炯記餐室

營業中

休息中

1隻手撕雞$120, 2人份量的肉都沒有，不知道1隻雞的肉去了哪裡？雞翼尖雞瓜各1隻，其餘都是雞骨，雞骨凍到吃得出冰來，氣憤得從未吃過如此差的所謂手撕雞，义燒偏硬肥膏一大舊，便叫半肥瘦？一次就夠。

今日黎到長沙灣搵野食經過見到呢間餐室覺得裝修有格調，有手撕雞食就決定入去試下餐牌除左有招牌手撕雞，仲有腩叉，牛腩，豬扒等等實有一款岩食炯記手撕雞撈麵我揀左鹽焗口味，手撕雞撕得大小剛好唔會太大或太小無口咸，肉質嫩滑，咸度適中撈麵佈滿鵝油油香十足，啖啖滿足炯記四寶撈麵四寶有手撕雞，牛腩，牛肚同豬手滿足我四個願望牛腩肥瘦均勻，食落香口得黎唔韌牛肚好入味豬手啖啖肉，滷汁好香惹味食到停唔到越式香茅雞翼雞翼好入味，外皮酥脆做到外脆內軟既口感推薦！

----炯記餐室----長沙灣元州街303號元州商場地下G07號舖呢間望落企理舒服暖色系設計 見到好多人叫外賣價錢夠公道重慶酸菜魚米線 $68麻香酸 呢個係最大感受 藤椒花椒皆有登場魚片滑一滑水蜜桃蘇打香茅三寶拼盤 $683 隻雞翼 一塊豬扒 一件雞扒 3 款同樣金黃香脆 上台好睇 食落啖啖肉鹽焗手撕雞鵝油撈麵炯記餐室的鵝油撈麵是招牌菜之一，以鵝油炒製的麵條鵝油——一種高脂的食材，係邪惡嘅 毫無疑問地 不過係適當的份量下能夠為麵條增添香氣和口感 真係第一次食 幾特別 而配菜 香蒜木耳都唔錯 手撕雞同鵝油撈麵一齊食 滋味十足！

路過長沙灣去影花，偶然遇上這家打卡非常的茶餐廳。由仔門口到入面設計，都走文青風，都同一般打卡Cafe無異。點了下午茶餐牌的幾樣食物，都有驚喜，食得睇得又打卡！手撕雞牛角包，這裏的招牌之一，廚窗展示了模型。好有新意的combination，牛角包好鬆脆，夾住手撕雞毫無違和感，而且大大個，都好食！鴛鴦手撕雞鵝油撈麵，撈麵好香，麵的份量都好多，伴入了鹽焗和麻辣手撕雞，食落有芝麻香又有鵝油香，做得出色，難怪個個入嚟都食佢！越式香茅豬扒米線清湯，豬扒肉厚鬆化，一點都不韌，可惜米線湯底淡了一點，無乜味，不過夠健康。每個餐都可以揀餐飲或者老火湯，而且用木盤上，好日系cafe感覺。想打卡又想食茶記，呢度最適合不過。

天氣麻麻地，落大雨想搵個地方飲杯嘢，見佢有位，就來試試吧😊🥢最安值晚餐鹽焗手撕雞半隻 $68醬皇冬菇豬手(兩件) $38即磨熱齋啡 (跟餐) $3📝鹽焗手撕雞，肉質鮮嫩 ✅醬皇豬手，豬手炆得夠林，離骨，鹹咗少少 🈴冬菇偏油❌☕️即磨熱齋啡，正常 ✅🈴 = 可一試店舖光猛衛生，幾好坐，食到中段，店員遞上冬菇，才發現，之前忘記了給冬菇，店員主動補回，讚👍店員有禮貌👍

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 炯記餐室@長沙灣文青風十足既港式餐廳，店員們都好好服務💁🏻抵食2人餐 $198（牛魔王、鹽焗手撕雞、酸辣雲耳、鹽焗雞腎、老火湯*2碗、白灼生菜、鵝油撈面*2、凍奶茶、熱阿華田）200蚊就食到咁多野，感覺份量夠3-4人食，因為我地兩丁友完全食唔曬，份量勁足加上小菜全部都用晒生菜墊底，好有心思💁🏻牛魔王有牛腩同牛肚都好入味💁🏻招牌鹽焗手撕雞肉質柔嫩，一啲都唔會鞋💁🏻鹽焗雞腎超級大粒既雞腎，雞腎好有咬口，相當唔錯💁🏻鵝油撈麵撈麵就食得多，用鵝油撈就第一次食，唔會油膩，但有淡淡的鵝香味，都幾特別是否推薦↩️？✅當然，2人餐勁抵食，仲要有質素得黎可以打卡，環境舒服

