燒房焗 (已結業)

之前試過兩次午餐, 包括原條鰻魚和油甘魚鮫 set 等 ,超大件又 juicy, 超正超滿意😍.  此店選用日本米而烏冬非常彈牙, 朋友讚口不絕. 於是這次改吃晚餐.  一直欣賞此餐廳有誠意, 不會用便宜貨, 連木筷子也很有心思, 實在難得.本來想試麻辣滷水豬手, 因需戒口, 沒能吃實在可惜, 因得知此豬手非經常有得吃🙋‍♀️ (此乃後悔一). 二人行的我們共點了七款食物, 包括: 炸雞, 串燒雞腎,串燒雞軟骨和燒茄子 , 蔬菜鍋, 油甘魚鮫和炸龍蝦餃子.炸雞非常好食, 今次乃第二次吃, 質數保持, 滿分👍🏽. 粉漿剛好包, 一點也不厚. 雞件咬口非常 juicy. 相信是雪藏雞, 記得蘇絲黃說過, 無論雪藏與否, 凍肉弄得juicy 好味, 就是本事👍🏽. 串燒至3月尾買一送一, 超抵, 所以共叫了三款. 雞腎較硬可以不試, 雞軟骨可以. 至於燒茄子, 我喜歡初心小館原條燒茄子多一點😅.  其後, 才見到隔鄰兩檯均叫了原條燒栗米, 大條且燒得好靚, 真後悔沒 order, 況且現時買一送一, 超抵 (此乃後悔二)!蔬菜鍋湯鮮甜, 連湯全部掃光. 湯滿意, 非死甜, 有蔬菜的鮮甜!油甘魚

見佢出左午餐，終於走左去試～依排無左辣撈麵，於是叫左吉豬池魚咖喱餐，上碟擺盤又靚又豐盛，炸物炸得夠脆，唔油，肉唔乾，池魚好厚肉，幾好味。餐既菜份量都好足好新鮮，感覺健康左，咖哩汁偏湯咖喱，連飯食濕濕地幾好。80蚊無加一，包老火湯同野飲，飲品選擇都算多，今日既老火湯係螺片湯，住家湯既味道，無味精，幾好，不過細碗左dd，唔夠喉😂知自己食唔曬，叫左少飯，結果都有剩飯，食完成個餐都好飽lu，下次會試埋佢其他菜式～

無意間發現這家居酒屋竟然也提供午市套餐，今天就趁機試試他們的Lunch Set。咖哩紅衫魚陳皮魚旦牛栢葉蝦籽粗麵 $80雖然這是一家日式居酒屋，但他們的咖喱卻是香港式的，香濃而濃郁。魚蛋質量很高，吃起來帶有濃厚的魚鮮味和陳皮的風味，完全不同於一般的魚蛋。再加上爽口的牛栢葉和芽菜，增添了口感的豐富度。粗麵有著適中的嚼勁，與咖喱汁完美搭配。辣度大概是五個小辣的程度，適合喜歡微辣口味的人。午餐套餐還附送真・老火湯和飲品，真材實料。就灣仔這個地方來說，這絕對是一個高CP值的選擇。

今日下午，叫了兩個豚肉生薑燒飯，一個原味，一個有咖喱汁。原味的，老公食到有兩塊肉有酸宿味，吐咗。之後大家食欲大減，擔心肚痛，都無咩點食餘下的。最後同店家反映，答話廚師試過無事。咖喱味的，咖喱汁多到浸滿啲飯，好難食。豬肉估計是雪肉片，解凍後變壞。講真都唔似生薑燒製法，唔知是求其炒熟定烚熟，無薑味，而且肉質唔林。真係唔知質素及廚藝點差點做飲食。還有個老火湯，味道唔錯，但每人一小紙杯仲要唔滿。80元一位完全唔值。中伏！

夜媽媽11點先喺新界出返來市區, 晚餐都未食~又唔想食粉麵飯咁飽肚出左糧💵💰梗係食啲好嘢啦! 辣忍起🌶️🌶️🌶️爆粗雞翼同🍜阿媽唔認得麵必定返兜😋今次狀態好好多, 成隻食得哂👍🏻不過係辣到食完即刻傷風鼻咁聲🙈因為係自己一位, 坐喺個吧枱來..又冇電視📺睇, 老闆娘勁nice🥰見其他客人走得7788冇咁忙~拎左個ipad出來借俾我煲下劇來過兩次, 還境都好舒服。比起同類型餐廳闊落好多超推薦燒日本蠔🦪! 配啤酒一流😍個after taste喺個喉嚨度幾分鐘嗰種感覺, 用文字真係表達唔倒咁正

