烤魚世家雞煲火鍋

營業中

休息中

🌟今日同朋友食晚餐，特登揀咗一間佢最喜愛嘅雞煲同佢試吓，估唔到都幾有驚喜火鍋配料例如豉油等等全部都係出去自助甘拎，可以根據個人喜好去調配自己喜歡嘅豉油——————重慶雞煲我哋叫咗一隻雞，份量好足料，食完個雞煲已經差唔多六成飽，雞件好滑，辣椒嘅麻香好足，食極都唔停口🐽 椒鹽一口豆腐先叫個小食送酒，豆腐炸到外皮好脆，連埋d辣椒粉一齊食好鬼香口，入邊嘅豆腐亦都好嫩滑，豆味都幾重🐽 金菇粟米，蟹子墨魚滑蟹子墨魚滑好特別，上菜前聽到店家係新鮮即刻整個墨魚滑；食落好彈牙實淨，絕對係其中一樣必食嘅火鍋配料

天氣驟降，最適合食熱辣辣嘅嘢食，烤魚加打邊爐，簡直係最佳配搭！ 🍽蕃茄味烤魚-青江魚：整盤烤魚份量十足，魚肉量不俗，每啖肉都有蕃茄香味，芫荽可選擇多放更有風味，蔬菜配料十足，包括豆卜、洋蔥、香蒜及豆芽等等，湯底味道未夠濃郁偏為清淡，變相魚肉鮮味更為突出。🍽黑毛肚：真是烤魚必配佳品，輕輕的川燙便非常美味，口感爽脆彈牙，一整片的切法使整片毛肚更能吸附湯汁，牛味十份，清洗乾淨，沒有強烈內臟味，值得一讚！🍽超值蔬菜盤：正如其名，真的非常超值，份量十足，蔬菜種類豐盛，吃完烤魚不妨選擇一盤，享受蔬菜的健康滋味。🍽鵝腸／招牌肥腸：該店的肉臟類真的新鮮可口，脂肪比例較高，滾燙後食用可使湯底濃厚之外，味道更加入味，喜歡食雜者必選。🍽鴨血：份量合宜，味道不俗。🍽鮮蝦水餃：水餃皮 蛋香很濃郁，而且水餃的餡料很豐富，有雲耳、韭菜、及鮮蝦，脹卜卜大大粒，非常滿意。🍽龍鳳檸樂／雜果賓治（大）：大大杯飲料非常抵飲，大杯凍飲不僅可以解渴亦能起解膩作用，而且35蚊咁大杯，必須要嗌杯黎飲下。

📍 烤魚世家雞煲火鍋 Grilled Fish ShiJia Chicken Hot Pot🌍 長沙灣青山道373-379號昭德大廈地下B號舖Shop B, G/F, Chiu Tak Mansion, 373-379 Castle Peak Road, Cheung Sha Wan📝 整體評分：8 ／10一條烤魚已經夠哂2個人食，不過慣左要叫好多野先滿足，結果食唔哂~🥢蒜香味青江魚🥢 $328青江魚肉質結實，而且魚皮煮耐左都唔會軟泡泡散哂，好岩用黎做烤魚~雖然話微辣但完全唔辣，蒜蓉好足仲可以叫多芫茜！🥢滑牛肉🥢 $88牛肉加左小小生粉，令肉質更滑更嫩，滑牛煮好耐都唔會好易老，反面索到汁，更鮮甜。🥢鴨血🥢 $58鴨血要一早就扔哂入去煮先入味，好嫩，不過同麻辣味濃味D會夾D。🥢凍檸檬茶🥢 $35 (大)勁大杯凍檸檬茶就是爽~ 平時既２- ３倍。

