熟客

營業中

休息中

呢間應該係新開 個人鍾意食星馬菜 。幾推介呢間 ～ 先叫左窩蛋肉碎炒老鼠粉 。小朋友好鍾意食呢個 。再叫左老隆藥善肉骨茶 係胡椒口味 。似胡椒豬肚湯 個人鍾意藥膳味重啲 。再點左海南雞 雞好滑 皮薄 新鮮既 。仲有椰香馬來咖哩牛腩 ，味好濃好好味 少少辣 主食份量好足 我地4個人食都好夠。唯一覺得我地點2人套餐配飯+薄餅。薄餅其實太細塊 ，又冇得再加點 。不如直接套餐配兩個飯更好 。仲有蝦醬雞翼都好食 ，可以試下 .價錢唔算貴 ，下次會再去🩷

嗰日咁啱接朋友收工，經過依家餐廳見未食過，就入去試，我覺得性價比高，價錢合理，一個午餐只係$78再另外+1，當日一入到去，好少人，只有幾張枱有人坐，可能唔係午餐時間，環境適合朋友團聚，唔會太嘈雜，員工親切友善，經理有禮貌，落力又有效率，order 有問題亦會好主動即時幫你解決。下一次再嚟青衣城會再試其他嘢。😋

放假日唔知去邊度好順便去青衣搵朋友食飯🙋🏾‍♂️第一次嚟青衣唔知食咩好無意間行到去二樓眼見這間餐廳裝修幾靚地方睇黎寬敞又舒服，我好怕去一啲餐廳一坐落去嘈冤巴閉 好似街市咁嘈跟住我哋就入去食飯喇一坐低已經有人即刻畀水同埋畀餐牌啦服務並不錯跟住叫職員推介我食海南雞飯油飯真係幾好食雖然未去到好似出面完全係黃色但係性價比高👍👍個雞串又好食 好有口感仲要睇到門口最近有外賣有88折臨走前用外賣個海南雞比阿媽食先下次嚟青衣都會再記得熟客 隔離仲有間越南餐廳都係同一個集團下次都試埋先#原來間餐廳開張咗三個月下次再嚟青衣會再幫襯帶埋阿爸阿媽過嚟先

呢間店好似開左2，3個月，成日收工出地鐵都經過，今日約埋朋友仔一起，試左海南雞，肉骨茶等一眾菜品，朋友都話好食，特別海南雞，除左有雞味外，皮肉之間居然仲有啫喱，嫩滑得黎口感恰到好處，肉骨茶味道好濃，但可以將藥材和骨湯融合，相當唔錯！雞髀飯就不過不失，可能因為海南雞太驚艷領，不過隻雞髀都大到離譜，食完超滿足，隔離檯有店員推薦麵包蟹，講到我哋都想加多份，無奈肚仔唔爭氣，上菜之後發現抵食到離譜，咁大隻蟹$198，聽講係每日限量，希望唔好咁快落畫，等我試左先

係青衣城買完嘢坐低食個飯 呢間熟客真係唔錯👍環境應該係新裝修嘅 坐落好舒服服務員會主動俾水同遞上餐牌🍴舉手會即時響應 又會主動加水 蝦醬單骨雞翼熱辣辣好好味個菠菜湯好飲 Ｄ菜唔老烤雞肉串OK

商場內已有類似東南亞菜式餐廳，照計應該做得更好才能生存。睇裝修已預算定價中上，出品會否有少少質素？ 冇諗到新開張已經可以菜式味道唔得，份量又極細，食物賣相惡劣，侍應連南洋咖啡都唔知係乜，主管態度唔好，真係匪夷所思嘅存在

