知中晒伏!食咁耐雞煲真係未食過咁霉咁難食! 從來未試過食任食要食到轉場去M記!個雞煲難食到一個點! D雞又多骨又霉, D雞肉食到好似放左成年咁, 食入口係冇味既, 又霉, 差D食唔到入口! 落左湯之後陣味冇咁難頂, 但搞到D火鍋料都臭埋!本身D肥牛, 手打丸都已經冇味, 個湯底仲好似_油加左水咁, 食完成口油, 呢D真係不可一, 不可再! 永遠唔會有第2次! 除非佢執左

"我確認所有相片都是自己影的"以前明將個位開左新餐廳, 又是放題, 不過不再是日本菜, 而是火鍋, 不過$158+10%, 我也不敢有什麼期望結果果然一如我們所料, 火鍋湯底餿餿地, 醬油不知放了什麼入去, 咸到一個點, 好似鹽溝水一樣!到點菜的時候, 卻出現瘋狂漏單! 點10款來3款, 再點再漏, 吃到最後截單我們幾乎沒吃過什麼! 火鍋除了丸和餃子味道OK之外, 其他都水準以下! 沒錯, 肉類好不新鮮, 菜類上桌時軟軟的, 炸的還散開一塊塊, 想挑戰新明將大將軍? 必選這間放題餐廳!

朋友介紹深水埗新開間任食火鍋又好食又平，每位$158,任食任飲，於是拿拿聲約上去試試，一行8人叫左個雞煲同老板介紹既水煮魚，牛肉、冬菇、粟米、蕃茄、肥牛、蔬菜、午餐肉、響鈴卷、稻庭烏冬、蟹柳、手打墨魚丸、魷魚、枝竹⋯仲有多到數吾晒，材料真係好新鮮好好味，之後去攞野飲，見到雪櫃有自製洛神花茶，於是攞咗一樽黎試試，甜甜酸酸幾好味，飲完跟住去雪糕櫃攞雪糕除咗有牛奶公司仲有意式雪糕，聴朋友講平時有八款味道，不過今日得四款，可能其他比人羅曬今日有士多啤梨、蜜糖、榴槤、藍莓，四款試曬最好味係榴槤，老板話下星期會返齊款，所以下星期會再黎食

同一個極鍾意打邊爐嘅朋友出黎打邊爐，揀左間任飲任食的，$158一位可食兩個鐘，位於西九龍中心對面，位置方便易搵，食完又易撘車返屋企。坐低後即點湯底，再到隔離雪櫃拎野飲，有一般汽水，烏龍茶，仲有自家制庶水，洛神花茶等，都幾多款式的。醬料自己整，加了豉油，麻醬，芫荽，蒜粒等，好味。湯底要了芫荽皮蛋湯，好難得有芫荽同好，即刻點呢款湯底，芫荽很多，勁香荽味。order紙食物款亦多，先點了皇帝菜同油麥菜。再有魚雲，白鱔片，墨魚丸。豬肉片羊肉片茶樹菇，冬菇，粟米，蓮藕片，雲吞等。再黎響鈴，芝士丸，水餃，魚腐。牛展各類食材都很新鮮，個人覺得牛展比肥牛好味，重牛味又無咁肥，另外白鱔片十分鮮甜，勁有魚味，羊肉片亦很正，嫩滑重羊味。食物跟人數而上，二人一般每樣比四件，所以想食的食材寫一份已經夠了，慢慢點免得浪費。食完就梗係要食甜品，呢度有香港制造的雪糕，店員話有八款味，不過是晚只找到六款，芝麻，生薑，豆腐，藍莓，芒果，同榴槤，六款都好好味，芝麻濃郁到好似芝麻糊咁，生薑真係有一絲薑絲，豆腐豆味十足，榴槤亦有榴槤肉在其中，比較平凡係藍莓同芒果味，有果香但同其他品牌味道差不多。太滿足，打邊爐的食材同甜品的雪糕都

好友朋友輝哥在深水埗新開的火鍋薈任食火鍋，攪攪新意思，輝哥教路，先來藥材湯底加花膠醉雞煲10分鐘，雞鮮嫩而湯香濃，食完飲完後，再加以魚骨、鱔骨、雞骨及雞腳等煲成的湯底煮其他食物，鮮味十足，輝哥話沒有味精，放心食用。眼闊肚窄，食得唔多，下次再試其他。推介: 醉雞、鮮虾、鮮鱔片、鮮田雞、手切肥牛等，這些都是日日新鮮運到，味道真不錯。飲料也有很多選擇，還有自家製夏枯草及洛神花茶。9款雪糕任食，推介榴槤及豆腐雪糕，香濃軟滑。攻略: 先點花膠醉雞湯底，補補身體先，之後肥牛、鮮虾鱔片....兩小時好快過啦。

好耐無行深水埗，同個仔行完街搵嘢食，仔又想打邊爐，見到間火鍋薈就走左上去試，好彩走上去試，真係好正。我哋食完個至尊雞煲再打邊爐，食完雞煲已經好滿足，少辣但味道好濃香，啲雞入晒味。打邊爐啲食物又好新鮮，花膠又爽又滑。平時都唔鐘意食丸類食物。今次就試吃蟹子丸，流心芝士丸，超正！啲餡真係流晒出黎！不過食時小心啲，會燙傷嘴唇仲有我鐘意食嘅皇帝菜！平時出去打邊爐都無得食，但呢到竟然有！Getalo款式又多，有益力多，豆腐，芝麻，芒果，榴槤，薑味，唔同出面啲普普通通既雪糕！最令我窩心係老闆好細心，又好好禮貌，座椅係個大油桶，可以放晒啲手袋，外套入去，唔洗怕打邊爐搞到大大陣味！飲品任飲，又多款式揀！正！

Dayoff無無聊聊去左行西九行完無啦啦想打邊爐既時候就見到間火鍋薈見幾好咁就試下啦💃🏼由張凳開始已經幾貼心可以放個袋落去 順手隔埋陣火鍋味個小辣雞煲連平時唔食得辣既我都食到😼👍🏻同埋啲雞夠晒滑又入味到主菜食肥牛 本身諗住都係啲平常野食落又唔係喎 少肥膏得黎又好味啲連我最愛既流心芝士丸同海膽丸都唔同啲😋😋結果我一個人應該食左兩個人份量🤣🤣間舖仲要好細心地用左架車仔俾我地放食物呢咁就唔會放到成張枱都係阻住晒啦☺️☺️打完邊爐當然要食甜品啦而呢到竟然有Gelato😱😱除左一般芒果味之外仲有芝麻 豆腐🤤🤤仲有仲有益力多味🤤🤤好滿足好滿足🤤🤤