燈籠滷味 (德福廣場1期)

營業中

休息中

今日去到九龍灣附近食嘢、都好耐冇食過滷水嘅小菜、今日專登去呢一間專門店度食！呢度嘅滷水亦都係好出名、都有其他分店但係做嘢方面就揀咗九龍灣分店！呢度嘅燈籠滷水湯汁絕對係名不虛傳！陳爸爸本身係台北人，台灣總店直送被全配方老湯滷水湯！內含桂皮、花椒、甘草等10幾種中藥材、再用慢火熬製而成！鮮味而回甘！自選二款滷味：雞翅膀、豬大腸蔬菜選擇咗蘿蔔、另外嘅小食選擇咗鵪鶉蛋！完全索晒滷味嘅汁，彈滑非常好食另外選擇咗王子麵，滷味嘅汁完全滲晒入去王子麵！真係非常出色！雞翅膀大大隻有兩隻！飲品今次揀咗凍既荔枝紅茶拼珍珠，朋友揀咗熱嘅黑糖紅茶！飲落去微甜岩岩好另外今次都叫咗佢地餐廳新出既產品：蜂蜜雞扒蔬菜班戟拼薯條套餐：估唔到蜂蜜雞扒入面都有芝士、食落去鹹甜交集！口感好特別，再加上班戟比較博身，唔會好似漢堡麵包咁食落去咁飽！但反而係好事咁樣冇咁容易食滯個胃！九龍灣偉業街33號德福廣場一期一樓F23號店燈籠滷味（九龍灣店）

德福開咗燈籠滷味，想食吓台式滷水都方便～鎮店八寶呢個已經包咗好多餸😌有牛筋肉、蜂巢牛肚、雞翅膀、甜不辣、百頁豆腐、大豆皮、白蘿蔔、高麗菜。貪心嘅me仲追加咗玉米筍、黑木耳～ 記得以前喺台灣啲夜市食過，食呢啲滷水一定係要配王子麵🙂‍↕️ 佢哋嘅滷水微甜～ 全部配料都滷得好入味～ 除咗肉之外仲有蘿蔔同高麗菜，口感豐富啲之餘又營養均衡啲面頭佢哋仲會滲上咗蔥花同埋酸菜，呢個係optional，可以揀唔要，加咗嘅話就更加香口配咗阿里山黃金夕陽果茶，用檸檬汁、橙汁、綠茶調配嘅台式飲品，酸酸甜甜在加綠茶，食落就冇咁油膩夜市香酥雞扒古早滷肉飯雞扒炸得酥脆，仲要Juicy～ 配滷肉飯，最鍾意腦汁食飯，所以呢個滷肉飯就啱晒口味，而佢哋嘅滷肉都唔會太肥～夠蒜台式香蒜腸一樣係必定要食嘅嘢，最鍾意食過嘅台式腸，配蒜片更加香口

呢晚同老公食飯，想食台灣菜🥢決定食行經呢間的燈籠滷味📍-餐廳有1和2人套餐，以便當及拌麵為主打🥣適合單人或和伴侶／朋友一同享用！ 而且仲會有餐前小菜同飲品🍹-老公揀左夜巿香酥雞扒配手工烏龍麵🍜雞扒大大塊，表面炸到金黃，肉質仍然保持嫩滑。烏龍麵較粗身❗️配料十足😁-我就揀左甜醬香蔥油豬軟骨配海苔醬香拌飯🍚豬軟骨吸收甜醬的精華，豬軟骨大小容易入口，送飯一流😋-飲品方面，老公點左蜂蜜荔枝紅茶🍹荔枝味濃，為解渴之選！ -我說點左冷泡白桃烏龍，適合飯後消走油膩感✅-餐廳裝修時尚，環境乾淨。係個冷氣凍咗少少⚠️

首先職員以二人同行套餐優惠$215叫人入去試咁啱經過見到，覺得應該都唔差，連餐牌都冇特別仔細咁望入就去坐低坐低睇返餐牌先知道九成嘅嘢都係要加錢先食到咁都冇辦法，入到嚟當試一試叫咗一個飯同一個滷味個飯啲肉炸到好乾返去散修修然後個滷味不過不失，只係唔夠熱（當然同台灣不能比）另外，個鹽酥雞真係炸到硬到石頭咁真係非常失望到埋單時職員話俾我聽冇$215呢個優惠🙄我個牌係咁寫佢話會員九折俾我嗰一刻我覺得自己俾人呃咗入嚟唔想喺度糾纏就快快脆脆埋單走人算至多無下次🥲我覺得有冇優惠其實都唔重要最重要係好食但真係好難食未試過食一間咁難食嘅台灣嘢希望持份者可以見到呢啲信息去改善食物質素問題如果唔係喺呢一個市道下相信好難繼續生存落去