涼涼地想打下邊爐食個雞煲，呢個就岩啦😋店員好細心咁幫我地用熱水洗一洗啲餐具，仲時不時幫我地收走食完嘅碗碟，見我地未拎醬料又提醒我哋可以出去拎，相當細心同體貼☺️📍胡椒豬肚雞煲📍湯底好濃味，飲完一碗又一碗雞肉足料不肥有肉地，豬肚夠唸唔韌，仲有白蘿蔔同西芹做配菜📍黑豚肉卷📍6舊份量岩岩好，滿足下食肉嘅口癮豚肉肥瘦均勻，肉質嫩滑，有咬口。📍紫菜響鈴📍呢個平時少食，一上枱已經好吸引，即刻試下先，係脆口架🥳📍芝心丸📍啖啖嘅芝士，一咬係拉絲嘅感覺📍冰鎮韭菜餃📍上枱見到咁厚嘅雪花，以為會唔好食，但食落餃皮厚度適中，好香又足料嘅韭菜餡📍豆腐📍滑滑嘅豆腐、清甜，係打邊爐必叫📍娃娃菜📍 菜吸哂胡椒湯底，超級入味，唔洗點醬料都得⚡️💥大大杯檸檬茶💥⚡️上枱大杯度我嚇親，真係好正😋打邊爐成日要添野飲，呢度係一杯飲到尾，$35蚊咋，夠哂抵😎🔹🔹🔹🔹🔹🔹🔹🔹🔹🔹#烤魚世家雞煲火鍋長沙灣青山道373-379號昭德大廈地下B號舖🔸🔸🔸🔸🔸🔸🔸🔸🔸🔸#長沙灣好食 #長沙灣食好西

早幾日去左長沙灣打邊爐估唔到呢間烤魚世家嘅花膠雞煲都咁正！🔸蟲草花花膠雞湯底超足料嘅湯底！個煲上枱嘅時候，完全係滿晒，又有花膠、魚肚，又有蟲草花，仲有好多雞件！開頭食咗一舊魚肚，冇乜特別，但係最後最後食魚肚嘅時候，索晒啲湯入晒味，超好食！！而花膠就係一上枱就已經食得，已經淋哂。🔸潮汕牛肉餅聽到潮汕牛肉就知道係好嘢，雖然外貌唔係好美觀，但係識落係好濃嘅牛肉味，而且爽口之餘又多汁，有啲似潮汕牛肉丸，但係就係以肉餅嘅形式上枱。🔸椒鹽豆腐粒豆腐夠滑，外層加上炸醬、芝麻等等，又香又脆🔸牛栢葉🔸烏冬

天氣開始凍最適合就係食烤魚㗎喇😝經過依間新開嘅烤魚火鍋專門店就聞到陣陣嘅香辣味😍真係引人入去食🤓🌶️酸菜沙巴龍躉 $368見到有龍躉食即刻揀咗🥰大大條肉厚又比較少碎骨正呀！最鍾意食魚腩位超嫩滑！入邊有娃娃菜芽菜同豆卜做配料～再加上大量酸菜提味！魚肉厚配料多兩個人真係淨係食煲烤魚都夠飽！見到紫菜響鈴卷同薯粉真係忍唔住嗌🤣響鈴卷加咗紫菜嘅香味，吸晒啲湯嘅精華！薯粉煙靭又入味我至愛😋仲嗌咗涼拌肚絲$38，估唔到呢個價錢份量咁多😳食完好滿足，已經想再約多d朋友下次再黎開心share😆

是日同HONEY去食炸魚，今次去左長沙灣的烤魚世家雞煲火鍋，烤魚世家雞煲火鍋除左烤魚，仲有雞煲食，真的好正~~同HONEY點左個沙巴龍躉(花椒味)，另外也點左黑毛肚同埋椒鹽脆皮豆腐，另外飲品點左hoegaarden大啤點完魚後，就去左佢地的自助醬料區拿醬料，好開心有麻油，可以解下辣~~沙巴龍躉(花椒味)等左10分鐘，魚上來了~~沙巴龍躉(花椒味)真的一上來俾個份量嚇親，另外魚入面仲會有配料，有芽菜，豆卜，娃娃菜，另外有少少洋蔥，勁多的莞西，花椒味好勁，麻味重，我同HONEY都食得好YUMMY~~幸好無叫粉/飯，一條魚我同HONEY都食唔曬~~魚肉真的好鮮，食到龍躉啖啖肉，同埋起骨好容易，愈滾愈入味，正!!黑毛肚黑毛肚都好多份量，爽口新鮮，加埋湯真的一流，椒鹽脆皮豆腐椒鹽脆皮豆腐真的一定會點，脆皮加埋D湯浸一陣，又軟又滑，真的推介!!食烤魚，一定要飲返杯啤酒~~爽!!

