熱狗の家 (已搬遷) 新店位置

雖然明知任何熱狗腸都係不太健康之食物, 但久唔久就會有 craving. 昨日得閒, 諗住去荃灣行0下。出發前先到 Open Rice website 搵0下荃灣有乜好食, 俾我見到呢間 Hot Dog 專門店。地鐵站出0黎, 一路行一路問人, 問0左三個人都幫唔到我。 亂打亂撞, 終於搵到。 去到見到餐牌上好多選擇, 但由於本人性格不太 adventurous, 所以揀0左最 basic 0既"住家"熱狗 + Hazelnut Ice Coffee + side salad. 熱狗 - 麵包係脆脆焗熱0既, 算係唔錯Ice Coffee - 有D驚喜Salad - 普通值得一提係, service 及誠意搭夠。 一個細細0既 family business, 兩口子好努力咁 make an honest living, 實在值得去鼓勵及支持!

舖仔細細, 有兩三張檯, 老板好好人, 又會介紹你食咩好.....熱狗即叫即做, 等十分鐘左右有得食.....我數過佢有over十種熱狗腸, 數都數唔曬咁多種既熱狗......是但跟老細推介, 叫左個芝左墨西哥唔知咩咩咩熱狗..........熱狗皮係脆既, 飽身就鬆軟, d汁同腸都好味, 辣辣地, 幾好味...........其實都幾多人幫襯, 45蚊一隻狗加一杯野飲, 睇你覺得值唔值啦, 我就覺得ok既......

來到店前被五花八門的款式弄得眼花撩亂。在店主的介紹下，選了三款熱狗作為是日晚餐。先來的是同行友人選的蒜香煙肉芝士熱狗麵包烘得外脆內軟，配上蒜蓉頓變成蒜蓉包，加上芝士十分惹味。唯泰式辣醬味濃了點，有點兒搶了其他食材的味道。再來的已忘了叫什麼名稱，很典型的款式，店主還應要求額外加上日式芥茉醬最後來的是什麼夏威夷熱狗。轉了另一款熱狗腸，size比之前的大，口感亦較豐富。配料有洋蔥菠蘿茄醬等，感覺很清新。飲品點了榛子咖啡奶昔，起初味道比較淡，但咖啡味會慢慢地滲出來。價錢不便宜，但製作用心、服務親切、熱誠有禮，會令你在往後想起這個"家"的。(p.s. 選便宜的話，我會去ikea )

店鋪細細,我都係上openrice才知道呢間Hotdog係如此美味,所以今日放學後特地去試試看吧~相信唔熟荃灣的人,一定唔會知道有呢間食店的存在呢~所以睇黎呢間鋪頭都係做外賣生意為主呀,其實熱狗價錢唔算平,不過都有一定的食客支持喔!我都係同樣睇得出店員及老板真係好有heart做好每一隻熱狗呢~待人有禮,又有工作的熱誠所在我的lunch--芥辣黑芝麻沙律醬熱狗 配 法蘭克福腸 + 榛子咖啡味有機奶昔 $35因前面有個男客人落order較耐,,,個女職員仲對我講左3次唔好意思要我再等多1陣~佢又好主動同客人吹水呢,落order之後即時俾錢~當我坐低之後慢慢細閱門面的所有專欄先~原來呢間鋪頭開左差唔多5-6年~而且為左迎合年青人口味,仲做左好多調查呢~幾有心思,訂少量的材料,所以來價當然會較為高~又唔會有好大的競爭!!專欄上仲提及原來「荃灣係新界中的銅鑼灣」,哈哈 好多款熱狗也附送飲品,我睇下有咩特別飲品之時,我見到 有機奶昔 ,點知原來有好多款味道呢~有草莓,黑芝麻,西瓜,我揀左榛子咖啡味,較為特別吧~哈哈 +$10 全部熱狗即叫即造~所以等候時間約10min左右~當奶昔送到我眼前果陣,