同朋友去咗 燈籠滷味，佢哋嘅二人套餐真係抵食，$238 包咗兩個主食、一個小食同兩杯飲品。呢度主打台式滷味，啱晒我哋呢啲鍾意滷味嘅人。🥢我哋點咗滷味「內在之美」，入面有豬大腸、豬耳朵、麻吉、燒、金針菇 同 黑木耳，配埋烏冬。滷味滷得好入味，特別係 大腸，滷到啱啱好，唔會太韌，食落去有陣陣滷水香，惹味。豬耳朵 軟硬適中，咬落去爽脆但又唔會太硬，滷汁滲透得均勻。至於 麻吉，外層嘅滷汁令到佢帶有少少鹹甜味，內裡煙韌，口感獨特，配埋烏冬，烏冬吸哂滷汁嘅精華，食落去特別香滑，好滿足。🥢另一個主食係 滷味「台灣至尊」，有 雞翅膀、黑輪條、凍豆腐、鳥蛋、大豆皮 同 空心菜。雞翅膀 煮到嫩滑，滷汁滲透到每一吋肉入面，食落去有種鹹香味，真係食完一隻想再嚟一隻。黑輪條 同 凍豆腐 吸哂滷汁，特別係 凍豆腐，吸滿咗汁，咬落去係滿滿嘅滷味精華。空心菜 清新爽口，係配搭得啱啱好嘅蔬菜。🥢小食🔅甘梅香脆地瓜條呢個地瓜條炸得好脆，外層仲灑上甘梅粉，食落去有股獨特嘅梅子香味，食咗幾條之後完全停唔到口。🥢茉香奶綠 同 冬瓜茶。茉香奶綠 帶有陣淡淡嘅茉莉花香味，奶味唔會過重，飲落去有層次感。冬瓜茶 就係台式經典，甜度岩岩

中秋節當天下午在九龍灣附近, 晚上就到燈籠滷味吃晚餐, 嘉義燻茶鴨 $119配古早滷肉飯, 還附有滷蛋及椰菜, 前菜有醃青瓜、自家秘製酸菜及黃瓜漬物, 很醒胃.  燻茶鴨為整隻鴨脾, 燻得入味, 又啖啖肉, 吃得很滋味夜市燉排骨湯 $78配海苔醬香拌飯, 排骨湯足料好味滋潤桂圓紅棗蜜 餐+$25真材實料, 甜度適中墾丁大街 餐+$18為特調飲品, 由橙汁、西瓜汁、葡萄柚汁, 再加氣泡水, 再加上青檸檬及面層的葡萄柚粒, 賣相吸引這間食店的餐份量十足, 性價比高, 而且店員友善又有禮

你！滷！味！改左個令人印象深刻既名 幾醒😏產後第一次出街食 嘩 差啲網上平台都唔曉用🙂‍↕️⍥ 台灣至尊 ❙ $78配料睇落幾豐盛 有雞翼、凍豆腐、魚餅條、鵪鶉蛋、腐皮、通菜等 選擇左台灣王子麵對我黎講食落偏鹹少少 （不過滷水汁係鹹架啦🤣）無咩太大驚喜 不過不失 印象唔會好深⍥ 甜醬香蔥油豬軟骨便當 ❙ $78便當既米飯有兩款選擇我揀左唔洗加錢既海苔醬香拌飯另一款係滷肉飯 要+$3豬軟骨份量適中 肉質軟稔 主要以甜味為主餸飯係無敵架 並附上兩小碟漬物😌整體幾岩我胃口⍥ 花生醬·花生·火腿·起司蛋餅 ❙ $58我本人非常鍾意食台式蛋餅幾乎係必點菜式 賣相夠靚仔餡料好爆😍有勁量香甜細滑既花生醬火腿芝士蛋 鹹香中帶點點甜味配搭無得輸 可惜外層蛋餅overcook？所以係韌！！唔脆架！ 美中不足囉⍥ 黑糖燈籠珍珠奶茶 ❙ 跟餐$18史生每次食台菜都鍾意嗌杯珍奶黑糖果隻獨突香氣幾出眾珍珠煙韌有彈性 係好稱職既肥仔水😉