長沙灣又有新火鍋烤魚雞煲店職員介紹食江團魚，跟鯇魚差不多質地穩陣起見點酸菜味小辣，上枱看到挺大條所以沒點太多其他食物，基本有唐生菜，萵筍，紫菜響鈴，煱內附有豆卜由於江團魚係偏向比較大份，所以一開始的時候等了很久魚也未熟，經職員調教過後表示因為有一條大骨所以需要先食左簿片部份再開大火滾一遍後就可食了職員也推介這裏的肥牛我哋點選了安格斯小牛扒價錢中上，算是有很多份量的，還可以飲品點了王老吉及挺特色的有啤酒size咁大杯既檸檬水，隔旁枱都幾人分來飲很誇張的店鋪企理整潔亦算很大，牆上佈置色彩繽紛，冷氣亦很夠。

最近天氣轉凍，最啱就係食啲麻辣嘢暖下個胃！呢間舖頭最出名就係烤魚同雞煲，今日放工就決定過嚟試吓佢！🔥大凍檸茶你杯大大杯嘅凍檸茶唔係講笑，一杯其實夠兩個人飲，超抵飲！食辣嘢一定要配返杯！🔥炸腐皮蝦卷呢個炸腐皮蝦卷超級脆，入面嘅墨魚又夠彈牙，仲要有原粒蝦仁喺入面，令人食到唔停口！🔥招牌重慶鮮雞煲我哋嗌咗小辣，愈煲愈入味！佢啲雞肉好嫰滑，又夠惹味，岩哂重口味嘅人！🔥鮮蝦雲吞鮮蝦雲吞每一粒都有一至兩隻蝦，放落雞煲度打邊爐食，索哂啲辣汁非常惹味！🔥潮汕牛肉餅呢個牛肉餅好特別，唔係度度有得食，有食開潮汕牛丸嘅人都會知潮汕牛肉係好彈牙好juicy! 好驚喜！🔥紫菜響鈴卷呢個係非一般嘅響鈴卷，響鈴裏面包咗層紫菜！用嚟放落雞煲索晒d汁，好入味！

天氣漸涼，又係吃熱鍋的時候，最近愛上吃魚鍋！樓下新開呢一間，食過幾次，質素幾好，魚夠大條魚肉又厚身，仲有多款口味選擇。今次叫咗個烤沙巴龍躉魚，試咗而家最興嘅藤焦味，食起嚟都夠辣夠刺激，烤魚食起來完全唔會腥，陣陣麻辣刺激舌尖，比起就咁蒸真係特別好味！而且龍躉魚都好大條下，成兩隻手掌咁長，加上肉身肥美，所以食起嚟啖啖肉仲唔多骨，啱晒我哋口味，好鬼正！仲可以揀多芫荽，面頭放到滿一滿，真係好鬼吸引！啲芫荽吸收咗左啲湯底，又辣又香，用嚟夾牛肉食真係冇得頂！本身仲會有豆卜一齊煮，食完條魚記得食埋豆卜，入晒味勁噴火！仲叫咗滑牛肉、山水豆腐、烏冬。我自己鍾意食滑牛多過食雪藏牛頸脊嗰啲，呢度啲滑牛肉唔錯，新鮮又有牛味，肉質真係滑嘅，會再encore😋想更飽肚可以揀烏冬，煙煙韌韌好好味🤤

餐廳🍴氣氛好熱鬧，平日既夜晚7點去食，勁旺場❤️，就算多客，職員招呼都非常好，味道出色份量多，超級推薦👍🏻，難怪平日都咁高朋滿座🥰蒜香味青江魚🐟 $328好大條既青江魚，肉身勁厚實，除左大骨外，幾乎啖啖肉，成條魚都冇任何嘅細骨，成條魚表面本身煎香左，魚皮勁彈口幼嫩，魚身位置肉質就好堅實飽滿，超有肉地，魚背位置就勁嫩滑細緻，魚臉豬勁大舊，食落係爽爽彈彈咁，超有口感，以蒜香味烤魚，味道會有小小微辣，蒜香味亦夠濃，會有好多原粒蒜頭🧄係入面，食到愈後，味道更濃更香口，仲可以簡多芫茜🌿，入面仲有洋蔥🧅，芽菜，豆卜同娃娃菜等配料，整體份量都好多韮菜餃 $58有8粒，韮菜同豬肉份量比例均勻，食落韮菜味勁濃郁，皮薄餡多，咬口十足，值得一叫娃娃菜 $35萵筍條 $48萵筍真係火鍋類既恩物，味道清香自然薯粉 $18薯粉配烤魚，啲汁完全索哂入去薯粉到，口感煙韌q彈，簡直係絕配龍鳳檸樂（大）•標準 $35雜果賓治（大）•標準• 少甜 $35勁大杯🤣，完全就係2人份，非常貼心地仲有得簡少甜，真係唔會太甜，果汁🍹味幾清香

