炙・宴 (利東街)

營業中

休息中

疫情下，午餐多數外賣自取，今日想行遠D試新嘢。黎到好彩不用等就有位。睇完餐牌都係試豚丼，一來佢話係名物，二來平D😆。另加了一客炸雞及一客餃子。先來豚丼，有六大片豚肉，肉燒得幾香，醬汁惹味，飯軟熟，唔覺唔覺比平時食多左。份量男仕都會足夠，沙律唔錯，湯有少少咸。炸雞香同唔鞋，沙律醬就多咗D。餃子樣雖然唔靚，但味道可以。會再黎試其他。

這段日子因疫情關係，經常在家工作，一星期都只可上班一至兩天，超無奈😢，午餐時段，都係因這樣就會找下那間店舖吸引同抵食！今日難得有同事相伴，就出嚟逛下！同事早前試食左這間炙，話都唔錯，抱著試新舖就2人去睇下，見到門前外賣牌相中食物好吸引喎！又有85折咁，但行埋去，侍應問堂食定外賣，眼見店舖內的餐桌坐位好似幾舒服，又唔會過迫，最緊係仲有位喎！即入座喇！我們各自落左豚肉丼餐（其實係忘記個名）,來到真係同相中一樣喎！豚肉唔太厚又唔會太乾身，好食！迷你沙律都係我愛的！有下次有下次！

試新餐廳，呢間餐廳位置唔係喺大街，但設計都特別有好多好得意豬形燈籠。今次試咗和牛拉麵，和牛係有燒過好香又好juicy，蛋係perfect，啲拉麵係幼身，湯係好濃厚，yummy!仲有order 咗豆腐，外脆內軟，有鹽伴但無汁。下次會想試佢個豬肉丼。

灣仔利東街新開嘅餐廳，主打日式丼飯，亦有幾款拉麵/烏冬提供。佢哋開張第二日我哋就去幫襯了。當日去食lunch, 安排上雖然有點混亂，但以一間新開嘅餐廳嚟講算係唔錯。▫️当店名物豚丼 (午市套餐價：HKD78)登陸人氣No.1食品嘅原因我覺得係價錢夠平又好味。一碗飯上面舖咗大約5-6片大豚肉，完全遮住晒啲白飯㗎。雖然並唔係用上日本豚肉，但覺得佢哋「嚴選」出來的豚肉並唔差😝😝，配上炙・宴特製嘅燒肉醬汁好好味呀。下次我會俾多少少錢試吓「特上日本產豚肉」，睇吓差別會有幾大。午市套餐附送味增湯+迷你沙律。午市套餐來講都算抵食。▫️火炙宮崎和牛拉麵 (HKD118)呢個味道只係OK。湯底太油，就算宮崎和牛燒得幾好食都好，放入碗湯之後只係食到成口油味🙈下次都係食番丼飯算了😓

Lunch試左呢間利東街既日本野前身係越南野既位置啲員工都貌似係原本既員工餐牌樣都好吸引 又想試牛又想試豚肉同埋都驚有啲鋪頭聲稱既和牛同想像中既味道有出入 因為我平時少食牛 有啲味同口感唔係好喜歡但係我都揀左日本和牛丼冇決定錯！入口即溶！懷念日本既感覺$149和牛唔算貴一set仲有沙律同面豉湯環境都唔錯 坐得幾舒服座位本身設計都幾寬敞加上限聚令更加疏落所以今次去都唔洗等位 一入就有值得encore!! 想試埋個豚肉