無肉食 (堡壘街) (已結業)

素食自助餐 前菜冷盤沙律 主食有粉麵飯 小菜n款 中西甜品生果 羅漢果茶總之應有盡有 實有野岩你食特別推介:1.涼拌豆腐2.素炸蠔(准山+菇) 配粉紅色汁(好似係紅菜頭汁)3.素炸雞 (椰菜花)4.芝士撻.另一方面 略嫌涼粉唔夠凍 腐竹蕙米糖水較稀其他整體都好味想食幾多就夾幾多 我差唔多樣樣食少少 超滿足😌員工不停refill 唔怕無得食晚市$118 可以一嚐勁多菜式而且食到好飽 抵食!兩位朋友第一次食素自助餐 都話有驚喜好唔錯!

為健康著想，每星期最少吃一餐全素，這裡可提供新鮮美味的素菜，我數過一餐可吃上三十多種蔬果豆類，平時自己做飯很少用的食材，如羽衣甘藍，紅菜頭，藜麥等都一餐吃上，吃飽覺得安心又滿足。

無肉食是素菜的最佳選擇，菜式品種多，新鮮，味道適中，地方幹淨舒適，服務人員態度很好，價錢相宜，每次去都覺得滿足滿意，又有長者優惠，食客都斯文禮貌，用餐完畢自覺整理餐具，為環保出一點力。

我有個朋友成日都會食素，所以成日同佢約親都會搵食素既餐廳，無肉食係我哋嘅飯堂。之前通常都係食旺角嗰間無肉食，今次黎試吓北角呢間。旺角嗰間地方大啲寬躺啲北角呢間細啲，少人啲。食物種類旺角同北角都差唔多。黎無肉食我貪佢夠多新鮮菜食。有時去啲食素嘅餐廳佢好多都係impossible meat 果類，但呢度比較多新鮮嘅素食。有kale 呢類既菜，非常高成本既自助素食。粉紅色呢隻醬我唔知叫咩名但我好鍾意食。不得不提佢呢個薏米糖水，真係太足料！！！我想添多啲糖水唔要咁多薏米都好難，超級高成本製作🤩🤩🤩真係薏米可以當粥食。每次嚟呢度食飯我都覺得佢哋真係好有心機，開咗咁多分店，都冇偷工減料。所以下次我再要食素我都會黎😄！！！

最近去左北角食素自助餐，呢間係「無肉食」。❤️話說我係新假期聯乘合作中，有一個系列叫做「自助餐放蛇」，所以我都去素食自助餐度放下蛇先！2️⃣最鍾意佢個麻辣皮蛋青瓜，好開胃！我仲囉左佢個汁撈麵，如果佢直頭有一碗麻辣汁係度比我撈就好啦！！！好想喪加麻辣汁🤤3️⃣粉紅色的汁好似係紅菜頭汁，炸物好似炸蠔咁樣，其實係淮山+菇！好得意😎4️⃣飯團好似個波咁，好有韓國feel，咬開有好多紅蘿蔔、青瓜、紫菜碎，當飯食幾方便，如果加埋麻油黎撈，咁就變埋韓國飯團啦另外仲有蕃茄芝士焗雜菜都幾好食炸腐皮卷都幾鬆脆尚有其他炒粉麵飯供應，不定時就會有新菜式由廚房送上，中段時間仲有甜品出添！最推薦個芝士撻，好香濃呀！佢地仲有好多分店，我呢間係北角店，下次試下其他先❤️

日日食肉, 偶然食素都唔錯 位於北角嘅就係我今次選擇 嚟到好有驚喜, 素食選擇多, 款式好吸引, 每款試少少你都不得之了。冷盤選擇，麻辣黑木耳、涼拌青瓜、酸蘿蔔、涼拌蓮藕、海蜇。沙律菜有羽衣金藍、秋葵、紅菜頭，多到影唔晒。熱食有好多，炒腸粉必食😂 好好味，我食左三轉，唔好意思驚食晒停左手😂 咖哩薯仔個咖喱微辣，配飯好正，但我飽淨食😂 蔬菜類都好多，西蘭花椰菜茄子茄菌類樣樣有，食完咁多嘢，食翻啲菜腸道更健康😌果晚飲左兩碗椰子湯，一碗紫米露，完美結束😌

屋企人有初一十五食素習慣，每逢呢啲日子，通常都會食下呢啲素食自助餐，食過午餐同晚餐，感覺上晚餐食物種類較午餐多，當然價錢都貴啲！不過整體性價比都高，初一十五諗唔到食乜，都會幫襯！

人數：2個（男女）日期：5月尾時間：7:45天氣：熱好耐無食，諗起見到OpenRice有優惠就打去問有無位，有就去左支持下。入到scan完code就入座。首先有地大大大風扇係係舖嘅右邊吹住，我地就坐係風扇個邊，都有啲唔方便，吹到頭髮都食埋。明白到疫情嘅影響，可能少左人去，款式比以前少左（同一樣嘅食材煮兩三個餸咁），但都有啲失望。整體評分：中下🥗🥗🥗沙律：有羽衣甘藍同紅菜頭係正嘅，其他前菜都ok，都有啱小朋友食嘅生果沙律主食：咸食我少食因為不大吸引，但有個一口飯團調味不錯甜品：芝士撻食左4個，保持到水準服務：有禮環境：自然木系清潔：還可以

