燒烤屋 (已結業)

行咗一輪商場，時間差唔多，好多餐廳都陸續收檔，唯獨呢間燒烤屋係少數仲做緊生意嘅餐廳，所以我地都決定坐低試下。串燒嘅價錢唔算貴，亦都唔算抵食，而味道亦都好普通，可以話所有串燒都係同一種味道醬汁既味道，無乜特別，當填飽個肚就算～反而甜品Crepe就比較吸引，鮮雜果忌廉朱古力味 HKD30 香蕉朱古力味 HKD24可麗餅餅皮嘅厚度啱啱好，唔薄唔厚，食落好煙韌，只喺無乜蛋味。個人比較鍾意鮮雜果忌廉朱古力味，粒粒嘅水果肉配上香濃軟滑嘅忌廉同朱古力脆粒 口感豐富，味道多元化之餘，又唔會顧此失彼。相比之下， 香蕉朱古力嘅味道就顯得有啲單調。

Tiramisu CrepeHK $28Crepe 有 20 款，我就揀左 Tiramisu 款。不過餐牌上嘅圖與實物有差距，味道亦只係一般。餡有忌廉、朱古力醬同一件普通嘅原味蛋糕。對於依個 Tiramisu Crepe 完全失望 😪 我諗唯一好就係 Crepe 夠煙韌。

好耐無食過呢間野啦本來想叫 tiramisu 味 試下但發現原來係舊朱古力蛋糕仔唔係tiramisu黎所以無叫到叫左 芒果派對 $28 好食丫個皮又夠脆 正如果再多d芒果就更好

女友請食...好啦點左個什果雲呢拿雪糕crepe share,整餅果陣阿哥仔揮揮手唔比影相我fine,即刻收埋電話，好啦點知整餅果陣唔知有心定無意啦 一野枝cream 飛哂d cream過黎！！攪到我同女友成身都係！！！點知個男整餅哥仔！一句sorry都冇！！全程冇反應！！完全冇歉意！！喂起碼都講聲sorry啦下話！基本禮貌都冇！幾好食都係假啦男同事唔該自己注意下喇！本來想過黎投訴你既！而家當比次機會你 ！

收工經過一田見到間可麗餅好吸引，所以就決定買個試下口味有鹹有甜，都幾多選擇！仲可以睇到佢製作過程煙三文魚牛油果可麗餅，賣相一流而且都好大件下生菜同青瓜作為配料，好新鮮煙三文魚份量好多，基本上食到最低都仲有煙三文魚但牛油果真係好少，淨係見到佢加左好薄好薄既牛油果茸

行行下一田口痕嚟試下呢間想試好耐嘅日式串燒次次食都係食隔離嘅pancake ，咁次第一次叫小小試下叫咗串雞軟骨同一串三文魚墨魚串雞軟骨原本竹籤頂仲有多舊，但係佢燒燒下係咁甩個員工係咁嘗試fix住佢但係都唔成功，最後掉咗慘慘總括黎講燒得幾香，雞軟骨用少少鹽釣味已經好夠對另外個串期望大啲燒嘅時候店員搽咗幾轉燒汁，燒完完全係逼哂三文魚啲油出嚟，好多汁好食三文魚啱啱熟，幾嫩滑，不過包住三文魚嘅墨魚位就差少少，如果燒多陣會好啲

平日好少去沙田，因為太多人，次次周末去都人山人海。但每次去新城市都一定會過一田食串燒屋。呢間野我都食左好多年，佢隱身喺超級市場出面嘅food court，一邊賣串燒，一邊賣crêpe。講返串燒，佢價位唔高，十幾廿蚊串，推介煙肉年糕，口感煙煙靭靭，配上醬汁甜甜地加咸咸地煙肉，必推。另外，佢個燒牛舌都好食，十幾蚊串當然唔係厚燒日本牛舌貨色，雖然佢薄薄地，但勝在醃得好入味，好重咸香，食多幾串都唔漏。仲有墨魚咀都可以一試，咬入口爽脆、不過就冇咩味。order完串燒後我通常都會行入超市買埋野飲慢慢嘆！

我之前有一兩次喺度食鹹嘅可麗餅嘅。 今次想食甜啦，最後一刻就揀咗意大利芝士餅可麗餅啦。但係我攞上手嘅時候就後悔買咗呢個，因為佢係得一舊比較苦嘅朱古力蛋糕擺咗入面， 好素又好苦。 佢唔係放一個知意大利芝士蛋糕放入去，而來放類似brownie嘅嘢入去，再加pat cream。 我想睇佢整個地方都冇意大利芝士蛋糕，咁佢點樣整到呢個可麗餅呢？就發現與原來放啲玻璃樽入面嘅 朱古力蛋糕入去。同埋呢我食ge時發現呢，因為佢煎得個餅熱熱哋嘅，跟住放落張紙度，張紙會黐住咗，有少少麻煩。如果俾我揀過我寧願食番鹹ge可麗餅又或者係有生果同雪糕喺入面既可麗餅

好耐無出街食飯啦…今晚要放肆下食完Hungry Korean未係好飽行過一田見到幾吸引, 又食過吞拿魚沙律可麗餅 $32可麗餅即叫即整不過一整完就即夾生菜吞拿魚可麗餅一D都唔脆, 淋晒😖仲痴住左張紙, 好失望

