炑八韓烤 (蝴蝶廣場) (已結業)

早排新年同D friend去咗食大餐，去咗呢間韓國燒烤，呢間餐廳嘅嘢食真係令到你食得再飽都想繼續食🤩我哋咁多人一齊嗌左個新年燒烤套餐。個套餐真係乜嘢都有，牛肉新雞肉、八爪魚、大蝦，而比較有特色嘅就有牛肋骨、梅花肉。首先講吓梅花肉，佢真係一啲都唔手軟，非常之厚切，所以要慢慢燒。食嘅時候啖啖肉，好爽！😆個牛肋骨就更加正，超大條！店員幫我地燒，燒完之後仲剪埋一粒粒，方便我哋食，服務一流。👍🏼 啲肉非常之肥美，極多牛肉汁bid出嚟，其實食咗好多肉之後都已經好飽，但都完全阻止唔到我食呢個牛肋骨！🤪🤪佢啲串燒都唔錯架！將雞肉串燒燒完之後點落啲海鹽度，先香嘅肉味即刻出晒嚟。原來呢個餐仲要跟個大醬湯，食咗咁多肉之後飲埋呢個湯，簡直係一個完美嘅句號。🤭再食埋裏面嘅蘿蔔同豆腐，即刻將蔬菜同肉類嘅比例拉返balance，一啲罪疚感咁都冇！🤣🤣呢間野真係好值得一食再食！

大大力將我叫嘅餐點劈喺枱面 ，有一個男職員唔知佢係咪好趕時間出菜， 定係呢排生意差請唔到人， 嘢食嘅味道係唔錯嘅可以畀九分😀😀😀😀😀😀😀😀😀😀😀

今日大少生日，但始終係平日，都係要返工既，所以就同佢去食下韓式早餐，但到步後，睇到個餐牌，一點都唔韓式，反而似港式多d喎，我叫左個韓式牛肉公仔麵配太陽蛋午餐肉，不過黎到個太陽已經比雲遮住曬了，餐肉似梅林牌，個牛肉味道就似韓式，配埋柚子蜜，盛惠$35，價錢算合理既

今日去到屯門碼頭探屋企人，好耐都冇嚟過蝴蝶邨，冇諗過蝴蝶邨嘅變化都有唔少，而且都多咗好多唔同類型嘅餐廳，竟然喺呢度都可以搵到一間韓國餐廳，所以今次就同咗屋企人過咗嚟食午餐。午餐都有好多唔同嘅種類選擇 ，竟然仲有得烤肉添，不過因為屋企人想試下部隊鍋嘅關係，我哋就叫咗一個部隊鍋嚟試。嘢食等左勁耐先嚟到 ，嗰部隊鍋唔算好大，夠一兩個人食飽，入面都係個D麵煙肉，洋蔥，腸仔，午餐肉，焗豆，蘿蔔，但叫左好耐先有待應來到倒泡菜湯，煲咗一陣間，開始都滾，冇乜泡菜味，而且因為可能一路煲住啲嘢食嘅關係，所以好快就乾曬，而且味道好一般，又收得貴。完全唔值呢個價錢，服務又一般。

朋友推介炑八下午茶抵食，就去試一試。環境闊落 ，但略嫌音響太大。下午茶有多款選擇。我們點了$48的下午茶餐，有湯、前菜(無限任添）、主食、小食及飲品一杯。前菜的泡菜及芽菜好味，青瓜的檸檬味比較重，個人不是太喜歡。小食甜辣炸雞配薯條，炸雞炸得鬆脆，加上甜辣醬很惹味，反而薯條就比較淋。小食餃子脆脆的。主食迷你烤牛肉流心蛋飯，份量其實都不少，洋葱炒過的牛肉很香口，加上流心蛋，很滿足。主食韓式炒粉絲，份量比較少，配菜只有什菜絲，味道不錯。飲品可選柚子冰茶或荔枝冰茶。$48可以食到那麽豐富的下午茶，大滿足 。

