炑八韓烤 (蝴蝶廣場) (已結業)

蝴蝶廣場屬於做街坊生意嘅地方，喺商場入邊開咗一間有得食韓燒嘅都算係驚喜，尼間舖頭佢有好多喺市區入邊嘅分店，屯市又有一間，咁我相信對比上嚟呢一間就比較舒服啲，至少唔使排隊，見到佢有一人燒烤套餐，餐廳望落去又乾淨闊落，唔係好大油煙味，星期日就試下啦我點咗一個$108嘅和牛餐，上枱嘅時候有5塊，色澤紅潤，但係要睇得出佢放咗好多醃製醬料，靚嘅牛肉燒一陣就食得，入口都算軟霖，食得出有牛肉嘅味道，一人份量就係得咁多，中規中矩啦另外我加咗$25試吓佢呢一個薄荷梳打特飲，講真唔係唔係太有特別，不過BBQ點都要有杯凍嘢飲嘅最後其實佢會有啲前菜跟一個飯同一個湯，個湯超級鹹唔好飲，請菜嘅豆芽都係唔好食，泡菜好味，而且feel到落咗好多糖，總括嚟講OK啦，除咗有啲貴買單又+1要$147⋯⋯

前菜任添，酸蘿蔔同泡30菜都要食！鰻魚蛋包飯$82鰻魚煎得非常香、外脆內軟，蛋包飯都好出色！飯底係茄汁炒飯，唔係一般白飯，直得讚！蛋用咗牛油煎，煎得好香、好滑！整體而言，係抵食嘅，下次再試其他☺️

首先環境地方夠大都乾淨，有埋音樂聽，員工都好好服務。但職員太少，舉手一段時間先有人理我🥲。咁今次叫既放題系韓牛放題，今次奔向任食鰻魚而嚟，當然點鰻魚系首要其他就冇所謂。例牌會有份頭盤同小菜，頭盤份鰻魚超大份，仲好厚肉同爽口😍但可惜嘅係越點越細份，由切開既一條慢慢變半條，令人有D失望😞其餘嗌左D牛小排、牛舌、蝦，都正正常常。另外仲嗌左個雞髀菇，但咬落口有酸醙味🤢。最後嗌左個八爪魚🐙雖然原隻好大份，但口感唔係我想像中嘅爽口而系淋的。

一行人4大1小，晚食韓牛1++放題，食物大致ok，特別要讚下鰻魚、牛肋骨及魷魚，唯大蝦及蠔就不可接受，食呢間放題唔好同人一齊去食，最好自己去食，如有朋友一齊去就要分枱座喇，每款放題都有一碟拼盤及雪糕一杯，5人埋單1999（星期六+30及特飲，open rice訂座85折），雪糕有比足5杯，但就是沒有給5人份量的拼盤（只有一人份量）問咗店員一枱只有一碟，而拼盤中的食物，西冷只有2小薄片是不能再點，感覺有少少受騙，難怪由最初有好多人排隊等食，至今落得只得幾枱客人

夜晚去左呢間食放題 揀左韓牛個個set可以話係食哂放題入面有既野喇個人覺得好抵 平時出去食個燒肉最貴個個set可能已經係貴成倍既價錢了講番野食先 食物質素真心新鮮同靚😍服務真係讚一讚，第一次食燒肉係有店員自己走埋黎幫手換網👍🏻👍🏻太好了！相信一定有下次😋😋

佢放題有幾個SET，我揀左中間價錢嗰個我第一次去，禁啱係閑日，都唔算多客一行入去掃完針卡就有員工帶我入去加埋啲芝士蛋之後就開始叫野食款式都唔少，有牛豬雞八爪魚，小食同湯佢上菜嘅速度勁快喎，啱啱叫完冇耐同我朋友傾左幾句啲前菜同頭盆等等就開始陸續離到因為之前冇離過，佢嗰個牛肋骨勁長唔知點燒有個員工勁好（膚如凝脂，長棕色頭髮），佢留意到我啲窘況然後上前講解教我應該點樣燒之餘仲幫我燒埋剪好左啲前菜同芝士蛋食完就有員工問我地要唔要再加上菜速度快服務態度好啲野食好味下次再幫襯

食材豐富 價錢還算可以這店服務也不錯 比屯市個間服務好好多 前菜有3種 可以無限再加 肉類也時新解 調味也不錯飲品也是很冰爽牛飲飯也很有肉汁爐邊蛋也很好吃整體是一間不錯的韓或餐廳

