炑八韓烤 (黃金廣場) (已結業)

今年生日沒有晚市，所以選擇了午餐到炑八食燒烤，完全沒有失望，新年還有利是韓Won1000，很有心思的禮物，個人來說很喜歡，今次只簡單點了兩個肉，一個是我最喜歡必食的五花腩，另一個是霜降牛小排，及店舖贈送的生日食品 - 海帶湯，開咗會員Apps儲分，仲用積分換左荔枝梳打飲，簡簡單單又好味，$300有找值得繼續支持💪🏻

今日嚟到炑八食韓燒，不過我覺得佢爐邊嗰啲泡菜蛋好食到傻係咁添我地叫左個聖誕既套餐都好豐富好多嘢食，相比起佢單點會比較抵少少。佢哋嘅韓牛同五花肉都好好食，就咁食或者點醬汁包生菜食都覺得好正另外芝士豬肋骨都好食咬落去啲肉好淋身易咬，不過呢個就要趁熱食，因為芝士凍咗就會硬咗點唔到。仲有呢杯紅豆沙冰都覺得好正，一啲都唔甜又解渴

由於上次在佐敦分店首次用膳後，整體評分都很高，食物幾好也不是很貴，而服看到服務員很忙但都用心服務，所以今次和女朋友再次光臨，但在電話預約時已聽到態度很差，到落單時態度要用惡來形容，不知該店員是否受到家庭問題困擾還是與老婆/女友分開，圍裙也沒有給我們， 我女朋友很害怕，連泡菜都唔敢加，牙簽都要叫我或我個fd幫佢去問，最後俾錢時想望下張單，個男服務員話ok喇嘛？

有一位年約50歲，短髮女服務員態度極級惡劣！我同朋友一坐低，有另一位服務員幫我哋倒咗爐邊蛋但係冇開火，嗰位阿嬸叫我哋自己開爐。開咗之後，佢經過我哋張枱，用語氣差嘅態度叫我哋唔好開咁大火，呢吓都已經忍佢！到啲肉嚟到，我哋放咗一塊肉上去燒，但係塊板冇油，搞到痴晒底，嗰個阿嬸再講：「本身有油㗎，係你哋開到咁大火之嘛！」換板時佢仲要用手批踭，叫我朋友行開啦。本來餐飯係慶祝生日㗎，但係比呢個阿嬸搞到一肚火🔥以後都唔會再去銅鑼灣呢間分店食！

😋😋炑八韓烤（黃金廣場）這間店的食物唔錯，好好味😋😋這天叫了一個芝士泡菜五花肉韓式拌飯、鰻魚蛋包飯及烤牛肉迷你紫菜包。😋😋芝士泡菜五花肉韓式拌飯-飯叫了多汗、蛋另上、蛋紫菜有餐湯前菜揀左芽菜飯唔錯，湯好好飲（清甜），芽菜爽口飲的芝士味唔夠重，芝士味如果可以再出啲就好了😂鰻魚蛋包飯-同樣有餐湯湯一樣，鰻魚份量足，好好味😋汁亦唔錯，蛋可以全熟上，亦好好味唔係間間既蛋包飯都可以轉全熟蛋，呢間蛋包飯就唔錯還叫了一個烤牛肉迷你紫菜包飯這個飯的溫度較冷，但味道亦不錯。

突然好想食燒烤, 近近地又唔駛排隊, 就去炑八韓烤喇!😜要開爐燒就一定要叫兩款生肉, 叫左厚切五花豬腩 ($128) + 蔥蒜牛五花 ($98)🐷五花豬腩肥瘦平均, 燒香既油脂迫左出嚟, 入口唔太油, 配上少少瘦肉, 口感一流🤭🐮蔥蒜牛五花價錢抵, 又大碟, 肉質腍, 肥瘦好均勻, 正!另外叫左個南瓜牛肋條, 份量超級大, 肉質超腍又入味, 推介!"另外前菜 (泡菜, 海帶, 芽菜, 酸蘿白), 芝士粟米, 泡菜蛋係無限添食, 真係一定夠飽, 好好味🤭

我喜歡韓式燒肉，因為肉類與蔬菜及泡菜配搭帶來的味覺享受是百試不厭的。這次我品嚐的是「無法抗拒釜山海之物套餐」。各款食物當中，我覺得釜山八爪魚最吸睛。雖然因為個人烹調技術比較差的關係，八爪魚味道未能昇華，但它自身的鮮美還是無法掩藏的。這個套餐另一亮點是鰻魚。鰻魚不是我熱愛的海鮮，但它的魚肉質感出色，結實且有彈性，亦沒有泥味，所以我覺得很優秀。這個套餐還包括了醬油五花肉、梨汁雞肉、豬皮及霜降牛小排。我們吃的是海鮮餐，每款肉類份量不算多，但套餐包括的肉類種類很豐富。在各款肉類當中，我們一致認為牛小排很優秀，肉質細滑，味道香濃，我跟朋友都非常喜歡！另外這裡的豬皮很美味。它完全不肥膩，而且充滿骨膠原。豬皮應該是預先烹調過的，我覺得它質感煙韌軟糯，而且味道帶甜！豬皮看起來不耀眼，但很值得品嚐！我們這天還吃了傳統韓國豬手。豬手切了薄片，吃它沒有吃大塊肉的爽快，但用爽脆的生菜包裹著薄薄的豬肉片及青瓜，再配搭一些韓式辣醬，製作而成的生菜包，真是無比美味！最重要的是，這個生菜包菜多肉少，所以吃再多亦無礙！我覺得吃韓燒必需配搭一些冰凍的有氣飲品，而我喝的是青肉蜜瓜梳打，它的味道偏向淡雅，感覺很清新。飲品裡頭

