熊之速食店

營業中

休息中

今次介紹嘅係深水埗愛民生隔離。開業時段5:30pm至10:30pm嘅熊之速食店 。主打墨西哥菜。雙色芝士莎莎醬脆片（ $30 ）-呢個充滿芝士嘅薩爾薩，有Babybel（笑牛牌迷你波芝士），自家製車打芝士，同埋墨西哥薩爾薩。加幾塊新鮮炸起嘅粟米片。仲以為一定唔粟米片添，不過始終都俾我哋筆晒。淨係啲芝士已經值回票價。三層熊掌手掣漢堡（單肉丸$38 ）（雙肉丸$55）（三肉丸$72 ）-啲牛肉質素絕對唔會令我失望，有小筋，但係都煮得夠腍容易落喉。而且牛肉味十足。其次有津白，英芥，芝士。好抵食。雞肉墨西哥芝士餡餅（$26）（加蘑菇加$5）-有辣椒，但係唔多唔會搶晒啲味。另上一大碗墨西哥薩爾薩，問你飽唔飽？唔飽食到飽。總共110一蚊。食得咁開心，所以另外再加咗兩個smoothie冰沙。一杯$28. 二杯$50。有芒果同埋提子味。總括：一間低調，高質嘅外賣店。絕對要幫襯。因為老闆自己一個人做晒，所以要啲時間。期望往往係最好嘅感覺。

驚喜夜市快餐小店：口味國際化、非一般菜式、有質素有心思，最近新增手打凍飲：水果沙冰、另有鴨屎香檸檬茶：清甜兼大杯 700 ml(奉送小黃鴨公仔一隻)。洋蔥磨菇芝士烤餅配上微辣的墨西哥茄醬，口感清爽：而且店家用的是優質芝士，並非一般漢堡飽店的行貨芝士。炸物的沾醬可選牛油果蛋黃、青芥末蛋黃、鹹蛋黃、煙肉芝士、蜜糖芥末、莎莎。最近更有季節產品：五香鹽焗大閘蟹 (需時20分鐘)店長親切友善，支持小店，夜晚九點後肚餓，又唔想食茶餐廳例牌菜式的話，該店有不少選擇。(外賣，營業時間夜晚九點至凌晨一點，星期日及公共假期休息，店家目前不使用 whatsapp，但可打電話落單)

身為一個芝士控,叫左佢嘅原味墨西哥芝士烤餅,勁厚芝士可以拉絲,好濃芝士味!食完好滿足,不過烤餅外皮相對好薄,口感爭啲🤔莎莎醬酸酸辣辣幾好食紫薯燕麥麻糬波波有驚喜,紫薯甜甜地,質地煙韌好香燕麥味🧡唔錯