叫一個石頭鍋飯 一個人參雞湯飯，嚟到兩個飯都係爛飯勁多水，屋企人食個鍋飯入面啲牛肉一陣怪味 ，我自己個人參雞啲雞就"梅"嘅又無味 連啲前菜都有陣怪酸味。入餐廳前企喺門口完全無人打算帶位，叫咗幾次唔該都扮聽唔到，入面先坐咗兩三枱。成間嘢一個差字。

每天也是新一天，就讓自己開心去看，開心去做，看到了韓國菜，就是嘗嘗其味道。 裝修闊落，位置開揚，咁就唔會一身燒烤味。 簡單食嗰午餐，湯品配飯都多多選擇，大醬湯，人參雞湯，辣湯……樣樣都鍾意。飯又可配紫菜飯，泡茶豬肉飯，鰻魚飯……🥰😍🤩 一碗熱呼呼的紫菜湯，仲有肉，真開心。前菜仲可以食完添，so happy...泡菜係首選，一碟先，一試就超好味……唔算好辣……😚可以嚟多碟，pls。名品大醬湯：少少辣椒超吸引，仲有蘿蔔，脆肉瓜，豆腐，冬菇，可以話樣樣都有，仲有大大塊排骨，令湯底更鮮味。 至於鰻魚飯：大片肉，但有一點乾，早知唔加配了，要扣分。 整體可說，可以一試😄

知道分店有放題即管試下，食物水準可以，服務態度亦唔差，但以$228嘅價格任食放題，食物種類並不多選擇，飲品更少選擇，只有七喜、忌廉溝鮮奶、梳打水、檸檬茶，甜品只有牛奶公司雪糕，我下次一定唔會選擇放題，寧願自選喜愛的食材更好更經濟。

今次係第一次嚟，好好彩成為咗幸運客人，冇book枱都有位坐。叫左好多唔同嘅野食，叫咗豬手，芝士泡菜煎餅，紫菜包飯，炸雞配薯條，牛肩肉，同埋蜜糖雞肉～全部都不過不失，小食全部都可以refill, 不錯！

大年初三，趕住6點前食個堂食，四點前入座，冇人接待都算，個場得幾檯客，員工都唔知係到做緊咩，坐低食左個頭盤，叫左一轉野食，d人都走得七七八八，得一兩檯客，冇人收野都算，舉手遞點餐紙都冇人理，最嬲係個帶眼鏡肥妹扮體唔到，一次我當你體唔到，三次都體唔到，你話爆場就話唔得閒我理解，冇客都要甘既服務，我唔要求你清檯樣樣野做足，最基本你起碼要應客啦，大年初三食到成肚氣，最尾都要大聲叫唔該先有人理，比成300幾一個人，服務連譚仔都不如，唔會再幫襯!有呢d好員工，老細多得佢唔少!

侍應態度要認真訓練一下，我一到門口，無人理，唯有大聲叫唔該！在店內兩名阿姐侍應一舊飯咁,離遠問我咩事!餐廳門口有客，你覺得作為一名侍應，應該點做呢？當時是下午四點多，得一兩枱客，兩個侍應祇係度吹水，並不是忙碌中，完全無意識行去門口招呼客人！雖然我祇係訂了外賣套餐，不用堂食，但門口見到已經令我無興趣入內幫襯！餐廳管理層真係要教下員工！

最近又有新嘢推介加強版鐵板芝士排骨飯🤩🤩芝士撈排骨一齊食，口感一流🤩🤩白飯上面加上粟米，仲有只靚靚太陽蛋， 炒埋一齊食，非常好味🤩🤩好味前菜🤗泡菜🤗芽菜大家要來試下最後都要讚下啲員工，有禮服務😊特別讚賞😎紅衫紮辮靚女👍🍸🍸🍸

午市Menu有好多選擇掙扎左一陣叫燒肉定叫Set好最後揀左啲午市Set因為幾抵➡️烤牛肉流心蛋（韓式粉絲）算ok!個味幾濃，份量足，只係頗為多油➡️辣炒年糕千唔好對佢有任何期望又唔夠軟 （直程敢）辣得黎唔係好食嘅辣唔似韓國果種帶甜的辣全碟食左一件就食唔落😵‍💫一定一定冇可能再叫佢整體黎講都係偏重口味雖然預左韓國菜唔會啖味得去邊但食完呢餐都係暫時唔敢再encore了最後全餐最好味黎講應該係碟泡菜😅