想食惹味烤魚，今次試左位於長沙灣嘅「烤魚世家 雞煲火鍋」。除左烤魚之外仲有雞煲川菜等選擇，價錢親民。酸菜風味烤魚烤魚必選青江魚，當然要試下酸菜風味啦。仲有唔同辣度選擇，十分貼心。條魚肉厚味鮮，而且唔多骨，唔洗怕哽骨。條魚十分有份量，兩個人食都夠飽。配料有芽菜，豆卜，娃娃菜等等，絕對唔單調。值得一讚嘅係條魚會先煎至八成熟，上枱慢慢食都唔怕條魚熟得制，令肉質變嚡。味道方面唔會太咸，適合香港人口味，酸辣味令魚肉更鮮甜。安格斯牛小排份量意想不到咁多，擺盤精緻，食得出係新鮮牛肉冇雪味。牛肉下面墊左層冰，即使慢慢食都唔會令到牛肉係室溫下變得唔新鮮，夠曬細心。蘿蔔片同生菜蔬菜份量都唔少架，蘿蔔片仲係厚切。生菜都係大大份，抵讚。環境寬敞，坐得舒服。店員友善細心，會留意各種用餐需要。價錢同食物都係十分滿意，係值得一試嘅餐廳。

晚晚都見呢間餐廳好爆場，今日的起心肝黎食一次，原來真係好抵食👍🏼👍🏼主要食雞煲/烤魚，食完雞煲會幫你加湯打邊爐，價錢唔貴，但料幾靚，坐都舒服，不錯之選。.🍴招牌重慶鮮雞煲(半隻) $158後悔無叫一隻雞😭一隻都係$218，個雞煲好惹味，薑蔥洋蔥香味極濃，加上少少辣，完全將雞既鮮味昇華，真心好高質既雞煲。.🍴炸腐皮蝦卷$58前菜既炸腐皮蝦卷，脆卜卜爽口彈牙。.🍴滑魚片 $68平時水煮魚個啲魚片，估唔到拎黎打邊爐又幾正，滑滑地，但一煮好就要快啲拎，唔係會散晒。.🍴鮮蝦水餃$65有芫荽同蔥味嘅鮮蝦水餃😍比較特別，同一般既完全唔同，自己整既係唔同啲。.🍴紫菜響鈴卷$48響鈴好大舊，加左紫菜好得意，外面脆裡面有紫菜咁。.🍴龍鳳檸樂$35必點既特飲，勁大杯😂大過iphone好多，同支大啤酒只差少少高度，最後都飲唔晒。

秋風起 唔想成日打邊爐食雞煲咁悶一於試下食烤魚🤤朋友屋企附近有間食烤魚雞煲嘅舖頭門面乾淨企理一於入去試下 一坐低 侍應姐姐就用熱水幫我哋洗餐具， 呢個舉動真心讚 朋友好驚魚會腥 所以穩陣啲叫咗沙巴龍躉😆 味道揀左蒜香味帶微辣(本人真係好中意食蒜) 🤩條魚係先炸左上烤盤 所以魚皮好香脆肉質又滑 唔會霉難 而且真係唔腥仲要係大骨 所以啖啖肉 加埋個蒜蓉湯底十分惹味👍而且條魚都算大條!烤魚配料亦份量十足 全部可以都索哂湯汁 有豆卜 薯仔片 芽菜 萵筍🥰🥰🥰另外叫左一碟黑豚豬肉片 一啲都唔騷唔鞋 都幾好味小食炸腐皮蝦卷 呢個推介一下！💥即時炸起 口感好彈牙惹味入面有少少細蝦肉🤤飲品 大大杯龍鳳雪可碧(即檸檬加咸檸檬) $35一杯都夠兩人分享😆😆

烤魚食過唔少，大部份都係青江魚、江團魚，呢間有埋龍躉同桂花魚🤤吸引左我哋黎試。除咗烤魚仲有雞煲，蝦蟹煲都好吸引。一坐低侍應會幫手用熱水洗餐具💯贊贊贊。之後就用QR code落單，唔洗諗揀左龍躉先。蒜香味只有微微辣，味道整得啱啱好，唔會好咸冚咗龍躉嘅鮮味，仲有得揀多荽茜。龍躉超厚肉🥹魚肉白雪雪，其實三個人食都夠。魚鰭魚尾魚頭呢啲重膠質嘅部位索左汁好惹味。食完條魚都飽左七成，我哋仲叫左薯粉，蝦卷同紫菜響鈴卷，響鈴需要淥耐少少，紫菜稔左仲好食😋呢到連飲品都係勁大杯，兩個人飲一杯都夠晒。