影片
營業時間
今日營業
07:30 - 21:30
星期一至日
07:30 - 21:30
公眾假期
07:30 - 21:30
公眾假期前夕
07:30 - 21:30
以上資料只供參考, 請與餐廳確認詳情
自從龍鳳胎家姐細佬出世後，香港掀起一鼓熊貓潮，就連深水埗西九龍中心樓上，都新開左間《熊貓小雲吞》，一於入去試下😋我點了一個68元的［獨享盛宴一人套餐］，套餐選了「馬蹄冬菇豚肉餃」，「孜然椒麻炸雞翼」，仲包埋飲品可樂。馬蹄冬菇豚肉餃，皮薄餡多，馬蹄同冬菇提升了鮮味，口感豐富，雞翼香口。衣度最出名就喺招牌一口豚肉雲吞，我哋都叫番碗「招牌黃金鮑魚」先，超迷你鮑魚仔，太可愛了！ 😍「QQ彈滑鮮蝦抄手」，包住的蝦肉新鮮，鮮甜彈牙。「老北京擔擔麵」，最愛那花生醬的味道。我仲加咗支「氮氣雪梨茶」，跟餐價都係13蚊，飲落有陣陣雪梨香，清甜解渴。還有這裡的五仁菜脯丁很好吃，我也買了一瓶回家😉
繼續閱讀
已經有一段時間冇食熊貓小雲吞啦，敏仔話想新年前去食吓，好啦，反正我都有d 想食，順便去埋扭蛋😆麻辣雞絲，手工涼皮手工涼皮一如意環都係煙煙韌韌，口感幾好，麻辣雞絲雞肉夠嫩滑，好似口水雞嘅味道，配埋黃金豆，鹹翠花生，同埋菜譜，撈埋一齊風味十足。粟米雲吞，配紫菜蝦皮湯粟米雲吞炆仔每次都會嗌嘅，而今次嘅湯底我哋就轉做蝦皮紫菜湯，起碼有啲紫菜咬下，紫菜朔晒啲湯汁，口味濃郁，好正。花椒椒麻炸雞翼炸雞翼外脆內軟，好Juicy，原來佢唔同嘅味道只係喺炸雞肉上面沈上唔同嘅味粉，不過老實講呢個招麻味道嘅粉又幾好食喎，而且佢話辣姐，敏仔都食得到，仲話想再encore㖭啊。黑糖冰粉糖水係自助形式到嘅，跟住店員會俾咗包有葡萄乾、山楂粒、同翠花生嘅配料俾我哋，我都幾鍾意食，而白涼粉有啲似蒟蒻同啫喱嘅中間，我好鍾意呢個質感。青蘋果淡氣冷泡茶意外飲咗咁多次啖氣茶，我覺得青蘋果味係最好飲嘅！酸酸甜甜又有青蘋果嘅香氣，但係佢嘅甜係好fresh嘅，一啲都唔溜。已經嚟過好多次，今日就分享咁多先，下次會再嗌埋其他未食過嘅小食！早知就一定有下次啦，因為CP值好高，在場亦都見到好多小朋友鍾意嗌佢哋嘅一口雲吞。
繼續閱讀
講起川菜，通常川菜館都比較重口味同價錢不菲，如果想食得平民價得來又要夠豐富，熊貓🐼小雲吞就真係抵食到不得了。今次來到深水埗西九龍中心的熊貓小雲吞食呢個二人套餐，真係好多野食，都只係$148:揀左二人幸福套餐：1. 高麗菜雲吞15 粒2. 韭菜雲吞15 粒兩款主食小雲吞必吃，細細粒一口一粒食得爽，揀左清魚湯比較健康。小食鹽焗手撕雞，味道小辣好惹味，食任何野一定要撈埋呢度既菜脯，又係必食之配料，真係好食到爆，而且仲有得買，買返屋企送飯都不錯。呢個餐包埋兩瓶冷泡茶，仲有甜品揀左熊貓🐼涼粉，食完真係飽到hihi,真係又好食🤤有抵食，大家鍾意川菜的一定要試啦
繼續閱讀
深水埗西九龍中心一向有平民美食天地之稱，曾到訪過Food Court 享用素食。今次朋友邀請到三樓的熊貓小雲吞享用晚餐。我們點了「幸福共味」二人餐和招牌一口豚肉雲吞。「幸福共味」二人餐包括主食兩款、小食兩款和兩款飲品。主食選了肉燥熱撈麵和傳統川式涼麵，小食選了芝麻鹽焗手撕雞和香脆紅糖糍粑，飲品選了氮氣香桃茶和氮氣西柚柚子茶。兩款麵配料均有青瓜絲、蔥花和黃金脆脆豆。肉燥熱撈麵配有肉燥碎，與麵和配料拌勻一起吃，濃稠味道。相反傳統川式涼麵，味道較清新，麵質有彈性，有QQ口感，非常適合夏天吃。至於兩款小食很出色，芝麻鹽焗手撕雞份量充足之餘，雞肉滑嫩配上青瓜絲一同吃很美味。第一次吃紅糖糍粑，想不到糍粑那麼好吃，外層香脆與內裡軟糯，配上紅糖醬和紅糖粉，為淡味的糍粑帶點甜味。極力推薦大家點這兩款小食^^算自己見識少，不知道近來有氮氣飲品出售。上網查看原來氮氣有助防止飲品氧化，怪不得這兩款茶保留了水果和茶香味。招牌一口豚肉雲吞我們選了最貴的黃金鮑魚豚肉雲吞😆，湯底是櫻花蝦、紫菜，一小口吃著黃金鮑魚豚肉，一小口喝著湯底，味道充足。
繼續閱讀
：/西九龍中心：主打雲吞、四川涼伴菜/上次行西九嘅時候已經見到呢間雲吞店好想試下，不過嗰時就訂咗枱食飯就冇機會試到，今晚收工就捉埋🐻❄️一齊過嚟食🤣 呢到主打係食雲吞、餃子丶四川涼伴菜、涼麵🤤🥟雲吞粉麵餐 $46<<高麗菜•鮮蝦>>每款各三隻**湯底方面揀咗人氣酸辣魚湯👅酸辣係比較溫和既辣就算飲埋佢啲湯都冇問題😆配上紅薯粉～好鍾意佢哋嘅雲吞夠薄身～一啖就可以放入口。豚肉同蝦既調味岩岩好鹹鮮味恰到好處～💕孜然椒麻炸雞翼 $25炸得夠脆 鎖到肉汁而且肉質夠嫩味道有小小辣～😈傳統手作涼麵 $32呢個幾有驚喜麵條有嚼勁夠彈牙本身已經有麻醬再加辣變相就更好食同惹味~配料就有青瓜絲. 花生. 菜甫💕紅油炒手 $29係我最愛既菜式 😍呢度紅油炒手都可以揀自己想食嘅餡揀咗韭菜餃估唔到都幾好食好香嘅韭菜😙🌟麻辣雞腎 $35 呢個係咁多款之中最辣不過幾爽口~🥃冷泡古早味紅茶 $22呢個有少少甜既茶比較濃啲😬🥃冷泡御翠烏龍茶 $22呢款就無糖既清清地既烏龍茶咁～佢仲有好多款唔同飲品，有甜冇甜都有🤤🤤同埋！門口有自家製醬料同生餃子賣🥟如果食完鐘意食既話可以買返屋企食㗎😝另外，佢仲有個二人套餐提供$148，方便哂咩都想食既你～～🌟熊貓小雲吞 (西九龍中心)深水埗欽州街37K號西九龍中心3樓319號舖
繼續閱讀