炳記茶檔

營業中

休息中

明明自己目的地係要去沙田，但係唔知點解個心就覺得要去跑馬地，於是乎就諗住可以去炳記食完個早餐，再施施然行過去跑馬地。而家逢假日炳記都要排晒長龍，就喺我排緊隊嘅時候，嚇然發現原來我係要去沙田。其實之後都係約咗friend去沙田食嘢，心諗早知一早就直接去沙田，唔使兜咗一個大圈過咗海再去新界，又嘥咗車錢😮‍💨莫非我真係咁鍾意過海？定係真係念念不忘炳記？因為晏晝預咗要食豐富嘅午餐，所以早餐就食得輕擎啲-淨係多士同奶茶！趕頭趕命，因為仲要搭返車出沙田 唉😮‍💨臨走之前聽到另一個女仔落order（佢應該係超熟客仔）佢叫咗奶醬麥多夾心+大奶茶。下次都試吓先 😂

第一次中午黎排長龍試唔到，今日一早再黎試下有咩好食？呢d舊式茶檔真係已經好少，所以我好期待叫咗紅腸蛋麵同凍咖啡但。。個麵完全無味。。好難食😩點解可以咁難食。。真係咩味都無。。。真係好想唔食。。真係好難食不過又唔想浪費食物。。最後唯有食晒可唔可以話我知有咩好食？多士？包？唉～ 除咗懷舊風味，完全唔知仲有咩原因會再黎？！

今朝有事做晏咗少少去到（差唔多11點啦）條龍已經嚇親你，真係霸咗成條街😓平時去到即刻有得坐低㗎嘛，仲要凍冰冰，坐正路口位，食風都食飽咗因為飢寒交迫又加埋情傷，所以食咩都好似冇乜味道咁，我都係叫返平時嗰啲- 奶油多加隻雞蛋/火腿（其實我有諗過不如試吓新嘢，但結果都係跳唔出comfort zone 😑)成件事好似亂晒咁，平時煮開麵嘅少爺仔走咗出嚟捧餐，落開單嘅走去沖奶茶，整開多士嘅又做咗其他嘢，沖茶嘅走咗去食飯😩結果勁多事搞成咁「啲奶油多到你唔想要，厚厚嘅牛油加厚厚嘅煉奶 omg 」煎蛋火腿都唔會點差掛，係勁多油啫，平時都差唔多奶茶當然就跌晒鑊啦，是但一個人沖我都識沖啦咁🫣希望佢係因為多人搞唔掂先係咁啦，再係咁落去好難再去幫襯㗎喎！😩

每逢有咩活動喺港島區，我都會有意無意過嚟一轉，唔單只係銅鑼灣㗎，就連去到金鐘我都要專登嚟一嚟再搭叮叮先安樂！你話真係特別超好食咩又不至於⋯只係一種情懷同埋風味，因為大排檔嘅特色真係唔係度度都搵到。已經食到啲夥計都認得我，做到老闆都退埋休，做埋顧問，今日竟然得到佢嘅寵幸，專登走埋嚟搭一搭我膊頭添⋯⋯好溫暖呀！之後雖然我都唔係第一次一個人自己嚟，不過呢種孤單嘅感覺已經冇第一次咁強烈，可能已經真係死咗心。一如以往嘅例牌奶油多一開4+火腿煎一隻蛋同埋熱奶茶！聽到都有啲悶，決定，下次要轉一轉自己個Menu先，係時候要改變其實之前曾經都有諗過唔再嚟，因為事實上佢嘅質素冇一開始我哋去嗰陣咁好食，本身整開做開嘅又退晒休，做開茶水嘅就走出去整多士，本身落開單嘅就走去沖茶（而家好似係人都識沖奶茶咁）所以質素就好參差囉，明明佢係以奶茶出名㗎嘛 不過又咁講，比起Cafe佢都仲可以閑閑地食到兩餐，而家咩都要自己真係要慳啲💔

【大坑老香港茶記🇭🇰｜後巷懷舊鐵皮茶檔風味】🐨豬扒麵 $30推薦度：⭐️⭐️豬扒份量都好多都有六至七塊，用咗黑椒醃味道好濃，但係就覺得醬汁有啲傑身...佢本身好貼心切開咗細細件方便入口，正正因為咁煮得耐、有啲韌。麵質係普通公仔麵，當然唔係出前一丁啦～蛋味欠奉～反而麵就煮唔夠時間有啲硬身！不過以價錢嚟計，小編覺得已經相當唔錯🤪.🐨奶醬多 $14推薦度：⭐️⭐️⭐️⭐️奶醬多相當有驚喜，上碟時間非常之快～多士烘得外脆內軟，而且好厚身！奶醬嘅比例好多，佈滿晒成個多士嘅表面！一拎起就開始跌晒啲醬出嚟😂主要係煉奶嘅甜味，配以輕輕嘅花生醬香味～比好多茶餐廳都出色...🥜.🐨熱奶茶 $20推薦度：⭐️⭐️⭐⭐️⭐茶香順滑，色澤均勻～飲落去絕對唔會覺得鞋口！整體上茶味偏濃，令到奶茶多咗份少少嘅苦澀味，但係可以接受的～味道上唔加糖，反而更有傳統風味👍🏻——☼——☼——☼——☼——☼——炳記茶檔📍地址：大坑施弼街5號地舖🐨推薦度：😋😋😋😋/5 💰人均價格：$50-100🪸環境：👾🗣️服務：👍🏻👍🏻📸食物打卡度：💡💡💡