下午茶新套餐，叫左個燒肉餐同普通下午茶前菜有食開都5洗多講，不過多左個新既海藻咁既款，酸酸地幾開胃，係咪天氣熱就有尼？A係固定左既內而B同C就3揀1，肉質都一如以往咁好食，大腸份量都算多，幾香口但一個人食我就覺得有d膩，牛肉好味加22蚊可以升級做鰻魚飯，就咁睇外表好似有d dry, 但食落一口鰻魚同一啖飯真係幾滋味，千奇5好比佢外表呃到，但如果有多多少少鰻魚汁就更好啦！普通下午茶係A加B再送野飲，炒粉絲係穩陣既好食，份量下午茶尼講都足既，因為太多就會食5晒值得一讚既係炸雞，啖啖肉，炸粉適中而且夠汁包圍，凍左都好食，薯條反而偏淋，麻麻地飲品多款選擇都5錯，甜米水口味比較淡，無問到有無熱，有就更好啦

今日星期六，早上十一點落街搵下有咩早餐食發現KFC早餐去到11點，so sad之後同男朋友講笑，不如去飲茶上左上面發現左另一間餐廳第一個疑問佢有做早餐嫁咩睇餐牌就好吸引不論是款式/價錢仲要免收加一服務費（只適用於蝴蝶店）我叫左「韓式南瓜粥配紫菜包飯」餐飲就加三蚊，要柚子蜜男朋友叫左「All day breakfast 」好飽飽好滿足真心係好抵既早餐職員都好親切有禮

中午時分，一行4人去左呢度食飯，叫左個泡菜芝士雞的鐵板餐，味道好好。前菜又無限任食，又無趕你走，一行4人身左2粒鐘。期間侍應的服務不錯，也有好多學生來食，下次會再去。

早一排食完炑八既早餐之後都係決定食佢既午餐/下午茶，估唔到咁快有機會黎食午餐！同幾個朋友晨運完，本身諗住搵all day breakfast食，可以食住慢慢傾；不過經過蝴蝶邨就諗起可以食炑八喎!!於是１行４人黎左炑八食Lunch，我地3個叫左芝士泡菜五花脾拌飯，有1個叫左牛肋骨煲配紫菜飯。飯未到之前，已送上湯同３碟泡菜，唔夠泡菜可以再加的！佢地泡菜唔只有辣味，仲有ｄ甜甜地！幾好味！個飯如果要同正宗韓國人開既比較的話，咁一定無得比，五花腩唔夠肉汁，乾乾地，不過加埋泡菜就無咁乾！芝士唔多唔濃郁，不過全部野mix埋一齊的話係幾好食的！加上個鐵盤可佞保溫！熱辣辣既感覺非常正！＋＄８可以有野飲，我標柚子蜜正正常常，唔會太甜，不過個杯加左Ｄ分顯得杯野好似好飲左！重點係…5十幾蚊有飯有湯有泡菜有野飲，仲要質素幾好…抵呀！推薦！！！

返學既時候，好鍾意診學校假期黎依間炑八，因為揀岩時間的話人流唔多，而且好寧靜，我試過係無咩人的時間食完野，一邊慢慢飲杯飲品一邊睇書，好嘆！依度係我其中一間在屯門碼頭區最愛的餐廳！不過今次係我第一次食早餐，認真講，無特別！$35唔包野飲，而且個麵真心一Ｄ韓味都無XD！麵質係唔差，不過味道一般；塊多士送到黎好新鮮，不過仲有Ｄ膿添XD！唔緊要，整走Ｄ膿都係食得既。唯獨隻蛋我覺得幾好！滑既，有蛋味既！不過試完今次早餐，我下次會等到午餐先入黎食XD！但想一提的是，依度既店員幾好，特別係我上次遇到個收銀員，好有禮物，笑容可家！感受到佢係有心架！！難得難得！P.S. 雖然話唔推薦早餐，不過可能只係我揀左個最無特色既早餐黎試姐，佢有幾他有特色Ｄ既，不過我食個日好凍…所以想食熱熱熱既麵。

