炭兎

營業中

休息中

早幾日嘅半周年紀念日午餐唔係咁完滿，所以趁今日嚟食餐更好嘅補祝返。慶祝呢回事點可以冇酒，而呢一間居酒屋喺埋酒方面都幾得意。因為佢會將啲酒分咗唔同嘅價錢，而喺嗰個價錢入邊你可以自己揀一支你鍾意嘅，就唔似的其他地方餐廳入咗乜嘢酒就只有嗰幾款選擇。然後佢呢度嘅presentation都幾靚，唔係傳統嗰啲Sake酒樽，而係一個靚靚嘅分酒器，再加兩隻精緻嘅杯，成件事係儀式感滿滿。食物方面，我哋叫做個明太子芝士蛋捲。呢個真係好足料，面頭鋪咗一陣明太子嘅醬汁，然後用鐵板上可以保持個熱度。然之後切開中間嘅芝士係可以拉絲嘅，最重要嘅係中間都有滿滿嘅明太子，芝士加埋明太子味道啱啱好，唔會好鹹。然後我哋今晚都叫咗半打鐵盒蒸蠔，可能因為個size細咗少少，所以佢哋補多咗一隻。佢除咗有兩支辣嘅醬汁俾你點之外，仲有一個佢哋自己秘製嘅辣椒醬，檸檬同埋芫荽俾你做調味，其實咁樣食完全食到蠔本身嘅鮮味，真係好正㗎。跟住呢一度有一款叫炭燒雞都係好特別，因為食落去係真係有炭燒嘅味道，而啲雞嘅肉質都比較爽彈，再加埋佢呢一個特別嘅辣味膏，成件事好特別。然後製作呢一個餸嘅係會有一個專責負責嘅廚師，我哋咁啱安排咗坐吧枱，所以可以睇到

之前同老婆食過兩次，一次食燒魚，一次食sukiyaki，兩次都好好食，氣氛係唔錯既，同埋頭兩次都有日本人老闆座鎮，打理得好好，但今次個日本人老闆唔係度就出事喇，話說老婆突然好想食sukiyaki，所以我就book返呢一間黎食，因為佢上次真係整得幾好食，今次去到再食就完全兩個世界，變左大快活打邊爐。上次同今次我地都係坐bar枱，但佢今次話唔夠位要煮完先拎出黎 ，咁無問題既，好食就得啦，結果第一塊肉拎出黎嗰時煮到好似肉碎咁，仲要唔好食，上次覺得好食就係第一塊肉佢地煮得好好的，今次煮到仲衰過茶記，好喇，食完佢上埋個sukiyaki煲，嗰下差啲D左出黎，喂！我叫sukiyaki，你比個sabusabu我做咩？成個煲一啲味都無，啲湯又無色，我唔係清湯底wo，我係食sukiyaki wo！跟住問佢地發生咩事，佢話係咁wo，跟住就拎返個sukiyaki個豉油加返落去，我頂，我啲和牛已經比佢煮壞左，同佢講完先加返啲豉油落去有用咩？唔係應該煮過一煲比我咩？我無同佢理論，我同老婆照食，因為老人家教落要有衣食，我淨係埋單嗰時同佢地講，個sukiyaki好難食，跟住個員工既反應係，哦.....唔好意思，完。

🥒青瓜梅肉爽脆清新青瓜配酸甜梅肉，仲夾雜住鯊魚軟骨，非常脆口。👅燉牛舌伴蛋OX燉牛舌入味又軟淋，而且肉厚，配半熟蛋入口再香滑啲。🥢鯛魚磯邊卷適逢春節，食鯛魚就最應節，寓意長壽富貴，祈願健康！鯛魚鮮甜，肉質亮澤，以紫菜包卷起，夾紫蘇葉及醃蘿蔔。
🥢特製韮菜豆腐醃製咗嘅韮菜脆口且鹹鹹甜甜的，令滑嘟嘟嘅豆腐入口多個口感。🐤炭燒雞以鐵板加小火爐送上，烏黑色雞肉但沒有半點炭焦味，雞肉彈牙肉脆！配上特製辣醬，鹹辣好惹味！🦪鐵盒燒廣島蠔配raclette cheese 用鐵盒燒保持水份及温度，燒出來嘅蠔每隻都脹卜卜，大大隻。raclette cheese 同廣島蠔味道夾，芝士有軟有脆，少少鹹味令蠔味再出啲，仲可以加上餐廳準備嘅配料。🍤天婦羅盛合有炸蝦、香菇、茄子、南瓜及番薯，炸醬輕脆，無油膩感，新鮮油炸熱辣辣，尤其係南瓜同番薯，入面綿綿的，好香甜。🥢白燒鰻魚炭火燒烤，更品嚐到鰻魚肉質嘅可口彈牙，油脂豐富甘香。

