炑八韓烤 (已結業)

之前都有同朋友去過食炑八lunch一直都係平同抵食既 最近仲轉左lunch meun所以又去左食嚕~今次我啦嗌左雞排蛋包飯朋友就嗌左泡菜豬肉炒粉絲：）一嗌完就上左份小菜先都係豆芽波菜同泡菜仔咁啦 味道還可以冇乜特別咁~之後又有碗湯 湯就麻麻地似味精水咁囉 不過送既係咁上下啦首先到既係雞排蛋包飯$48個賣相都唔錯架雞排煎得好靚同埋個蛋蛋捲得好靚😆食落更加唔錯 雞排煎得好香脆但又保持到嫩滑既感覺 而且唔會太咸加埋蛋食好正 雖然雞排係有少少肥油但係撈埋飯食都唔會話好膩~之後就到朋友既泡菜豬肉炒粉絲$48：）相賣比起蛋包飯就冇咁靚啦味道都係一般般 個人覺得太辣左d同埋豬肉咸左少少 肉質都唔係軟🙈最敗北既係 好 油 ！個炒粉絲實在落太多油啦 食完有膩膩既感覺總括lunch黎講食物都對得住個價錢既～

今日同幾個朋友收工後諗唔到食咩，朋友介紹咗呢間上網平價幾高嘅炑八韓燒， 我哋收工後六點半就嚟到，竟然唔需要等位就可以直入! 去尖沙咀食飯最怕就係等位呢度嘅韓燒最好嘅就係粟米芝士無限添加 泡菜蛋漿都係任fill， 耳其他配料包括泡菜及蘿蔔都係無限添加睇咗一陣menu都諗唔到食咩最終決定求其揀咗個四人餐，樣樣都有唔洗煩。 呢度點咗嘅肉全部都好好味聽佢講有啲係韓牛， 但係我哋食完都分唔到， 如果條八爪魚係成條放落個去整， 第一次使咁樣!叫到成枱嘢真係有啲唔好意思最終都可以清曬所有嘢食!呢間嘢埋單唔貴 值得再來!

地點關係黎左呢間分店，之前都係食過旺角分店幾次，感覺都不錯，所以今次諗住係尖沙咀分店試下，點知。。。分別就有點大。。。服務一般，坐位不舒適，空間有點細，桌與桌之間距離太近，一大班人一起坐感覺好逼。 我地叫左3-4人韓牛套餐，再另外散叫，我地6人用。 有幾種不同牛肉，有豬肉，有塊泡菜薄餅。。。另外散叫叫左薄切牛舌，牛舌係不錯，不過份量就較少，薄切唔韌，入口適中。 烤豬皮，呢度豬皮係唔錯，烤完都唔會太韌，入口有煙韌感覺。 因為有朋友生日關係，呢度生日優惠係不錯，送了幾樣嘢，有海帶湯，芝士炸雞，甜品豆腐年糕多士，呢個豆腐年糕多士幾特別，甜食加咸食一齊，冰凍加煙韌。 不過呢度服務就比較一般，可能太忙吧，人手不夠吧。

星期六行街行到腳仔軟，想大刷一餐，見炑八都幾多好評就去試下啦！個餐係3-4人份量試左所有前菜同沙律，幾好味提供的蔬菜亦好新鮮個韓式煎餅都ok，係個樣唔多得👌🏻服務員亦幾好先煎個五花肉等佢出下油先，但個五花肉我見唔到5層，味道無特別，太肥蝦好大隻，可惜無味，唔知食緊乜牛，我最愛的牛牛呀😭😭😭點解咁韌貧血而家輸血架，幾個牛不同的部位，都係偏韌，點食我都唔覺得係韓牛八爪魚，成隻燒都幾好玩，但可惜醃得太勁，好好好鹹，浪費晒最尾食護心肉，點解個味唔熟口面，口感一d都唔似護心肉，似豬扒多d囉仲要咁貴我坐張枱仲要好焗無風😣

突然韓燒㽼發作，即日call去訂位，可能星期一晚，又book到喎⋯⋯去到先被通知有兩小時時限，ok la, 最緊要有得食😋最鍾意呢度有無限refill 泡菜蛋邊 同 芝士粟米邊，食咗三回夠數再食唔落。 仲有幾款伴菜都係無限refill, 芽菜 洋蔥 泡菜 青陽辣椒 👍🏻我地得兩個女仔 唯有叫咗厚切五花腩 同 厚切牛舌五花腩比以前細條咗 味道好似有以前咁香 但都好 好味牛舌真係好厚，燒起一開四，夾埋生菜青陽辣椒，好好味呀⋯⋯🤔我講咗好多次好好味😂好肉一定要有好酒，我係和歌子酒！今晚先由原味真露開始，再來百歲酒。真露不用多說，而百歲酒則用16種藥材釀出來，酒味帶少少回甘，一試無妨。最後要講講服務，可能是星期一關係，不過是假期前夕，應該係因為餐廳唔full, 最後我地由1830食傾飲坐到2230先走，冇趕催，真係好，最憎食野趕頭趕命，服務員全體都好nice, 仲幫埋我地燒，要俾十個讚👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻上次去銅鑼灣分店，服務態度差到不得了，點都會來尖沙咀啦。

