燒洒一族 (南昌薈街市)

營業中

休息中

行完山之後好攰，朋友介紹呢間燒味好得，於是晚餐買外賣試下。即叫即斬，仲可以幫手加熱👍🏻🐖 慢煮醬烤豬肋骨（大）$58翻熱食好正吖，啖啖肉又好咬，醬汁惹味唔會太鹹，推薦💯🐖 自家製燒腩仔 $45做到皮脆肉嫩，味道鹹香，唔會好多肥膏我鍾意👍🏻🐓 香草法式燒春雞 $65好香口，而且份量十足。平日我唔食皮，因為驚肥，但呢度嘅雞肉肉質鮮嫩，連皮食都唔會覺得肥膩🙌🏻🐓 酒醉雞翼尖 $30脹卜卜又幾大隻，幾好肉地，充滿酒香味～臨近晚餐時段都好多街坊嚟買，見佢哋好多都會買豬手，下次再試埋先🤤

經過見到櫥窗好吸引，西式燒味又幾特別，一於買幾樣返去試下。阿姐會幫手斬件，而且可以加熱👍🏻🔸德式燒豬手（大）$88見到係招牌，就梗係要試下啦。份量十足，層皮好酥脆有咬口，肉質鮮嫩，帶有鹹香味。呢個真係食唔停口，推薦💯🔸蒜香南乳燒春雞 $65呢個就相對健康啲，同樣份量好多，雞肉肉質嫩滑細緻，調味唔會太重口味，送飯一流👍🏻🔸酒醉薰蹄 $45呢款係酒醉系列嘅熱賣之選。薰蹄大大片爽口彈牙，肉味香濃，非常入味😋 凍凍地好適合夏天食🧊阿姐態度唔錯～ 見到豬肋骨好似好正，下次要試下😋

平靚正燒味😋😋有時屋企煮食真係諗唔到食乜，最好就係斬料加餸，諗少樣😂😂⭐️燒腩仔份量唔少，拎到番屋企食，皮仍然脆卜卜😋😋肥膏同肥比例啱啱好👍🏻👍🏻價錢仲要唔貴，值得推介！⭐️慢煮醬烤豬肋骨呢個醬甜甜的，整得好好味，送飯一流👍🏻肉好入味而且腍身，好味😋⭐️酒醉薰蹄一樽樽咁買，幾得意，而且密封咗，唔驚倒㵼啲汁而又保存得更好更入味👍🏻👍🏻薰蹄好爽口，大大舊，好開胃！⭐️酒醉雞卷大大舊，啖啖肉，值得encore 👍🏻以後煮飯諗買餸無咁頭痛，加啲燒味又一餐😂😂😂😂又有個好選擇！

去街去夜左 決定斬料番屋企 煮條菜就食得飯😆 宜家嘅街市 唔再局限於傳統嘅燒味店啦😏 今日就去左燒洒一族加餸 佢哋真係有好多新選擇 仲好抵食🤤我哋就揀左黑糖烤豬頸肉 自家製燒腩仔 慢煮醬烤豬肋骨同德式香腸👅 可以店內幫忙加熱即食 或者番屋企自己加熱都得🤓 由於番屋企唔係即食 所以夜晚我用氣炸鍋稍為加熱德式香腸 而豬頸肉 燒腩仔同豬肋骨就放左入焗爐🤩 黑糖烤豬頸肉一份超多 每一塊都帶少少肥 食落好正😋 加熱後加上表面嘅黑糖令豬頸肉焦香好好食👍🏻 自家製燒腩仔加熱左係脆皮架😍 半肥瘦肉質食落超嫩 高質😋 慢煮醬烤豬肋骨醬汁甜甜辣辣 慢煮烹調手法控制得剛好 一d都唔會老 送飯一流😝 德式香腸一份3條可以試哂3款口味 個人最鍾意食香草味🥰除左以上食物 佢哋仲有多款新式食品 例如燒豬手 燒春雞 仲有多款酒醉系列嘅涼拌小食😝 想加餸不妨一試 有多個街市都有分店架🌟

今晚放工斬料加餸🤤傳統燒味食得多啦，今次試吓新式美式燒味呢間新式美食燒味有燒豬手、燒春雞、烤豬肋骨、黑糖焗叉燒、五花腩、燒腩仔、雞髀、鴨胸，仲有德式香腸等等慢煮醬燒豬肋骨 $58 (大)BBQ醬燒豬仔骨好入味 啊味道甜甜地又唔會好油膩豬肋骨肉質嫩滑🤤唔會燒到乾爭爭 啱晒鍾意啜骨嘅朋友香草法式燒春雞 $65春雞肉質嫩滑，春雞比一般既雞細隻都滑啲春雞用香草🌿醃到入哂味 好香啊！雞皮燒到脆口唔油膩雞脾超嫩滑，好正啊！燒味飯都好抵食呀 只係$30烤雞髀飯香草烤雞好香啊，雞脾肉好滑，一啲都唔鞋身白飯底加蜜糖豉油，好滋味！

