熱狗の家 (已搬遷) 新店位置

坦白講, 就算好食, 但去到這個價錢, 他覺得有點兒心痛....- 千島風情熱狗 汁同腸幾好味, 最好的是, 熱狗的皮焗過後, 有點硬度, 口感一流...- 榛子咖啡都是一般貨色- 香草蒜蓉芝士熱狗女友直言, 貴得來不值, 加上不及 千島狗咁惹味.

上次嚟過原來中午至開，今日午間行過，本來想望吓個餐牌，但係阿姐好落力介紹就試吓喇。叫咗個千島風情熱狗同榛子咖啡($25)，即叫即做，等咗一陣至有得食，個飽有7吋咁長，曾經焗過有少少脆，除咗千島汁外仲有煙肉碎同菠蘿，令到個飽都幾好食，條腸就無乜特別。反而榛子咖啡就好正，榛子味好香，同咖啡好匹配。熱狗雖非我杯茶，但係一試又何妨。

今日揀咗呢度食熱狗呀~有20 種咁多~ 我吔揀咗磨菇芝士熱狗, 加榛子咖啡 $25 熱狗要熱辣辣食先好味~榛子咖啡好特別~ 好滑 撞啱老細係到,佢吔二公婆好nice 呀, 仲幫我同bb影相

前幾日見到呢間賣熱狗既餐廳係荃灣排第九~所以就去試左 大約五點半去到~出面得一個人食緊,因為唔熟悉食物既關係~係咁左望右望~個老闆娘(相信係) 好親切咁講左d野食比我地聽~之後我就叫左一個道地熱狗+榛子咖啡~ 雖然係學生餐..但係轉左榛子咖啡同凍飲要5蚊 不過都想試下~仲記得當我問老闆(都係相信):「係咪坐係出面果張台度?」老闆以一個好得意同埋親切既笑容話「係牙」服務態度真係好好相信好多餐廳都要學習~唔駛5分鐘就有得食~個包熱熱地~雖然d料同埋d秘制醬汁無咩特別驚喜~但係味道都不錯的~反而榛子咖啡就有點比下去~咖啡味不夠又不夠香~下次都係飲罐裝飲品總括而言,熱狗味道不俗而且服務態度一流下次一定會再試~!!

一心去尋找好味的厚多士, 經openrice搜尋, 得了這間比較近住所的食店但是這裡無厚多士賣, 熱賣的是"熱狗", 真係好多款式, 不比連鎖店賣的種類少, 而且很有特式, 今日既特惠之選之一 " 田園熱狗" 成了我的晚餐, 連埋一杯凍榛子咖啡, 賣$27, 很經濟, 另外加了一份沙律 $20(標準), 配上黑醋芝麻汁<田園熱狗> 包巳翻熱, 法蘭克長腸, 面舖滿碎蕃茄+青瓜, 整體口感不錯, 但若果包是脆口而腸換成烤腸, 一定能俘虜更多人心<凍榛子咖啡> 甜度適中, 味香濃<沙律> 沙律菜新鮮, 配上醬汁, 很夾很好味, 下次會試加大份量要留意開店時間, 今天放工過去, 很趕呢, 因為 8 點會關門, 但當時堂食無顧客, 反而外賣不斷, 很多街坊幫襯. ;還有很多熱狗款式未試, 要去密 d .... he he

24Nov2007 1200這裡都係一直想來，趁朝早做完運動後便過來休息一下，基本上只係得張 bar 檯及遠少少有一張2人摺檯，我就坐係摺檯。裡面環境都比較狹窄，但都有不同類型擺設，典型兩公婆擺個心落去製作。我要了熱狗套餐，田園沙律裡有生菜，青瓜片及蕃茄片，而汁醬只係用了白醋及黑椒粒，份量剛剛好佔染食材，味道頗為清新；而熱狗我選了意式熱狗，腸就算了法蘭克福，腸只係白灼而不是煎、炸或焗，加上蕃茄醬及千島醬，味道都蕳單得來不錯，之不過個包大得來唔鬆軟，實在係好難整得鬆，如細番一點即使質素不太靚都容易控制，最後以一杯 mochaccnio 完成。期間有一位婆婆坐係我對面，同佢又傾左一陣計，她原來係獨居的，間唔中都會黎呢度及食 pizza，人一世，物一世，在許可情況之下乜都試，這麼樂天的性格，年青的一代在行為上能學到嗎？

下晝拉左男友黎食tea.. ^ ^第一次黎﹐老闆娘(定係店員..?)好用心0甘介紹每一種熱狗﹐服務好好嗌左個餐($27)﹐係印象中評價唔錯既道地熱狗﹐加杯凍奶茶 老闆娘(?)又好細心問我地洗唔洗切半熱狗係即叫即整. 道地熱狗又係咩呢﹖即係法蘭克福腸 + 秘製沙律醬 + 熱狗包個包熱辣辣﹐秘製沙律醬味道不錯﹐但感覺只係普通酸酸地既沙律醬而已還是喜歡多配料一些的熱狗﹐可能應該order 另一種吧... > < 奶茶茶味很重﹐味道不錯﹐可惜太多冰.. 味道是不錯的﹐但並不算很抵食