今晚為慶祝情人節揀咗依間韓燒，尤其至愛前菜可以任添，可惜泡菜太甜不酸，而酸白蘿蔔好開謂，服務員添了很多次比我，也沒有覺得不耐煩，所以好滿意。此外食物上預訂了一隻醬蟹，都算多肉同不是細隻，不會太咸ok; 肉類就中規中舉，而我最愛是大八爪魚，不是間間有咁大隻燒，份量大好美味，好滿足。

老實說喺香港搵韓式燒烤真係真係好x貴猶其係二 三個人嘅飯局,如果吾係朋友堅持要韓燒我諗應該會揀其他菜式😆因為朋友晏就要返工嘅關係，所以我地一行四人就決定食個lunchhh。炑八尖沙咀分店好易搵，係港鐵b2出口直口轉個彎就到了一坐低事不宜遲，即刻拎起menu scan!嘩嘩嘩！lunch好抵食啊！50零蚊就有一個lunch set，加6蚊又有特飲！當我地煩惱緊揀咩食嘅時間，餐廳員工你左我右，甘就將所有前菜小食同埋爐邊蛋同粟米芝士(加$10可有粟米芝士，可以refill的，食得落你可以refill無數次喔😂)放晒上我地張枱了三心兩意最後揀了雞扒蛋包飯，年糕粉絲，原味護心肉同埋薄切五花肉。雞扒蛋包飯啲飯係微暖蛋無咩味但雞扒煎到啱啱好，好嫩，每咬一啖都有肉汁流出嚟，重點係熱辣辣！年糕粉絲年糕無味 失敗！但粉絲就好正，好彈，吾係斷晒嗰啲麵，整體其實味道可以話係粉絲救左佢一命護心肉好juiceeeeee啊！雖然一定係雪藏肉，但燒熟後肉香肉質又嫩，分量多，好抵食薄切五花肉薄爐燒大概2至3分鐘已經熟晒，五花肉夾著生菜食又係另一番風味，變得好fresh，食多兩塊都吾會膩飲品方面揀左荔枝核打，吾算太甜，啱

之前聽朋友推薦來過一次，不過當時我點的是石頭鍋飯，飯太硬太焦了，有點中伏感╰_╯，朋友當時就點的燜牛肋骨煲，嘗了一塊，嗯～好好吃，雖然說人家碗裡的都特別香，不過我點的是真不好吃，這次就點燜牛肋骨煲了，個汁味道不錯，而且煲到剛剛好，不會咬不爛朋友這次點的雞扒蛋包飯，我又試～……蛋很滑～而且雞扒很嫩，燒汁也調的不錯，而且……賣相好看另外值得一提這裡lunch加6元就有各式蘇打，種類挺多，而且量還挺多～

同事不嬲都話過間抵食，我試過太子同屯門都ok，所以就話一齊去，我地8個人叫左6個餐加小食都最後幾飽肚添。雞扒蛋包飯 $48…雞扒皮好脆口而雞肉嫩，而且蛋夠滑身又大碟！！抵食炑八炸雞 $65，味道只屬一般，但夠熱和脆口菠蘿梳打 $6 …叫餐加錢就可以飲到，超大杯，味道夠好味道熱狗吾好食，太淋身又份量少。石頭鍋飯份量偏少，牛肉又少同細粒，失望。但我地去都吾是很多人，但我地黎到前菜勁耐先有，而且未食完野已經比人收走左，待應質素一般吧。

宵夜時段有特價，朋友話好抵結果夜麻麻食韓燒 😂 有啲誇張砌得好靚嘅豬肉 🌸唔捨得拆散佢哋 😂😂😂仲叫咗隻醬油蟹嚟食 🦀 真係好瘋狂又豐富嘅宵夜 😂燒肉同醬油蟹都好啱送飯 👅👅👅