掛住台灣都吾洗即刻飛奔過去，黎一轉燈籠滷味叫一份台式滷味就醫好你既思鄉情懷😋鎮店八寶有齊鐘意既食物：牛筋肉、蜂巢牛肚、雞翼、甜不辣、百頁豆腐、大豆皮、白蘿蔔、高麗菜，一大碗好豐富😍 最鐘意食有嚼口既蜂巢牛肚同又嫩又滑既百頁豆腐😗手工烏龍麵Q彈Q彈口感好正😊燻茶鴨味道咸香，又有啲油脂香，味道吾錯😋冰爽既啡雪奇緣其實係一杯濃郁榛子咖啡☕️🧊 面頭仲有奶蓋又有雪糕，好正👍🏻 夏天飲返杯好爽皮😝

食飯食得早，唔洗排排隊今日突然興起，去到九龍灣覓食，6點半多少少就落到決定食呢間台灣野！店鋪內光鮮亮麗，同埋好多燈籠，十分特別。我同老竇坐低就一眼相中2人套餐，咩都有得食，2個主食，一個小食，又有野飲主食方面我地揀左台灣至尊配烏龍麵 同埋 內在之美配王子麵一齊睇下台灣至尊有咩：鹵水雞翼，黑輪條，凍豆腐，烏蛋，大豆皮，空心菜。我最中意食雞翼，因為我有毛有翼😂講笑 另外內在之美有：大腸 豬耳 麻吉燒 金針菇 黑木耳。 大腸同埋豬耳真係要大推！小食揀左蛋餅，不得了，我覺得係必叫了，好好味d 肉鬆，同埋好飽啊飲品係雪糕荔枝蘆薈氣泡水 同埋 台味奶茶，感覺身處台灣了

最近都喺九龍灣出沒 呢間餐廳環境光猛 上次嚟過坐得幾舒服 同朋友再試多一次 今次可以叫多啲餸試下😬二人同行 $238滷味「台灣至尊」有雞翼 黑輪條(魚卷) 凍豆腐 鳥蛋(鵪鶉蛋) 大豆皮 空心菜(通菜) 王子麵 (+$1)除咗雞翼略嫌滷得唔夠腍身 其他我都幾鍾意🫰🏻 通菜滷得剛剛好 上一次椰菜反而煮過龍🧐平時重口味嘅我 食咗兩次 都覺得呢度嘅滷水偏咸 兩次食到最尾都頗難受🥹 值得一提嘅係 佢地嘅辣椒油好香💕 可以問職員拎蜂巢牛肚「古早香菇滷肉醬」拌手工烏龍麵蜂巢牛肚滷得唔錯😋 入味之餘 有咬口 烏龍麵粗身Q彈 好大碟 香菇滷肉醬就唔係好食得出😂 反而麻油味好香 佢嘅日式蘿蔔及紅薑有記憶點 幾開胃啖啖肉鹽酥雞配山葵醬拼脆炸粗薯條 (+$8)鹽酥雞份量都幾多 啖啖肉 可惜無任何經典/特別鹽酥味🤯 就係單純炸雞粒😞炸物炸得乾身 狀態唔錯冷泡白桃烏龍大大包茶包 香濃清新 送走油膩感 推薦💯台味奶茶 加珍珠 (+$5)台味奶茶係唯一比較淡嘅項目 無茶味 比較似旺角街邊小食店賣嘅廉價奶精奶茶 失望👎🏻珍珠係無糖煮嘅 欣賞奶油芋泥、肉鬆、起司蔥抓蛋餅$62經典手抓餅加上雞蛋 煎得香脆 唔錯🫡 切起有

