焱一

營業中

休息中

ʀᴇsᴛᴀᴜʀᴀɴᴛ ʀᴇᴠɪᴇᴡ焱一居酒屋店舖位於鰂魚涌芬尼街非常接近地鐵站出口店舖主打家庭式居酒屋鋪內座位分開了室內與室外位置不多建議到訪前可致電預約位置免得需時等待居酒屋主打全部自家製串燒ᴘs:見店舖有清酒放題ᴘʟᴀɴ可惜今日需要駕駛未能盡興🔸香脆牛蒡蕃茄沙律🥗$45炸到香脆嘅牛蒡配上新鮮沙律、蕃茄仔同天婦羅脆再淋上酸汁開胃好食👍🏻🍢串燒🍢🔸鮮冬菇 白蘑菇 $18 ᴇᴀᴄʜ烹調時間剛好能夠保持到鮮菇香味及水份🔸三文魚腩$38魚腩入口香脆充滿油香味🔸活鰻$48鰻魚皮非常香脆魚肉爽彈好食👍🏻🔸白桃豚肉卷 $28用豬腩肉用燒住白桃燒白桃的甜味中和到豚肉的油膩推薦👍🏻🔸酸薑紫蘇豚肉卷 $28亦是用豬腩肉卷住紫蘇葉紫蘇葉的清新感亦可以帶走油膩感🔸美國厚切牛舌心 $58厚切方式容易保存肉汁牛舌燒既時間剛好保持到入口彈牙👍🏻🔸蒜香封門柳 $48封門柳外焦內軟鋪上蔥粒同蒜粒好味👍🏻🔸秋葵$18一串有四條每條入口均爽口內有水份👍🏻🔸雞皮$22燒雞皮配上簡單調味並沒有燒到過乾👍🏻🔸自家製免治雞肉棒$38蛋香同串燒完美融合串燒內有打碎左嘅雞軟骨咬落口感豐富👍🏻🔸焱一炙燒蟹膏飯$98用大量蟹膏鋪於飯面再

岀左地鐵站，一落天橋就到，好方便！驟眼睇只有20個位，但原來設有室外嘅位置，雖然話係室外，但都有冷氣架，可以搞party都得！👉🏻香脆三文魚皮番茄沙律 $45三文魚皮好香脆，連埋沙律菜一齊食，番茄酸甜可口，再配自家製嘅醬汁，非常開胃！👉🏻焱一炙燒蟹膏飯 $98蟹膏好鮮香濃郁，滑順質地撈飯一流，而且中間仲有自制免治蟹肉棒，係老闆手工打岀黎，口感好豐富！👉🏻泡菜豆腐湯 $28湯底好清甜，唔會過咸或過辣，豆腐軟嫩！各款串燒都好香口吸引，帶有牛油香！👉🏻自制免治雞肉棒 $38雞肉加工細緻，帶肉香味，配生雞蛋，一流！👉🏻雞心、雞腎、蕃薯仔前兩樣口感爽彈，而蕃薯仔好香甜！👉🏻翠玉瓜、青椒仔、白蘑菇、雞肝蔬菜類嘅串燒唔會乾爭爭，尤其翠玉瓜好清脆又多汁！👉🏻巨峰提子乳酸梳打 $32香氣濃，唔會死甜，夏天飲好正！👉🏻白桃果汁 $32新鮮白桃，帶有清新果香！最後仲送雪糕，有海鹽味同乳酪味，滿足！

估唔到鰂魚涌都可以有咁好食嘅日式串燒店，全舖大概有4張4人枱，但唔會話坐到好迫夾。聽老闆講餐廳由擁有20多年經驗嘅師傅主理，啲串燒唔係喺工場直接攞貨，而係喺店內人手製作，絕對係串串心機！1. 芥辣八爪魚🐙 （$38）: Wasabi調得恰到好處，八爪魚刺身粒好新甜👍🏻2. 日式煎餃子🥟 （$45）: 煎到外表金黃色帶微脆，一咬開啲肉汁飛曬出嚟，要好小心食先得🤣3. 吉列炸蝦🦐餅 （$58）：外層脆口，蝦味相當出色！4. 白桃豚肉卷（$28)：一定要點！呢個第一次食，仲正過荔枝豚肉卷呀！冇諗過白桃同豚肉係天作之合🤭5. 車厘茄豚肉卷（$28)：燒得一樣咁好味，車厘茄燒得非常juicy, 不過我更愛白桃豚肉卷呢！6. 燒秋葵，燒白磨菇 （各$18）：燒過後依然保持到水份，清新又水潤！7. 美國厚切牛舌芯 （$58): 超級好味！牛舌芯好柔軟，牛味勁濃，一串唔夠喉呀！8. 雞軟骨 （$22）：燒得香脆又唔乾身，好味！9. 雞皮 （$22）：通常細細塊嘅雞皮會燒到一味得個脆字，但呢個真係好唔同，外面係脆，但內裡甘香柔軟，有驚喜呀！10. 焱一炙燒蟹膏飯 （$98）：壓軸之作！冇諗過串燒店竟然食