食lunch, 兩個人叫咗兩個lunch set. 叫咗肉骨茶，海南雞飯，咁啲味道正常囉，啲肉唔滑嘅，同一般食記無乜分別，個甜品細都呢，咁就收多咗10蚊。今時今日唔算cheap，抵食。服務就嘩嘩聲唔點囉，又唔夠人手，有位都要等佢收哂錢先，又寸嘴。要自己QR落單，埋單要自己行去門口比錢，但收你加一，又唔夠人手又無服務又無禮貌，茶記都無收加一啦，你憑什麼收加一呢？簡單黎講又貴又唔值囉。我就無乜興趣再幫襯佢啦。

青衣城新開東亞餐廳7 點前到唔使等位之後都成間坐滿食物既份量不算太大青檸酸辣汁深海蒸魚$208幾好味，不會蒸過龍酸辣汁好醒胃，少少辣黑松露炒飯$86炒得不錯，幾乾身，粒粒分明熟客海南雞飯$88普普通通

我係食夜晚嗰餐嘅，諗住掂冇乜人，同埋間嘢佈置得幾靚，咪試吓囉，啲嘢食係正常水準嘅，但衛生麻麻地，我見張枱仲有之前D客食剩ge 野。同埋如果客人對食物上有少少特別要求就唔好喺度食，我嗰時我見到有個職員同另外一個職員講話個客想走芫荽同埋多洋蔥，然後另外一個職員不停質疑個客嘅要求，好似講到個客ge要求好唔合理，仲懷疑佢聽錯Tim，最後另外一個職員返佢去問多次⋯另外一問題係間嘢係好嘈，唔係因為太多人，而係有好多職員同埋管理層好大聲咁樣喺度一齊吹水，係話啲上次D客叫得少嘢，佢大概係咁樣講「人哋一兩個人都叫四支紅酒飲啦，佢哋四個人竟然淨係叫一支紅酒」，其實究竟我係嚟食飯定係嚟聽你哋吹水？跟住我仲見到有個客想叫職員，但佢哋掛住吹水睇唔到，最後要個客好大聲咁叫先有職員過嚟，新開已經搞成咁，之後發展成點真係唔敢想像，btw我唔會再去食

新開, 門面靚, 試過兩次.第一次 : 蟹肉飯, 跟圖片有差距, 味道 偏淡. 串燒沙嗲牛: 有筋. 硬 越南咖啡 :以往在其他越南食肆, 有飲过正宗的, 是甜甜濃厚煉奶加咖啡. 但此店送來的, 只是四分一杯咖啡, 完全看不出有加煉奶, 詢問第一個店員, 是否送錯, 他說沒有, 再問第二個店員指住圖案menu, 請他向水吧確認, 回覆仍然堅持這就是越南咖啡.....真無語, 嚴重商品說明條例下不符合. 第二次, 時間一個星期後, 因上次見隔離枱老鼠粉好像很惹味, 今次點了, 口感偏硬, 色水很好, 但沒有什麼味道, 咀嚼很攰. 帶著父母同行, order了喇沙, 要求三個碗仔, 居然送上來的是三個膠兜,對! 沒有寫錯! 在食肆內居然是用膠兜吃 , 帶着父母出外吃飯, 居然是用膠兜吃, 當時六點半, 三枱客! 好奇問為什麼是膠兜, 店員說不足夠碗仔......結賬時, 見到遲過我們來的客人是用碗仔的 , 便問為什麼遲來的反而不是膠兜, 店員說之前是來不及清洗. 所以沒有足夠碗.......再次無語......不會再來