普通一個人的費用大約在50元左右，但由於我們是兩人用餐，所以我們選擇了比較豪華的二人套餐，價格為198元。二人套餐的份量非常豐富，包括鹽焗手撕雞、牛魔王（例）、酸辣雲耳、麻辣雞腎、老火湯（兩碗）、白灼生菜和雞油撈麵/白飯。其中，手撕雞是該餐廳最出名的菜式之一，味道相當不錯，十分香濃。牛魔王的配料也很豐富，甚至還有牛肚，而酸辣雲耳非常開胃，老火湯則非常足料，裡面還有蘿蔔和冬瓜。此外，該餐廳的雞油撈麵也非常美味，值得一試。整個餐廳環境非常乾淨、舒適，讓人感到非常放鬆。綜合考慮價格和品質，如果住在附近的話，這個餐廳是非常值得一試的。

嚟長沙灣搵朋友攞啲嘢，順便喺附近食埋晏先返屋企。朋友話想食麵，帶咗我嚟元州商場地下呢間「炯記餐室」。餐廳嘅裝修好有文青 feel，以柔和簡潔嘅白色為主調，日系風格設計，感覺純淨舒適。點咗個手撕雞撈麵餐，另外再加咗碟銷魂腩叉同芫茜手撕雞腸粉。炯記鹽焗手撕雞撈麵 ($56)，手撕雞用三黃雞炮製，肉嫩而帶點脂肪，面頭灑上了粒粒芝麻，食落有好香麻油味，皮肉皆滑，咸度亦啱啱好。伴吃嘅鵝油撈麵亦屬水準之作，麵身爽彈滑溜，入口帶鵝油香，加上秘製嘅甜豉油，色、香、味俱全。套餐附送中式老火湯同蒜香雲耳，另外仲加咗 +$16 配多客醬皇冬菇扒生菜。老火湯真材實料，健脾開胃；雲耳爽脆可口，酸辣惹味。醬皇冬菇扒生菜：冬菇香軟腍滑，一啖一隻，好滋味！生菜脆嫩清甜，爽口又味美。銷魂腩叉 ($68/例牌)  叉燒用上新鮮脢頭肉炮製，三分肥、七分瘦，食落肉質好嫩滑，軟腍鬆化，有肉味又有油脂甘香。芫茜手撕雞腸粉、熱奶茶 ($42)  手撕雞做得好香，每啖都食到勁濃芫茜味，腸粉薄糯彈牙，加埋甜醬、麻醬同粒粒芝麻，夠晒惹味。食完再嘆番杯熱檸茶 ($16)，大滿足，茶香和檸味剛剛好！

今日同朋友去咗<炯記>食野之前已經覺得佢哋啲燒味好好食所以我哋好快就揀咗個二人餐, 套餐包括鹽焗手撕雞, 醬皇豬手, 同埋太子鵝油撈麵🤣仲有酸辣蒜香雲耳, 麻辣雞腎, 油菜等, 一上到枱面都覺得好豐富😆醬皇豬手滷得超入味, 咬落腍身, 膠質豐富👍撈麵撈左鵝油既精華彈牙得來又滑身,食落唔會太油膩而鹽焗手撕雞撕得超幼細, 食落有淡淡鹹香味麻辣雞腎麻辣味適中, 咬落爽口酸辣蒜香雲耳, 蒜味香濃, 超級開胃整體來講, 招牌食物保持到水準, 食完超滿足😋

難得今晚有時間又咁啱經過長沙灣，一於約個朋友到佢留下一路食一路吹水傾下近況見呢間餐室環境幾舒服，就入去坐低睇吓有乜啱食先呢間店鋪都幾多唔同款式俾客人選擇，今次就同個朋友選左以下呢個二人餐鹽焗手撕雞（例牌）：份量好大，啖啖肉，雞肉嫩滑，非常惹味秘製醬皇豬手（4隻）：豬手大大隻，肉厚腍滑，豬手非常入味，啖啖骨膠原酸辣蒜香雲耳：雲耳入囗爽脆，味道酸酸辣辣鹽焗雞腎：雞腎切得厚薄適中，咬落爽口彈牙太子鵝油撈麵：麵質爽囗彈牙，入囗好香鵝油味，令到麵身好滑呢個餐除左可選普通奶茶、咖啡、檸茶，還可選即磨咖啡真係估唔到呢個價錢有噤多嘢食，又試到佢哋最馳名嘅美食其實呢間店還有好多食物都幾吸引，有機會可以再試吓其他美食順帶一提，佢哋d員工服務態度幾好，一叫即有反應