我喜歡吃熱狗，但恕我孤陋寡聞，總覺得好的熱狗店不多，想到的就只有何文田的德國熱狗，還有這裡。熱狗之家店子小小，以做外賣生意為主，若您想堂食都可以，門口也有一兩張小檯，不過感覺似坐街似的。當然，像我等貪食之人，坐街就坐街，沒什麼大不了。所以，這次我選擇了堂食。蒜香煙肉芝士熱狗其實就是腸仔上面加了煙肉，再配以蒜味醬汁和半溶的芝士。新鮮整起的熱狗，熱呼呼，包身微脆，餡料既腸仔皮脆，煙肉軟身，蒜香味道很重，也喜歡咬著扯開芝士絲的感覺。要了杯凍的榛子咖啡，榛子和咖啡味道均香濃，幾好飲。來這裡，你會感受到主理人的誠意。更多相片可見：http://fabricelau.blogspot.com/2010/12/blog-post_25.html

住家狗+熱朱古力-見到老闆真係好有心思 , 好NICE , takeaway packing 好精緻 ! 鋪面都擺左唔少心機 , 臨近聖誕 , 門口有關於聖誕ge刊物睇(仲可以拎走) -呢隻狗OK , 杯熱朱OK , 冇乜大驚喜 , 但係會想再去食過~ (神秘的魅力??!)-雖然張枱仔坐得幾舒服 , 不過我都係唔想坐街 , 所以局住拎走...><

難得荃灣區會有咁正宗的熱狗，新鮮熱辣好味道。雖然價錢貴左少少，但係店主很用心去造熱狗，未入口看著已知道。店面和器皿都很有心思，看得出店主的熱誠。希望這些店舖長做長有，唔雖要開太多分店，有誠意的一間就夠。

在商場外見到廣告牌,見有點餓,就去試試.老闆娘熱情推介,耐心解釋不同熱狗餐,但又不會太煩人.熱狗真的新鮮熱辣,包有點脆口,酸瓜好好味.榛子咖啡幾特別.只是賺你20多30元,仍好落力照顧每位客人的需要.老闆和老闆娘都面帶笑容,禮貌周周,在這個社會實在買少見少.

大約一年前食過覺得幾好，今日叫咗個套餐($26)：和風熱狗+榛子架啡，另加$7有個小沙律。和風熱狗：條腸冇以前咁好食，比較林身，麵包依舊好味，熱辣辣，配料(有木魚、紫菜、燒汁等)都唔錯。榛子架啡：麻麻，應該係即溶架啡。沙律：有驚喜，個醋汁好醒胃惹味，蔬菜都新鮮，但份量只有一細杯，如原價$12就唔抵食。佢哋service好，選擇多，飲品又有健康嘅栗米汁同本地鮮奶供應，不錯。

今日同fd黎左呢度試,,我地岩岩到老細sin岩岩開門,,very good=]老細都好熱情咁介紹左一d狗比我地,,我地就試左時日special:住家狗跟榛子咖啡,,um我諗5分鐘到就有等中途老細問我地要唔要辣(腸/醬/汁),,因為我地聽唔太清同本身又食得辣,,so就話好=]住家狗同榛子咖啡隻狗好好食,,,我地愈食愈辣,,就諗係腸辣定係有辣醬,,但係又唔見d醬,,哈哈,,因為之前聽唔清老細講咩ma=.=最後問番sin知係辣汁,,唔同tabaso的,,係墨西哥的辣汁,,呵呵,,真爽不過我覺得榛子咖啡就唔係太好飲la,,黎梗好想再去多次=]店內的人好nice=]

今日見行開荃灣,搵下野食~~~~hot dog~~叫左個奧地利粟米熱狗+棒子咖啡~~~~講下佢個熱狗先首先食hot dog緊係食包先嫁啦,個飽好脆,very good,係熱狗就最重要既位置,無容置疑呢個價錢食到呢個水準既野,係物超所值到個餡喇~~係長腸加粟米粒既汁,個腸正常level,個汁就special既~~到杯coffee,一杯,下次可以試下個有機奶shake好似幾特別最後,個落單姐姐幾gd,有問必答,可以再試

