為食館

營業中

休息中

朋友生日，友人揀了為食館，其實我之前已經嚟過一次，但今次嚟到覺得店舖內環境舒適咗靚咗。所有菜色由朋友選擇，今次我都冇特別記菜名，但樣樣我都覺得味道唔錯，如果有朋友生日這裏還可以order蒸壽包蒜香開邊蝦蒸籠仔飯一個字"正"呢個我唔記得咗係咩煲，但係係魚嚟嘅，其實為食館的煲仔菜式味道都很不錯。聖子蒸到啱啱好，肉質爽口。皮蛋酸薑加砂糖，雖然很簡單但很美味。椒鹽豆腐 細細粒外脆內軟，一口一粒，很惹味，食到唔停口。

今晚我們又來到為食館吃晚飯!薑葱粉絲蟹煲 - 勁多薑葱令成個粉絲蟹煲香氣十足。隻肉蟹都算大隻，蟹肉嫩滑。粉絲吸哂成個煲啲精華，好食。蒜蓉開邊中蝦 - 海中蝦新鮮厚肉，配金銀蒜香葱粉絲勁惹味。花生雞腳 - 花生同雞腳都炆得好稔又入味，佐酒一流。髙清水純米大吟釀 - 自帶，免開瓶費。自己仲帶咗兩隻靚靚嘅私家杯。

返左成日工，收工去到深水埗，想要搵間坐得舒服d餐廳醫下肚。沿路有d餐廳個樣好似睇落都唔差，不過見到無乜客仔，都無乜信心。經過門口見為食館都坐得好full，即刻走入去試一試。一入到去伙記們已經好熱情咁帶位。服務唔錯。埋位個時見到隔離檯小菜既樣都唔錯。見到好多檯都叫左海鮮。一坐低伙記都不斷推介。不過今晚都係想食下小菜先。《脆皮牛仔腩》，好小見到有餐廳有，二話不說要叫黎試下。其實即係類似炸牛腩，可能牛太瘦，所以干左d。美極豆腐就食得多，《美極茄子》真係未試過。食落唔會好鹹，甜甜地，好juicy ，好味😋。食得小菜，通常都會叫返碟雞。今次叫左《蔥油雞》，貪佢有汁可以撈下飯。隻雞唔算肚，蒸到岩岩好，好林好滑。一陣就成碟清曬。

同老婆去完砵蘭街搵建材, 行到腳都跛, 費盡唇舌議價, 先至慳到一二佰蚊。 點知之後誤入太子為食館, 食咗個貴價街坊小炒, 結果得不償失!一入餐館, 店員不停游說食海鮮, 問價後覺得價錢唔平, 所以一一婉拒。 之後店員再極力推介籠仔海蝦蒸飯, 稍一大意沒有問清楚價錢, 心諗應該亦不會太貴, 於是就要咗一個, 埋單時驚訝蒸飯收費要三佰大元。一個小炒晚餐, 兩人消費$548, 完全中伏 😢當晚所點食物, 品評如下:大澳蝦醬骨: 過火乾身柴皮沙嗲四季豆牛肉: 蘇打粉令牛肉太霖無味籠仔海蝦蒸飯: 唔係海蝦, 仲要貴得離地銀杏豬肺湯: 淡而無味一句講哂: 中伏 😢

今晚約咗朋友嚟太子食飯，上網話呢間鋪頭好味，就專登嚟食，鋪頭門口貼左好多明星相片，更加期待可以入去食。杏汁白肺湯，推薦指數：3/5好鮮甜，好飲，如果杏汁再濃啲會更好，吾係好多白肺，再加多啲，個湯應該會更香甜成吉思汗BB骨，推薦指數：3/5我本身好鍾意食濃味野，呢個BB骨就啱晒我，廚房煮得香濃，非常送飯而且好嫩口，好味，一定要食蒜蓉蒸勝瓜，推薦指數：3/5廚房好比貨，用咗蒜蓉蝦米蒸勝瓜，特別野味，而且勝瓜嫩，好送飯一定要食