好耐以前已經試過一次呢間燒味店😅 主打新式燒味既佢比起傳統燒味店更整潔👍🏻口味亦都更加多元化🌈 價錢抵食外賣加送係超好既選擇😋⭐️ 鹽花烤一夜乾 🐟上次見唔到既新品就即刻試一試‼️ 超有日本料理燒物既風味🇯🇵 魚既肉質滑得黎有口感🌊 簡單既鹽燒唔會太重口味😛⭐️ 醬燒豬肋骨 🐷估唔到肋骨其實都好多肉食🤣 咬落Juicy 燒汁帶甜送飯不錯🍖⭐️ 原隻香草燒春雞 🍗燒過既雞肉唔乾唔柴🐔 香草味帶歐陸既Fusion感 🌿

🐷 深水埗 南昌 燒洒一族上次同朋友食過燒洒一族，大家都超鍾意😋！ 經過南昌薈街市一於再覆桌，拎返屋企孝敬屋企人😚 真係超好味！🐽 外脆內嫩【 脆皮德國豬手】🍖 德式燒豬手（$85/隻）德式燒豬手嘅做法同中式嘅燒肉好相似，所大以成為燒洒一族嘅招牌😋 豬手肉質嫩滑，外層超級脆！🤩 上次買咗$95多到食唔晒，超抵食！今次買$85，都好滿足！個皮勁脆，肉質嫩滑，鹹鹹香香，我鍾意配埋蜜糖芥末醬😭💓🍺 冷盤小食【 醉品系列】🍳 酒醉溏心蛋 （$18/盒）醉酒系列係燒洒一族嘅另一招牌，係佢哋自家研製嘅，市面比較少見😍 主要用杞子、花雕酒同鹵糟浸泡，超入味😋又再覆桌溏心蛋！真係好正！本身酒味都好夠，今次再呢加一包酒汁，更爽😋🍖 慢煮醬烤豬肋骨（$58/大）豬肋骨用慢煮技術調製，入味之餘肉質嫩滑，燒烤醬甜甜哋，又好香口💓🐷 自家製燒腩仔 （$45/條）爸媽最愛燒腩仔，呢條肥瘦適中，鹹香十足，大家都好滿意😆

經過街市見到呢間有賣中西式燒味嘅鋪頭。傳統既燒味店通常都有燒鴨、叉燒、燒肉同切雞之類，燒洒一族就有好多西式產品例如燒豬手、燒春雞、燒豬肋骨等等，大家以街坊價都可以食到好味既烤焗食品，佢地定期仲會推出新款式同新味道喎。店面擺滿大大隻嘅豬手、豬肋骨、雞脾等，睇見都流哂口水，作為食肉獸嘅我當然唔會錯過。德式燒豬手(大)$98買咗隻大燒豬手，師傅將佢斬開成一口size，方便食用。豬手肉鹹香味美，肉質又嫩滑，個外皮好脆身又煙韌。慢煮醬烤豬肋骨(珍寶)$68另外買咗條珍寶豬肋骨，個特製既醃製韓式醬汁比起傳統既燒烤醬汁多左d甜酸感，蜜味香濃，均勻咁搽喺豬肋骨嘅表面去慢烤，肉質夠腍之餘仲入哂味又唔會乾身。酒醉燻蹄 (半隻)$38除咗燒味亦都有唔同款式既酒醉冷盤可以買走。一打開酒香撲鼻，燻蹄酒味香濃，豬皮部分入口爽彈，膠原充足。酒醉雞卷 $38雞卷用雞皮包住雞肉，嫩滑入味，每一啖都有淡淡花雕嘅幽香。。。燒洒一族 (深水埗)深水埗西邨路19號南昌薈街市地下5號舖。。

👉已經有好幾年冇嚟過，當日十室九空嘅南昌商場，今日已成為人財兩旺嘅《南昌薈》～ 上層商場、酒樓，下層街市。👆行過街市，見到《燒洒一族》啲燒味啱啱出爐立立令，樣樣都好似好正，忍唔住要買啲試吓😉.📌 慢煮美式豬肋骨（珍寶）$68 ～ 燶邊豬肋骨肥瘦適中，甘香肉嫩，蜜味香甜，條條都好多肉😍食唔停！📌 法式香草燒春雞 $65 ～ 一打開已經香草味撲鼻🤗雖然一般食雞都會去皮，但啲香草喺晒雞皮度，雞皮超薄又唔肥，走不了🤤。。。雞肉juicy冇雪味～～雖然佢話係春雞，但比一般春雞都大隻👍👉呢Set美式A+B = $108, 豬肋骨由大轉「珍寶」+ $10，所以$118💰～ 好味又抵食！😋