熊熊雞蛋仔 (已結業)

有日喺深水埗行行下街突然想食雞蛋仔，搵唔到媽味雞蛋仔！而附近只見到呢間店有得賣，而且口味都似幾特別，最後就簡左佢！呢間小店只做外賣，主打雞蛋仔同格仔餅。🔹伯爵茶朱古力雞蛋仔 $30★★☆☆☆本身只諗住叫伯爵茶味雞蛋仔，但店員一講加多$2就會有埋朱古力，同埋門口餐牌又寫MUST，腦電波就馬上話好！即叫即做，等左十幾分鐘左右。雖然即整，但拎到上手唔熱，有機會係吹左風扇？食落口個雞蛋仔一啲都唔脆、軟淋淋，好失望。正常脆口好易Mit做一粒粒，但佢軟淋淋，好難Mit。但個伯爵茶味係比我想像中濃同香，朱古力內餡多呈半溶狀態，一路Mit都整到成手都係。伯爵茶同朱古力味重，食唔到蛋香味，基本上蓋哂。雖然佢個味道上係幾好同足料，但雞蛋仔真係要一粒粒脆口熱辣辣先好食，呢個係基本，唔好講要求外脆內軟。🔹燒賣 $9★★★★☆另外因為店員話燒賣岩岩出爐，所以順便叫左5 粒食，熱辣辣，好軟糯，係我鍾意食嘅口感。味道上有魚肉味唔會腥，好味道，整體合格以上。🌟總括：認真建議店家喺脆度呢個問題到改善下，因為味道方面係唔錯！呢間店唔改進真係遲早玩完。另外一提，燒賣出奇地好食。

夜晚食完飯買左一份32蚊香蕉朱古力味，見出面有人等嚟買就順便買嚟試下，本身個鋪位前身系媽咪雞蛋仔希望吾會差得去邊，等左無耐就拎到拎左一陣就已經開始軟淋淋一pat野咁，一邊都算系有金黃顏色，另一面完全系白雪雪好似未熟咁根本未夠時間整熟就拎左客或者未夠熱個pan就落料心急整，食到朱古力同香蕉味都夠，但無料既原味淡茂茂食落又吾香又無蛋味，吾敢想像淨系食原味既話會有幾差，真系不可一不可再，吾會再買嚟食嫁啦

買咗個伯爵茶味雞蛋仔加杯紫薯牛乳伯爵茶雞蛋仔$28：✅食得出茶味✅夠脆身❌唔甜(可能因為茶味？）❌冇蛋味❌好薄皮，完全係得個殼，冇入面個層軟糯、冇餡總結➡️想試新口味當小食都可以，但$28一底真係附近大把選擇唔使揀佢🍠🥛熱飲紫薯牛乳（走甜）$23：走咗甜更加試真到杯嘢飲⚠️係 冇 味 嘅⚠️牛奶味得維記盒仔牛奶30% 紫薯有少少碎但夾埋應該一啖都冇❌牛奶好似溝咗水咁❌紫薯又唔多情人節套餐飲品 -$6Total:$45 呢個價錢可以食其他嘢更開心

2022年既大年初二去買左兩底原味雞蛋食，呢個鋪位本身係「媽x雞蛋仔」黎，裡面既格局完全一樣，諗住只係轉左個名🤔以為質素都係一樣會咁好食。但一咬落去完全冇蛋味😣，脆又唔係特別脆💔，過左唔夠5分鐘就已經𣺉L曬，仲衰過街邊十蚊底個d🤨如果同我一樣有呢個期望既人可以慳返$20💸💰唔知係咪因為新年，雖然係年初二，但個收銀塊面就初四咁樣🌝如果係因為新年忙就keep唔到質素既話，好打極有限PS: 年初一至年初三每單加$10蚊 🧧是次消費$20+$20+$10=$50

