熱賣點

營業中

休息中

最近手頭💸💸,無計啦,食D CP值高D既野個心會好過D🙈,所以隻腳不自覺走向7仔,去到熱賣點已經無分A B C餐啦,得番常餐😢,個刻有D傷心,但睇清楚D先發現常餐,只係將C餐拆做3欄俾你揀😅常餐比之前好就係可揀兩個麵,我叫左麵芝士腸加司華力腸,飲柚子茶,個茶有點過甜,司華力腸就好似翻熱太多次,個皮好硬😢好彩都重有個麵同芝士腸係正常,見佢廿幾蚊可以食到咁多野,就算啦,無錢既時候呢個真係唔錯既選擇哦😏

最近7仔出左幾杯唔同味道既鲜奶咖啡，重要以10蚊作為推廣價，今日翻工早到左，就決定去7仔買翻杯飲下先。其實我最感興趣，最想試既系紫薯鮮奶咖啡，但一早去到，7仔職員竟然話無曬紫薯味既鮮奶咖啡，要聽日先有，但一場黎到，又想買黎飲，最后就買左杯櫻花味既鮮奶咖啡黎試。 呢杯櫻花味鮮奶咖啡飲落咖啡味還算濃郁，有淡淡既鮮奶香味，但櫻花味相對黎講就稍有遜色，味道好淡，幾乎無咩，而且原來櫻花味只是一種不太討好既味道。今次試完櫻花味，期待下次試埋紫薯味，希望唔會令我失望啦！

今日好忙 ， 忙到冇乜胃口 ， 不過始終都要食啲嘢 ， 如果唔係會胃痛 。本來諗住外賣買碗麵，睇下餐牌，又冇乜特別嘢想食。 行下行下經過 7-Eleven， 諗起好耐冇食過 7-Eleven嘅珍珠雞、 燒賣、魚蛋、腸粉，正啱我想食少少野嘅要求。7-Eleven 有幾個套餐，甘幾蚊，包野飲，好抵。我選左魚蛋+燒賣+珍珠雞+奶茶。魚多好爽、好大粒，咖哩汁味道幾好。燒賣唔會糊住個口，都幾好食。咖哩魚蛋汁加埋7-Eleven嘅豉油及辣椒油，非常好味。兩隻珍珠雞加埋都有一碗飯咁多份量，其實都幾飽 。珍珠雞都幾多料， 味道唔錯。

有一次去 7-eleven 買嘢飲，聽唔到 7-eleven 小食部姨姨同一個叔叔嘅對話:叔叔: 你哋腸粉究竟係邊度入貨㗎呢? 咁鬼好食，又香又滑 姨姨 : 係呀，真係好好食，好食過酒樓 ，好多 熟客成日返嚟食。我咁八卦 ，當然買黎試下啦 。腸粉一放落口，真係好滑喎 。我好鍾意食甜醬同麻醬， 唔夠可以問姨姨落多啲，落到夠為止。好正!有時我喺公司做嘢忙 ， 冇時間正正經經食lunch ，我都會去7-eleven買啲簡單點心當lunch， 佢哋嘅珍珠雞都好好食， 我會加埋叉燒包或者腸粉 ，咁就會好飽嘞。

今日又去左買7仔魚蛋啦！滋味咖喱魚蛋，7仔最近10蚊10粒，好抵食！我買左好多次😂 食左好多好多魚蛋望落已經知道好味道，我未影之前已經食左3粒，因為好餓，餓嘅時候食真係特別好食，其實7仔嘅魚蛋係我好味魚蛋list之一，佢嘅咖喱真係好唔錯，唔會辣死，又唔會令你覺得唔辣，總之呢種辣真係岩岩好，魚蛋都幾彈牙，柔軟，配埋咖喱汁，滋味無窮呀！

想食啲野又驚食得飽夜晚食唔到飯，第一時間諗到街頭小食..但係望到路邊啲三寶隔離就係馬路..唔想食塵唯有食貴版小食，要左個a餐，五粒燒賣，五粒魚蛋，一條司華力腸加埋杯熱飲：盛為＄23用亨氏既茄汁同芥末醬，醋既酸味刺激食慾，奈何司華力腸唔知係起水浸太耐抑或本身如此，脆皮唔再脆仲好un 咖哩魚蛋帶微辣即使唔食得辣既我都食到..魚蛋尚算彈牙，不過就唔太食到魚味...其實黎7-11都預左唔會食到太高質既小食，不過對於腸胃唔太好既我黎講，不過不失吧，總算醫飽個肚，撐多幾個鐘之餘又唔會食埋馬路啲廢氣落肚，仲唔使望住食物被隻昆蟲圍著跳舞😰

途經 7-eleven 買東西，忽然口痕痕便買了2串燒賣吃吃了一串燒賣，才發覺忘了影相，真笨實 ~燒賣 $14/2串燒賣蒸得過久，以致外皮有些溶爛，質感好浮好腍，沒有任何肉類的味道，只得粉皮的味道，果然獨特！PS: 我不下醬油/辣油的原因，是要嚐其原味，而且比較健康 ~本篇完 ~

Seven粉果加了價，現賣$9.5兩粒。很怕粉果皮「削」,餡起「漿」，這粉果則沒有以上問題。論味道，雖不能說得上好好味，但也算可以，加上蒸住熱辣辣，是輕量早餐的選擇之一。

The Okinawa brown sugar bun looked good so decided to try it.★☆★☆★☆★☆★☆★☆★☆★☆★☆★ Okinawa brown sugar bun:It was soft and fluffy but a little dry for my liking.The brown sugar taste was light and it was not too sweet.★☆★☆★☆★☆★☆★☆★☆★☆★☆★◎ⓢⓤⓟⓔⓡⓢⓤⓟⓔⓡⓖⓘⓡⓛ◎The bill: $1xService: OKYummy factor: okEnglish Menu: no◎ⓢⓤⓟⓔⓡⓢⓤⓟⓔⓡⓖⓘⓡⓛ◎

宵夜至好的是吃雞髀送啤酒！瑞士雞髀，不知甚麼味道，好難吃！蜜糖雞髀，少許蜜糖也不知如何形容它的味道！　黑椒雞髀，吃了兩次始終都是黑椒雞髀至正！ （１４。９元）  按７字叮熱回家十分鐘亦好燙手，甩皮甩骨的，與圖片事實不相符！ 　反而辣雞中翼，瑞士雞中翼（４隻）要＄１８。９元？！重貴過ＫＦＣ的巴辣雞中翼。。。 

為什麼要為7-11寫食評？因為它的燒賣很好吃，要讚一讚。燒賣不知在那入貨？配上甜位豉油，真係可以食好多粒呢。腸粉：只要芝麻醬和鼓油夠多我就可接受，雖然腸粉不滑，但價錢的確抵食。炒麵：比較乾身無味，非常淡口。阿華田：好希呀，就是只有啡色顏色，但全是水溝的，淡而無味。

Surprisingly enough, the snacks at 7-11 can be quite good sometimes.I think more 7-11 shops should be listed for reviews, since 7-11 have advertised with OpenRice about their new food products.In the past, I have tried a lot of different snacks at 7-11, hopefully I can find pictures for the review.Recently I tried the Salmon roll, which looks like a marshmallow, they don't usually have green items in their cooked selection.I didnt know that it came with noodles, so for $10 it was noodles and tho

巨P帶回家的甜點, 是7-11的自家品牌＜Signature＞出品。一串3粒根據指示放入微波爐叮一叮會更味美......可是我覺得叮完個皮頗韌, 芝麻味道重而內餡紫薯沒溝粉....整體來說算便宜又過足日式和果子癮