學校係韓國街附近既好處就係成日有韓國野食😆咁啱經過樓下又收到傳單就決定今日食你啦💕一上到去lunch時間都唔係好多人 我同朋就一人嗌左2個lunch set 我嗌左雞排蛋包飯 朋友就嗌左泡菜豬肉炒粉絲~嗌完之後佢上左湯同埋前菜比我地先 佢既湯唔算好好飲係偏淡既同埋有陣洋蔥味咁 前菜就係豆芽同埋泡菜味道都係不過不失咁啦~跟著就到主菜啦 首先係朋友既泡菜豬肉炒粉絲先($48)睇落好似都幾辣咁因爲成碟都係紅色 但食落完全唔辣😳而豬肉就好咸好似落左好多豉油咁><粉絲都冇以前都好食取而代之既係一陣麻油味 除左陣油味就冇乜味同埋粉絲都冇以前咁爽滑 有d失望囉...之後就到我既雞排蛋包飯上台啦😛($48)望落d蛋係好靚好吸引既顏色但係食落就淡左dd正常蛋包飯既飯都係茄汁味但呢個就冇乜味咁...但好好彩既係佢既雞排好好味 一食落個雞皮仲有少少脆脆地同埋好香黑椒味💕而且個雞排好嫩滑食落超惹味整體黎講呢個價食到呢種lunch都算唔錯而且個份量好足 食到好飽👍🏻

I love eating hot not cold We add 6$For drinks 🍹 I have an egg covered rice Chicken meat set hot kimchi pork soup 48$my set4 pieces of fine fried chicken breast 48$seafood kimchi soup 58$white chopped pork hot (not cold )soup my rose 🌹 tea ☕️ +6$the dearest rib beef stew68$Look 👀 good 😊

之前去九龍城分店食過，今日又去下尖咀個間先。二點半至五點又係下午茶時間，都係$48，仲免加一，十分抵食！每個套餐都有前菜-泡菜、芽菜和海帶湯。加$6有餐飲，試下柑橘特飲和奶茶，食辣野真係要飲返杯特飲歎下，柑橘味好清新，可以解辣！小食仲包魚糕串，個汁好惹味，令到本來淡淡的魚糕更好味。下午茶都冇將貨就價，芝士年糕大蜆拉麵好大碟。除左topping有芝士碎外，食條年糕先發現內藏芝士，原來呈腸仔形的年糕同傳統年糕大有不同！大蜆和魚片都有不少，個汁太多，雖然已減辣，但係都係好辣，流住鼻涕都食晒個麵，真係幾好味！鐵板泡菜芽菜豬肉飯超大份，似pepper lunch 個種，自己將D餸mix埋一齊。好多餸，唔夠仲可以加前菜D泡菜入去食！加$15有蜜糖年糕炸薯條，有雙色芝士年糕，蜜糖可以再多D，食到底，薯條冇蜜煻。

成日見好多人講呢間燒肉，終於黎試下坐底左個格局同喜來稀肉有多少似。好喇日，叫左特級護心豬肉、韓牛五花、特級牛肋排。黎到見樣都好美味1.護心肉：都夠嫩，其實值得食。2.韓牛五花：個人覺得係伏黎，完全唔知自己食緊乜咁。3.特級牛肋排：黎到時賣相好靚，放上去煎再用剪刀剪開，都好香好有牛味食食下發現3款食落差唔到味我以為自己味覺有問題就問女友，點知佢都覺得一樣味新年諗住開年食燒肉，試新野始終有機會中伏，埋單537，其實行過少少燒魂一又有任食唔會再有下次了。值得一提係服務員放多左一份韓牛五花俾我地，我地同佢講返話多左，都仲要我地好似被審咁講返叫左乜，覆完拎走份野連唔該都冇講，今時今日咁嘅服務點得架

下午2點9正當我係條街遊蕩唔知食乜好，呀姐就派左張傳單比我。48 蚊好似幾抵，就上左去。店內人唔多，可能下午茶岩岩開始既關係，店內既人多數Bbq緊，而我就緊係食48蚊下午茶跟餐既泡菜，芽菜，魚糕串泡菜味道唔錯，辣得黎偏甜味，好開胃芽菜就無乜味，只係有少少麻油味，比較單調魚糕好味，彈牙有咬口，可惜送到黎凍凍地加6蚊既柚子檸檬梳打。大量柚子醬係底，記得要搞到好勻，如果唔係飲到底超甜，味道唔錯韓式清湯熱辣辣，甘凍有碗熱野飲下真好!味道係紫菜湯，清清地唔錯主菜鐵板泡菜芽菜豬肉。 拎到黎鐵板無發揮炸炸聲既功能。配料最多既係泡菜，豬肉用既係腩肉，不過份量比較少。48 蚊，有前菜有湯，算係甘啦