晚餐共點四碟小菜砵酒焗蠔籠仔蒜蓉蝦糯米飯四季豆雞軟骨一碟菜(唔記得豆腐配咩)蠔幾大隻，略嫌上得太多粉可以多些少配菜，只得洋蔥太悶糯米飯實質無乜味，應該蒸前落少少味好似人地醃米炒飯咁可能較好(個人喜好，非專家)蝦就唔錯，同蒜蓉開邊蝦差不多四季豆夠鑊氣菜就正正常常間野好細坐就不是太舒服但主打海鮮亦算多選擇至於菜方面，佢好多都係炒臘味，我就不太喜歡

二人晩飯，食中菜難order, 叫左兩個小炒！海鹽炒中蝦，雖然幾入味，但$168 九隻，都算貴。勝瓜炒鮮魷，$88 碟，份量還大總括來說，小炒價錢比起一般菜館酒樓還要貴。

老婆約咗姊妹食飯，我當然約下我啲兄弟啦 !其中一個兄弟話之前喺太子基隆街,亂打亂撞入咗間叫為食館嘅舖頭,覺得都幾好味，所以叫我哋一齊去試下。 為食館嘅位置就喺基隆街，唔係太起眼。如果唔係朋友帶我來，我都未必知道呢度有間餐廳 。到咗餐廳見到都貼咗一啲老闆同明星影嘅相，例如劉德華、曾志偉等等……店舖分咗兩邊，一邊就係我影相嘅，比較光鮮、裝修雅緻，另外一邊裝修比較簡陋，應該話係冇乜裝修。子薑皮蛋 子薑略嫌不夠辣 皮蛋蛋黃尚算香杏汁白肺湯 湯水清甜 但杏汁味道唔係好突出 裏面有幾粒白肺 份量比較少蒜蓉蒸蟶子皇 咸鮮度剛剛好 蟶子新鮮 彈牙 粉絲 充滿咗蟶子同豉油嘅味 好惹味為食脆皮雞 皮的確係 香脆 但係肉質比較鞋口 而且 雞肉冇乜味道需要點佢提供嘅汁味調味bb 成吉思汗骨 賣相幾好一人揸喺手一支 啖啖肉 醬汁有少少覺得好似蔥油嘅感覺都幾香籠仔糯米飯蒸海蝦 大量沖花係我嘅最愛 海蝦新鮮 已開邊 形式放喺糯米飯上面 糯米飯吸收咗蝦汁 同醬汁 好味道

今晚做錯了一個可以寫多三個餸的決定, 話說約了家人去位於太子基隆街的為食館晚餐, 不知習慣了還是甚麼我們駕了車!!!!! 首先去到附近錶位已經遇到一個"道友"要我們給他錢代入錶(否則.......), 唯有再找但吃飯時間根本不會有錶位, 最終唯有泊牆紙街, 然後就是吃了一記牛肉乾. 特地來這裡是因爲大廚的來頭不少, 牆上貼了很多菜式相片, 再加上伙記推介, 配「靚仔」兩碗啤酒兩枝, 又是大快朵頤的時候. 醎魚茸啫啫芥蘭煲 顏色還保持著嫩綠的芥蘭, 醎魚茸已跟每條芥蘭融合, 磨成茸的醎魚味道更易入味, 咬落沒有渣, 一點都不硬, 推翻了之前對芥蘭的誤解. 放了一會那熱力還保存著.籠仔糯米蒸海蝦 伙記力推的籠仔糯米蒸海蝦果然沒介紹錯! 糯米飯吸滿了海蝦鮮味, 開半邊鋪在飯面的海蝦肉厚, 大量葱蒜提起了所有鮮味, 我們一枱六人吃份量剛好, 穤米沒有超黏糯之口感所以吃多點也不覺撐.為食脆皮雞 ($128) 想不到半隻雞有這份量, 外皮很脆而雞肉很嫩, 看到那油光已想像有多脆皮, 整碟都沒有白肉的.蒜香金炒鮮魷 ($88) 看到牆上其中一張eye catching的照片就是這個蒜香金炒鮮