呢排睇得太多韓劇，好想食豬手，所以決定放工走去買，最近公司嘅餐廳，所以揀咗呢間，打電話叫外賣佢地話要預25分鐘，不過最終我拎嘅時候係等咗35分鐘😅可能夜晚太多人喇，唔緊要講返我叫咗個韓式秘製豬手套餐先，真係好抵食，$168有一份豬手加泡菜加芽菜加生菜、韓式炒粉絲、烤牛肉迷你紫菜包飯、仲有兩罐忌廉溝鮮奶。有咁多嘢食真係好抵🤤先講豬手係肉質彈牙嗰種，唔係軟身嗰種，我反而鍾意食軟身嗰種🤫不過彈牙都好食嘅，一塊豬手加泡菜加辣醬包生菜擺入口😌嘩好幸福嘅感覺，韓劇情節出晒嚟🤣炒粉絲唔知係咪因為我住得太遠，拎出嚟嘅時候已經黐埋一舊🥲賣相麻麻地，味道就一般般，紫菜包飯就好食嘅，泡菜同芽菜都好味😋 $168黎講要求唔可以太高。滿足下我嘅慾望係OK嘅，下次喺堂食再試吓先🙌🏻

放假梗係要慶祝吓！🥳炑八韓烤係銅鑼灣都有分店🤩💕大家都知道釜山海鮮生猛又新鮮😍😍😍最近做緊釜山主題🇰🇷一次過就可以試晒釜山直送既八爪魚、鰻魚！真係非常吸引😍我同朋友叫咗無法抗拒釜山海之物套餐😋套餐本身包括咗唔少嘅韓國前菜小食😊例如爐邊蛋、芝士粟米等🌽非常豐富🥰牛小排肉味非常濃郁，入口即溶😋💕特製汁醬醃過釜山八爪魚🐙彈牙爽口😋五花肉嘅油脂豐富非常邪惡，啖啖滿足🤩梨汁雞肉、韓國豬皮都非常之正！🤤❤️釜山鰻魚甘香肥美💕外皮燒得香脆可口😋青肉蜜瓜梳打嘅沙冰幼細，味道香甜🥰果肉滿滿，清甜多汁，超級滿足呀！😍

炑八出左新餐牌，同事又叫我去食，呢個禮拜已經好熱氣😅不過佢話請客就是但啦🤣.叫左個「釜山海之旅行套餐$698」有釜山八爪魚、海鰻、韓國辣椒、韓牛前胸肉、霜降牛小排、和牛肩肉、牛舌、蔥蒜牛五花。.個餐岩晒我呢啲食肉獸同鍾意食牛既朋友😜芝士粟米同邊爐蛋已經任食，仲有前菜選擇不少，加埋沙律🥗，未食之前都飽飽地。呢個新套餐都幾高質同性價比高。韓牛前胸肉可以稱為國寶級韓牛油香肉味平均肉質軟而香嫩，口感爽脆，霜降牛小排係牛隻的中段胸肉，無論油花分布和肉質都係好上等👍🏻最值得一讚係個海鰻同釜山八爪魚，海鰻好厚身爽脆，釜山八爪魚鮮味至極。.話就話2人餐，其實3人食都好夠飽👍🏻 所以我同事先成日叫我去食🤣

銅鑼灣海鮮韓燒超耐冇食韓燒，但最近都成日食牛扒有啲悶，而且熱量高。見而家新出左海鮮燒烤新搞作即刻嚟試吓，感覺海鮮冇咁肥，特別啲啲又可以玩燒烤🤣餐廳另收加一服務費，環境寬敞，提供醬汁、鹽🧂水、圍裙和濕紙巾#無法抗拒釜山海之物套餐 $498有兩片薄切雪降牛小排牛味濃，還有醃製了韓式泡菜醬的彈牙釜山八爪魚🐙咸咸的，可以配生菜/泡菜蛋一起吃。甜甜的薄切醬油五花肉肥美邪惡，包着粟米芝士、生菜和泡菜更滋味。另外還有清清的鰻魚感覺健康、梨汁雞肉、邪惡豬皮、韓國辣椒🌶️很多種類#半隻韓國豬手 $115生菜青瓜沙律配厚切豬手，豬皮彈牙充滿骨膠原，豬手切片沾秘製甜醬很入味不會粗糙，份量比想像中多#菠蘿梳打 $38梳打多氣，甜甜的菠蘿糖漿味道#薄荷荔枝梳打 $38 涼透心服務質素：6/10環境舒適度：6/10ᶘ ᵒᴥᵒᶅ個人口味評分：6/10