呢日嚟到位於灣仔嘅《炭兎》，係一間主打圍爐燒嘅日式居酒屋，由日本人主理，提供備長炭爐端燒和多款傳統及創意日式料理餐廳裝修時尚，提供席前座位，可近距離欣賞師傅嘅精湛廚藝，除此之外還提供多個吧枱位和卡位，令整個用餐環境和氣氛都相當好🥢沖繩香檸汁生牡蠣 雖然不算大隻，但還是厚肉，鮮甜多汁，唧少少香檸汁來吃，增添多一分鮮味🥢蟹肉水雲醋 水雲口感黏滑，混和蟹肉和酸醋來吃，清新又醒胃，前菜之選🥢魷魚苦瓜天婦羅厚身魷魚配上沖繩苦瓜製成天婦羅，外層薄薄嘅麵衣，酥脆可口，一點也不油膩🥢苦瓜炒選用沖繩苦瓜，微甘帶甜，與芽菜、午餐肉和蛋炒埋一碟，幾有創意的一道料理🥢魷魚納豆納豆本身沒有味道而且質感很黏，配搭魷魚就突出咗魷魚嘅鮮味🥢明太子蛋黃醬pizza 批底酥脆得嚟帶煙韌，面頭鋪了明太子醬、蛋黃醬和紫菜，味道豐富，滋味十足🥢燒飯糰 (三文魚)外層燒到如飯焦般香脆，滿滿飯糰包裹著三文魚肉，味道香甜🥢黑糖布甸 質感有點煙韌，灑了黑糖粉在面作點綴，甜度恰好

🩵 炭兎由日本人主理，而餐廳出名備長炭爐端燒。晚餐期間又會有店員打下鼓，好有氣氛☺️🩵 之前見到有沖繩県期間限定MENU~ 因為係時間限定，所以我都叫左幾款限定MENU入面既菜式試下😊🩵 蟹肉水雲酢 $78 水雲具有獨特的滑順口感與嚼勁，啲汁酸酸地，連埋蟹肉一齊食幾開胃😆🩵 沖繩香檸汁生蠔 $178生蠔唔算太大隻，但好厚肉，咬落肥美多汁，青檸jelly🍋‍🟩都好夾🩵 苦瓜炒 $88唔知係咪沖繩嘅苦瓜唔同啲，竟然唔苦，仲有啲甜！😳 伴菜有蛋,芽菜同埋午餐肉，口感豐富🩵 魷魚苦瓜天婦羅 $118炸粉唔會太厚，魷魚咬落都算爽🩵 三文魚茶漬飯 $58實不相瞞，我都幾鐘意食茶漬飯😎 尤其是冬天暖笠笠好好食~🩵 明太子pizza $98超推薦呢個明太子pizza~ 餅底係煙煙韌韌的，上面有滿滿的明太子醬同芝士，好滋味~🩵 黑糖布甸 $48個名叫布甸，但係食落係似牛奶麻糬嘅感覺🤣🩵 沖繩香檸燒酒汽水 $78店員會喺你面前落一包燒酒冰落去😝 之後等佢慢慢溶，所以全程都好夠凍👍🏼

去咗喺灣仔呢間好有氣氛嘅日式居酒屋，入邊大部份嘅職員都係日本人黎，仲有新鮮嘅生蠔區，仲可以見到店員燒魚、包壽司等等，真係極有風味❤️鐵盒燒廣島生蠔6隻（$240）配加拉克萊特芝士（+$48）呢個鐵盒燒廣島生蠔真係好正，生蠔用鐵盒原盒蒸，生蠔肉質鮮嫩多汁，配上加拉克萊特芝士，濃郁嘅芝士香味同海鮮嘅鮮味互相融合，食落去非常滿足🫶🏻薑葱醋鯖魚卷（$98）呢個鯖魚卷好特別，鯖魚鮮美，配上薑葱醋，味道非常清新，食落去酸酸甜甜，口感好清爽🥰醃製螢烏賊（$48）螢烏賊鮮甜彈牙，醃製嘅方法令到味道更加濃郁😍博多和牛卡爾帕喬（$188）和牛肉質鮮嫩，薄切後拌上橄欖油同鹽，入口即化❤️吉列博多和牛肉（$118）呢個吉列博多和牛肉外層炸得金黃香脆，內裡嘅牛肉嫩滑多汁，配上特製嘅醬汁，味道更加豐富👍🏻名古屋炭燒雞（$168）呢個名古屋炭燒雞煮得啱啱好，雞肉嫩滑多汁，炭燒嘅香味非常濃郁❤️壽司5件（$128）每一件壽司都用咗新鮮嘅魚生，我自己最鍾意拖羅，軟熟新鮮👍🏻