點了榨菜餐肉米粉，配奶茶。米粉方面，榨菜沒渣不死鹹，完整具咬口，裡面搭配少量肥豬肉，感覺香口；餐肉有厚度，不是「片皮」款式，邊邊煎得香硬，在湯裡放了一會也不變軟淋，口感能滿足愛煎脆午餐肉的人；米粉也不錯，不過軟不易斷，因為邊食邊和朋友聊天，最怕米粉索湯汁之後霉爛，所以米粉表現超乎預期。奶茶是典型港式奶茶，不算澀，滑但奶香不過濃，不會只求滑而過量加奶食物失去平衡，滿足。價錢可以，可惜可能太早（7am），未有豬扒。

品嘗炳記美食，簡直是這個周末的小確幸啦🍜🎉！一坐下就點了招牌的黑椒豬扒面，嘩，豬扒真係夠哂香口，黑椒味道撲鼻，辣得黎唔會太過，啖啖肉嘅感覺真係好滿足！面條爽滑，吸滿咗醬汁嘅精華，食落去真係過癮！跟住，我再配咗杯熱奶茶，香濃得嚟，味道得宜，齊齊湊一湊，真係正！平時以為茶檔嘅奶茶會好甜，但呢杯就啱啱好，唔膩口，仲有少少甘香，飲完之後心情大好！😋為咗試多啲嘢，我又叫咗份多士，真係滋味！🤤 鬆脆嘅外皮包住嗰份軟綿綿嘅內裡，啖啖都係幸福，花生醬同煉奶嘅甜，唔會過甜到膩，真係撈到寶了！整體嚟講，呢間茶檔給我的感覺就係「親民豪華」，既有平時茶檔嘅親切，又有小店吃唔到嘅質感。下次如果過嚟，我一定要試下其他嘅菜式，搵搵新驚喜！😉

其實同好多人一樣，被E神吸引，慕名而去，當然仲有CNN嗰篇報導，因為我本身係港式奶茶迷。。。OK入正題。我哋兩個人點了的東西逐樣點評：1. 熱奶茶$20: 大哥遞埋嚟倒咗幾啖落枱，冇俾紙巾擦番，要自備紙巾吸番乾淨個杯底。講番杯茶先，冇乜茶香，有明顯澀口感覺。小弟從小學開始飲港式奶茶30年，過百間就一定有，呢杯只能算係中等水準。為飲杯好奶茶嘅，其實去大快活同麥當勞仲好啦。2. 凍奶茶(少甜)$22：絕對冇做到少甜，所以都幾甜下，茶味同熱的差不多，冇咁澀，但都係冇咩茶香的，甜味掩蓋一切，似飲奶糖水。3. 咸牛肉蛋三文治(烘底)$15：面包入口好鬆脆，烘得有點偏乾身，味道冇咩問題，幾好。問題係：蛋同咸牛肉真係少到離晒譜，大概就3-4mm厚，蛋好薄，好少咸牛肉，所以冇咩咸牛肉味。4. 豬扒一丁面$30: 豬扒份量足，味道亦唔錯，帶些少肥肉香，唔會乾柴，味道唔知點形容，有啲黑椒汁味嘅感覺。至於個面，真係一言難盡，同之前某啲師兄評價一樣，係未煮夠時間就上，個面最多煮咗分半至兩分鐘，面條未煮熟晒仲白白哋，另外一碗(5)都係咁。冇一丁嘅味粉香，亦冇蔴油香，不過枱面有一支蔴油俾你自己落到夠，但一丁個味粉

今朝難得放假，約咗個老友特登揸車去食特色嘢，跟住嚟咗大坑十分出名嘅鐵皮檔-炳記。估唔到咁出名嘅茶檔竟然唔使等位，坐低後發覺枱面冇餐牌提供，侍應叫客人自行望牆上嘅餐牌。一望之下，原來唔似一般茶餐廳有唔同餐俾你選擇，飲品亦要另外叫。最後我同朋友都各自叫咗一碗餐蛋麵，一杯熱奶茶。碗麵味道非常普通，餐肉好似冇煎過咁，我食咗兩啖已經唔想食落去，朋友都話自己喺屋企煮可能仲好食過佢，好彩奶茶尚算香濃。雖然早餐非常麻麻，但下次有機會都會嚟試埋佢啲午餐同晚餐。