今日中午去咗青衣城呢間「熟客」食星馬餐作午餐。去到安排坐二人枱，但係一想坐低時見到張藤椅隻角係爛咗。啲斷咗嘅藤好容易整爛條褲同埋整親隻腳。我自己換完張椅之後已經同侍應講聲話張椅爛咗，好容易整親人。但係個侍應只係望，之後就咁將張椅泊埋入枱度當冇事發生。我見到都O曬咀。之後我order咗一碗叻沙湯金邊粉同埋一碗白咖喱金邊粉。雖然出餐慢，但係星期日我可以悠閑啲等，無所謂。食物嚟到，一夾啲粉上嚟，見到好似唔似係金邊粉，再食第一啖，啲粉係米粉。另一碗都係，出錯咗唔係金邊粉而係米粉。我跟住向侍應反映，神奇嘅侍應嘅回應係話可能整嗰個係泰國人，所以唔識睇張單上面寫嘅金邊粉。我話「吓？！你咁都有得瀨？你整嗰個唔識睇中文嘅，出餐嗰個唔對單唔識睇中文？我眼見場內嘅侍應無一個係外藉人仕。」個侍應之後都係冇為到佢哋出錯而道歉，純粹話已經同經理反映咗…..but then?? The manager did nothing afterwards. 同埸加映，係隔離枱嘅佢哋點咗個海南雞飯，等咗40-45mins先至出。個餐到咗之後，枱客見到食物上有啲頭髮。叫侍應換過碟，等咗一陣，到咗之後，個客明明係叫油飯，但係就出

朋友介紹嚟呢間熟客晚餐試試，覺得食品味道唔錯，環境裝修都幾好。首先個蝦餅夠彈牙香口，同埋特別夠脆，一定必點。胡椒蟹幾惹味，係鹹咗少少，可以改善一下。 辣椒蟹味道非常好，酸酸甜甜加少少辣，同新加坡嗰邊味道差不多，食到手指都啜埋，個汁適合配飯或者包嚟食。肉骨茶多咗豬肚豬腳，湯底有啲膠，同平時食有少少唔同，但係都幾好食。芒果糯米飯第一次食心形嘅紫糯米，視覺效果都幾靚，芒果夠甜。整體嚟講喺青衣算係不錯嘅選擇，可以返食！

今日食個lunch見環境5錯又新開就入去試下見個海南雞好似係招牌菜就叫左個海南雞飯試下黎到時睇落都ok既個海南雞都算係滑既個湯就肥到乜咁飲5落D飯又5香又5油又爛。。真係不了不可一不可再

上星期食海南雞飯餐啲雞肉未熟透還有跟海南雞湯裏好多浮面白色湯渣. 都有同侍應反映過食物質素，佢同我講整返熟佢都係用微波爐叮返熟算吧不用了. 送餐前廚房都知道未熟透都可以送比客人食. 去埋單同經理反映下，經理講跟星加坡個邊煮法雞，用慢煮方法嚟煮啲肉係熟嘅？啲湯有浮面白色渣都係正常. 聽完經理一番說話，我都打過凸.佢以為我攞着數. 單都埋咗只係比個comment. 係香港食過海南雞飯都唔係咁様. 去過星加坡都食過海南雞飯跟熟客不一樣.自己又唔記得影相同大家分享. 只附上交易記錄有到過熟客用膳.算吧唔會有下次.

呢家餐廳係青衣城新開, 預就預左會貴, 味道黎講算係可以, 但份量真係少, 食完真係唔算飽, 但哩d唔係重點. 食品菜式價錢偏高,以青衣城嘅地段嚟睇實屬合理,相信租金同其他開支係需要承擔嘅開支。哩d都可以體諒。咁問題就出現喺服務質素上。佢嘅侍應生態度惡劣,經常冷淡甚至無禮對待客人，好似你比錢入黎食野仲欠左佢。大佬你收得哩個錢d野食又一般, 如果招呼好d的話都可以多d原因比人繼續黎，但對客人無禮就真係趕人走。諸如此類嘅服務問題,真係使人喪失再光臨嘅興致。你攪到甘我點再次黎? 唔係一次係甘，我黎左幾次, 真心覺得無得救。我有錢都比其他舖賺算。話說，碗碟度洗得唔乾淨。如果以效率同主動性作比較,呢間餐廳明顯欠奉。服務質素差劣到令我忍唔住特登花時間上網寫個差評。雖然餐廳上嘅其他方面都算中規中矩,但係如果服務做唔好,即使其他地方做得好,都救唔到佢嘅形象。希望餐廳可以改善服務,為食客提供一個更舒適嘅就餐環境。