日藉師傅主理，食物高質，坐bar枱睇到師傅製作認真，主打爐端！👉🏻鐵盒燒廣島生蠔 $240(六隻)👉🏻配拉克萊特芝士+$48鐵盒燒廣島生蠔，時間掌握得剛好，肥美又大隻，嫩滑到不得了，配上拉克萊特芝士，半熔芝士嘅奶香增添濃厚層次感！👉🏻炙燒博多和牛卡爾帕喬 $188薄片肉質柔嫩，有少少入口即融感覺，配上檸檬汁更開胃！👉🏻炭燒名古屋交趾雞 $168雞肉經過炭火燒烤，用熱石呈上，絕對不可貌相，外皮酥脆，肉質彈牙，微辣好惹味！👉🏻醃製螢烏賊 $48有Q彈感，細膩質地！👉🏻拖羅葱花卷 $88共六件，爆餡拖羅蓉，油脂香滿滿，帶有清新葱花香！👉🏻山芋明太子鐵板燒 $78好滑潤，山芋加上明太子，仲有海鮮，帶有鹹香味道！👉🏻燉牛舌伴溫玉蛋 $68牛舌軟嫩，配上流心蛋液不得了，有絲滑感！👉🏻燒牡蠣五花肉卷 $38共兩件，揀左鹽燒，豐富嘅肉香配上牡蠣，perfect match!👉🏻自家製法式抹茶蛋糕 $128一絲絲抹茶蓉整成麵條狀，包住抹茶雪糕，底下仲有銅鑼燒，濃郁嘅抹茶香氣，伴有紅豆蓉同抹茶蕨餅，非常精緻嘅甜品！

炭兔以其獨特的炭燒料理而受到食客的喜愛🥰，使用優質的備長炭烹飪，提升食材的香氣和口感，尤其是肉類和海鮮，真正在香港也可以感受到日本居酒屋的滋味。😄.好鍾意依度定期會有新菜式，😙更新唔同嘅菜單，好似之前有做過沖繩食品主題，而家就做緊博多和牛嘅主題，保持住有新鮮感，間中就會想上嚟食。😋.特別喜歡博多和牛天婦羅🐮，口感外酥內嫩，鮮嫩多汁，層次分明。見到好多人都有叫嘅炭燒雞，我都有叫嚟食，炭燒的烹飪方式讓食雞肉保持肉質鮮嫩，入口亦有炭火香氣，滋味無窮。整體各樣食物嘅水準都不錯，放心點餐🤪.依度好似嗰啲日本特色嘅居酒屋咁，會提供一些獨特的創意菜餚，同出邊一般嘅日本餐廳唔同，創新又好食嘅菜式吸引了尋求新鮮感的食客🤪

今晚我同朋友去咗位於灣仔嘅呢間餐廳，由日本人處理，主打用備長炭炭燒食物，最近佢哋仲出咗沖繩特色Menu添。魷魚瓜天婦羅依度菜式用嘅魷魚非常之厚切，入口好有口感，口感彈牙。而苦瓜亦都係沖繩圓嘅特產，苦瓜入口但有少少苦味，食完仲有啲甘香。博多和牛飯呢一個飯用上博多和牛，上面仲有生雞蛋。和牛入口牛肉味唔算濃，但勝在有油香。明太子pizza Pizza烘到好脆，成塊pizza偏薄身，上面搽有一浸好薄嘅明太子，令到pizza除咗有芝士香味之外，仲有明太子嘅鹹香。燒飯團飯團燒得就唔算好香脆，但係米飯有口感，配埋紫菜一齊食都唔錯。黑糖布甸依家個布甸幾特別，入口有香濃嘅牛奶味，質感就比較似平時食到嘅麻糬。今餐嘅食物都幾特別，當中我自己比較欣賞嘅就係魷魚瓜天婦羅。