雞蛋仔外層烘得香脆，中心的粉漿糯糯的煙靭好咬，蛋香濃列，味道不會激甜剛好。 朱古力烘完之後似溶非溶，不必追求甚麼高級品牌，總之甜甜熱熱的夾著雞蛋仔一同送入口裡，達致甜點的高峰，超級滋味！ 我心目中最喜歡的味道就是原味。好食分數：🤤🤤🤤🤤🤤🤤🤤🤤🤤🤤🤤🤤🤤🤤🤤🤤🤤🤤🤤🤤🤤環境分數:🥳🥳🥳🥳🥳🥳🥳🥳🥳🥳🥳🥳😵😵😵😵😵食品質素：👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

見到寫住即叫即整，叫咗2底伯爵茶同埋朱古力味，原來依家做緊買任何雞蛋仔就送三粒燒賣，咁我一邊食住燒賣一邊等 。燒賣超級好食，個辣椒油真係勁香，平時係街邊絕對冇可能食到呢種味道，個燒賣都好重魚香。食得岀個燒賣真係好有誠意，食咗三粒都唔夠喉，下次肯定會反黎再食。等咗大約7分鐘，就試伯爵茶味雞蛋仔，一食落係外脆內軟，勁香伯爵茶味，超鍾意呢個，絕對值得一試。總括黎講呢間我會返轉頭再食，雞蛋仔同燒賣都好高質

話說我本來係買夾餅外賣，跟住等外賣期間見到佢寫到佢嘅燒賣一試難忘咁緊要，就買咗$9.5粒，俾錢嘅時候佢問我拎走定即刻食，我答佢即刻食，咁好啦拎外賣嘅時候，佢將個燒賣同個夾餅Pack埋一袋外賣，咁我就同佢講個燒賣我依家食，跟住佢好晦氣咁話裝埋咗啦咁劈個袋比我！好我都算，再試吓佢粒所謂一試難忘嘅燒賣，嘩真係一試難忘喎，淋到一坺嘢咁！呢粒都唔可以叫做燒賣啦！係咪啊！？即時吐咗佢成盒掉咗佢！仲有佢舖頭附近一大浸臭坑渠味成浸屎味咁！

去完電腦商場又心思思想食返底雞蛋仔，以往食開嗰間已經結業，同一鋪位改了「熊熊雞蛋仔」，行去看看什麼情況。聞到好香的雞蛋仔味道，於是買了一個最基本的「原味雞蛋仔」試吓。新張期內凡購買任何食品均可免費試食三粒燒賣，還有好香的辣椒油，燒賣質地真是不錯，好味彈牙配上辣椒油，最好的配搭。等了一會 雞蛋仔出爐了，好香蛋味，外脆內軟，唔會太甜。如果可以厚身一點就更加好，更加有咬口。另外叫了一杯飲品「凍奶茶豆花」套餐優惠價可減$4，這個飲品夠凍，茶味剛剛好，食完辣辣燒賣就最啱飲。

經過深水埗想食d小食醫下個胃冇諗過咁好食囉！辣椒油勁香勁惹味食得辣既記得叫埋🤩🤩🤩原來除咗佢個燒賣，雞蛋仔都好多人買囉～幾粒燒賣未夠喉最後都係忍唔住叫埋雞蛋仔食下新鮮整起香噴噴掛住食唔記得影相🤯 外脆內軟粒粒都勁飽滿唔會話好似得個殼咁 超好食囉！！下次想食其他味～同埋杯紫薯野飲😍平時我就好怕喺深水埗買小食既，又唔係話好平但係好似好污糟咁😩😹呢間新開就見到好乾淨d後生仔又好好禮貌去開深水埗既值得去試下呀～

今日經過想試下個伯爵茶雞蛋仔，估唔到外脆內軟，伯爵茶味夠香，依家香港呢種小店買少見少，真係要支持下。😀好過香港個間連鎖牌子，依家一啲蛋香都冇。下次想試埋其他口味