最近同事話鰂魚涌一間新開的居酒屋🏮， 午餐時食過唔錯👍價錢又平， 所以放工過去幫襯下，老闆年青但好有心， 店員好親善，仲介紹我哋串燒好選擇！原來無論串燒類別或定食都有水準的！選擇都夠多！晚餐時仲有清酒🍶飲！其中皇牌手打虎蝦豚肉串燒 ， 現點現燒， 肉質嫩滑 ， 十分惹味！另外我特別鍾意炎一灸燒蟹肉飯 每一啖都有濃濃的蟹肉香味俱全！現在凡惠顧的客人更有雪糕一客， 滋味甜入心啦！焱一 地址: 鰂魚涌芬尼街11號得發大廈地下A號舖

我係喺太古坊返工嘅，前日OT要搵嘢食，前排又聽朋友推介呢間餐廳，所以嗰日就同同事行過去試。燒芝士年糕口感好好同流心芝士好夾。酸薑紫蘇豚肉卷個口感juicy，肉汁濃郁，紫蘇加埋酸薑味道好夾。銀杏就原汁原味，冇醬，食落去好煙韌甘香。然後就食咗燒雞軟骨，佢係鹽燒嘅，好脆同埋堅韌，味道一流。日式煎餃子嘅話外面金黃色嘅，煎到好香，佢嗰個汁真係好正好絕配。海苔炸魷魚簡直掂晒，海苔味好重，非常脆香，魷魚唔會難咬，口感啱啱好，而且唔會鹹👍🏻👍🏻厚切牛舌芯都好滿意，佢啲肉汁真係好濃郁，加少少檸檬汁正👍🏻泡菜豆腐湯味道好好。仲食咗燒活鰻、雞全翼同桃汁，呢個就冇影到相，總之味道口感都ok啦。最後估唔到仲有雪糕送，佢唔係一枱一個，係每人一個👍🏻有沖繩海鹽同乳酪味揀，兩隻都好好味👍🏻總結：呢間嘢嘅串燒火候控制得好好，所以肉汁係鎖住咗肉入面。我最鍾意佢嘅一點係佢唔會好似其他串燒店咁加咁多味精調味料，可以體驗到啲嘢食嘅原汁原味又一啲都唔會寡👍🏻而且環境舒適乾淨，食得好舒服。一定會再嚟食👍🏻👍🏻

🥬香脆牛蒡蕃茄沙律～有天婦羅脆脆、沙律菜、蕃茄仔及牛蒡絲，當中牛蒡絲更是脆卜卜，比薯片更香脆～🧀芝士年糕～內裡的芝士非常彭湃，外層的年糕軟棉棉，熱辣辣，用烤的去燒，吃起來還不會油膩～🍢燒銀杏串～燒得很香，曬上鹽巴，配酒一流～🍢燒物～（魷魚、五花腩、自家製免治蟹肉棒、白蘑菇及鮮冬菇）～五花腩燒至外層脆卜卜，油脂浸至整片豬肉，油潤感一流；蟹肉棒更是超正，整支都是用蟹肉製造，啖啖肉；而菇菌類燒後更是香氣四溢，必點系列～🦑海苔炸魷魚～炸得很香脆，外層還有大量海苔，餐前小食一流～🦐虎蝦濃湯烏冬～蝦湯非常濃郁，令每一口煙韌的烏冬都掛上湯汁，回味無窮～🍑白桃果汁～超好喝，內裡都是充滿白桃果肉的，很清甜～🫐巨峰提子乳酸梳打～提子味味道濃郁，加上梳打同喝，感覺超爽～

柚子酸汁牛脷牛脷切得薄薄燒得好香，柚子酸汁可減輕膩感，開胃前菜，佐酒一流。梅酒一向喜歡梅酒，既然有前菜又啱能不喝呢。梅香樸鼻，乾杯🥃！！！八金豚花肉/蒜香封門牛柳🍢燒至到位，不乾不嚡，保持肉汁。豚肉迫出油份，特別惹味。牛柳軟腍，蒜香蔥香，惹味十足。冬菇/秋葵唔好以為串燒蔬菜唔好味，其實識得控制火喉，絕對味美。虎蝦濃湯烏冬🍲湯底採用大量蝦頭餚製，味道鮮美。簡簡單單嘅一個烏冬，不用太花巧己滋味。

今晚近近哋去咗鰂魚涌新開嘅居酒屋食晚飯😍😋💞餐廳由20多年經驗的日本師傅主理，呢度嘅店員亦都非常nice， 感覺非常親切。見到有日本清酒放題🍶，2小時每位$128，幾抵就飲下酒，有4款清酒選擇，我試了日本盛，味道香甜，容易入口。而黃櫻較辛口，口味清爽。🍗唐揚脆雞炸得香脆不油膩👍🔥串燒選擇好豐富，點了酸薑紫蘇豚肉卷、白桃豚肉卷、雞軟骨、雞皮、銀杏、白蘑菇及粟米，即叫即做👍🧀芝士年糕煙煙靭靭，yummy😋 最後食埋個豚骨烏冬，滿足曬。❤️