🏮日式居酒屋串燒X聖誕限定🎄🐔系列—▫️餐廳：炭兎 SUMITO▫️地點：全香港只有1️⃣間分店📍灣仔皇后大道東202號, QRE Plaza, 6樓▫️營業時間⏰：星期一至日12:00–15:00 &18:00–23:00▫️價錢：～$200+—味道：🏮🏮🏮+0.6🏮環境：🏮🏮🏮+0.7🏮價錢：💵💵💵💵服務：🧑🏻‍🍳🧑🏻‍🍳🧑🏻‍🍳+0.6🧑🏻‍🍳—👧🏻👦🏻又再去咗食居酒屋🏮都幾多選擇🥸佢哋而家有沖繩県期間限定MENU—📍蟹肉水雲酢價錢：$78分數：🦀🦀🦀+0.8🦀　前菜嚟講都幾開胃，份量唔算好多，蟹肉都幾彈牙爽口📍苦瓜炒價錢：$88分數：🥬🥬🥬+0.6🥬估唔到喺居酒屋會食到苦瓜炒午餐肉😆😆正常冇乜特別📍魷魚天婦羅價錢：$118分數：🍤🍤🍤+0.6🍤有幾嚿大嘅魷魚🦑魷魚都幾彈牙😆📍沖繩香檸汁生蠔價錢：$178分數：🦪🦪🦪+0.7🦪生蠔都幾新鮮，有少少細舊，加埋檸檬汁都幾fresh📍 魷魚一夜干價錢：$128分數：🦑🦑🦑+0.6🦑都幾大塊🦑🦑有啲部分硬啲—📍博多和牛飯價錢：$128分數：🐃🐃🐃+0.8🐃呢個飯都整得幾香口🐃🐃飯都好軟熟，加埋牛肉質素都唔錯—📍（鵝肝）免治雞肉價錢：$58分數：🐥🐥🐥

想慶祝生日🎂我會推介你去灣仔呢間日本居酒屋，由日籍師傅主理，主打爐端燒及創意日式料理，氣氛一流！生日朋友仔會帶上生日帽，餐廳送上巨型啤酒杯🍺店員仲會打鼓請哂全場賓客飲清酒一同舉杯祝賀🎉最近餐廳推出左🇯🇵沖繩県祭限定菜式，一於試試佢！✨蟹肉水雲醋 $78沖繩水雲配蟹肉以土佐醋調味，酸酸地作為開胃前菜唔錯！✨魷魚苦瓜天婦羅 $118魷魚厚切口感軟稔，苦瓜爽脆帶甘味，天婦羅炸粉夠薄，最讚無油膩感！✨魷魚納豆 $68納豆質感黏口，用蛋黃和魷魚混合埋一齊食，口感更滑溜！✨沖繩香檸汁生蠔3pc $178生蠔好肥美，口感幼滑creamy，配上香檸汁，味道非常清新，生蠔鮮味更加突出！✨黑糖布甸 $48.00好香黑糖味，奶香濃郁，入口好滑溜！

再度在灣仔吃沖繩料理，果然沖繩料理變化很多，色彩繽紛！🦀蟹肉水雲酢78.00蟹身入りもずく酢輕身的水雲在醋汁中浸泡，入口順滑開胃🥚苦瓜炒88.00ゴーヤチャンプル甘澀的苦瓜加上芽菜炒蛋，清新的地道沖繩料理🦑魷魚瓜天婦羅118.00セーイカとゴーヤの天ぷら第一次試非常煙靭有咬口的魷魚 跟苦瓜天婦羅，相當有趣🦪沖繩香檸汁生蠔3pc178 .00シークワサー生牡蠣日本的生蠔體積中等，又別有一番風味🍮黑糖布甸48.00黒糖プリン口感順滑的布甸，用上沖繩的黑糖調味，風味十足🥤沖縄香檸焼酎汽水78.00シークワサーサ搭配汽水的日式雞尾酒，加入青檸有點酸味，十分開胃🥚明太子芝士蛋卷108.00OmeletteMentaiko Sauce鉄板だし巻き明太子チーズ加入明太子金沙律醬的玉子燒，相當惹味炭兎 (灣仔)灣仔皇后大道東202號QRE Plaza 6樓 #炭兎 #SUMITO #灣仔 #灣仔美食#爐端燒 #日本餐廳 #hkdining #hkfood #hkfoodie #沖繩料理 #沖繩@sumito.hk @tsunagupro @bestkolmarketinghk