上次係坑口食完炑八，簡單令人回味無窮，今日嚟到銅鑼灣，決定去食埋呢間分店，CWB分店超級就腳，F出口一出就係，勁級方便👍🏻🍽釜山海之旅行套餐 ($698)套餐真心好正，牛肉種類多元，有韓牛前胸肉、和牛肩肉、霜降牛小排、護心肉、牛舌、蔥蒜牛五花，仲有超正海鮮—釜山八爪魚同鰻魚，新鮮到不得了☺️- 個人最鍾意海鮮，鰻魚好鮮嫩，但又好有咬口；釜山八爪魚更加唔洗多講，煙韌彈牙，啖啖都超正🤩- 韓牛前胸肉切片均勻薄身，雪花鮮明，燒完之後油香十足☺️- 其他牛肉都正都一個點，牛味濃郁，燒到佢地焦脆內嫩，真係好食到冇得彈❤️- 配料有韓國辣椒同菇類，一啖落落去韓國辣椒，辣味就湧上嚟，超級過癮同解膩😜飲品方面加咗兩杯梳打—青肉蜜瓜沙冰($48)、青檸梳打($38)，青肉蜜瓜沙冰香甜，而且果肉滿滿，格外滿足；青檸梳打十足清新，格外refreshing，配搭惹味嘅韓燒一流😙炑八嘅泡菜都keep住好高質，酸甜醒胃；前菜沙律好清新；爐邊粟米芝士好jeng，濃郁足料，每啖都拉到絲，好味到refill 咗兩次😚餐廳座位闊落，分隔清晰，顏色配搭好繽紛，呢餐dinner食得好滿足❤️

一直有留意炑八韓烤每隔一段時間都會更新套餐主題, 最近就轉了釜山主題套餐, 腦海即時浮現三年前同丫妹去釜山旅行嘅回憶。於是我倆今晚就去品嚐炑八嘅釜山二人set, 讓味蕾再嗜釜山味道。當日炑八冷氣壞了, 還好有冷風機吹住, 唔算好熱。入座隨即送上韓國前款、沙律菜、注入泡菜爐邊蛋、芝士粟米。order了 【釜山海之旅行套餐】 HK$698套餐不包括飲品, 需額外追加+$20 自選梳打-柚子檸檬梳打, 很夠汽, 不過柚子味極淡+$48 青肉蜜瓜沙冰-沙冰打得幼細, 除了有些少蜜瓜蓉, 仲有幾粒蜜瓜肉食, 清甜多汁釜山海之旅行套餐 整齊排好一次過上檯, 除了烤肉, 還可以品嚐兩款海鮮!釜山八爪魚: 半邊八爪魚鬚, 烤後剪成一粒粒, 爽口又食到八爪魚本身鮮香。鰻魚: 質地偏林, 不過魚皮烤至金黃微脆, 帶微微焦香。牛舌: 薄切亦冇加額外調味, 香烤味較出蔥蒜牛五花: 分佈了網狀細緻油脂, 肉質林同時食到牛脂香, 夾埋蔥蒜一齊入口, 味道更為香口濃郁。霜降牛小排: 加了些少烤肉味調味, 油脂豐富, 肉質柔軟帶咬勁韓牛前胸肉: 牛脂相對較少, 帶些少口感和牛肩肉: 牛脂分佈平均, 有點點厚度, 味道

睇電影前仲有時間食個韓燒，揀左呢個炑八韓燒，之前試過青衣果間印象幾好，所以試試銅鑼灣呢間。佢位置係黃金廣場，呢個商場無銅鑼灣其他商場咁旺，所以可能未必太多人知。今次試左個無法抗拒釜山海之物套餐，個名好特別，入面包左釜山八爪魚、鰻魚、醬油五花肉、梨汁雞肉、豬皮、霜降牛小排。最特別係豬皮，都係第一次用韓燒方式煮，食落口都好淋，唔係乾爭爭果種。服務員態度都幾好，主動會搬個燒板，我地燒左唔係好耐，但都換左三四次。

出開銅鑼灣食午餐,朋友帶路佢飯堂話呢度韓食午餐好抵食蛋包飯有雞扒,泡菜豬肉同鰻魚,最平$48就有交易,真係幾抵食!咁佢要左份雞扒蛋包 加8蚊就有特飲,埋單都係$60左右!另一份就係鐵板芝士蛋加泡菜豬肉 飯既2邊放滿芝士再打隻蛋!食法係將所有食材拌勻佢好似炒飯咁食 泡菜辣豬肉開胃提神豬肉係用腩片夠肥,又辣又香好惹味仲有芝士既味道蛋包飯下層係白飯上面係一層滑蛋,蛋夠香滑伴碟有沙律 有飯有菜又有肉成個飯好豐富我都有試佢個雞扒幾香幾好食MeokBang Korean BBQ & BAR (Goldmark)6/F, Goldmark, 502 Hennessy Road, Causeway Bay平均消費$60評分7/10