星期六和老公買完sim card之後，走去長沙灣炯記餐室吃晚飯。我們叫了個二人滿足套餐，$198，非常豐富。鹽焗手撕雞(例牌)手撕雞雞肉不會柴，加上芝麻更加有香氣。清湯牛魔王有牛肚和牛腩，兩個都挺軟腍的，調味不錯吃。酸辣蒜香雲耳黑木耳爽脆，味道酸酸的，挺開胃。麻辣雞腎真的很麻辣，吃一點點已經很辣。郊外油菜有一碟生菜，比較健康。太子鵝油撈麵記得把碗底的鵝油撈勻麵吃，滑溜溜的。還有是日老火湯，超多東西吃。飲品都叫了凍檸茶。

炯記餐室 Gwing Kee Restaurant📍長沙灣元州街303號元州商場地下G07號舖炯記最出名食手撕雞應該好多人都知，但其實佢個銷魂腩叉燒都好正，半肥瘦嘅叉燒肉沾上蜜汁，就咁睇已經見到油光和肉汁纏繞的蜜汁係肉上，入口非常出色，肉質保持嫩滑又有肉汁🤩🤩 仲有炯記鹽焗手撕雞，呢度嘅手撕雞真係唔講得笑😆唔食返個例牌手撕雞對唔住自己🤣份量超多又有麻油香味，真係令人食得津津有味，停唔到口😋😋當然仲有手撕雞腸粉，腸粉配甜醬、蔴醬、豉油係最好既配對，加埋手撕雞既肉同香味，好夾🤤🤤🤤最好叫左份香滑炒蛋多士，蛋炒得夠滑唔過火👍🏻👍🏻

今日係朋友屋企附近 佢話想試左好耐既餐室今日終於有時間去一入去既感覺好乾淨 同好光猛兩個人叫左勁附野食😋😋 叫左個推介菜式醬皇豬手✨上枱已經覺得好多 😎豬手 好淋好入味 feel到勁多骨膠原係入面鴛鴦手撕雞撈麵✨好開心 可以試曬兩個味既手撕雞有曬鹽焗同麻辣兩個口味 個撈麵亦都非常香 唔會太油👍🏻👍🏻西多士✨朋友想食 所以叫左以為平平無奇既西多士 竟然令我地好surprise 試枱熱辣辣 超多牛油 切出黎仲可以做到流心效果 一定要熱食 非常香口好味😋腩叉牛角包🥐以為好漏既腩叉 都有驚喜 配合芝麻沙律醬 牛角包🥐比較大隻 焗到勁香脆 飲品正常發揮一定會再黎試其他美食🥳🥳

二人滿足套餐$198/位好味指數：😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：今天放工，因為要趕著夜晚去機場搭凌晨機去旅行，所以沒有煮飯，去了附近的餐廳🍴快快用餐。覺得要掉低男朋友數天，對不住他，所以吃得豐富點，彌補一下。選了一個超抵的二人套餐。二人套餐有以下食物：鹽焗手撕雞和鹽焗雞腎夠味但又不會太咸。雞肉肉質嫩滑。清湯牛魔王有牛腩和牛肚。兩者都好腍又入味。酸辣蒜香雲耳好爽口，不太辣，夠醒胃。郊外油菜是一碟生菜🥬太子鵝油撈麵好香，好邪惡。麵質爽口彈牙。湯是蘿蔔冬瓜雞湯，好清甜。另包2杯$18以內的飲品，或可加錢轉其他飲品。$200左右就有多碟食物，好抵。其實對2人來說有點多，可能3人也夠吃。見到有早餐餐牌，$38有湯米線、炒蛋、多士、飲品，感覺好抵，有機會會來吃個豐富早餐。

中午人氣都幾旺！因為性價比好高，🤩而且招牌嘅手撕雞好好食。.3012清湯牛魔王$88🐮🐮有牛腩同埋牛肚兩款，炆得好入味，😙每一嚿都好軟腍。.3009手撕雞$68🐤🐤有麻辣同鹽焗兩個版本選擇，😋我揀咗鹽焗，好香麻油味，更加埋白芝麻去撈，雞肉都好滑。.3007冬菇扒生菜 $38🥬🍄生菜爽脆，而且冬菇都好香，細細粒，容易食，冬菇汁🥰撈埋生菜都好正。.雞湯清甜，更有冬瓜同紅蘿蔔清熱。#香港美食 #香港燒味 #香港外賣 #長沙灣美食 #港式燒味 #香港必食餐廳