本人好少食韓燒，好怕燒完一身都係燒肉味，所以一直都冇食過哩間，不過見原來除了燒肉都有其他野食，就同老公嚟試下午茶，我地揀了烤牛肉半熟蛋蓋飯，同烤牛肉半熟蛋粉絲的茶餐，$48份，包前菜，湯同餐飲。本人本身唔食泡菜，但都食了少少，味道應該算是ok的，芽菜味道也可以，不過紫菜湯好淡味。到了主菜烤牛肉半熟蛋蓋飯同粉絲，哇，作為下午茶真係大碟到爆炸，對大食的人來說相當抵食，整體味道可以，但個人覺得啲牛肉過甜了一點，而粉絲有點兒唔係我想要的味道，但整體都可以，都係牛肉偏甜了一點，啲粉絲好痴底。餐飲的荔枝冰茶好味喎，不過希望餐廳可以停用膠飲管。

今日同朋友去蝴蝶邨買送，買送前就去食個tea先，附近好多野我地都食過晒，諗起未食過炑八嘅下午茶就一於黎試下，我地大概2點45分到，餐廳只有幾枱客人，所以唔需要等位就可以入座，呢到環境大又舒服，啱晒同好姊妹一邊食一邊傾，呢到嘅tea set都幾抵，$48有主食，小食，無限添加前菜，湯品，飲品，前菜係可以無限添加嘅，味道正正常常，無咩特別驚喜，韓式清湯上枱時湯品熱辣辣，清清地味道唔錯，湯入面有幾條細魚仔，應該就係湯底味道所在，感覺唔係味精湯，飲完唔覺得口渴，安東雞脾雞脾好大隻，味道幾特別，雞肉嫩滑入晒味，睇黎係心機之作，蕃茄仔同沙律菜可以解下膩，值得一讚嘅係沙律菜都加上芝麻醬，味道幾好，無骨炸雞呢味有驚喜，炸雞聽落感覺好熱氣，呢個炸雞無呢個感覺但係做到外脆內嫩，加上特別調配嘅醬汁，酸酸甜甜，讚，迷你烤牛肉流心蛋飯下午茶黎講份量算幾多，牛肉醬汁做得唔錯，亦煮得啱啱好，唔會過熟，加埋有流心蛋撈飯，簡直係大滿足，炑八撈麵點餐前侍應細心地提醒呢個撈麵有花生醬，值得一讚，可以讓對花生敏感嘅客人知道，最後我叫左走花生醬，流心蛋下有沙律醬及肉醬，味道帶少少酸味，都唔錯，柚子冰茶柚子味道清新而且唔太甜，啱

This place is great for when you're very hungry. The restaurant has chicken, beef, pork, various seafood and lots of vegetables, so something for someone of all diets. The staff is always friendly and helpful. Special Thanks for Mr Six very friendly

近年蝴蝶邨商場開咗唔少餐廳，令住喺屯門嘅我喺食飯方面多咗好多選擇有一次喺網上面見到呢間餐廳做緊午市韓燒套餐優惠，就搵日得閑同媽咪去食下韓燒啦嗰日咁啱撞正學生放飯嘅時間，但係因為間鋪好多座位，所以唔洗好耐就有得入座本身以為韓燒套餐只係有肉咋，點知仲有得俾我哋揀食一個飯加一杯嘢飲，真係超級抵呢個流心蛋牛肉飯嘅牛肉好滑，隻蛋嘅流心做得啱啱好一如以往嘅韓燒都係有多到不得了嘅配菜，泡菜，醃蘿蔔同沙律但係多得嚟質素都好高

屯門碼頭開左好多連鎖食店,冇左好多特式小舖,炑八開左好多分店燒烤真係吸引唔到我,路過見到午餐唔貴而且有特式就入去試試午餐餐牌來計真係好多選擇而且比夜晚食抵好多,叫左個雞扒蛋包飯試前菜冇得自選,今次俾左大豆芽同泡菜,大豆芽偏咸麻油唔夠香,泡菜唔錯咸度適中微微酸例湯冇特別,藍天使梳打淨飲到有汽水微甜冇怪味都可以雞扒蛋包飯-雞蛋仲有蛋汁面蛋好滑蛋汁冇腥味,底比較硬雖然唔鞋但好奇怪,雞扒好林好滑燒汁好食珍珠米煲得好總結-套餐都算抵食有湯有飲品有前菜,味道都可以