地道茶檔風味💕炳記應該開左好耐，每逢假日都會排長龍，係好地道好懷舊既茶檔風味，摺枱摺椅係開晒响馬路旁既街邊，港女小朋友唔鐘意😂大人食既就係懷舊風味，香港地真係買少見少了！豬扒米 $30豬扒幾冧幾入味，肉質口感唔錯，有好多黑椒碎，又唔太喊，最好既係通常裏面有幾條生菜都係好新鮮，整體幾好食既奶醬多士 $14正正常常好食奶醬多😂奶茶咖啡 熱飲$20 凍飲$22好飲既，但又唔係話好特別整體食物算唔錯，主要食地道風味懷舊茶檔坐街邊既情懷😂

難得帶女朋友黎到大坑她又成日係ig見到朋友仔去食 大坑名店炳記🤨我都未試過咁就當然要會一會佢啦😉豬扒 拼 雞翼黎到見到好深色諗住係豉油汁咁啦但我覺得 係 細過食台灣肉燥飯 上面既汁吳鹹，有D滑滑地今次呢款就➕黑椒豬扒 應該係梅頭位好琳，無骨係鬆軟既代表👍🏻 雞翼相對比下去因為吳入面覺得係普通雞翼咁多士上枱覺得普通碟仔就好少見點知女朋友食完飲野我想食就話只俾我食一口🥴(大家知咩事啦姐係 好食到 女朋友要曬🙈)咁食左係傳統既 薄多士上脆到下甜度適中而家做到咁既 店真係少好多啦🥲奶茶無之前見食評話店員會加埋糖所以問你 洗吳洗少甜而呢到 奶茶必推我都好認同👍🏻🤝🏻🤩未➕糖就已經好甘，滑吳澀就咁飲已經可以覺得夠喉🫡🫶🏼茶走覺得好香滑飲到一啖茶係外面練奶係中間好少食到咁結我覺得無網上講咁差亦吳知 十年前係點但覺得呢個水準好過現在茶記多多聲啦😉我覺得 依然係 大坑名店👍🏻🤝🏻#豬扒#多士#奶茶#茶走#大坑炳記

排咗十多分鐘、排到我、條伙記指住個牌話唔歡迎寵物、即刻走人、一世都唔會幫襯.行過幾個舖有幾間寵物餐廳、食得十分開心、唔明大排檔坐門口都唔歡迎寵物、咁守規則佢咪又係擺到成條行人路都係枱櫈.

黑椒豬扒面的豬扒鮮嫩多汁，每一口都充滿著濃郁的黑椒香氣，搭配彈牙的麵條，口感十足。這道菜的獨特之處在於黑椒醬汁的適中辣度，讓人回味無窮。而熱奶茶則是完美的搭配，茶香濃郁，奶味濃厚，與豬扒面的辛香相得益彰，讓味蕾在不同滋味中交織出美妙的享受。這組搭配不僅滿足了肉食愛好者的口腹之慾，也讓喜愛香濃奶茶的人感受到一種獨特的飲食饗宴。總體而言，黑椒豬扒面搭配熱奶茶，是一道令人難以抗拒的美味組合，絕對值得一試。

叫咗豬扒麵, 雞翼麵, 熱奶茶, 熱檸茶麵-可以用差形容, 煮麵水唔夠熱同煮唔夠時間嘅產物。兩碗都係咁。簡直浪費咗個丁麵(未有人排隊, 都已經咁)豬扒-有咬口,係硬果種, 個汁正常。雞翼-係鹵水,但係又唔似傳統嘅鹵水汁又唔似瑞士雞翼, 佢有自己嘅獨特味道, 但係就未入味。奶茶-普通(好多連鎖茶餐廳都好過佢),海防道街市任何一間都好過佢。除非好鍾意坐喺街邊後巷,否則完全唔值得專程過嚟甚至排隊。我唔理解點解咁多人話好食, 莫非我嗰次係個廚師失準,定係我去錯呢

其實已經係食咗十幾年嘅街坊，以前幾日唔飲佢杯奶茶會心思思掛住，有朋友黎大坑一定會帶朋友黎飲佢杯奶茶，而家做咩搞成咁，好失望........以前d公仔面好好食，係唔知點解，大家都係公仔面，但自己係煮唔到呢隻味道，係佢會好味d。而家食，只不過好普通。午餐肉煎的都ok香嘅，但唔知道係咪煎定先，擺到凍咗.... 荷包蛋流心係good嘅。奶茶真係大不如前。。。 以前奶茶味香濃，而家飲落去得苦澀味。係換咗老細定點？