影片
港鐵奧運站 D1 出口, 步行約7分鐘
繼續閱讀
營業時間
星期一至日
08:00 - 19:45
以上資料只供參考, 請與餐廳確認詳情
初嚐「燒味滷師」外賣，HK$22雙拼飯抵到爛！♥️看到有人龍，買「燒味滷師」外賣，價格真的很便宜！單拼只要HK$20，雙拼只要HK$22！我試了燒肉+叉燒雙拼，份量很足，只可惜沒有一條菜。不過我忘了要蔥油，下次再試看看。整體來說，雖然不是非常高質，但對得起這個價錢！再查看OpenRice, 發現有很多分店！馬上分享了這著數抵食之選給親朋戚友，大家都驚嘆今時今日仲有HK$20飯盒！支持小店繼續擴張，開多點分店，方便各區市民可買！
繼續閱讀
真係唔好講笑，每個人真都有惰性，我當然唔例外啦~ 尋日先講完掛住睇波無時間煮飯，點知今日又係同屋企人掛住睇波，所以都係無時間買餸，不過唔緊要啦，好又一餐唔好又一餐，求其食的野啦~ 今日趁放早，早啲係附近睇下有啲乜嘢可以今晚食，其實有時喺街買小菜都真係幾抵，返去淨係煲少少飯咁就一餐~ 揸車經過屋企附近見到有間燒味舖，諗諗下都有一段時間無乜點樣食燒味，所以口痕都想食返餐，下午茶時間人流都唔係好多啱晒我慢慢揀，求其泊咗架車之後，就走去問個師傅有啲咩好介紹，佢話：「燒味、燒鵝同埋鹽焗雞都比較多人食。」 對於食肉獸嘅我，當然唔會放過啦，同埋呢啲燒味可以放多一、兩日，咁嗌多少少都無所謂啦，見到佢掛起啲燒鵝又真係幾靚，既然咁首先要咗一份燒鵝上庄，上庄因為啖啖肉有口感，所以就最啱我。之後諗住嗌半隻切雞，不過師傅話鹽焗雞剛剛出爐熱辣辣可以試下，既然咁講梗係試下啦，食得燒味當然唔少得要埋叉燒啦，見佢啲叉燒都燒得幾靚，咁就要試下啦。以前年青時候間中會去中環X記食佢個肥燶叉，不過人大咗驚膽固醇超標唯有忍下口，最後要咗半肥瘦就算。臨俾錢嗰陣時見到凍櫃入面都有啲小食，有海蜇、泰式鳳爪同埋手撕雞，本身我都想要埋手撕雞，不過頭先嗌咗鹽焗雞無理由雞全部都係雞㗎，最後要個無骨鳳爪止下口痕算。俾錢埋單時全部嘢加埋都係$230蚊，下~ 有無咁平呀，平時半隻燒鵝最少都要$200啦，呢餐真係抵到爛，俾完錢拿拿聲揸返架車返屋企煮定飯等開餐。返到去第一時間就梗係影下相俾屋企人睇下啱唔啱食先啦，回覆居然全部都買得啱~~~ 呵呵呵~ 咁開心既時間自己都唔小心偷食一、兩嚿，味道果然係燒鴨嘅價錢，燒鵝嘅質素，抵到爛!!! 點解咁講，首先試個鹽焗雞時仲熱辣辣，嚿雞髀肉勁香既鹽焗味，而且肉質鮮嫩多汁，絕對唔嚡口，你哋睇相見到啲雞皮就知零舍入味。之後再介紹個叉燒，叉燒半肥瘦有一兩嚿係肥燶叉，梗係神不知鬼不覺放入口啦，嘩~ 蜜味勁香濃而且半肥瘦，肉質新鮮肉嫩，一啲騷味都無，下次要再買多少少先得。跟手到燒鵝啦，老實講真係寧願俾多少少錢都要食鵝而唔好食鴨，因為真係兩個世界，佢呢隻燒鵝皮脆肉嫩肉質唔嚡口，淨係食呢幾樣嘢就知道呢間燒味店啲師傅手勢相當唔錯。由於屋企得我一個食鳳爪，所以下午茶時間開罐啤酒食埋佢，呢個無骨鳳爪酸酸辣辣勁惹味而且份量又多，真係送酒一流。記得嗰個職員講過呢排抗疫價，燒味先至有優惠，不過諗真啲呢個價錢同質素出面真係好難搵到，所以嚟緊過時過節同屋企人做節都可以去呢一間加料，絕對係超值好食之選。
繼續閱讀
去開富榮花園，吾想煮晚餐，想叫外賣返屋企食見到呢間燒味店裝修企理，menu又多選擇，一於試下！叫左幾款招牌燒味！燒鵝叫左下庄，好夠肉厚，皮脆！配合佢個酸梅醬一流！鹽焗鷄好抵食呀！$45有半隻！葉得啱啱好，吾會太咸，有埋沙薑點，好夾味！叉燒係偏甜既叉燒，適合鐘意甜少少既客，夠淋身，燒得幾好！酸辣鳳爪一向好鐘意呢款小食，呢間整得幾好，甜酸適中！埋單$240非常抵食，食物質素又好，仲有幾款未試到，得閒再幫襯！
繼續閱讀
燒味滷師 (富榮花園) (旺角)📍旺角海庭道16號富榮花園1期地下B號舖🤍去開旺角富榮花園呢邊見到新開左呢間燒味滷師 ，見今晚又無咩餸，即刻決定入黎加餸！新年亦快到，大家都可以黎燒味滷師加加餸！👍🏻至尊燒鵝$110配埋燒鵝汁，d肉唔會太老，買黎一家人送飯一流👍🏻泰式鳳爪最緊要係無骨鳳爪，唔洗煩，又唔會太辣，一定要叫 👍🏻客家鹽焗雞半隻鹽焗雞唔會太咸，好有雞味，送飯一流👍🏻燒味佬叉燒記得叫半肥瘦，多汁🥱
繼續閱讀
有日行街經過旺角富榮花園嗰頭返屋企前阿媽話唔係好夠餸即刻去咗燒味滷師斬料加餸叫咗半隻燒鴨 （下庄) $120燒鵝皮夠脆 肉都燒得好入味呢個價錢食到咁嘅質素絕對係性價比夠晒高又叫咗半隻客家鹽焗雞 $35雞肉夠晒嫩滑$35啖啖肉🤭🤭1斤叉燒 $40😲半肥瘦啱啱好肥嘅應肥瘦嘅應瘦🫣個醬汁都好味泰式鳳爪一盒$45估唔到燒味店都有鳳爪食酸酸辣辣，好惹味啱哂買番去俾媽咪食二百幾蚊就夠成家人食❤️🥰😚屋企人都好開心
繼續閱讀