煮道 (已結業)

見新開，又唔駛等位，所以就去左試。好似話仲有下午茶餐的，平d，細鍋d。有海鮮鍋，又有好多款湯底，選擇困難既人，真係揀湯都有排諗。。。樣樣都想試，又無得雙併。。。叫左一個日式醬油鍋，配牛肉，無得轉款既。另一個，係沙爹鍋，有雞肉，豬肉，同牛肉可以揀，價錢一樣。埋單$240，個湯唔特別，無期待既香濃湯底。牛肉，係ok既，但份量唔算多，d配菜丫，d丸丫，確係幾特別，都算夠新鮮既。一人一鍋，連埋飯，其實剛剛好。