同朋友慶祝生日，無意之間發現左呢間隱蔽日式串燒店，見佢價錢大眾化又係新開張，冇乜期望咁入去試吓……點知，出乎意料地有驚喜，啲串燒好好食，師傅燒得好好，非常之正宗日式串燒，值得一試再試😊

九月初新開的小店，午市供應日式定食，晚上則主打居酒屋風的特式手工串燒。每串都是師傅親手串起/手打逐串燒，用電爐能烤到炭火燒的感覺，是多年的功架。餐單上除了基本串燒外，也有不少師傅自創的組合，勾起了我的興趣。也有前菜、炸物及主食等。喜歡喝酒的必點清酒放題，一人$128即可兩小時內無限refill四款店家精選的日本清酒，爽啦！香蒜櫻花蝦枝豆 $45前菜枝豆用大量櫻花蝦、蒜粒及甜醬油炒，上菜爆香，完全想啜乾淨外殼。份量超多，吃到尾段還未吃完。銀杏 $22坊間少見白果串燒，外層煙靭中心軟稔，口感有趣，味道甘香帶丁點澀，識食者必試。雞頸肉 $30看圖片的肉量多才試，想必用了不少功夫集合一串。沒想到肉嫩又多汁，完全使我拋棄了雞頸是沒有用的想法。三文魚腩 $38咬過超香脆的外皮後就是即溶的豐腴三文魚油，甘鮮的味道齒頰留香。活鰻 $48皮脆肉嫩又啖啖爽口的肉，完全感受到它的新鮮。蒜香封門牛柳 $48封門柳此部位牛味超濃又有咬口，燒過更鎖住中心肉汁，正。雞腿肉 $28 看似簡單也有驚喜，啖啖嫩滑的肉又清甜。白桃豚肉卷 $28香甜果肉加紫蘇及軟稔豚肉，味道奇夾，肉加上桃汁味道超香，紫蘇即有清爽感。酸薑紫蘇

今日經過鰂魚涌芬尼街，見到間日本餐廳，門口大大個餐牌，寫滿好多唔同嘅食物，非常吸引，一於入去試吓 !入到餐廳，地方唔算大，但裝修很有日本風味餐廳，店員好有禮貌。先來一客新鮮墨魚，用紙菜和紫蘇葉夾住嚟食，爽口又好味。三文魚皮沙律菜～三文魚皮剛炸起，脆卜卜，沙律菜加少少醋，感覺清新！串燒銀杏、五花腩、帆立貝，姑類和炸甜蝦仔，都係高水準之作！廚師特別介紹，串燒雞肉串，因為自己剁碎，所以特別有口感！蟹膏雞肉串蛋黃飯，賣相好靚，撈埋一齊食，大大淡食，好滿足。最後龍蝦湯烏冬加糖心蛋，龍蝦湯濃郁，烏冬彈牙！總括嚟講：這間居酒屋，有好多唔同嘅菜式，廚師主理日本菜，原來有20多年的經驗，好貼心介紹每一道菜和烹調方法。現在新開張加$128，可以清酒任飲，真係幾抵，放咗工同朋友嚟飲吓酒，食吓野，放鬆吓，真係唔錯！

這間新開的日式居酒屋裝修以時尚優雅為主，結合了現代設計的線條，營造出一種舒適而雅致的用餐環境。餐廳有清酒放題，都只係128蚊，性價比高，可以選擇黃櫻、男山、日本盛或松竹梅四隻清酒，這些清酒都散發著芳香的果香和米香，入口後帶來清新的口感蒜香櫻花蝦枝豆，蝦肉鮮嫩多汁，搭配蒜香的調味料，散發出誘人的香氣。枝豆的口感鮮脆，和蝦肉的鮮甜相得益彰。脆辣炸芝士，外層酥脆的炸芝士包裹著濃郁的芝士味道，吃下去時，融化的起司在口中迸發出豐富的奶香，配上微辣的調味料，刺激著味蕾。雞冠串燒是，它具有濃郁的雞肉香味，肉質鮮嫩多汁。咬下去時，口感細膩而有彈性，帶有一絲嚼勁。銀杏串燒，具有淡淡的堅果香味，並帶有一點點的甜味。銀杏的質地較為脆爽雞心串燒，濃郁的雞肉香味和特殊的口感。和牛串燒，和牛肉質鮮嫩，給予了它豐富的口感和獨特的濃郁香味。每一口都能感受到肉質的柔軟和肉汁的鮮美自家製免治蟹肉棒，蟹肉的鮮甜味道和細嫩的口感。蟹肉棒的質地綿密，燒的過程使蟹肉棒外層微焦，增加了一些烤香的風味，使整體口感更加豐富。虎蝦紫蘇豚肉卷，虎蝦肉質鮮甜，紫蘇葉的香氣與豚肉的鮮嫩完美結合，帶來一種獨特的風味。焱一炙燒蟹膏飯，散發著濃郁的