今日喺九龍灣德福廣場嘅《燈籠滷味》，享受咗一頓好好味嘅台灣餐！😍🍽️首先試咗 **豬軟骨「甜蔥香醬油」拌QQ刀削麵**，軟骨嫩滑，醬油香氣撲鼻，搭配QQ彈嘅刀削麵，真係絕配！🍜✨跟住係 **滷味「內在之美」**，入面有大腸、豬耳朵、麻吉燒、金針菇同黑木耳，仲有Q彈嘅手工烏龍麵，味道層次豐富，真係一口接一口停唔到！😋🍄然後係 **啖啖肉鹽酥雞**，配埋山葵醬，外皮酥脆，肉質鮮嫩，真係炸雞控嘅最愛！🥢🍗 而且旁邊嘅脆炸粗薯條都令我欲罷不能，完美嘅搭配！🍟飲品方面，我點咗 **古早冬瓜茶**同 **茉香奶綠**，清爽嘅口感令我心情愉悅，特別啱呢個夏天！🥤☀️最後，甜品係 **芋芋冰奇脆**，入面有香芋雪糕、芋圓、地瓜圓、黑糖珍珠、紅豆同脆脆，令我整個人都融化喺呢個甜蜜嘅滋味入面！🥰🍧 而且 **燈籠芋見你**，滿滿嘅芋圓同地瓜圓，搭配仙草同黑糖，簡直係夏日必試嘅清涼甜品！🌈💖總括嚟講，燈籠滷味每一道菜都令我驚喜連連，絕對值得一試！下次仲會再嚟！

朋友話介紹我地佢最近常去的食堂, 地點係德福廣場一期, 九龍灣港鐵站上蓋, 好方便。餐廳名叫 [燈籠滷味], 原來係新開無耐。係門外睇左一陣餐牌時, 讚一讚在店外的職員, 有禮又熱情。餐廳採光度高, 裝修簡潔, 而且好乾淨。餐牌食物種類多, 有散叫, 有1人及2人套餐, 便當及拌麵只係$73起, 而且位於大型商場內, 真係超值。朋友成日食, 仲介紹埋我可以DOWNLOAD佢的APP, 可以儲分換食物我同朋友揀左2人餐$238 :主菜: 滷味 – 雞翅膀, 黑輪條, 凍豆腐, 鳥蛋, 大豆皮, 空心菜配台灣王子麵 +$1主菜: 滷味 – 大腸, 豬耳朵, 麻吉燒, 金針菇, 黑木耳配QQ刀削麵 + $4小食 : 甘梅香脆地瓜條飲品 : 凍台味奶茶, 阿里山黃金夕陽果茶 +$8甜品 : 燈籠芋見你(冷) + $28上菜速度好快, 難怪人流會咁多, 未到7點都坐滿人, 而且職員多, 好快手。甘梅香脆地瓜條即炸即製, 上枱時仲熱辣辣, 地瓜條好甜, 好脆口。滷味 – 雞翅膀, 黑輪條, 凍豆腐, 鳥蛋, 大豆皮, 空心菜配台灣王子麵好鍾意食王子麵, 彈牙又好味。佢的湯好濃郁, 配埋咁多材料好豐

聞名不如一見，今日終於試到啦！之前想試呢間好耐不過都冇機會，今日試咗佢嘅蛋餅再加佢嘅套餐果然佢將啲牛都整得好腍好好食！啲拌麵都好彈牙，好有台灣嘅風味啊！本來呢排都好想去台灣！佢嘅價錢都好合理！好推薦大家去試吓

路過見到台灣菜啊,入去試下,叫咗幾耐野食 圖片吸引，實際嚟到就知己經中伏,牛肉麵冇乜湯都算,問題係一啲都吾好食🥲未食過台灣野咁難食,有興趣既人試完就知,叫完食咗幾啖要走人！價錢方面又吾係平,真係九份飽都好過佢😅😅真係絶對無下次！

比我發現咗😍燈籠滷味2人套餐，好抵食✨2人套餐包括2款主食＋1款小食+2杯飲品$238我哋揀咗🩷呢2款主食 💫滷味「台灣至尊」-雞翅膀、黑輪條、凍豆腐、鳥蛋、大豆皮、空心菜（通菜）配手工烏龍麵- 滷味味好香，所有配料吸哂湯汁好味💫 夜市香酥雞扒「麻辣麻醬」拌手工烏龍麵- 雞扒外皮炸得酥脆，雞肉軟嫩，配麻辣麻醬非常惹味💫小食：涼拌滕椒魚皮醋香木耳真係好好味，滕椒好香，辣得好過癮，魚皮爽脆💫飲品古早冬瓜茶，冬瓜味濃；蜂蜜荔枝紅茶，不太甜荔枝味清新