煮道 (已結業)

啲嘢喺呢區算有特式，但價格比較貴。而服務態度惡劣，老闆娘與顧客對罵，當咁多人面鬧客人（係真的），真的不會再去！（只想反映實況，請不要河蟹）。真的！食物ok，但服務態度有待改善。食咗個部隊鍋，份量少，但好食，價錢亦偏高。其真我幾欣賞佢fusion菜個特色的，但奈何服務態度真的不好，唔信嘅自己可以去試吓！不會考慮再去。此終筲箕灣區收入不高，區民難以負擔那麼貴的餐廳。但如果佢服務態度好啲，我都樂意去的。。

筲箕灣煮道已經開業左一段時間, 但由於午市不置訂位, 之前幾次Lunch經過都要等位所以一直都未試過佢嘅午餐。今日我地一行5人打算去東大街搵食經過門口時, 見難得不需要等位, 即刻走入去試試。😙一開門已經聞到陣陣麻辣湯嘅香味, 每一枱都有客人享用火爐煲緊嘅麵。雖然我地幾個都唔算好食得辣, 但咁嘅環境點都要合群d, 點麻辣湯麵一齊辣辣佢。😝餐廳唔大, 裝修仲係好新淨, 不過通風一般, 午市黎開餐會帶埋d麻辣味返公司。🙊午餐主要食鍋仔麵同碟頭飯, 每一款湯粉麵都會跟鍋仔上枱。鍋仔一邊煮一邊食。呢個麻辣湯對於我黎講實在太辣, 食到汗水鼻水狂流。😰牛肉賣相比較好, 同事一樣食到汗水狂流。🙈呢個腸蛋餐肉米線感覺配搭太普通。不辣同事點左個南瓜湯底, 佢話唔算特別。碟頭牛腩飯份量正常。午市黎講, 40蚊左右價錢好合理, 如果好辣人士值得一試。

筲箕灣天悅廣場附近新開左煮道嘅分店, 開張時睇過午市嘅餐牌, 菜式同價錢都幾吸引😀可惜午市不設訂座而lunch時間人又比較多, 所以一直都未有機會試到。今日因為提早左出門口返工, 所以決定先去試左佢嘅早餐先😋早餐選擇都多, 平貴都有, 最平$22已經有一份, 不過一場黎到, 當然要試下安格斯牛啦😆店面裝修唔錯, 枱放得唔密, 坐得幾舒服呢度凍飲只需加2蚊, 而且都幾大杯呢個出前一丁餐我揀左沙嗲湯底, 好香濃, 同一般茶餐廳唔同, 喝得出花生味同濃濃沙嗲香味安格斯牛唔算好腍, 有d咬口, 而且牛肉味濃, 讚👍早餐價錢相對其他茶餐廳貴少少, 不過質素高, 值得我下次再去試其他湯底😋

見新開，又唔駛等位，所以就去左試。好似話仲有下午茶餐的，平d，細鍋d。有海鮮鍋，又有好多款湯底，選擇困難既人，真係揀湯都有排諗。。。樣樣都想試，又無得雙併。。。叫左一個日式醬油鍋，配牛肉，無得轉款既。另一個，係沙爹鍋，有雞肉，豬肉，同牛肉可以揀，價錢一樣。埋單$240，個湯唔特別，無期待既香濃湯底。牛肉，係ok既，但份量唔算多，d配菜丫，d丸丫，確係幾特別，都算夠新鮮既。一人一鍋，連埋飯，其實剛剛好。

開業無耐，即管來試下，安排有點亂，店內有很多空枱，但店員無即時安排入座，我等2人枱，下幾個客等8人枱，可以安排入8人枱先，幾枱2人枱客人要慢慢等！食物份量偏小，相同實物兩碼子嘅事，58元一個餐得2小片牛肉，份量小得可憐，配菜小，要用湯底撈白飯食，凍檸茶茶底偏淡！食物又嚟錯，可能剛開業無耐，員工太新，未熟習運作，結賬時店員搵唔番張單收錢，又沒有coins找，小店及員工們仍踓努力！實物同相係兩碼子的事！