一間毫不起眼的店，如果唔係朋友介紹都唔會留意到但呢間店真心係有heartBook位時已預留了羊腩煲，而且因為小店位置不多，所以都專登訂位適逢今日開始香港轉冷，所以食羊腩煲就咁岩暖返晒另外點了其他小菜，其中最出色係金沙鮮魷，由咸蛋炸做皮，之後再有鮮魷不會太難咀嚼，而且個炸鄰皮亦好入味甜品是蛋散，有別於酒樓嘅蛋散。呢間非常鬆化可口而且糖漿都係自己調校，想幾甜都可以一口即鬆化真心好正下次一定會再來，聽說老火湯也是很正的

這間菜館就在大記攦粉斜對面，今晚不想走太遠，就來這裡試試吧。桂花炒魚肚（$88）～有魚肚、粉絲、芽菜、雞蛋和蔥花，味道也還可以，只是炒得不夠乾身。成吉思汗BB 骨（$88）~ 這個BB也比較老成了點吧，肉質偏韌和嚡，真是少點牙力也吃不到😅，醃料也只停留在表面，沁不到內層。蒜蓉唐生菜（$68）～蒜蓉味比較淡，反而似清炒唐生菜多一點，而且水份過多。

第一次到這小館晚飯，可能剛開業，地方清潔，光線充足。不過，座位較窄，不太合適大夥人飯局。食物質素合格，價錢尚算合理。海鮮類還算新鮮，不過，肉類，例如脆皮雞，雞皮脆口，但肉質太乾而無味。服務態度有待大大改善。落單後緊記要求覆述一次，以免無謂爭吵。

一向都繫呢頭食開宵夜，都食過好多間，見呢間新開就試一試。入去見裝修唔錯，環境都算乾凈，叫了幾個小菜兩只啤酒。叫左個炸牛腩同豬寸骨，個牛腩都算林。但無乜味。都香口嘅送啤酒一流。個豬寸骨炸得太乾，又鞋口，又唔夠香辣味，有待改進。希望下次再來會好一些。

因為朋友住太子附近~知道呢間"為食館"新開張~所以今次朋友聚會就決定去試下啦~我地一行8人~有BOOK位~所以唔洗等位~因為店面唔大~坐到2張大台同3,4張細台左右~所以都係BOOK定好D~內部裝修都好靚~好清新好舒服~又有光猛~我地叫左8個餸~份量唔算大碟~但係都夠食~為食脆皮雞(半隻)好脆呀個皮~D雞肉好滑嫩~都好入味~好食~推介推介~金銀蛋莧菜D莧菜好林~清清地幾好味~為食小炒王好香口~不過有DD咸~用黎送飯最好~椒鹽鮮魷正常水平~唔錯~白飯魚煎蛋 (唔記得左影相~)呢碟細細碟~不過D白飯魚好大條~好食!成吉思汗BB骨一人一隻揸住黎食又幾過癮~哈哈~味道幾好~幾好食~油豆腐雜菜煲 (唔記得左影相TOO!! =O=)油豆腐原來即係豆卜~呢味餸清清地都幾好~紅燒牛仔腩 (都係冇影到…哈哈!但呢個真係好好食!)10個推薦呢個餸!!牛仔腩好林好入味!!D薯仔都好好食!!推介推介!!最後老闆仲送上甜品~係蛋散!! (唔好睇少佢~哈哈~)又係推介呀!好鬆化~同平時酒樓食ge唔同~我食左好多舊!哈哈!同埋見到好多台客人都有叫果D煲仔野~好香呀!下次黎一定要叫黎試下!整體黎講都好滿意呀~價錢好合

呢度前真繫叫做雙喜臨門，轉左手之後試下，見到裝修於唔錯，餐牌都多左好多新野，叫ｄ大路野，炒飯炒面啫啫雞生炒骨等。炒面炒飯算正常，有獲氣有味道，但啫啫雞同生炒骨就出事啦，啫啫雞唔知用左咩醬去煮，十分怪味，又冇乾蔥頭同蒜頭，只得洋蔥，同雞，生炒骨好硬，個甜酸醬又唔好食，最好食都算繫個炒面。可能繫新開張，有待進步。