影片
以上資料只供參考, 請與餐廳確認詳情
今日7:30左右入座，鋪頭多客，得5、6張檯，每張檯2-4人，我地兩個人7:38落order，d野食8:30先開始上，每食一樣嘢食就要等5-10分鐘，上左兩樣嘢之後大概8:45，我地好友善咁問下店員我地既蠔開始燒未，點知廚房個人聲大夾惡咁呼喝出黎：「唔好再吹啦！」我地等左個幾鐘先食到兩串嘢，問下兩隻蠔開始燒未姐，又冇大聲，又冇diu你，咁惡做咩先。好啦，之後再上鹽燒牛舌腩，我頂！果3粒仔又乾又孩又鹹既牛舌，$48蚊都算，仲好等咁耐咁難食！d泰式豬頸肉又燒到碳咁！我地已經吞聲忍氣，孜然燒蒜茸茄子又淡，唔夠火候！唔夠味！我覺得係浪費食材浪費左條茄子！黑豚肉韭菜卷又燒到乾爭爭！真心我自己燒都好食過佢多多聲！今次真係食到間垃圾！食物劣難食！服務態度惡劣！極有效率！仲要唔係平！又唔係多人食都咁串嘴！真係超級失望，食得好唔開心！食尼間？不了！
繼續閱讀
約在新蒲崗工作的老友飯聚，看到燒烤堂的食評不錯，決定試試。一去到店裡看到現場環境，說真的，我的胃口都沒了。但想想既然來了還是試試。雞泡魚乾是每次燒烤必點，份量頗多，燒得香口但有點過乾。啤酒買一送一，啤酒杯也是冰過的，這個細節要稱讚👍保障啤酒由內到外的冰涼。朋友最愛吃芝士年糕，熱辣辣拉絲，口感糯軟，加上外面薄薄一層的煉奶，是晚最佳。雞皮墨魚滑夠創意，雞皮脆口，墨魚滑溜，一口雙重口感。黑豚肉韭菜花，肉香韭菜花很嫩。我們其實叫了桂花蜜糖本地番茄沙拉，但來了這個生菜青瓜芫茜沙拉，店裡一直只有我們一桌客戶，我們也沒叫他們換，決定照吃算了🙈我覺得一般，幸好朋友喜歡，沒浪費😬燒茄子剛剛好，不會過熟，蒜蓉味十足。Prime牛小排滿嘴油香。安格斯牛肉粒沒啥味道兼過熟。燒淮山有驚喜，爽脆清甜。雞翅膀略嫌不夠入味。牛油果也是最愛之一，第一次看到有燒牛油果，一定得試試，上面一層芝士很香濃，牛油果微熱，還是覺得冷吃更吃得出Rich的味道。焦糖鰻魚芝士玉子燒，有吃到脆脆的焦糖甜味，玉子偏乾。可能是第一次看到幾乎沒有差評的食評，所以滿心期待變成失望，食物還可以，年輕店員也熱情詢問食物和不和胃口，但環境的確需要改善，我整晚都努力不看向對面那兩對凌亂的鞋子🙈畢竟環境也非常影響胃口的😬
繼續閱讀
新蒲崗好多食店，五光十色選擇，這間燒烤堂玻璃設計，見到入面有好多懷舊擺設，幾得意喎，串燒又可以慢慢食住傾偈，又可以送酒。 蒜茸茄子成條開邊燒就最正，方便食又方便落調味料，哇好多蒜，夠晒重口味啱晒我 台灣雞泡魚乾送飯必備啦，軟身又有焦香，有咬口添 大虎蝦肉質彈牙，肉多，加芝士鹹蛋黃醬燒過，鹹香惹味，正 自家肋免治雞肉棒燒得少少焦香，雞肉嫩，有口感羊肉串麻辣味重，又香又辣孜然味重夠惹味，一啲都唔羶食完食舊菠蘿，又冰又有焦糖面，解辣又清甜
繼續閱讀
燒烤其實近年都好流行，成行成市，但要特別既真係無幾多間，最近就試左間係新蒲崗既燒烤堂，因為網上評論非常好，所以就去試下。去到鋪仔細細，坐位好少，勁迫，有得坐出面，但得一兩張枱，好彩我吾係早去，都有位坐。食物款式都好多，而且好特別，老闆對食應該都好有要求，同埋係日式既款式做主打，我地叫左雞皮，牛舌，海蝦，燒蠔，多春魚，金菇等等，全部即叫即燒，我明白要時間，但真係等好耐，9個字先黎第一樣食物，啤酒都飲左3支，自問趕時間，吾洗諗，食物質素高，全部食材都好新鮮 。最後差吾多食左2個鐘，賣單2個人食左400幾，吾算太貴，但食物份量真係好少，好少，好少，會再去食，但等第2日放假先。最後一樣野，店員好無禮貌，我第紙落單，佢叫我等一等之後縮手。
繼續閱讀
天氣涼涼地，自不然想起食串燒。屋企附近有呢間燒烤堂，裝修幾懷舊。手寫餐牌：鹽燒牛舌腩（$48）、鹽燒赤雞頸肉（$20）、汁燒赤雞心（$18）、汁燒赤雞肝（$18）：牛舌腩夠厚身，入口好有肉感；日本無激素走地赤雞，幾個部位都可以做串燒，汁燒惹味，鹽燒就更原汁原味。雞皮墨魚滑（$38）：本以為平平無奇的串燒，一咬下去非常有驚喜。雞皮脆身，包住彈牙的墨魚滑，一人食幾串都得。燒蒜蓉茄子（$32）：茄子非常香蒜蓉味，食串燒必點！最後有泰式鹽燒馬友魚（$168），魚肉軟熟，泰式醬汁酸酸地好夾。
繼續閱讀