沙田是發展完成，不假外求的衛星城市，西貢沒有東西，沙田全部都已擁有，不過沙田配套比西貢完整，不等於住在沙田甚麼好的美食都可以即時品嘗。今日在沙田試食，竟發新城市廣場人流不絕，但特式食肆屈指可數，價錢甚貴。大型連鎖經營食肆充斥在廣場内，甚至在日資百貨公司内，可以選擇的餐廳不乏名稱為人熟悉的店舖。最後我在美食廣場內選擇光顧一間以日式串燒為主的食店。串燒店旁邊就是賣可麗餅的店舖。可麗餅店恰巧與串燒店相連，難怪一眾在開飯網的同行們介紹此店多以可麗餅為主。香燒牛肉串賣$16，雞肉串則賣$9。店員稱在燒烤時已搽上調味料，所以食時沒有提供任何醬汁，如沙爹醬或辣椒醬都沒有。其實我以前吃串燒時或有醬汁如沙爹醬提供，此店的服務質素似乎有點……至於串燒，味道只是一般，只吃到串燒上醬汁味，熱度只屬中等，跟我在西貢吃到的差得遠。

在一田有點肚餓，口痕買了個味饒一家支持了很多年的crepe。味媽選了鹹的火雞沙律crepe。crepe皮煙韌，一般作甜品，但其實配上鹹的餡料也毫不違和。火雞與照燒汁異常搭配，加上生菜，感覺很豐富清新，味道有層次。味饒作為tiramisu控，當然要嘗嘗tiramisu crepe。煙韌帶微甜的crepe配上tiramisu的cream和一小塊朱古力蛋糕自然是穩當必勝的組合。唯一可挑剔的就是朱古力蛋糕太鞋和太乾，朱古力味也不夠香濃。另外就是朱古力醬會隨着地心吸力流到最底，吃到最後一口時便會甜到膩。但以$26的價錢可止一止味饒的tiramisu癮，還有煙韌的crepe，這家還是值得推介的。此家crepe只有5款鹹味選擇，其餘全屬甜品。你還可加錢要雪糕球🍦。味哥哥的最愛是香蕉朱古力🍌，味饒試過這經典組合也覺很讚店舖在food court內，繁忙時間人頭湧湧，想找個位坐下好好享受一下的味友要失望了。味饒一般會買了crepe後到附近一條通往帝都酒店的天橋上吃，人夠少，但就要忍耐一下站一站了。

在新城市同兩個小朋友食完晚飯，飽飽哋......但如果話再食甜品，haha~當然無問題la~(有第二個專放甜品的胃嘛!) 睇吓!! Crepe 有噉多款配料可以選擇，有甜的、有咸的、有凍的還有熱的......真係花多眼亂!我們有選擇要求的：飯後甜品 (要甜的)  還有要熱的 (因為有個小朋友有幾聲咳.....但還是想偷食)最後.....我們買了份暖笠笠的香蕉朱古力Crepe一齊食，落了order後，可以隔住塊玻璃窗睇住店員即整的。咦!見到旁邊有位家長同小朋友一起食緊Crepe，係碟上的。  (碟上小朋友比較容易食wo~)所以我也即刻開口問店員，唔該!我也想用碟上.....可以嗎? (好彩我們的還未做好，最後成功用碟上)暖笠笠的香蕉朱古力Crepe 香蕉好香呀!還有店員落的忌廉和朱古力也恰到好處，不會太甜! 而且我們用碟上，她們就唔會食到好「論盡」la~ 

在名店林立嘅沙田新城市廣場，要找好吃又唔太貴嘅甜品，『燒烤屋』隔壁的『Crepe House』一定幫到你！位於沙田新城市廣場第三期Food Court嘅『Crepe House』售賣嘅Crepe與一般嘅Pancake略顯不同，皮比教薄，而且皮的面積比較大。筆者今回就同友人嚐了綠茶Crepe（$34)同提拉米蘇Crepe($26)。綠茶Crepe中嘅綠茶雪糕味道香濃，綠茶的苦與雪糕的甜配合得天體無縫，而綠茶雪糕下的cream略顯不夠冷，但仍不損前者的風味。相對而言，提拉米蘇Crepe就不值一試。首先，Crepe中的提拉米蘇非常乾扁，完全沒有正常提拉米蘇該有的鬆軟感；其次，可能店員用完後忘了把Cream放進雪櫃，Crepe中的Cream已經開始水化，變成糖漿，與提拉米蘇混合在一起，非常噁心。

d雪糕好好味！ 同雀巢果d唔同😂😂😂班戟皮好味 亦大塊！買左雜果味 d果都唔甜，不過d cream都蓋到既。我fd買左鮮雜果雪糕味 寫住有雜果 但係唔知點解得雪糕 冇水果... 咁就32蚊..覺得葵廣間班戟抵d！ 但係一田同埋葵廣都係有分別既！ 可以再試！

很久沒來這裡吃crepe了，以前通常食吞拿魚班㦸，因為懷念八佰伴年代foodcourt的味道，但今次試試新意思，吃我最喜愛的士多啤梨雪糕crepe，這裡有幾張高櫈給客人用餐，我剛好坐在可以看著店員整班㦸的位置，一邊吃一邊看，吃了一口雪糕，士多啤梨真的清甜，很香，再吃有很多cream配小小生果，班㦸甜度剛好，他們的雪糕雪得很硬，所以就算夾在新鮮整出來的班㦸也不會太快溶掉，真的好好味