聞名不如見面!!見到openrice有咁多好評. 所以就決心去試下啦~地點唔太難搵一去到門口, 個老闆就即刻sell我啦佢好nice, 係個基督徒~then 因為第一次試, 所以平平地叫左個set等左5分鐘左右啦~呢個"芥香玉子沙拉熱狗"都okay 既,,個包同腸都幾唔錯,, 但只不過係因為我麻麻地芝麻....不過整體個hotdog我俾佢3.5分(5分滿分)至於驚喜!!!!! 就當然係呢杯凍朱力啦!!!!!!一入口都ok滑架!! 唔好睇小佢!!佢唔係一般就咁沖出黎, 應該係打出黎既又smooth又涼~ 夏日必飲佳品下次都會去, 因為想試埋其他款~~只可惜.... 係個坐位問題...如果能夠有個舖位坐下就perfect 啦....佢得門口果一張枱仔...同所謂既bar 枱 (係正路中心.. 仲要係電梯隔離@@)所以,, 最好take away, 唔係既話就住門口啦=]

之前係OPENRICE見到已經想去食難得今日有機會就決定黎上試我行到去門口見到好多唔同款既熱狗又有長長既MENU都唔知邊度睇起好個陣時鋪頭出面有幾位客人岩岩上菜WAITER一上完菜見到我就同我介紹MENU啦最後叫左芥香玉子沙拉熱狗+榛子咖啡 $26因為門口已經FULL既關係就去左扶手電梯下既BAR枱坐背對住紅酒店同花店坐左一陣有保安過黎叫我坐入D於是坐返埋牆等下次如果門口冇位既都係拎走食啦等左一陣就上野飲平時我唔係好飲COFFEE但今次因為OPENRICE大家都推介榛子咖啡於是點左佢OKAY呀幾香再過多一陣熱狗就出場啦見到D汁都幾流質都有D驚流到周圍都係不過有張紙可以包一包都好D芥香玉子沙拉熱狗有炒芝麻芥辣+炒芝麻+海苔碎好香唔錯唔錯順便一提我入鋪頭比錢同還碟既時候見到店主都好有笑容見到都開心真係好HOMEY呀<3

打從年多前開始已很想試試這店子 -《熱狗の家》，縱使他跟同事曾來訪吃過並說沒啥特別，可是仍很想一試，只因我對熱狗有份莫名其妙的情意結吧！可是因店子位處「隱蔽之地」，且每次「山長水遠」而來之目的均是為了附近的《森美餐廳》，於是「想吃」的念頭便一直擱置…看過電戲後，在雨中從荃新天地誇過數道天橋走到荃豐中心，藉以午飯時刻肚子卻又不太餓之名，正可大條道理的來吃熱狗嚕…店子小小，食客卻不絕，可是堂吃的話就只有門外那四方小桌，還有離店子十多步、扶手電梯旁的「二人bar檯」（即是於openrice上刊登之餐廳圖片內那店外的bar檯，現被搬至此）…大家看圖便知「門外」已滿了四至五人，那我倆就移玉步選坐「bar檯」！嗯，所有熱狗均是即叫即製的，待了片刻，店員首先端來的是「芝加哥熱狗」…珍寶腸拌以酸瓜粒及芥末茄醬，加上烘得熱騰騰的麵包，配搭大路，卻就是熱狗最原始的味道，不錯啊…然後就是「匈牙利熱狗」，這款熱狗的肉腸有點微辣，拌以面層的蕃茄粒、芝士及沙律醬，吃起來有點像pizza，味道不錯啊！可是兩款熱狗之中，我倆還是較愛前者。店員還細心的把熱狗一分為二，方便我倆分享來吃…套餐附上之飲品，我選了凍榛子咖啡，

昨天經過荃灣華都中心商場附近，突然想起有間經報紙，雜誌推介的熱狗店，就立即去試一下。到達舖面，已感受到職員的熱情招待，她不斷推介一些熱賣及新產品給我，最後選擇粉紅熱狗(法蘭克福腸、生菜絲、粟米、煙肉碎及草莓沙津汁)加凍榛子咖啡，先來榛子咖啡，入口已覺榛子的香，不過甜度就不足，要後加才覺得可以，而職員亦樂意及解釋。再來粉紅熱狗，是該店的新產品，入口真係覺得無什麼特別，麵包亦焗得不夠脆及香口，特別只是草莓沙津汁，真是失望。最後我告訴一些意見給職員，她們亦用心聆聽，並告訴我該店推介及營業時間等資料，雖然今次嘗試的食物普通，但我都會再幫襯，因為感受到該店的熱誠。