影片
更多
2023-10-31
866 瀏覽
愉景新城而家完全係打造成小朋友天堂，底層差唔多全部都係小朋友野。今次帶左姨甥去愉景新城食飯，第一次見識，原來韓燒都可以係親子餐廳。我地叫左嘩鬼南瓜蝴蝶粉($152)、搞怪搗蛋小跑車($152)、Hallo!搗蛋精靈窩夫($98)、炑八秘制豬肉拼盤($208)、月見韓牛前胸肉($128)、炑八特製護心肉($118)、瓜瓜叫!南瓜奶昔($48)、魔法朱古力奶昔($48)。嘩鬼南瓜蝴蝶粉同搞怪搗蛋小跑車都係兒童餐，我都無咩資格去評論，因為食嗰個都唔係好。試左少少，啲調味落得比較少，啱晒小朋友，係唔啱我地大人口味㗎啦，但我見我姨甥就食到唔停嘴。大人都係食返燒肉啦，家姐話自從生左小朋友之後都未試過韓燒，的確帶住咁細嘅小朋友，有個爐喺側邊都會擔心，但呢度好貼心，個爐係放近一邊，變左姨甥坐BB櫈都唔駛擔心佢會辣親手。安全唔駛擔心，仲有好食嘅燒肉，感動！炑八一直做開燒肉，質素當然唔駛擔心，我尤其鍾意月見韓牛前胸肉，果然韓牛係唔同啲，會稔啲軟熟啲。奶昔同窩夫都逃唔過BB嘅魔手，不斷叫住話要食。奶昔太冰就唔敢比BB飲，但係飲得出佢唔太多糖，BB大少少就可以飲了。窩夫我仲影緊相，BB就忍唔到伸手要拎了，之後
愉景新城而家完全係打造成小朋友天堂，底層差唔多全部都係小朋友野。今次帶左姨甥去愉景新城食飯，第一次見識，原來韓燒都可以係親子餐廳。我地叫左嘩鬼南瓜蝴蝶粉($152)、搞怪搗蛋小跑車($152)、Hallo!搗蛋精靈窩夫($98)、炑八秘制豬肉拼盤($208)、月見韓牛前胸肉($128)、炑八特製護心肉($118)、瓜瓜叫!南瓜奶昔($48)、魔法朱古力奶昔($48)。
嘩鬼南瓜蝴蝶粉同搞怪搗蛋小跑車都係兒童餐，我都無咩資格去評論，因為食嗰個都唔係好。試左少少，啲調味落得比較少，啱晒小朋友，係唔啱我地大人口味㗎啦，但我見我姨甥就食到唔停嘴。
大人都係食返燒肉啦，家姐話自從生左小朋友之後都未試過韓燒，的確帶住咁細嘅小朋友，有個爐喺側邊都會擔心，但呢度好貼心，個爐係放近一邊，變左姨甥坐BB櫈都唔駛擔心佢會辣親手。安全唔駛擔心，仲有好食嘅燒肉，感動！炑八一直做開燒肉，質素當然唔駛擔心，我尤其鍾意月見韓牛前胸肉，果然韓牛係唔同啲，會稔啲軟熟啲。
奶昔同窩夫都逃唔過BB嘅魔手，不斷叫住話要食。奶昔太冰就唔敢比BB飲，但係飲得出佢唔太多糖，BB大少少就可以飲了。窩夫我仲影緊相，BB就忍唔到伸手要拎了，之後比佢手揸窩夫嚟食，食得好滋味。
建議大家帶小朋友就最好有兩個大人一齊，因為呢度仲有個play area，咁就可以一個帶小朋友玩，另一個燒住先，係另類me time。= 炑八韓烤親子餐廳 @meokbang_kidzone// 荃灣青山公路荃灣段398號愉景新城1樓1009A號舖// 2618 2289 =
張貼