灣仔「炭兎」由前米芝蓮餐廳日籍師傅主理, 提前預約今晚同同事食生日飯。餐廳環境佈置富有日本居酒屋感覺, 大部份店員亦係日本人, 有如置身係日本用膳咁。店員介紹呢個係最近新推出嘅限定沖繩県祭MENU, 吸引我地一試!【蟹肉水雲酢】HK$78爽滑水雲酸尾尾, 配上梳梳鮮甜蟹肉, 感覺清新。【魷魚納豆】HK$68納豆、蛋黃跟魷魚粒混合埋一齊, 質感很黏, 入口可接受魷魚獨用嘅臭味, 食完之後口中好似有陣咖啡豆嘅味, 幾特別。【苦瓜炒】HK$88帶澀嘅苦瓜片、好滑嘅炒蛋同埋大量嘅芽菜, 有口感層次。【魷魚瓜天婦羅】HK$118天婦羅炸皮透薄不油, 魷魚厚切, 苦瓜爽脆帶澀味。【沖繩香檸汁生蠔(3隻) 】HK$178生蠔雖然唔算大隻, 不過夠肥美多汁, 以檸汁jelly做調味, 提鮮美味。【黑糖布甸】HK$48布甸滑得入口即化, 椰奶味濃郁, 配上少少黑糖, 甜甜地幾有驚喜。【法式抹茶蛋糕】HK$128大量有如抹茶蓉嘅麵線, 覆蓋了一個小蛋糕同埋抹茶雪糕, 伴有抹茶蕨餅同埋些少紅豆蓉, balance返濃郁抹茶味, 抹茶控必食!

沖繩出名苦瓜，今次炭兎推出期間限定Menu，由日本人主理嘅備長炭爐端燒，好有氣氛🎌🦀蟹肉水雲醋 $78好好食，味道微酸開胃，水雲口感好好，加埋蟹肉十分高質🦑魷魚納豆 $68本身未食過，都有啲唔敢食，因為聽講納豆唔係人人啱食，不過見呢到食物水準幾高，所以都放心試吓質地滑得嚟有啲杰，出奇地好似有啲咖啡味，加咗魷魚較有口感🦪沖繩香檸汁生牡蠣 $178/3好鮮甜好新鮮，加埋香檸汁好夾🥢魷魚苦瓜天婦羅 $118平時冇食苦瓜，驚好苦唔好食，但天婦羅就會好想食，微脆幾好食🥢苦瓜炒 $88估唔到呢碟好食，有苦瓜、芽菜、午肉，好清新👍🏻🍮黑糖布甸 $48布甸好滑，有黑糖加持好食，不會太膩🚩炭兎 (灣仔) @sumito.hk 📍灣仔皇后大道東202號QRE Plaza 6樓

同朋友嚟咗灣仔呢間居酒屋食飯，佢哋依家仲做緊個期間限定沖繩menu，用唔同嘅沖繩特產入饌，非常有特色。蟹肉水雲酢 $78沖繩水雲係海藻嘅一種，非常有益，順滑嘅口感，加埋鮮味蟹肉，味道酸酸哋非常開胃。魷魚納豆 $68呢道納豆前菜賣相就夠晒靚，生魷魚做或加上納豆同生蛋黃，如果鍾意食納豆就啱晒。山芋明太子鐵板燒 $78山芋口感非常軟糯，加埋香濃明太子、蛋黃、紫菜同蔥花，味道層次豐富。鐵板上熱辣辣。燉牛舌伴溫玉蛋 $68牛舌肉質軟腍帶香濃牛味但唔會羶，撈埋d蛋汁一齊食就更加正。沖繩香檸汁生蠔(3隻) $178生蠔大大隻好肥美，口感幼滑creamy，用咗香檸汁，入口味道非常清新，仲帶少少海水鮮味。苦瓜炒 $88食沖繩菜當然唔少得要食佢哋嘅苦瓜，叫咗碟苦瓜炒，入面除咗有苦瓜，仲有蛋、火腿、芽菜等配料。苦瓜唔會太苦，口感爽脆味道甘香。魷魚苦瓜天婦羅 $118用魷魚同苦瓜炸成金黃色嘅天婦羅，天婦羅衣脆得嚟唔會太厚身，食到食材原本嘅味道。黑糖布甸 $48甜品就叫咗個黑糖布甸，布甸q彈滑溜，黑糖味好香濃。。。炭兎 (灣仔)灣仔皇后大道東202號QRE Plaza 6樓。。