以前係大坑嘅燒房焗搬左黎灣仔， 只做夜晚宵夜場， 位置比較隱蔽，經過見到就入去試下。但強力建議大家食飽先好黎。主要係飲野吹水嘅地方。坐低就要你先嗌飲品先可以嗌野食。♡ Asahi $88♡ 七色茶 $48茶可以揀凍或熱， 飲完可以再加水，都幾大個杯♡ 麻辣燙 $112必須揀3款配料，我地揀左娃娃菜（$18）、鵝腸（$38）、豆卜（$18）、頂級蝦子麵（$38）。 份量係細碗， $18得2粒豆卜， 蝦子麵係永樂麵家， 似車仔麵， 辣度無得揀，花椒味重， 後勁較強， 味道的話好食。♡ 炸雞6件 $88炸雞size 大過粒豆卜， 有肥肉， 偏日式南蠻炸雞， 個皮唔脆， 話可以夾住d菜食， 但我覺得分開好d。♡魷魚 $48串所有串燒寫住每串都要計人頭， 我地2個人所以2串起😅 我食串燒想食多d款， 咁屈我嗌多d, 生意難做呀。 魷魚好鮮彈牙，一串有3隻， 食到軟骨，個醬都好夾， 腳唔會燒到太燶。♡ 沙嗲牛肉 $38串試返個是日special，同樣要2串起， 但上菜有點失望， 牛肉好細粒， 沙嗲醬有好多花生， 不過份量真係細d。食完個麻辣燙最後辣到胃痛， 同埋餐廳播d日文歌好煩好洗腦🤪

. [🇭🇰香港- 灣仔].初訪 - 隱世高質港式燒烤店✨“燒蝦仔” (仲要超多膏🤩) 同 “燒雞翼” 大隻到嚇親😱 成隻前臂咁長, 仲要燒得超好味😋另外必食: 👉🏻 麻辣魚皮 (圖3)👉🏻 雞皮餃子 (圖4).🔻🍽 燒房焗 📌 地址: 灣仔謝斐道313號地舖.#tummysreadyatwanchai #tummysreadyforhongkongstyle #tummysreadyforyakitori

好耐以前幫襯過一次，對佢哋嘅燒雞翼又愛又恨，愛嘅係佢真係燒到剛剛好，皮脆肉滑，仲有一滴滴肉汁流出來。恨嘅係真係等得太耐 ，入席即下單，差唔多埋單先燒出嚟。好啦，依家佢只做預約，仲要先下單入數先確認有冇枱，諗住會快啲啦，到頭嚟都係要等。咁究竟值唔值得呢？我犯賤，俾我再揀都係都要嚟，因為我真係好鐘意食佢隻燒雞翼。今次仲試埋佢隻阿媽唔認得麵lv.2, 真係唔講得笑，我自認食得辣都投降，好難想像有人食到lv.10🥵

本人叫了一個套餐，2680，網上已經付款，入到餐廳叫侍應唔該斟水，侍應叫我自己斟啦，下！一啲服務都無，之後好快上菜，食物總括一般，沒有咩味道，但最嬲的係份牛扒，我要六成熟廚師話沒有只有七成熟，好吧就叫七成熟，點知一出來嘅牛扒就是這樣的，我問侍應牛扒是這樣嗎？她叫了廚房出來，男人說七成熟嘅牛扒要銷住肉汁係咁的，而家咪做到你嘅要求七成熟囉，我頂！自己煮嘢煮燶咗還要諸多藉口嗎？呢啲係一個廚師應有嘅態度嗎？$2780嘅套餐已經不算平服務質素又差，麥當勞嘅漢堡包塊牛扒，好食過他多多倍，呢啲餐廳遲早執笠，真係不知所謂

星期二的晚上，訂了這間新開張的燒烤小店。用餐前已經要選擇號當天的菜式，同埋要預先付款。當日訂咗夜晚7:00，準時到達，餐廳會按照時間上菜，我食緊嘢嘅時候再加單都得，不過需要比較耐嘅時間準備。餐廳行日式溫暖嘅裝修，俾人舒服嘅感覺。一開始嚟咗啲送酒小菜，比較有驚喜嘅係麻辣東風螺，店員放低已經叫我哋要吮埋個殼，個麻辣香味，好好食，亦好入味😋😋😋燒油甘魚餃，好有驚喜，外皮燒到好脆，入面仍然保留魚的滑，魚油香好好味😋😋😋雞肉軟骨串粘住蛋漿食，配搭幾好。餐廳比較特別嘅係，有挑戰辣度嘅感覺，呢條喪標粟米，食咗幾粒已經頂唔順，個人比較唔食得辣，食咗幾粒已經飲咗半杯啤酒，如果怕辣又想挑戰嘅話，餐廳有鮮奶提供🤣🤣🤣朋友食完之後辣到講唔到嘢🤣🤣🤣除咗串燒之外，有麻辣燙選擇，今次試咗鵝腸牛柏葉同豆腐串，個麻辣好香，亦好入味，推薦👏🏻👏🏻最後試埋蟹黃撈蝦子麵，食得出係新鮮拆肉，蟹膏，連埋蟹油同個面好夾，超級好味，亦唔會太鹹。總括嚟講，成餐飯每樣嘢都好味嘅，不過價錢太貴，人均消費當日接近$600，久唔久食一次都OK嘅😅😅😅