日期：2008年9月6日路經試下．．．老闆，老闆娘＆女員工都好有禮貌，野食都唔錯啫．道地熱狗：酸甜既沙律醬腸仔，麵包好soft啊！吞拿魚磨菇飛碟：材料熱騰騰．凍榛子咖啡（少甜）：味道恰到好處，正．是次消費: 每人約HKD$ 21 (下午茶)

果日黎食..一黎到個呀姐不停sell不過服務態度好好唔該前唔該後熱狗種類好多叫左個香草蒜蓉芝士熱狗個香草蒜蓉芝士熱狗叫左辣汁..第一啖入口d芝士熔晒拉倒芝士絲出黎好味!!點之愈食愈辣....食到一半d辣味蓋過晒所有味..下次都係唔叫辣汁喇../.都不錯ge不過位置太少都係外賣好d

吃完彬記雲吞麵，有點兒不夠飽 (剛才才說過吃碗麵已大半飽，現在卻是自打嘴巴了)。於往荃豐中心途中，看見這間熱狗包店...吃過勝利道的"名店"，相比下這裏熱狗的種類真的是千奇百怪，名字有的更是古怪透頂 : 甚麼 "東洋火之狗"、"粟米鬆毛狗"、"上海三六狗"...基本上任何可作餡料的都塞入去熱狗包內。對此，小弟不敢苟同....還是叫最基本的住家熱狗(house hotdog)比較實在。材料只是最常見的酸瓜、蕃茄粒、洋葱粒、frankfurt sausage，再加上大量茄醬及mustard，正式是最傳統的味道...包烘得熱熱，稍嫌表皮不太夠脆口；靈魂的法蘭克福腸只是簡單地用水洽熟，並不如煎的那麽脆皮香口...整體上還是可以的，而且夠便宜。總比吃麥當當好得多...

I have eaten here so many times now, I love their hotdogs and the different toppings you can get.I usually have Neuremburg sausage instead of the frankfurter, basically its a thin pork sausage similar to the breakfast one.The owners are very nice, and if you spend over $40 you get a mini charm, if you collect a certain amount of them, you can exchange for a bear. I think there is an extra helper who is a bit annoying, shes like a commander, rushing people to make decisions and sometimes likes to

估唔到hot dog都可以有咁多款每款都有不同的名字~有D仲好有趣tim....上海三六狗、椒椒放洋狗、粟米鬆毛狗、住家噴火狗、茄腿生芝狗仲有D 特別ge....朱古力雜果熱狗、波士頓龍蝦熱狗、北海道麵豉湯熱狗今次揀左...香草蒜蓉芝士&千島熱情香草蒜蓉芝士HD-餡料有：法蘭克福腸、蒜蓉、芝士、香草 (可配茄汁芥辣 / 泰式海鮮辣醬 / 火辣辣椒汁) 加左5蚊飲可樂 千島熱情HD-餡料有：法蘭克福腸、千島汁、菠蘿、粟米、煙肉碎 加左2蚊飲榛子coffee ....幾好味，不會太甜飲品可選：榛子coffee / 朱古力奶茶 / 好立克奶茶 (凍飲加2蚊) 用料好fresh....正正正！即叫即整~店員態度好好！

第一次去好失望........原來星期日休息, 第二次去係公眾假期好好彩開門終於食到啦! 即叫即整都需要等15-20分鐘, 店員好友善比到你家庭的感覺。熱狗款式已有30多款的選擇, 還有其他pizza和多士等, 餐單太多選擇樣樣都想食, 最終買了"田園"和"黑醋"熱狗, "田園"有芥辣茄汁酸瓜, "黑醋"係有蕃茄粒混了醬汁酸酸地好好味好醒胃, 個熱狗飽再烘脆多少少會較香, 加埋飲品.....正。 飲品點了"榛子咖啡"有濃烈的榛子味, 咖啡味多少少更好, "蘆薈蜂蜜"好好飲。

我去了兩三次都做關門，今日下午再去碰碰，開了，我揀了道地熱狗和榛子咖啡。熱狗有自家制的汁和腸，吃落酸酸溜溜，好開胃。咖啡的榛子味好重，好香。能在這個地方開鋪，果然有觸特本事，老闆係兩公婆，好健談，有禮貌，有得堂吃同外賣，賣哂就關門

我已經去過好多次佢都冇開門, 終於俾我搵到一次佢開o左門我都唔記得自己叫過乜, 不過有一樣野感覺好深刻, 就係果度既老闆同老闆良好好, 有健談, 原來佢地係兩公婆^^佢地知道我黎o左好多次都冇開門之後, 係咁講sorry, 我自己都唔好意思, 仲請o左粒糖我食^^食物我認為係中上水平, 但食物唔緊要最緊要係佢俾我一種置身歐洲小店既感覺, 配上柔和音樂, 成個人放鬆晒步出商場時心突然覺得抒暢好多