唔知大家有冇食素嘅習慣呢？自從喺大學試過素食餐廳，覺得幾好食，我就時不時搵唔同嘅餐廳試😋▫️素食自助餐午市 $70/ 80(ph) | 晚市 $110/ 130(ph)無肉食嘅素自助餐選擇都幾多，而且refill速度快，仲會換下菜式添🤩當中有幾款形象較深刻推薦大家試❤️素炸雞 ‣ 賣相非常討好，原來係椰菜花🤣茄子 ‣ 夠晒腍！春卷 ‣ 好脆口，滿滿嘅蘿蔔絲芋頭絲🥕中湯 ‣ 清甜滋潤，起碼飲咗兩碗湯❗️芝士撻 ‣ 細細粒啱晒做甜品😋當晚差唔多滿座，原來越來越多人會選擇食素😆 你哋有冇試過邊一間素食餐廳值得推介㗎？

之前系佐敦嗰間食過，都幾好，今晚去左屋企附近北角嗰間試下。餐廳比佐敦寬濶，坐得幾舒服，6點半左右到，只有一枱客。冷盤什果沙律、麻辣雲耳、酸蘿白都吾錯，炸物煎堆仔鬆化，芝士撻略為芝士味不夠濃，芋頭粒春卷個春卷皮一咬即散，同旦散一樣好脆口，熱盤就比較一般，茄汁烏冬、腸粉吾夠熱，馬蹄糕吾太甜幾好食，炒西洋菜吾錯，雪耳糖水就冇乜味，菜絲皮蛋粥好綿。還有中湯、檸檬水及羅漢果茶。另外有外賣1餸盒加1湯/飯盒（自助自選）$50，見到都幾多街坊幫襯。久不久食下，都ok 嘅，在openrice 買了餐券，兩位共$214。

同朋友約黎尼間食素，晚餐$110位任食。格局簡單舒服。嘢食選擇比我想像中多。甜品🍮都有成5-6款。有炸饅頭點煉奶、馬拉糕、紅豆煎堆、椰汁糕、紫米露等等，不斷都有員工refill，熱辣辣，好新鮮。主菜選擇都好多。有炸物：台灣酥炸雞（入面係椰菜花）好好味！食咗4粒仲想食·日式天婦羅紫菜包芋頭，又係好好味。仲有甜汁茄子同好多菜類都煮得好好味！好抵食，食到好飽🙈🙉😛🤗😋😋

要食素食既話，黎北角就啱啦！因為短短一條堡壘街都已經有兩間新派素食店，兩間都主打素食自助餐就連價錢都差唔多～點揀好？！當然係揀良心啲個間啦💛💛前菜沙律類。 8/10除咗必食既沙律菜同多款醬汁俾你配搭之外，仲有好多中式前菜：麻辣黑木耳、涼拌青瓜、酸蘿蔔、涼拌蓮藕、海蜇同涼面等等........淨係食前菜類都已經飽左一半主食類。 7.5/10主食方面分為粉麵類同小菜類，粉麵當晚只有兩款，我揀左雜菜炒麵，如果冇落芫荽會好食啲小菜類就主要係各種煮法既蔬菜，例如咖哩薯仔、咕嚕椰菜花、炆蘿蔔.......最特別既係酸菜魚既素食版— 酸菜菇🤡👍🏻👍🏻原來咁煮啲菇都好食😋是日靚湯— 雜菜湯。 7/10好足料！但偏甜😆總結：用埋OpenRice 買既優惠劵就超抵食！

过年期间吃了太多肉，饱饱滞滞。想转一下口味，清理一下肠胃，吃素菜是一个不错的选择。早上11点多到达，自助餐刚刚开始不久。今天午餐才70元，也不用多加思索，直接跑进去。假期已经结束，打工仔都上班了，这个时段客人不多。炸物和沙律吧的食品也有不少种类，其中的炸春卷和煎堆味道不错。青菜的种类不少，主食类如炒面和炒作肠粉，素食品如豆腐、蕃茄、甘荀等等都有不少选择，基本上可以吃得很饱。茶餐厅的价位，而且质素不错，性价比很高。

🌱 素自助餐 @ 北角無肉食 🌱噚晚去咗北角無肉食食晚餐，已經有返全自助餐，好多選擇而且都換得幾快，我最鍾意炸物、炒河、蘿蔔糕、幾款涼拌小食非常多選擇又抵食嘅素食自助餐。

原來素食自助餐都可以食到好飽甘走架。今次黎到北角間無肉食食晚市自助餐，佢係中環、荃灣、佐敦、旺角都有分店。餐廳環境寬闊，枱同枱之間有一定既距離。餐廳中間有一張長枱擺晒所有野食。野食refill得好快，而且不時會有新野食出現。冷盤區有沙律、涼麵、小番茄、紅菜頭、皮蛋、涼拌黑木耳、豆腐、紅豆糕、涼粉、西瓜等等，水準唔錯。炸物區因為新鮮炸起，所以炸物保持到脆度。成日有唔同既新款出現，pizza、芝士撻、春卷都好出色。最估唔到會有拔絲紫薯，十分驚喜。熱盤區主要係蔬菜類、豆製品、菇類，亦都有炒麵、腸粉同蘿蔔糕。我特別鍾意腸粉，encore左幾次。另有紅米飯供應。是日靚湯係南瓜蔬菜湯，夠清甜。有一款糖水就係黑豆湯啦。野飲有茶同羅漢果，亦都有水提供。以下係我攞過既野食，滿肚而歸。